ფესტივალი "საახალწლო მუსიკალური შეხვედრები" 2006, კომენტარი, შეფასებები

საახალწლო მუსიკალური ფესტივალი

1997 წელს, კონსერვატორიის რექ­ტო­რის, პროფ. მანანა დოიჯაშვილის ინიციატივით დაარსდა საერთაშორისო ფეს­ტი­ვალი ”საახალწლო მუსიკალური შეხვედრები”. იგი ყოველწ­ლიურად იმართება დიდ საკონცერტო დარბაზში, დე­კე­მ­ბრის მეორე ნახევარში და ორი კვირა გრძელდება.

ფესტივალი არის შესანიშნავი საჩუქარი მუსიკის მოყვარულებისა და პროფესიო­ნა­ლე­­ბისთვის. ათწლიანი დუმილის შემდეგ, ახლად აღდგენილი და რეკონს­ტრუ­ი­რე­ბუ­ლი დარბაზი შეივსო ტრა­დი­ციუ­ლი მსმენელით, რომელსაც კვლავ მიეცა სა­შუ­ა­ლე­ბა შეხვედროდა მსოფლიოში აღი­­არებულ ისეთ კომპოზიტორებს, შემსრულებ­ლებსა და კო­ლექ­ტი­ვე­ბს, როგორებიც არიან: გია ყანჩელი, დიმიტი ბაშ­კიროვი, ნატალია გუტმანი, ელენე ობრაზცოვა, გა­ლი­ნა ვიშნევსკაია, მიშელ დ’ალბერტო, ჟერარ პულე, დიმიტრი ალექსეევი, ალე­ქსან­დ­რე კორსანტია, ფრანსუა ლო­ლო, ოლეგ მაიზენბერგი, ლეონიდ ჩიჟიკი, ელიზავეტა ლე­ონსკაია, პაატა ბურ­ჭუ­ლა­ძე, ლიანა ისაკაძე, ბილი კობემი, მარატ ბისენგალიევა, მი­ხაილ ვოსკრესენსკი, გა­რი გროდბერგი, იანო ალიბეგაშვილი, ლევ მარკიზი, ვლა­დი­მერ სპივაკოვის, კა­მე­რუ­ლი ორკესტრი, ”მოსკოველი ვირტუოზები”, სიმებიანი კვარ­ტეტი ”იზაი”, ევრო­კავ­ში­რის კამერული ორკესტრი და სხვ.

.......ეს ამონარიდი ფესტივალის ბუკლეტიდან



წლევანდელმა ფესტივალმა სტარტი 15 დეკემბერს აიღო. იგი საორგანო მუსიკის კონცერტით გაიხსნა. საფრანგეთიდან მოწვეულმა ტიერი მეშლერმა დიდი ვერაფრით აღაფრთოვანა მცირერიცხოვანი ქართველი მსმენელი...

გუშინ პიანისტთა თბილისის მესამე საერთაშორისო კონკურსის
ლაურეატის, დანიილ ცვეტკოვის კონცერტი გაიმართა...

მომდევნო კონცერტების აფიშა შეგიძლიათ თბილისის კონსერვატორიის ვებ-გვერდზე ნახოთ


ველი თქვენს კომენტარებს ფესტივალის შესახებ

kvachi
შარშან რამდენიმე კონცერტზე ვიყავი, ძლიან სასიამოვონ იყო, თუ შეძლებ და აფიშა დადო+რეკომენდაციები რომელზეცღირს წასვლა კარგი იქნება

გუშინ კამერული მუსიკის საღამო გაიმართა, რომელზეც დროის უქონლობის გამო ვერ წავედი. თუ რომელიმე თქვენგანი იყო ამ კონცერტზე, იქნებ შთაბეჭდილება გამიზიაროს

ახლა კი ფესტივალის აფიშა

R=blue]21 დეკემბერი[/COLOR]
(კონცერტები ტრადიციულად 19:00-ზე იწყება)

ამერიკის საელჩო საქართველოში
წარმოგიდგენთ
სიმფონიური მუსიკის კონცერტს

თბილისის კონსერვატორიის სტუდენტური ორკესტრი

მიშა რახლევსკი (დირიჟორი, რუსეთი)

მიშელ პერი (ვალტორნა, აშშ)

შესრულდება:

I
ლეოშ იანაჩეკი სიუიტა (სერენადა), თხზ. 3 (1891)
(1854-1928)
ლუიჯი ქერუბინი სონატა ვალტორნისა და კამერული ორკესტრისათვის
(1760-1842)
II
ტომ შნაუბერი ჰენრი ტემიანკას ხსოვნისადმი
(1969)
ოიზეფ სუკი სერენადა, თხზ. 6
(1874-1935)

ისე, კონცერტებზე წინასწარ ცოტა ძნელია ლაპარაკი, მაგრამ მაინც...
პირადად ჩემთვის საინტერესოა ქალბატონის მიერ ვალტორნაზე შესრულებული სოლოების მოსმენა.
კონცერტზე წასვლის ერთგვარი ინტრიგაა, ასევე, კონსერვატორიის სტუდენტური ორკესტრი, რომელიც, წესით ლევ მარკიზის გარჯის შემდეგ, წესით კარგ ფორმაში უნდა იყოს...



23 დეკემბერი



BRAVA MAESTRA!
ლიანა ისაკაძის საიუბილეო საღამო

კონცერტში მონაწილეობენ:
ე. მიქელაძის სახ. ეროვნული სიმფონიური ორკესტრი
დირიჟორი და სოლისტი – ლიანა ისაკაძე (ვიოლინო)
თამარ ლიჩელი (ფორტეპიანო)
ხათუნა თუშმალიშვილი (I ვიოლინო)
ეკატერინე ფანცხავა (II ვიოლინო)
სერგო ეროიანი (ალტი);
მიხეილ ხოშტარია (ჩელო)


შესრულდება:

I
ე. შოსონი კონცერტი ვიოლინოს, ფორტეპიანოსა და სიმებიანი კვარტეტისათვის

II
ფ. მენდელსონი კონცერტი ვიოლინოსა და სიმებიანი ორკესტრისათვის, რე მინორი
ფ. მენდელსონი კონცერტი ვიოლინოსა და ორკესტრისათვის, მი მინორი


კონცერტის შესახებ ვერაფერს ვიტყვი. ბოლოს, როდესაც ლიანა ისაკაძის დაკრულს მოვუსმინე, დიდად ვერ ვისიამოვნე...


24 დეკემბერი


ფოლკლორული მუსიკის კონცერტი

თბილისის კონსერვატორიის სტუდენტთა ფოლკლორული ანსამბლი ხელძღვანელი ნატო ზუმბაძე



კონცერტზე, შესრულდება საქართველოს სხვადასხვა კუთხის სიმღერები. თბილისის კონსერვატორიის სტუდენტთა ფოლკლორული ანსამბლი ორიოდე წლის ჩამოყალიბებულია და ჩემი აზრით, საკმაოდ კარგი კურსი აქვს აღებული. ანსამბლი აუთენტური ჩანაწერებიდან სწავლობს სიმღერებს და მაქსიმალურად ცდილობს ნამღერის პირველწყაროსთან მიახლოვებას.
ყველას გირჩევთ დაესწროთ ამ კონცერტს, უთუოდ დაიგროვებთ სასიამოვნო შთაბეჭდილებებს.

დანარჩენი კონცერტების აფიშასა თუ რეკომენდაციებს მოგვიანებით დავწერ. ჯერ კი ვნახოთ, რამდენად აქტიურია ქართველი მსმენელი, როგორც შემფასებელი