კანდიდატების საარჩევნო პროგრამები

3.3 აუცილებელ პირობას წარმოადგენს კანდიდატების მიერ თავიანთი საარჩევნო პროგრამის წარმოდგენა.საარჩევნო პროგრამის წარმოდგენის გარეშე კანდიდატი მოიხსნება არჩევნებიდან.ასევე გასათვალისწინებელია ის,რომ კანდიდატების პროგრამები არ უნდა ეწინააღმდეგებოდეს ფორუმის ძირითად წესებს და ზოგადად ფორუმის ინტერესებთან არ უნდა მოდიოდეს წინააღმდეგობაში.ასეთ შემთხვევაში ადმინისტრაცია უფლებას იტოვებს მოხსნას კანდიდატი არჩევნებიდან.


მოკლედ აქ წარმაოდგინეთ თქვენი საარჩევნო პროგრამები


თემაში არ იქნება არანაირი განხილვა მხოლოდ კანდიდატების პროგრამები

ოფტოპიკისთვის პირველად გაფრთხილება განმეორების შემთხვევაში ვორნი
არსებობს ცალკე თემა არჩევნების მიმდინარეობა სადაც შეიძლება არჩევნების მიმდინარეობის განხილვა და გექნებათ შესაძლებლობა კანდიდატებს დაუსვათ კითხვები

This post has been edited by otucho on 13 Feb 2008, 22:47

ჩემი პროგრამა იქნება რეალური და არა მხოლოდ სიტყვები და ცრუ დაპირებები. ამას პირველივე დღიდანვე შეამჩნევთ, თუ თქვენს მხარდაჭერას დავიმსახურებ:

1. პირველ რიგში გპირდებით მუდმივ მონიტორინგს; თითოეული პოსტი იქნება ჩემს მიერ პირადად გადაკითხული; ჩემს მიერ ფორუმზე გატარებული დროის უმეტეს ნაწილს ისედაც ვუთმობ ამ განყოფილებას და ყოველდღე მინიმუმ 1 საათი მაინც ვარ. ეს პუნქტი გამორიცხავს ყველანაირ უშინაარსო და შეურაცხმყოფელ პოსტებს, რაც ბიზნესისა და ეკონომიკის განყოფილების ყველაზე შინაარსიან განყოფილებად გადაქცევის წინაპირობაა;



2. ასევე გპირდებით, რომ ამ განყოფილებებში გახსნილ ყველა თემას დავათვალიერებ და მსგავსი შინაარსის თემებს გავაერთიანებ. გავაკეთებ სარჩევს(როგორც ბანკების განყოფილებაში გავაკეთე), სადაც აბსოლიტურად ყველა თემა იქნება თავმოყრილი. ამის გაკეთების საჭიროება კი იქიდან მომდინარეობს, რომ ხშირად იხსნება მსგავსი თემატიკის და სათაურის თემები;

3. არ დავუშვებ, რომ კამათი სხვადასხვა ბანკის ინტერესების დამცველებს შორის გადაიზარდოს პირადულ შეურაცხყოფაში. უაზრო ანუ არა-არგუმენტირებული კამათი იქნება აღკვეთილი. ამ განყოფილებას არ შეესაბამება "ქუჩური ჟარგონებით" საუბარი. ასევე არ დავუშვებ გაბრაზებული კლიენტების მიერ ბანკების უდიერად მოხსენიებას. ყველაფრის თქმა შესაძლებელია კორექტულობის ფარგლებში;

4. მაქსიმალურად შევეცდები, აღმოვფხვრა OFF-ტოპიკების პრობლემა, რადგან მომხმარებლისთვის (კლიენტისთვის) მაქსიმალურად ადვილად ძებნადი იყოს მისთვის საინტერესო საკითხი ამა თუ იმ თემაში;

5. არ ვიქნები მკაცრი მოდერატორობის პერიოდში. წესების დარღვევის შემთხვევაში არ იქნება ჩემთვის ერთადერთი მიზანი ბანის და ვორნის ფუნქციის ამოქმედება იუზერის მიმართ; მიმაჩნია, რომ საწყისი ეტაპისთვის სიტყვიერი გაფრთხილების მიცემაც საკმარისია. ჩემი მოდერატორად არჩევის შემთხვევაში ამ განყოფილების წესების შემუშავება მოხდება ამ განყოფილების იუზერებთან ერთად.

