არვიცი რამდენად კარგები ან ცუდები ვართ მაგრამ ვთვლი რომ ჩვენ განსაკუთრებულები ვართ
19 თებერვალი – 20 მარტი
ზოდიაქოს 12 ნიშანი.
წყლის 3 ნიშანი
4 ცვალებადი ნიშანი.
მმართველი პლანეტა – ნეპტუნი.
ბედნიერი რიცხვი: 7 და ყველა, რაც 7-ზე იყოფა.
ასტროლოგიური სიმბოლო: ორი თევზი, სხვადასხვა მხარეს მცურავი.
ასტროლოგიური ფერები: ზღვის ტალღისფერი, ბაცი ლილისფერი, ლურჯი, ფოლადის ფერი და მოწითალო–იისფერი.
ასტროლოგიური თვლები: საფირონი, მარგალიტი, ამეთვისტო.
თევზი განაგებს ჰოროსკოპების მე-12 სახლს.
თევზები ძალიან მგრძნობიარე, გულისხმიერი ადამიანები არიან.ცდილობენ სწორად მოქცევას, მაგრამ ხშირად არ ყოფნით ნებისყოფა. უჭირთ გადაწყვეტილების მიღება.
არ უყვართ ენერგიული მუშაობა, არ არიან მებრძოლნი, ურჩევნიათ იტანჯონ, ვიდრე იბრძოლონ თავიანთი უფლებებისთვის. ურჩევნიათ დინებას მიყვნენ, იმის ნაცვლად, რომ საკუთარ თავზე აიღონ ინიციატივა და იმოქმედონ. მზად არიან დაემორჩილონ ბედს. თითქოს ზეზეულად სძინავთ.
აქვთ ტანჯულის კომპლექსი (კარგად ირგებენ და თითქოს შვებას პოულობენ მასში).
მუდმივად მერყეობენ პესიმიზმსა და ოპტიმიზმს შორის. ხშირად ეცვლებათ ხასიათი და ერთი უკიდურესობიდან მეორეში ვარდებიან, რითიც მძიმე მდგომარეობაში აგდებენ ადამიანებს, რომლებიც მათ გვერდით ცხოვრობენ ან მუშაობენ.
ისეთი სიჯიუტე ახასიათებთ, რომ ადამიანებს უჭირთ მათთან ურთიერთობა, მათი გადარწმუნება.
თევზები ნაკლებად ამბიციური ადამიანები არიან, თუმცა მათი უმეტესობა მრავალმხრივი შემოქმედებითი ნიჭითაა დაჯილდოებული. მათგან ხელოვნების ნებისმიერი დარგის საუკეთესო წარმომადგენლები გამოდიან.
თევზების იუმორი – ერთ-ერთი ფარული საბრძოლო იარაღია. ისინი ხუმრობენ, რათა დამალონ ცრემლები. მრავალი სატირისა და კომედიის ჟანრის სახელგანთქმული მსახიობია დაბადებული ამ ნიშნის ქვეშ.
თევზებს მომხიბვლელი ქცევები და სხვების მიმართ კეთილგანწყობა აქვთ, რაც წარუშლელ შთაბეჭდილებას ტოვებს ადამიანებზე.
როგორც წესი, არიან მგრძნობიარე, შთაბეჭდილებიანი, გულთბილი და სხვებზე დამოკიდებულნი. აქვთ ძალიან ძლიერი წარმოსახვა.
უმეტესად ოცნებების სამყაროში ცხოვრობენ. ქრონიკული მეოცნებეები არიან.
რეალობა იმდენად აშინებთ და არ შესწევთ უნარი თვალი გაუსწორონ მას, რომ იქმნიან ილუზორულ სამყაროს და თავდავიწყებას ეძლევიან, რითიც ცხოვრებისეულ, რეალურ პრობლემებს იგროვებენ. აქედან მომდინარეობს საშიშროება, რომ რეალური ცხოვრება ჩაანაცვლონ _ თამბაქოთი, სასმელით, ნარკოტიკებით, მძაფრი გრძნობებითა და შეგრძნებებით. ასევე, შესაძლოა ცხოვრებისეული პრობლემებისგან დასამალად თავი შეაფარონ წიგნებს, რელიგიას და ოკულტურ სწავლებებს.
ამ ნიშნის ზოგიერთი წარმომადგენელი სიყვარულის მწვავე მოთხოვნილების გამო, შესაძლოა გარყვნილებას მიეცეს, მაგრამ თუ ეს ყველაფერი პრობლემების დაძლევაში არ დაეხმარა, შესაძლებელია ოკულტურ პრაქტიკებამდეც კი მივიდნენ.
მათთვის სიყვარული _ ბედია. ამ სფეროში დახელოვნებულნი არიან და მუდმივი სურვილი აქვთ, უყვარდეთ.
მათ უანგარო სიყვარულის უნარი შესწევთ. არიან თავგანწირულნი, ძალიან მიმდობნი, თბილი და მგრძნობიარე. ვერ ამჩნევენ საყვარელი ადამიანის ნაკლს. სიყვარულითვის ყველაფერზე წავლენ, მაგრამ შემდგომში, ვეღარ პატიობენ პარტნიორს თავიანთ დამცირებას. ვერ იცავენ ზომიერებას. თუ პარტნიორი არ ჰყავთ თავიანთ სიყვარულს ბავშვებზე, მშობლებზე, ახლობლებზე ავლენენ, ან ძაღლი და კატა აჰყავთ.
