ცხინვალის რეგიონი: კონფლიქტური ზონა, კონფლიქტის ისტორია, ახალი ამბები, მიმოხი

კონფლიქტური ზონები (ძველი საერთო თემა)



ფორუმის არქივიდან:
- ალტერნატიული დე-ფაქტო ხელისუფლება ცხინვალის რეგიონში



რესურსების სიმწირისთვის ბოდიშს გიხდით. იმედია მომეხმარებით, რომ თემის პირველი პოსტი გავმართოთ როგორც წესია


----------

ევ­რო­პარ­ლა­მენ­ტის რე­ზო­ლუ­ცია სამხრეთ ოსეთში არსებული მდგომარეობის შესახებ

ევროპის პარლამენტი,

-ითვალისწინებს რა საქართველოს შესახებ მის მიერ ადრე მიღებულ რეზოლუციას, კერძოდ, 2004 წლის 14 ოქტომბრის რეზოლუციას(1),

-ითვალისწინებს რა ევროპული სამეზობლო პოლიტიკის შესახებ მის მიერ 2006 წლის 19 იანვარს მიღებულ რეზოლუციას(2),

-ითვალისწინებს რა მის მიერ საბჭოსთვის წარდგენილ 2004 წლის 26 თებერვლის რეკომენდაციას სამხრეთ კავკასიის მიმართ ევროკავშირის პოლიტიკის შესახებ(3) და ევროკავშირსა და რუსეთს შორის ურთიერთობათა შესახებ 2005 წლის 26 მაისის რეზოლუციას(4),

-ითვალისწინებს რა ერთის მხრივ, ევროგაერთიანებასა და მათ წევრ სახელმწიფოებსა და, მეორეს მხრივ, საქართველოს შორის დადებულ პარტნიორობისა და თანამშრომლობის შესახებ შეთანხმებას, რომელიც ძალაში შევიდა 1999 წლის 1 ივლისს,

-ითვალისწინებს რა ევროკავშირის საბჭოს თავმჯდომარე ქვეყნის მიერ საქართველოში – აფხაზეთსა და სამხრეთ ოსეთში ბოლო დროს განვითარებული მოვლენების შესახებ 2006 წლის 20 ივლისს გაკეთებულ დეკლარაციას,

-ითვალისწინებს რა ევროკავშირის ზოგად საქმეთა და საგარეო ურთიერთობათა საბჭოს 2006 წლის 16-17 ოქტომბრის სხდომაზე მიღებულ დასკვნებს,

-ითვალისწინებს რა თავისი საპროცედურო წესების 103(4)-ე წესს,

A. იმის გამო, რომ სამხრეთ ოსეთში მდგომარეობა უარესდება და ბოლო თვეებში ადგილი ჰქონდა ინციდენტებს, სროლას და შეჯახებას საქართველოსა და სამხრეთ ოსეთის შეიარაღებულ ძალებსა და პოლიციეს შენაერთებს შორის, რის შედეგადაც არიან დაღუპულები და დაჭრილები,

B. იმის გამო, რომ საქართველოს მთავრობამ და პარლამენტმა ეჭვქვეშ დააყენა მოლაპარაკებათა პროცესის არსებული ფორმატი, სამშვიდობო ძალების შემადგენლობა და სამშვიდობო ოპერაციათა ის მექანიზმები, რომლებიც გამომდინარეობს ცეცხლის შეწყვეტის შესახებ 1992 წლის შეთანხმებიდან,

C. იმის გამო, რომ ორივე მხარემ ცალცალკე წამოადგინა ორი სამშვიდობო გეგმა, რომლებიც შეიცავს ბევრ საერთო ელემენტს, რომლებიც შესაძლოა და უნდა გამოყენებულ იქნას როგორც ნაყოფიერი მოლაპარაკებების საფუძველი; იმის გამო, რომ ბოლო პერიოდში შერეულმა საკონტროლო კომისიამ ვერ შეძლო მნიშვნელოვანი შედეგების მიღწევა,

D. იმის გამო, რომ რუსეთის ფედერაცია, სამხრეთ ოსეთისა და აფხაზეთის მცხოვრებთათვის პასპორტების გაცემით აფერხებს საქართველოს კონფლიქტის ზონებში კონფლიქტის მშვიდობიანი გზით გადაწყვეტას,

E. იმის გამო, რომ სამხრეთ ოსეთის ხელმძღვანელობამ მიიღო გადაწყვეტილება ჩაატაროს თვითგამორკვევის რეფერენდუმი 2006 წლის 12 ნოემბერს დანიშნულ საპრეზიდენტო არჩევნებთან ერთად.

