ამ ყველაფრის შემდეგ, იმართება რა საკმაოდ ხალხმხრავალი აქცია რუსთაველის გამზირზე, რომელშიც მონაწილეობას იღებენ დაახლოებით 15 ათასი გაწამებული, შეურაწყოფილი, უფლება აყრილი ადამიანი, რომლებიც ცივილიზებულად მაგრამ უკიდურესად მწვავედ აფიქსირებენ პროტესტს იმ გაუსაძლისი მდგომარეობისადმი რომელშიც მათი ოჯახები აღმოჩდნენ... ბუნებრივია ხალხის ესეთი მრავალრიცხოვანი თავყრილობა გამოიწვევს რუსთაველის პროსპექტის სავალი ნაწილის გადაკეტვას, რადგანაც ცხრა აპრილის მემორიალის ტერიტორია ხალხის ამ რაოდენობით მოზღვავებას ვეღარ დაიტევს.

შედეგად, მინისტრი ვანო მერაბიშვილი გასცემს ბრძანებას სამხედოებისადმი 9 აპრილის მემორიალთან შეკრებილი ხალხის დაუყოვნებლივი დაშლის შესახებ. ამ მიზნით გამოყენებული იქნება რეზინის ტყვიები და ცრემლსადენი გაზი (ეს საშუალებები სრულიად კანონიერია მასების მართვისათვის ). პარლამენტის წევრები, მათ შორის გიგა ბოკერია, გივი თარგამაძე და სხვები, აკეთებენ განცხადებებს რომ ეს მასა გახლდათ ეგზალტირებული ბრბო, რომელიც პოლიტპარტიებმა "გადაიბირეს" და მათი უკანონო ქმედება სათანადოდ იქნა აღკვეთილი სამართალდამცავი სტრუქტურების მიერ, კანონთან სრულ შესაბამისობაში.

12 საათიანი ქრონიკა: ნაშუაღამევს განხორციელებული დარბევის შედეგად დაშავებული აღმოჩნდა რამოდენიმე ათეული ადამიანი, რომლებიც გადაიყვანეს რესპუბლიკურ საავადმყოფოში. მათ სხვადასხვა სიმძიმის დაზიანებები აღმოაჩნდათ და ესაჭიროებათ სტაციონალური მკურნალობა. რამოდენიმე ასეულ ადამიანს ამბულატორიული დახმარება აღმოუჩინეს და ისინი ამჟამად საკუთარ ბინებზე აგრძელებენ მკურნალობას. მინისტრმა ლადო ჭიპაშვილმა ამ მიზნით ექთნებისათვის 150000 ლარი გამოყო, რათა ამ ადამინებმა არ იგრძნონ თავი სახელმწიფოსგან მიტოვებულად. "სახელმწიფოსთვის თითოეული სიცოცხლე ძვირფასია," განაცხადა მინისტრმა ჭიპაშვილმა "თუმცა კანონო ყველასათვის კანონია," დასძინა მან. პრეზიდენტი სააკაშვილი ამ წუთებში უშიშროების საბჭოს ესწრება რომელშიც საპარლამენტო ლიდერებიც იღებენ მონაწილეობას, გამომდინარე შექმნილი ექსტრაორდინარული ვითარებიდან.