თევზები დაბადებით მედიუმები არიან. იმდენად კარგი წინათგრძნობა აქვთ, რომ სასურველია მის რჩევებს ვენდოთ (თავის თავს ვერ შველიან თორემ, თქვენ გონიერ რჩევებს მოგცემენ).
ძალიან ფაქიზი ფსიქიკა აქვთ, ამიტომ ოკულტურ სფეროში აუცილებელია სიფრთხილის გამოჩენა, რათა ამან სამომავლოდ ფსიქიკასთან დაკავშირებული პრობლემები არ გამოიწვიოს, ან არ გახდნენ სხვების მხრიდან მანიპულირების მსხვერპლნი, რაც ხშირად ემართებათ.
თევზებს არ უყვართ კითხვებზე კონკრეტული `კი` ან `არას ` თქმა, ურჩევნიათ თქვან _ `შეიძლება~.
საერთოდ, ვინმესთვის `არა~-ს თქმა, მათთვის დიდ პრობლემებთანაა დაკავშირებული. თითქმის ვერასდროს ამბობენ მას დროულად, რის გამოც ბევრი ადამიანი სარგებლობს მათი სისუსტეებით. მათთვის აუცილებელია `არას~ სწავლა! ცხოვრებაში უფრო მტკიცე და გაბედული პოზიციის დაკავება.
მიუხედავად იმისა, რომ თევზები მორიდებული და მორცხვები არიან, თუ ყელში ამოუვიდათ, გაბრაზებაც შეუძლიათ.
მკაცრი რეჟიმები და დისციპლინა მათთვის მიზანშეუწონელია, ყოველთვის უნდა ჰქონდეთ თავისუფლება.
დეპრესიულ პერიოდებში თევზების ჯანმრთელობა არასტაბილურობით ხასიათდება. ცუდი კვება მათი ღვიძლის მდგომარეობასა და საჭმლის მომნელებელი ორგანოებზე აისახება. ზოგჯერ მათ ფეხებისა და ხელების დაავადებები უვითარდებათ. ასევე ხშირია გაციება, გრიპი, ფილტვების ანთება, თუმცა თევზებს ძლიერი შინაგანი მდგრადობა აქვთ დაავადებების მიმართ.
თევზებმა თავი უნდა შეიკავონ სხვადასხვა ტიპის დამამშვიდებლებისა და მატონიზირებელი საშუალებების მიღებისგან, რადგან ამას უფრო ზიანის მოტანა შეუძლია მათთვის, ვიდრე სარგებლის. მათ სხვა მეთოდებით უნდა შეძლონ თავიანთი ფაქიზი ფსიქიკის ჯანმრთელობის მდგომარეობის გაუმჯობესება.
თევზებს სურვილი აქვთ ჰყავდეთ ძლიერი მფარველი და სწორედ ამიტომ ხდებიან საოცრად რელიგიურები. ვის შეეძლება ღმერთზე უკეთ მათი დაცვა?
ასევე, მათ შვებას ჰგვრის ნიღბის ტარება, რათა ვერავინ დაინახოს მათი რეალური სულიერი მდგომარეობა, ფაქიზი, შთაბეჭდილებიანი ბუნება. მაგრამ, აქაც არის საშიშროება, შესაძლებელია ეს ნიღაბი ისე შეეზარდოს მათ სახეს, რომ მათი მეორე `მე~ გახდეს.
საერთოდ, ამ ნიშნის ადამიანებს კულისებს მიღმა ქმედებები, სექტები, საიდუმლო საქმიანობა და საიდუმლო ორგანიზაციები აინტერესებთ.
მათთვის დახმარება _ ერთ-ერთი უმთავრესი ინსტიქტია. თევზებს სხვების გაგების, თანაგრძნობის უდიდესი უნარი აქვთ.
ტიპიური თევზები არასდროს ზრუნავენ საკუთარ თავზე. ენერგიის უდიდეს ნაწილს ნათესავების, მეგობრების დასახმარებლად ხარჯავენ და მალე თვითონვე იწყებენ მათი პრობლემებით ცხოვრებას.
მიდრეკილება აქვთ თავიანთი თავი ბრმად მიუძღვნან განურჩევლად ყველას. უფლებას აძლევენ სხვებს ბოროტად გამოიყენონ მათი სიკეთე და კეთილგანწყობა, სამომავლოდ კი ტვირთად დააწვნენ მხრებზე, მათი სათრევი და მისახედნი გახდნენ.
ასევე, მათი ნაკლია ის, რომ ზარმაცები (ინერტულები) არიან და უყურადღებოდ ექცევიან საკუთარ თავს და ყველაფერს, რაც მათ გარშემო ხდება. ურჩევნიათ დატკბნენ საკუთარი თავის მიმართ სიბრალულით, ვიდრე ენერგიულად შეუტიონ პრობლემას და სიტუაცია სათავისოდ მოატრიალონ.
უნარი აქვთ ირგვლივმყოფებისგან იზოლირებაში მოექცნენ და სრულიად ქაოტურ უწესრიგობაში იცხოვრონ, თუმცა ეს მათ ახლობლებს უფრო აწუხებთ, ვიდრე თავად მათ.
