სოფლის მეურნეობის სამეცნიერო კვლევითი ცენტრი, სურსათში ტყვიასთან ასოცირებული რისკის შეფასების ანგარიშს აქვეყნებს.

გარემოს დაცვის ეროვნული სააგენტოს მონაცემებით, დასავლეთ საქართველოს დიდი ქალაქების ნიადაგების უმეტესობაში, ტყვიის შემცველობა გამოვლინდა.

აბაშა, ბათუმი, ზესტაფონი, ზუგდიდი, ოზურგეთი, სენაკი, ფოთი, ქობულეთი, ბოლნისი – ამ ქალაქებში, რამდენიმე ადგილიდან აღებული ნიმუშებიდან უმეტესობაში, ტყვიის შემცველობა დასაშვებ ნორმას აღემატება.

განსაკუთრებით პრობლემურია, ბოლნისის რაიონი და სენაკი.

სენაკში კვლევისთვის 5 ნიმუში აიღეს, აქედან ტყვიის შემცველობის გადაჭარბება ყველა შემთხვევაში დაფიქსირდა. (კერძოდ, ქალაქის ხიდთან, რუსთაველის ქ. #113; კოსტავას ქ,#39 I სკოლასთან; პარკის მიმდებარე ტერიტორიასთან; სადგურის მიმდებარე ტერიტორიაზე.)

ბოლნისის რაიონში კი, ტყვია ზღვრულ დასაშვებ კონცენტრაციაზე მაღალი, სამთომომპოვებელი კომპანიის RMG-ს მიმდებარე სოფლებში გვხვდება, რომლებიც მისგან 0-10 კმ რადიუსით არიან დაცილებული.



კვლევაში ვკითხულობთ, რომ ტყვია განიცდის მიგრაციას ნიადაგში და საბოლოო ჯამში ადამიანის ორგანიზმში ხდება მისი დაგროვება. ამიტომ, საგულისხმოა ის ფაქტი, რომ ბოლნისისა და დმანისის რაიონებში ტყვიის მატების მაღალი ტენდენციაა, რაც გამოწვეულია კომპანია RMG-ის სამთო მოპოვებითი საქმიანობით.

2014 და 2017 წლების მონაცემები, საიდანაც ნათლად ჩანს ტყვიის კონცენტრაციის მკვეთრი მატება ამ სოფლების ნიადაგებში.
აღსანიშნავია, რომ ტყვიის შემცველობა ნიადაგში დასაშვებ ნორმას არ აღემატება წყალტუბოში და ფოთში, თუმცა ამ უკანასკნელში, ტყვია ნიადაგში დასაშვები ნორმის ზღვარზეა.

http://fortuna.ge/tyviit-gajerebuli-qartul...oba-fiqsirdeba/