F. იმის გამო, რომ საქათველო გადავიდა ნატოსთან ინტენსიური დიალოგის ეტაპზე, რათა შემდგომში გახდეს ამ ორგანიზაციის სრულუფლებიანი წევრი,

G. ღრმა შეშფოთებას გამოთქვამს რა საქართველოსა და რუსეთს შორის შექმნილი დიპლომატიური კრიზისის გამო, რომელიც შედეგად მოჰყვა საქართველოს კონტრდაზვერვის სამსახურების მიერ ჯაშუშობის ბრალდებით რუსეთის სამხედრო სადაზვერვო სამსახურის ოთხი ოფიცრის დაპატიმრებას და ამის შემდგომ მოსკოვში რუსეთის ელჩის გაწვევას კონსულტაციების ჩატარების მიზნით.

H. იმის გამო, რომ 2 ოქტომბერს რუსეთის ხელისუფლებამ შეწყვიტა საქართველოსთან ყველა სახის სახმელეთო, საჰაერო და საზღვაო მიმოსვლა, საფოსტო კავშირის ჩათვლით, იმის მიუხედავად, რომ ოთხივე ოფიცერი გადაეცა ეუთოს და ისინი ახლა რუსეთში იმყოფებიან.

I. იმის გამო, რომ რუსეთის ხელისუფლებამ გაატარა რამდენიმე სერიოზული დისკრიმინაციული ზომა რუსეთში მცხოვრები ქართველების მიმართ მათი ეთნიკური წარმომავლობის გამო, რომლებიც მოიცავდა მოსკოვიდან თბილისში დაახლოებით 700 ქართველის დეპორტირებას. ასევე არსებული ინფორმაციით, ქართველი მრევლის, ბიზნესმენებისა და სკოლის მოსწავლეების შევიწროებას ორგანიზებული დანაშაულისა და უკანონო ემიგრანტების აღკვეთის საბაბით,

L. იმის გამო, რომ რუსეთის ფედერაციამ 2006 წლის დასაწყისში აკრძალა მოლდოვადან და საქართველოდან სოფლის მეურნეობის პროდუქტების (ღვინო, ხილი და მცენარეული წარმოშობის პროდუქცია) იმპორტი, რაც მნიშვნელოვან ზიანს აყენებს ორივე ქვეყანის ეკონომიკურ განვითარებას,

M. იმის გამო, რომ სამხრეთ ოსეთსა და აფხაზეთში დამოუკიდებლობისათვის ცალმხრივ მოძრაობას მხარს არ უჭერს არც ერთი საერთაშორისო ორგანიზაცია და ეუთოსა და გაერთიანებული ერების ორგანიზაციის ეგიდით ხორციელდება უწყვეტი ძალისხმევა საქართველოს სუვერენიტეტისა და ტერიტორიული მთლიანობის აღდგენის მიზნით,

P. იმის გამო, რომ ევროკავშირმა უნდა გააძლიეროს თავისი მხარდაჭერა საქართველოსა და სამხრეთ კავკასიის რეგიონში კონფლიქტების მშვიდობიანი გზით გადაწყვეტის მიზნით, ევროპაში უსაფრთხოებისა და თანამშრომლობის ორგანიზაციასთან (ეუთო) და სხვა მხარეებთან თანამშრომლობის გზით,

1. კიდევ ერთხელ მოუწოდებს კონფლიქტის მშვიდობიანი გზით გადაწყვეტისაკენ, ადასტურებს თავის მხარდაჭერას სამშვიდობო პროცესის მიმართ და მოუწოდებს ყველა მხარეს იმოქმედონ პასუხისმგებლობით და თავი შეიკავონ ცალმხრივი ნაბიჯებისა და გამაღიზიანებელი და აგრესიული განცხადებებისაგან, რომლებიც ემსახურება მდგომარეობის გამწვავებას და შეიძლება ძალადობაში გადაიზარდოს;

2. ადასტურებს თავის სრულ მხარდაჭერას საქართველოს სუვერენიტეტისა და ტერიტორიული მთლიანობის მიმართ და მოუწოდებს რუსეთის ხელისუფლებას სრულად სცეს პატივი ამ ქვეყნის სუვერენიტეტს საერთაშორისოდ აღიარებული საზღვრების ფარგლებში;

3. მკაცრად გმობს საქართველოს აფხაზეთისა და სამხრეთ ოსეთის რეგიონებში გარკვეულ ძალთა მიერ დამოუკიდებლობის დამყარების მიზნით ცალმხრივად განხორციელებულ მცდელობებს;

4. მოუწოდებს რუსეთის ფედერაციის მთავრობას შეწყვიტოს ნებისმიერი ასეთი ძალის მხარდაჭერა და მოუწოდებს რუსეთის ფედერაციის მთავრობას სრულად დაუჭიროს მხარი მის სამეზობლოში კონფლიქტების მოგვარების მიზნით გაწეულ მრავალმხრივ ძალისხმევას;