თევზებს არ აწყუხებთ ამბიციები, თითქმის არასდროს ისწრაფვიან ძალაუფლებისკენ და სხვა ადამიანების ხელმძღვანელობისკენ, ისევე, როგორც არ ისწრაფვიან არც სიმდიდრისკენ, ეს ყველაფერი მათ არ აინტერესებთ. უბრალოდ თევზები კარგად გრძნობენ ფულის დროებით ხასიათს. მათ არ უნდათ იყვნენ მილიონერები, მათ სურთ იცხოვრონ, როგორც მილიონერებმა. ეს მათი ფილოსოფიაა.
თევზებს უდარდელი დამოკიდებულება აქვთ ხვალინდელ დღესთან დაკავშირებით. მათ უმეტესობას არ შეუძლია ბრძოლა ან დინების წინააღმდეგ ცურვა, რომელშიც იმყოფებიან. მათთვის უფრო მისაღები და დამახასიათებელია დინების მიმართულებით ცურვა, ვინაიდან ამას ნაკლები ძალისხმევა სჭირდება. არ აქვს მნიშვნელობა, სად მიიყვანს დინება. სწორედ აქ ხვდებიან საკუთარი ხელით დაგებულ ხაფანგში, ყოველივე ამის ფასი _ დაკარგული ცხოვრებაა.
მათ არანაირი შეზღუდვა არ ადარდებთ ცხოვრებაში, თუ ეს ხელს არ უშლის მათ დინების მიმართულებით ცურვაში. მათ არც სხვა ადამიანების აზრი აწუხებთ. ეს საერთოდ ყველაზე გულგრილი ნიშანია მრავალ მნიშვნელოვან საკითხებთან მიმართებაში. ძალიან ცოტა რამეს შეუძლია აიძულოს თევზები იმოქმედონ.
რასაკვირველია, არ შეიძლება ითქვას, რომ თევზებს საერთოდ არ აქვთ ხასითი. თუ ვინმე ძალიან შეეცდება, მათ შეუძლიათ იყვნენ სარკასტულიც და ენამწარეც, მაგრამ ტიპიური თევზები ყველაზე ნაკლები წინააღმდეგობის გზით სიარულს ირჩევენ.
თევზებს უყვარს წყალი და საერთოდ, სითხე. თუმცა არც ალკოჰოლურ სასმელებზე იძახიან უარს და გადამეტებული ოდენობით მოიხმარენ მას (ზოგჯერ ნარკოტიკებსაც), რაშიც შვებას პოულობენ, დაცულობის ილუზიას იქმნიან და დროებით თავდავიწყებას ეცემიან. თუ ისინი დროულად ვერ შეძლებენ ამ მავნე ჩვევების გაკონტროლებას, შესაძლოა ამან ძალიან ცუდად იმოქმედოს არამარტო მათ ჯანმრთელობაზე, მთლიანად ცხოვრებაზეც, ბედზე, ვინაიდან ძალიან გაუჭირდებათ ამ ილუზორულ `კეთილდღეობასთან~ განშორება.
საერთოდ, თევზებში ყველაფერი ილუზორულია. ისინი თავიდანვე იბადებიან სურვილით, ყველაფერს ვარდისფერი სათვალეებით უყურონ. მათ კარგად იციან, რომ ცხოვრებას არასასიამოვნო მხარეებიც აქვს და ამიტომ თავის ფაქიზ წყლის სამყაროში ცხოვრება ურჩევნიათ (მერე რა, რომ ხშირად ის ილუზორულია? ან ალკოჰოლის დამსახურებით შექმნილი?)
მართლაც, საშინელებაა, თვალი ადევნო, როგორ ეფლობიან ეს ადამიანები თავიანთ ვარდისფერ ოცნებებში, რომლებსაც განხორციელება საერთოდ არ უწერიათ.
როდესაც ცხოვრება მათ ურტყამს, იმის ნაცვლად რომ რადიკალური ზომები მიიღონ და ქმედება დაიწყონ, საკუთარ ილუზიებში პოულობენ თავშესაფარს. იმის ნაცვლად, რომ რეალურად უყურონ სიტუაციას, იწყებენ ცრუ იმედებით თავის დამშვიდებას, იმ დროს, როდესაც რაღაც გადაწყვეტილება უნდა მიეღოთ და ახალ გზას დადგომოდნენ, რაც რეალურ წარმატებამდე მიიყვანდა მათ და არა ილუზორულამდე.
ეს არჩევანი ამ ნიშანს ყოველთვის აქვს, ვინაიდან ძალიან ნიჭიერია, ბევრის მიღწევა შეუძლია, მაგრამ მათი უმრავლესობისთვის სირთულეს წარმოადგენს ის, რომ არ შეუძლია წინ ყურება.
ისევე როგორც ბუნებაში, თევზებს თვალები გვერდებზე აქვთ განლაგებული. ამიტომ ქვევით ცურვა და უკან დახევა ურჩევნიათ.
სინამდვილეში თევზები ბევრად ჭკვიანი და ბრძენი ადამიანები არიან, ვიდრე ეს მათ ჰგონიათ, მაგრამ მათი მმართველი პლანეტა ნეპტუნი ამ საიდუმლოს მათ უმალავს. უმალავს, სანამ თვითონ თევზები არ გაარკვევენ ამას.