6. მაქსიმალურად შევეცდები ჩემი ცოდნის ფარგლებში კვლავ ვუპასუხო იუზერების მიერ დასმულ ნებისმიერ შეკითხვას სხვადასხვა პროდუქტის შესახებ სხვადასხვა თემებში. ნებისმიერ შემთხვევაში გავაგრძელებ სხვადასხვა საბანკო პროდუქტების შესახებ FAQ ტიპის თემების შექმნას(როგორი თემებსაც აქამდე ვაკეთებდი და ვამუშავებდი. მაგალითად: პლასტიკური ბარათები, სტუდენტური პროდუქტები, საკრედიტო ბარათები);

7. ჩემი მიზანი იქნება, რომ ეს განყოფილება გახდეს ყველაზე მიმზიდველი განყოფილება ამ ფორუმის წევრთათვის თავისი დანიშნულებიდან გამომდინარე, რადგან დღევანდელი ცხოვრება ბიზნესისა და მითუმეტეს ბანკების გარეშე თითქმის შეუძლებელია. ამას ვაპირებ ჩემს მიერ ჩამოწერილი პუნქტების შესრულების შედეგად. მე მაქვს ამ პუნქტების შესასრულებლად საკმარისი დროც, ენერგიაც და რა თქმა უნდა ხალისიც.

8. მაქსიმალურად შევეცდები, რომ ხშირად შევიკრიბოთ და უფრო დავახლოვდეთ. მოვაწყოთ ექსკურსიები და სხვადასხვა ღონისძიებები, თუ წევრების მხრიდანაც იქნება ამისი სურვილი.


This post has been edited by otucho on 15 Feb 2008, 15:21

თავს არ შეგაწყენთ, მოკლედ და კონკრეტულად გეტყვით ყველაფერს...

ჩემი აზრით ბიზნესისა და ეკონომიკის განყოფილების ძირითადი ფუნქცია არის ფორუმის იუზერთა დახმარება(კონსულტაცია), გამომდინარე აქედან ყველა პირობას შევქმნი იმისთვის, რომ ახლად შემოსულმა იუზერმა მიიღოს მისთვის საჭირო ინფორმაცია. თუ შესაძლებელია დახმარებაც.

მივიჩნევ, რომ ნებისმიერ თემაში საუბარი შეიძლება გადავიდეს სხვა პრობლემაზე და მითუმეტეს ეკონომიკური საკითხის განხილვისას.... ასე რომ სასჯელი ოფტოპიკისთვის იქნება მხოლოდ უკიდურეს შემთხვევაში. მაგრამ უაზრო ჩეთაობას და ფლუდს კატეგორიულად არ დავუშვვებ, სხვა მხრივ კი ვიქნები მეგობრული და ობიექტური.

ორივე განყოფილებაში გაკეთდება კატალოგები, იმისათვის, რომ თავიდან აცილებულ იქნას უაზრო თემების გახსნა.

მკაცრად დაისჯება პირადი ხასიათის შეურაცხყოფები ეს ერთადერთია, რისთვისაც ვორნის გავცემ უყოყმანოდ.

შევეცდები ბანკების FAQ-ების თემა გახდეს უფრო შინაარსიანი და ინფორმაციული. არ იყოს სავსე მხოლოდ უაზრო, დაუსაბუთებელი პრეტენზიებით და ამა თუ იმ ბანკის ქილიკით.

განყოფილებაში აიპინება მთავარი და აქტუალური თემები. ეს თავის მხრივ შეამცირებს უაზრო და უშინაარსო თემების გახსნას.

განსაკუთრებული კონტროლის ქვეშ ავიყვან თვითონ ბიზნესის განყოფილებას, რადგან მიმაჩნია, რომ ის ყველაზე უფრო დაზარალებულია.