სამყაროს მხრიდან თევზების მიმართ კატეგორიული მოთხოვნაა: გამოფხიზლდნენ, გამოვიდნენ ილუზორული სამყაროდან, რეალურ ცხოვრებაში იცხოვრონ და ისწავლონ პრობლემების გადალახვა! გახდნენ უფრო გამბედავი, მამაცი და დაანებონ თავი ყველაფერზე ეჭვის თვალით ყურებას!
ამ პირობის შესრულების შემთხვევაში მათი ცხოვრება ბევრად წარმატებით და ნათელ ფერებში წარიმართება. წინააღმდეგ შემთხვევაში, თვითონვე იქნებიან საკუთარი თავის მტრები და ცხოვრება ჯოჯოხეთად გადაექცევათ, რაშიც დამნაშავე სხვა, ან ცხოვრება კი არა, თვითონ ისინი იქნებიან!
* * *
დიდი ასტროლოგი – ევანგელინა ადამსი თევზის ნიშნის ხალხს მიმართავდა: „თევზი რომ ხართ – ეს ერთი, ორი თევზი რომ ხართ – ეს მეორე, მაგრამ, ერთი დინების მიმართულებით მიცურავს და მეორე კი – მის საწინააღმდეგოდ, ეს სულ სხვა რამაა“. ეს არის თევზის ნიშნის პიროვნების რთული ტიპი. მის ადამსი კარგად იცნობდა თევზის ნიშნიან თავის კლიენტებს.
ბევრი ასტროლოგი მიიჩნევს, რომ თევზი მთელს ზოდიაქოში ყველაზე ექსცენტრიულია. მისი მმართველი პალანეტა – ნეპტუნი – რევოლუციური, მისტიკური, რომანტიკული, ზოგჯერ შეურაცხადი, მაგრამ ყოველთვის განშორებული. მას თავისი ქვეშევრდომების ხასიათში ნევროზულობა და მოუსვენრობა შეაქვს, ხშირად თვალთმაქცობასა და სიცრუისაკენ უბიძგებს მათ.
თევზებს, ჩვეულებრივ, იტაცებს იდუმალი რელიგიები, სიზმრების ახსნა, სპირიტიზმი, ტელეპატია. როცა ნეპტუნის უარყოფითი გავლენას განიცდიან , ისინი განწყობილნი არიან, თვალთმაქცობისა და ილუზიების იზოლირებულ ქვეყანაში იცხოვრონ და ფაქტები ფანტასტიკური, მეოცნებე მანერით ახსნან. ნეპტუნის დადებითი გავლენის დროს ისინი ფსიქიკის უმაღლეს გაგებას იძენენ, რასაც კაცობრიობის საკეთილდღეოდ იყენებენ. ამ ნიშნის ადამინაები ხომ ყველაზე თანამგრძნობი და გულმოწყალენი არიან ქვეყანაზე, ამიტომ ნეპტუნი მათ სხვისთვის შეუცნობადი გრძნობების, არამიწიერი მგრძნობელობის უნარით აჯილდოებს.
თევზი ზოდიაქოს უკანასკნელი ნიშანია, ამიტომ ეს ხალხი თავის თავს უკანასკნელ ადგილზე აყენებს. ისინი უანგაროდ, ყველაფერში კვერს უკრავენ სხვებს. თევზი წლის მე–3 ნიშანია და ეს ხალხი განსაკუთებით ემოციური და თავისებურად ვნებიანია. მათი ძლიერი ემოციები და განცდები, როცა ისინი დადებითისაკენ არის მიმართული – შენების, შექმნის მძლავრი ინსტრუმენტია, მაგრამ ისინი მოსუსტებულია, მათ თევზები პიროვნების დაცემამდე შეიძლება მიიყვანოს. ადრეული ასაკიდან თევზი უნდა ერიდოს უკიდურესად ემოციურ ადამიანებს, რომლებიც მათ არასტაბილურობას ასე თუ ისე ხელს შეუწყობენ.
თევზი იდუმალების და ილუზიების ბნელ სამყაროს განაგებს. ამ ხალხს უყვარს ოცნებებში ცხოვრება, უყარს და ხშირად წარმოსახვით მოგზაურობს ქვეყნიერებაზე.
თევზს ზოდიაქოს სხვა ნიშნებზე მეტად აქვს ნარკოტიკებისაკენ მიდრეკილება.
თევზმა უნდა იბრძოლოს და თავი დაიცვას იმ ადამიანების მკაცრი კრიტიკისაგან, რომლებიც ვერ ერკვევიან მათ მისტიკურ სამყაროში. მისი სულიერი ტკივილები დიდხანს არ შუშდება. თავგანწირვა კეთლშობილებაა, მაგრამ მხოლოდ მაშინ, როცა ამის კეთება ღირს.
თევზი იშვიათად ფიქრობს შედეგებზე, სანამ მოქმედებას შეუდგებოდეს. იგი მართალი პიროვნებაა, მაგრამ ბევრს მოიგებდა, მეტ რეალიზმს, მკაცრ დისციპლინასა და პრაქტიკულობას თუ მოუხმობდა.
თევზებს მოწონთ წამებულის როლის თამაში, ამიტომ უნდა ერიდონ საკუთარი თავის შებრალებას და უპატივცემლობას. თევზი მოკრძალებული და მორცხვია, მაგრამ ნერვიული და ენერგიით აღსავსეც არის. ყოველივე ეს ერთად მას ისეთ შესახედაობას აძლევს, თითქოს მუდმივ მერყეობაში არის და არ იცის რა ქნას. მას მიდრეკილება აქვს მეტისმეტად ინერვიულოს და ყოველ წვრილმანზე დიდი ღელვა გადაიტანოს.
ამ ნიშნის ხალხი ძალზე დაბნეული და გულმავიწყიც არის, ისინი ხშირად კარგავენ ნივთებს ან ავიწყდებათ სად შეინახეს. შთაბეჭდილების ხალხია, მაგრამ ლოგიკა და თანმიმდევრულობა არ ყოფნით.
თევზი ძალიან არის დამოკიდებული იმ ადამიანებზე , რომლებთანაც ახლო ურთიერთობა აქვს. იგი ძალიან მიმნდობია და ამიტომ მათი მოტყუება ადვილია. მაგრამ, თუ მიხვდა, რომ ატყუებენ, უჩვეულოდ ეჭვიანი და გულჩათხრობილი გახდება. მისი ინტელექტი ალივით ბრიალებს, ხან ხალისიანი და გონებამახივლი, ხან კი – დუნე, ჩამკვდარი, მელანქოლიურია.
მაგრამ „თევზმა გული არ უნდა გაიტეხოს ჩემს მიერ აღწერილი ნაკლოვანებების გამო. ბევრი იყო ამ ნიშნით ხალხი, რომლებმაც ისინი დაძლიეს და სახელგანთქმული ადამიანები გახდნენ. ამ ნიშანზე არის დაბადებული: ჯორჯ ვაშინგტონი, მიქელანჯელო, ვიქტორ ჰიუგო, ალბერტ აინშტაინი, ენრიკო კარუზო, ფრედერიკ შოპენი.
თევზი უფრო იმ პროფესიებში აღწევს წარმატებას, რომლებსაც სითხესთან აქვს რაიმე კავშირი. იგი ზღვის ღელვასა და მის იდუმალებას ემორჩილება და ნავზე ან ხომალდზე დროის გატარებით აღიდგენს ძალებს. იგი რელიგიით მეტისმეტად არის გატაცებული, მაგრამ ფხიზლად უნდა იყოს, რომ ფანატიზმში არ გადავარდეს. თევზის ნიშნის ხალხი ხელოვნების ყველა დარგში აღწევს წარმატებას. მათაგან გამოდიან მშვენიერი მუსიკოსები, მწერლები პოეტები, მხატვრები, მომღერლები.
საკმაოდ უცნაურია, მაგრამ თევზი ყველაზე მეტად ზრუნავს კეთილდღეობაზე. თევზს აქვს უნარი სრულიად გამოეთიშოს რეალურ სამყაროს და ამით ბევრი თავისი მეგობარი გააღიზიანოს. თუ მართლა უნდა თავისი იდეალისტური ფილოსოფიიდან რაიმე სარგებელი მისცეს ხალხს და ქვეყანაზე რაიმე დატოვოს, თევზი უნდა მოეშვას თავის ორმაგ „ მესთან“ კუკუმალობის თამაშს. თავის თავს გარედან უნდა შეხედოს, შემდეგ კი ისე მოიქცეს, რომ ეს ბუნდოვანი სახება, უფრო მკაფიო გახდეს; ორგანიზებულობა უნდა შეიძინოს და მიზანიც ცხადად განსაზღვროს. ამის გაკეთებას თუ მოახერხებს, მაშინ შეცვლის თავისი ნიშნის სიმბოლოს – სხვადასხვა მიმართულებით მცურავ ორ თევზს, ერთი მიმართულებით მიმავალ ორ თევზზე, რომლებიც საერთო ძალით წარმატებასა და ბედნიერებისაკენ მიექანებიან.
შემოქმედება და კარიერა
თავიანთი ნატურის გაორების გამო თევზები ფლობენ საოცარ უნარს - წმინდა შემოქმედება შეუთავსონ პრაქტიკულ მისწრაფებებს. მათი ნებისმიერი გამონაგონი ყოველთვის საქმიან საფუძველს ეყრდნობა. შემოქმედებაში თევზები თავიანთ ნიჭს ერთდროულად ორი მეცნიერების ან ხელოვნების ორი ჟანრის მიმართ ამჟღავნებენ. თევზების შემოქმედებითი უნარი ყველაზე სრულყოფილად მაშინ ვლინდება, როდესაც მათ გარედან ეხმარებიან მატერიალურად. პროფესიონალური სტატუსის მიღწევა, თევზებისათვის, შემოქმედებაში დამაბრკოლებელი კი არ არის, პირიქით, წარმატებას, სტიმულს წარმოადგენს შემოქმედებითი კარიერის გაგრძელებისათვის.