შევეცდები განყოფილება გავხადო ცოტათი მაინც უფრო მხიარული, რათა მხოლოდ პრობლემის გამო არ შემოდიოდეს აქ რიგითი იუზერი. თუმცა ამის პარალელურად განყოფილება იქნება საქმიანი. დიდი სიამოვნებით მოვისმენ იუზერების შეკითხვებს, პრეტენზიებსა და წინადადებებს განყოფილების გაუმჯობესების მიზნით. შემდეგ კი სიტუაციისდა მიხედვით გავითვალისწინებ მათ.

მე ვერ დაგპირდებით, რომ ბიზნესის და ეკონომიკის განყოფილება გახდება ყველაზე პოპულარული, ბიზნესის და ეკონომიკის განყოფილებას ეყოლება ყველაზე მეტი იუზერი, მაგარამ გპირდებით რომ ბიზნესის და ეკონომიკის განყოფილება იქნება ცოტათი მაინც უფრო საინტერესო, ცოტათი უფრო მხიარული და ცოტათი უფრო კვალიფიციური ვიდრე აქამდე იყო.

This post has been edited by Kate789 on 14 Feb 2008, 16:57

ამირჩიეთ

ჩემი პროგრამა:

ბიზნესის და ბანკების განყოფილების დანიშნულება

ცნობარი
ბიზნესის სხვადასხვა სფეროს წარმომადგენლებმა პოტენციურ და არსებულ მომხმარებელს გავუწიოთ კონსულტაცია/დახმარება მათთვის საინტერესო საკითხებზე.

დისკუსიები
განყოფილების ახალმა და აქტიურმა სტუმრებმა/წევრებმა

#განვიხილოთ ადგილობრივი და მსოფლიო ბიზნეს სიახლეები.
#ვიკამათოთ არგუმენტირებულად,
#განვიხილოთ კომპანიების სტრატეგიები და შევაფასოთ მათი შედეგები.
#გავაკეთოთ პრონოზები.
მაგალითად: ალდაგი თუ BCI, რომელ ბრენდს მოკლავს საქართველოს ბანკი? ალდაგი თუ BCI

შემეცნებითი ნაწილი - ვასწავლოთ და ვისწავლოთ

წიგნები და სტატიები
ავტვირთოთ წიგნები და სტატიები, გავაკეთოთ ვირტუალური ბიბლიოთეკა სპეციალური თემის სახით, სადაც იქნება ლინკები წიგნებზე თემატიკის მიხედვით.
ასევე შეგვიძლია გავხსნათ ცალკე თემები ჩვენთვის საინტერესო ვიწრო სფეროებზე, როგორიცაა ბრენდინგი, მომხმარებლის ქცევა, სხვა სფეროებიდან შევადაროთ რისკების მართვის მოდელები, ხარჯების/გაყიდვების პროგნოზირების მეთოდები, სოფტები და ა.შ..
მაგ. Business to Business Marketing

ქეისები
ავტვირთოთ და განვიხილოთ ქეისები რეალური და არარეალური სიტუაციებიდან.

Studying opportunities - ტრენინგები, კურსები, სქოლარშიფები
დავდოთ ლინკები და ვაცნობოთ ერთმანეთს სხვადასხვა საგანმანათლებლო ღონისძიებების შესახებ.


მოდერატორის როლი/მოვალეობა
ყველაფერ ზემოთ ჩამოთვლილს გავუწიო მენეჯმენტი. ჩემი ფუნქცია არ იქნება მხოლოდ კონტროლი ვინმემ რამე არ დააშავოს. მე ზემოთ ჩამოთვლილის შესრულებაში მივიღებ აქტიურ მონაწილეობას:.

#მოგაწვდით საინტერესო მასალებს, წიგნებს, სიახლეებს ტრენინგებზე, სტუდენტურ ოლიმპიადებზე და ა.შ.
მაგ. B-STRAT – Strategic Business Game
სტუდენტური ბიზნეს ოლიმპიადა
#განვახაორციელებ მოდერაციას - ანუ შუამავლობას დისკუსიების საინტერესოდ წარმართვაში.