ასტროლოგები თევზებს შორის ხვდებიან ხელოვნების არცთუ ცოტა წარმომადგენლებს, განსაკუთრებით მხატვრებს, მოქანდაკეებს და კინორეჟისორებს. ფაქიზი ფსიქიური ორგანიზაციის უნარი, ჩვეულებრივ, ჩინებული კარიერის მომასწავებელია ოკულტურ მეცნიერებაში, მედიცინასა და განსაკუთრებით, ნევროლოგიასა და ფსიქიატრიაში. რაც არ უნდა აირჩიოს თევზმა, იგი ყოველთვის ამჯობინებს იცხოვროს განმარტოებით, მაღალი წრის გართობისა და ხმაურიანი ფუსფუსისგან მოშორებით
ფსიქოსექსუალური დახასიათება
ზოდიაქოს თორმეტივე ნიშნიდან თევზი ყველაზე ძნელი აღსაწერია. მისი სექსუალური ცხოვრების გასაგებად თუ რაიმე გასაღები არსებობს, ეს არის ნეპტუნის გავლენა სექსის სფეროში., აგრეთვე, ნაწილობრივ, ვენერას ამაღლებული სიახლოვე, რაც თევზის ნიშნის ხალხს იდეალურსა და სულიერ ინტერესებს უღვიძებს. თევზი უყოყმანოდ დათანხმდება დაუკავშირდეს ყველა სათნოებით შემკულ ადამიანს, რომელსაც იგი მთელი სიცოცხლის მანძილზე დაეძებს და რომლის პოვნაც, მან იცის, პრაქტიკულად შეუძლებელია. სექსუალური ცხოვრების მეორე გზაა შევისწავლოთ სხვადასხვა დახასიათებები, რასაც ასტროლოგები მიაწერენ ჰოროსკოპის მე-12 სახლს. ამ სახლს თევზი განაგებს და მას ხშირად ეძახიან ფარული მტრების და დაღუპვის სახლს. მას საქმე აქვს გონების სნეულებასთან, სექსუალურ გადახრებთან, ნარკომანიასთან, იმპოტენციასთან. იგი ასევე წარმართავს გაუთვალისწინებელ ტრაგედიებს კაცის ცხოვრებაში, გრძნობის ორგანოების დაზიანებას, განცალკავებას და შესაძლო ჰოსპიტალიზაციას.
უმჯობესია თევზი თავის ნათელ მხარეს მიუბრუნდეს. მათ უნდა გამოიყენონ მათი მმართველი ნეპტუნის დადებითი ასპექტები და უფრო შეეგუონ სექსუალური რეალობების სამყაროს, უარყონ ეს უცნაური უარყოფითი ვიბრაციები.
რადგანაც ჰოროსკოპის ყველაზე რელიგიური ნიშანია, თევზი ხშირად საკუთარ თავთან წინააღმდეგობაშია სექსის ფიზიკური ასპექტების გამო. იგი გამუდმებით დაეძებს სულიერ სამყაროს და ადვილად აფუჭებს ურთიერთობას სიყვარულის სექსუალური მხარისადმი გულგრილობის გამო.. ამიტომ იგი ხშირად შეეთავსება ქალწულისა და სასწორის ნიშნის ადამიანებს, განსაკუთრებით სულიერ-ემოციურად, რადგან ამ ნიშნებსაც თავიანთი გართულებები აქვთ სიყვარულის ფიზიკურ მხარეში. თევზ-ქალისა და კაცის ურთიერთობაში მიდრეკილებაა ისეთი ურთიერთობისკენ, სადაც ერთი “ბატონია”, მეორე- “მონა”. თევზი უფრო ხშირად “მონის” როლს ირჩევს. თევზის ნიშნიანების ნებისყოფა ვინმეს გავლენის ქვეშაა, ისინი მუდამ დაეძებენ ძლიერი ნებისყოფის მქონე ადამიანებს, რომლებიც ლამის სამხედრო წესებით იბატონებენ მათზე ცხოვრების ყველა სფეროში. ნებისმიერ შემთხვევაში თევზს ყოველთვის სჭირდება ისეთი ადამიანი, რომელიც მოთმინებით შეხედავს მის სექსუალურ კაპრიზებს. ზოგჯერ ყოვლად უმიზეზოდ, თევზი წყვეტს ხანგრძლივ ურთიერთობას. მათ უბრალოდ აღარ შეუძლიათ აიტანონ ყოველნაირი მოთხოვნები. ასეთი კრიზისის დროს თევზები თანაგრძნობასა და მათი საქციელის გაგებას ეძებენ, რომელნიც თვითონ მათთვისაც გამოუცნობია.
თევზმა თავის სხეულსა და სექსუალურ სურვილებს ყოველთვის უნდა შეხედოს, როგორც მისი არსების განუყოფელ ნაწილს, თორემ იგი ცხოვრებაში მუდამ მარტო იქნება
* * *
უარყოფითი თვისებები (წაკითხვა აუცილებელი არარის!)
შესაძლოა მათი ყველაზე დიდი ნაკლი სხვებმა ნაკლად არც კი ჩათვალონ, მაგრამ ეს თევზის უარყოფითი თვისებაა: იგი უმალ გამოგონილ სამყაროს შეაფარებს თავს, ვიდრე რეალურ ცხოვრებას შეეჯახება. იგი გაცილებით მშვიდი იქნება, თუ დღევანდელი დღით ცხორებას ისწავლის.
თევზი უნდა ეცადოს პიროვნული სიმყარე მოიპოვოს და გაუძალიანდეს ქარებს, სხვადასხვა მიმართულებით რომ ერეკებიან მას; ისიც უნდა სინჯოს, დაბნეულობა მოიშალოს და გამოკვეთილი პოზიცია დაიკავოს. ზოგჯერ შეიძლება მოეჩვენოს, რომ მისი განწყობილება მკვეთრად შეიცვლება და შემდეგ არასწორი არჩევანი სანანებელი გაუხდება, მაგრამ ესეც კი სჯობია მათ გაუთავებელ ყოყმანს
დადებითი თვისებებითევზებს ბევრი დადებითი თვისება აქვს, მაგრამ საკუთარ თავთან ბრძოლისა და უარყოფის ტენდეციის გამო, მას სხვებზე მეტი ბრძოლით უხდება ამ კარგი თვისებების გამოვლენა. მათი განზრახვები ჩვეულებრივ პატიოსანია, მაგრამ არ სჯერათ, რომ იგივე სხვებსაც ახასიათებთ. ისინი პატიებით უდგებიან შეცდომებს, მათ ლამაზი ბუნება უყვართ, ტკბებიან პოეზიითა და მხატვრობით. ისინი თითქმის ქვეშეცნეულად იძენენ ცოდნას და ხშირად ისეთ ფაქტებსა და ჭეშმარიტებებს ამბობენ, რომლებიც ბოლომდე არ აქვთ გააზრებული, მაგრამ, საბოლოო ჯამში, მაინც სიმართლეა. კარგად აქვთ განვითარებული კომიკოსობის გრძნობა. ამ ნიშნით ბევრი ცნობილი კომიკოსი დაიბადა. თევზი ხშირად კეთილსინდისიერია მუშაობაში, მაგრამ მაინც უნდა ისწავლოს მეტი მეთოდურობა და ორგანიზებულობა. საკუთარი თავისა და შესაძლებლობების რწმენაც უნდა შეიგნოს, ენდოს თავის ალღოს. ის თანაგრძნობით ეკიდება ნაკლოვანებებს;
ტანჯვისადმი მოთმინება აქვს განვითარებული; თუ მისი თანაგრძნობა მეტისმეტია, მან მედიცინას უნდა მოჰკიდოს ხელი, ან რომელიმე რელიგიურ სექტაში შევიდეს. ნეპტუნი მათ მფარველობს ხელოვნებისა და ესთეტიკის სფეროში. ბევრ ფილანთროპს ჰოროსკოპში თევზების ძლიერი გავლენა აქვს.
შესაფერისი პარტნიორები
თევზები - ვერძი
ეს უცნაური, რთული და ამავე დროს ხშირად შემდგარი ურთიერთობაა. ურთიერთობაში „ყოვლის მცოდნე მოხუცისა“ და დაუცველი „ბეკეკას“, ან ძალაუფლებისმოყვარე დამპყრობლისა და მორჩილი კონკიას არქეტიპები ცოცხლდება. როგორც წესი, მათი კავშირი რაღაც კონკრეტულ იდეას ეფუძნება ხოლმე: რელიგიურ, სამეცნიერო ან ერთობლივი წარმატებისკენ სწრაფვას. ერთია მხოლოდ, ვერძს მუდამ უნდა ახსოვდეს საკუთარი რჩეულის ფაქიზი ბუნების შესახებ და შეძლებისგვარად შეეცადოს, თავისი პირდაპირობითა და სიუხეშით ტკივილი არ მიაყენოს მეოცნებე, სენტიმენტალურ თევზებს, რომელსაც ისედაც ბევრი სადარდებელი აქვს თავისი სენსიტიური ბუნების წყალობით.
თევზები - კურო
კუროს მოსწონს თევზი და შენატრის მას, მისთვის ძალიან საინტერესოა თევზთან ურთერთობა, თუმცა როგორც კი გადაწყვეტს მანიპულირება მოახდინოს თევზზე, თევზი არ აძლევს ამის საშუალებას, რაც კუროსთვის მტკივნეულია კუროს ყოველთვის ახსოვს თევზი
თევზები - ტყუპები
თევზების ნიშნის ქვეშ დაბადებული პარტნიორი, ინტელექტუალური თვალსაზრისით, მიღწევათა მწვერვალია ტყუპებისთვის, რომელზეც მზად არის ილოცოს. მათი ერთობლიობა ორი მკვლევარის ურთიერთობას ჰგავს. ტყუპები ხედავს, რომ თევზებმა ყველაფერი იცის მის შესახებ, თევზები კი ხვდება, რომ ტყუპებმა ეს იცის. ეს არის ორი ინტელექტის დაძაბული თამაში. მათ იშვიათად აქვთ გრძელვადიანი ქორწინება, რადგან თევზები არასდროს პატიობს ღალატს, რაც ტყუპებისთვის ხშირად დამახასიათებელია.
თევზები - კირჩხიბი
ემოციურ კირჩხიბს ყოველთვის იზიდავს ღრმა, იდუმალი თევზები, თუმცა ვერასოდეს ახერხებს ამ ნიშნის შეცნობას. მათი კავშირი სულიერ შეთავსებასა და ურთიერთგაგებაზეა დამყარებული. კირჩხიბი ცვალებადია, თევზების ემოციები კი ნელა-ნელა მატულობს, შეიძლება საერთოდაც გაქრეს. მხოლოდ ორივეს პირად ჰოროსკოპზეა დამოკიდებული რამდენად აიტანენ ერთმანეთის ასეთ ცვალებადობას. ეს ნიშნები ერთობლივ საქმეში ყოველთვის წარმატებას აღწევენ. ეს ქორწინება ერთ-ერთისგან მსხვერპლს მოითხოვს. თუ საჭირო მსხვერპლი გამოინახა, კავშირი ხანგრძლივი და მყარი იქნება.