დისციპლინა
როცა მოდერატორი ვიყავი არ იყო დიდი საჭიროება სიმკაცრის, სულ სამი ვორნი დავწერე ერთი წლის განმავლობაში, მაშინ განყოფილებას სხვა პოზიცია ქონდა ფორუმზე, აქ არევა "ტეხავდა" დღეს განყოფილება უფრო გაიზარდა და ამრევებიც მომრავლდნენ. ვეცდები ისევ ისე იყოს აქაურობა წარმოდგენილი, როგორც საქმიანი ადამიანების სექცია და არა პოლე ბოია
ჩემი მიზანი არაა ვინმე დავსაჯო, არ მაქვს ბავშვობაში მიღებული კომპლექს ნეპოლნოცენნოსტი

აიკრძალება
A ბანკის FAQ სექციაში B ბანკის პროდუქტის პრომოუშენი, მაგალითად: "ჩვენთან უფრო კარგი პირობებია, აი ნახე.."
გაჩეთება ორსიტყვიანი არაფრისმთქმელი ფრაზებით, ცარიელი სმაილიკები ტექსტის გარეშე პოსტებში და ა.შ. იუმორი და ხუმრობა თემის გარშემო მისაღებია, პიროვნული დაცინვა - არა.

მოდერატორთა შეფასება/ შენიშვნები/რჩევები
ეს თემა აუცილებელია შეაფასე მოდერატორები
მინდა ინიციატივა ნებისმიერი იუზერისგან განყოფილების გაუმჯობესების მიზნით

This post has been edited by Rider-On-The-Storm on 15 Feb 2008, 15:17

შევეცდები მოკლედ და ლაკომურად ბევრი დამაგოგიის გარეშე დავწერო....

1. გაეწიოს იუზერებს დახმარება მათთვის საინტერესო საკითხებში და არა ისეთი სახით რო.. "არა ჩემთან უკეთესია", არმედ რეალური

2. იდენტური შინაარსი თემების გაერთიანება რათა სხვა ასე საჭირო თემები არ იქნეს ჩაძირული

3. ორივე განყოფილებაში აიპინება ძირითადი და აქტუალური თემები

4. გაიხსნას ისეთი ტიპის თემები სადაც გაიმართება დისკუსიები და საინტერესო იქნება ამ განყოფილებაში როგორც მუდვი ისე შემომსვლელი იუზერებისთვის

5. არანაირად არ დაიშვება და მკაცად დასჯადი გახდება იუზერების ურთიერთ შეურაწყოფა

6. არანაკლებ მნიშვნელოვანია და მისახედია ბიზნესის განყოფილება, რის გაკეთებასაც შევეცდები

7. გაკეთდეს სარჩევი ორივე ნაწილისთვის სადაც იქნება თავმოყრილი თემები რომლის ანალოგიურები ხშირად იხსნება და აინტერესებს ხალხს

8. ჩემი და სხვა იუზერების დახმარებით მოვახდინო განყოფილების პოპულარიზაცია

9. ასევე საჭიროა იყოს თემა სადაც გამოითქმება პრეტენზიები და წინადადებები მოდერატორ/კომოდერატორტან

10. შეძლებისდაგვარად შევეცდები გავხადო განკოფილება უფრო ინფორმატიული და საინტერესო
10.1. აღმოიფხვრას მეტ-ნაკლებად OFF-ები და ქილიკი ბანკ-კლიენტებს შორის
10.2. მისაღებია არგუმენტირებული და საფუძვლიანი კამათი და არა ერთმანეთის შეურაწყოფა

11. მოდერირების პერიოდში შეძლებისდაგვარად მოვერიდები სიმკაცრეს და შევეცდები შენიშვნებით შემოვიფარგლო თუ რამე საოცრება არ ქნა იუზერმა

P.S. ასევე მიიღება შენიშვნები, შეკითხვები და პრეტენზიები (თუ აზრს არაა მოკლებული)