თევზები - ლომი
ეს ლომისთვის ყველაზე რთული კავშირია, სადაც თვითონ რაინდია, რომელმაც მთელი სამყარო მიუძღვნა ნაზ და ფაქიზ თევზებს. ის დნება და იძირება თევზების იდუმალ სიღრმეში. ის უნდა დაეხმაროს მას გაორების გადალახვაში, ასევე შეუქმნას განსაკუთრებულად თბილი და დაცული გარემო. თევზები კი, თავის მხრივ, ყოველთვის მზად უნდა იყოს ლომისთვის მხარდაჭერის გამოსახატავად, კომპლიმენტებისტვის. ასეთ შემთხვევაში ეს კავშირი უფრო მყარი გახდება.
თევზები - ქალწული
რთული და იშვიათი კავშირია. მეოჯახე ქალწულისთვის ქორწინება მნიშვნელოვანია. ის სახლში გამუდმებით რაღაცას აგროვებს და ოჯახს უფრთხილდება. ქალწული სიყვარულში თბილი, საყვარელი, სუფთაა, მაგრამ სასიყვარულო სიტყვებს ვერ პოულობს. პრობლემურია, თუ თევზები ქალია და ქალწულის კრიტიკულობის ატანა უწევს... მისტიურ, დაბნეულ თევზებს და კონკრეტულ ქალწულს ხშირად არ ესმით ერთმანეთის. მათ, მარტივად რომ ვთქვათ, განსხვავებული ენერგეტიკა და მსოფლმხედველობა აქვთ.
თევზები - სასწორი
თევზებისთვის ეს საბედისწერო კავშირია. სასწორს ურთიერთობის მკაცრი ფორმა უყვარს. ყველაფერში მკაცრად რეგლამენტირებული ჩარჩო აქვს. ყველგან და მითუფრო სიყვარულში ხშირად ავლებს საზღვარს: „მე მე ვარ, შენ - შენ!~ თევზები კი გრძნობებში ხშირად გადადის საზღვრებს, რითიც სასწორის გულისწყრომას იწვევს. ის პარტნიორში ერთობასა და დასაყრდენს ეძებს. მოკლედ, ამ ნიშნებს უჭირთ ერთმანეთის გაგება. ძალიან განსხვავებულნი არიან.
თევზები - მორიელი
მორიელი ზედმეტად მგრძნობიარე პარტნიორია, ის ყველაფერს ხედავს, ყველაფერს ამჩნევს, წინასწარ ხვდება და იცის, რა უნდა მოხდეს. თევზები კი იტანჯება მორიელის ამ თვისების გამო და იმის ნაცვლად, რომ იცხოვროს მშვიდად და მისდიოს მის რჩევებსა და მითითებებს, საკუთარ თავში იკეტება. ამ კავშირში ყოველთვის არის ვნება. მათ კარგად ესმით ერთმანეთის ურთიერთობის ყველა სფეროში. თუმცა, ფაქიზი ბუნების თევზები ხშირად ტოვებენ მორიელს, ვინაიდან მტკინვეულად განიცდიან მის წინდახედულობასა და მკაცრ ხასიათს. თუ თევზები კაცია, ქალი კი მორიელი, მაშინ თევზები აუცილებლად უნდა მისდევდეს მორიელის რჩევებს ნებისმიერ საკითხთან მიმართებაში, თვითონ კი სიყვარულითა და მზრუნველობით ავსებდეს ოჯახს. მათი კავშირი იდეალური იქნება, თუ თევზებს არ შეეშინდება მორიელის სიძლიერის და ყველფერს გააკეთებს, რათა პარტნიორის ღირსეული მეორე ნახევარი გახდეს.
თევზები - მშვილდოსანი
აქტიური, ხარბი მშვილდოსანი და ჩაკეტილი თევზები იშვიათად ეწობიან ერთმანეთს. ამ ორი ნიშნის გაერთიანება მხოლოდ რელიგიას, მისტიკას და საერთო ფანატურ იდეალებს შეუძლია. მათი კავშირი მხოლოდ ორივეს მაღალი სულიერი განვითარების შემთხვევაში იქნება წარმატებული. ასეთ შემთხვევაში მათი კავშირი ბედნიერების მომტანი, სრულყოფილი და მტკიცეა.
თევზები - თხის რქა
ეს, შეიძლება იდეალური კავშირი იყოს, წარმოუდგენელი სიყვარულით. ამ ორი იდეალისტისა და მისტიკოსისთვის მთელი სამყაროს საიდუმლოებათა კარია ღიაა. მათ ერთად შეუძლიათ მთელი სამყაროს საიდუმლოებების შეცნობა. თუ თხის რქა ზედმეტად მიწიერია, მაშინ თევზებს მუხლჩაუხრელ მუშაობას აიძულებს, რაც გათანგავს და პროტესტს გამოიწვევს მასში, რის შედეგადაც ის მისგან გაწბილებული წავა, მაგრამ თუ დარჩა, უბედური და ჩაკეტილი იქნება. თუ ამ ნიშნების კავშირი პრაგმატულობაზე არ არის აგებული, მაშინ მის სიმყარეს არაფერი ემუქრება. ეს ქორწინება მუდმივი და ბედნიერი იქნება.
თევზები - მერწული
--------------------
- არ შეიძლება კაცს მთელი ცხოვრება უყვარდე?
- თუ საფეხბურთო კლუბი ხარ, კი :yes:
· 
თევზები