5. გმობს იმ ფაქტს, რომ სამხრეთ ოსეთი აპირებს დამოუკიდებლობის რეფერენდუმის ჩატარებას 2006 წლის 12 ნოემბერს და შეახსენებს მხარეებს, რომ მსგავსი დამოუკიდებლობის რეფერენდუმი, რომელიც ჩატარდა 1992 წელს, არ იქნა აღიარებული საერთაშორისო დონეზე;

6. აღნიშნავს, რომ აუცილებელია შეჩერებული სამშვიდობო პროცესის ხელახლა დაწყება და მოუწოდებს ევროკავშირსა და ეუთოს მიმართონ გაძლიერებულ და ერთიან ძალისხმევას, რათა ორი სამშვიდობო გეგმის დაწყებით ეტაპზე მიღწეული პროგრესის გსთვალისწინებით, შესაძლებელი გახდეს მხარეთა დაბრუნება მოლაპარაკებების მაგიდასთან;

7. ამასთან დაკავშირებით, მოუწოდებს ორივე მხარეს ხელი მოაწერონ ძალის გამოყენებისაგან თავის შეკავებისა და უსაფრთხოების გარანტიების შესახებ ერთობლივ დოცუმენტს და აწარმოონ კონსტრუქციული მოლაპარაკებები შექმნილი ჩიხიდან გამოსვლის მიზნით; სინანულით აღნიშნავს, რომ 2006 წლის 12-13 ოქტომბერს ქ. ვლადიკავკაზში ჩატარებულმა ერთობლივი საკონტროლო კომისიის შეხვედრამ არანაირი შედეგი არ გამოიღო;

8. მიაჩნია, რომ კონფლიქტის ზონის სრული დემილიტარიზაცია და ამ ზონაში შეიარაღების რაოდენობის შემცირება, ეუთოს ერთობლივი სამშვიდობო შენაერთის გარდა, წარმოადგენს კონფლიქტის პრევენციის ძირითად ელემენტს და ნდობის აღდგენის მიმართულებით პირველ უმნიშვნელოვანეს ნაბიჯს; აქედან გამომდინარე, მოუწოდებს რუსეთის მხარეს თავი შეიკავოს საქართველოს ტერიტორიული წყლების სიახლოვეს სამხედრო წვრთნების ჩატარებისა და სამხედრო ძალის ნებისმიერი სახით დემონსტრირებისაგან;

9. ხაზგასმით აღნიშნავს, რომ ნეიტრალური ეფექტური და მიუკერძოებელი სამშვიდობო ოპერაციების ჩატარებას არსებითი მნიშვნელობა გააჩნია საქართველოში არსებული ტერიტორიული კონფლიქტების მოგვარების თვალსაზრისით; ამასთან დაკავშირებით, ინტერესით ელის ახალ შემოთავაზებებს კონფლიქტის ზონაში, საქართველოსა და სამხრეთ ოსეთს შორის ცეცხლის შეწყვეტის ხაზთან ამჟამად განლაგებული სამხრივი ერთობლივი სამშვიდობო შენაერთის შესახებ; აღნიშნავს, რომ დანაშაულისა და უკანონობის წინააღმდეგ ბრძოლის მიზნით ახალი შენაერთი უნდა შეიცავდეს პოლიციურ ელემენტს; ხაზგასმით აღნიშნავს, რომ ევროკავშირი, აუცილებელ შემთხვევაში, მზად უნდა იყოს, რათა კონტიგენტი გამოუყოს ახალ სამშვიდობო შენაერთს;

10. თვლის უსამართლოდ და დისკრიმინაციულად, რომ საქართველოს მოქალაქეებთან შედარებით, რუსეთის პასპორტების მქონე სამხრეთ ოსეთის მოქალაქეებს ევროკავშირის ქვეყნებში უფრო ადვილად შეუძლიათ გამგზავრება, რაც ქმნის ისეთ მდგომარეობას, რომელიც ხელს უწყობს სამხრეთ ოსეთის რეგიონში მდგომარეობის დაძAბვასა და აფერხებს კონფლიქტის მოგვარების პროცესს;

10ა. მოუწოდებს რუსეთის ხელისუფლებას დაუყოვნებლივ შეწყვიტოს რუსეთში მცხოვრები ეთნიკური ქართველების წინააღმდეგ ოფიციალური სახელმწიფო ინსტიტუტების წარმომადგენელთა მხრიდან რეპრესიებისა და შევიწრიების განხორციელება და ბრალდებების წაყენება;

11. მოუწოდებს რუსეთის ხელისუფლებას გააუქმოს საქართველოსა და თავის ტერიტორიაზე მყოფი საქართველოს მოსახლეობის წინააღმდეგ ახლახან მიღებული ყველა ზომა; ასევე მოუწოდებს რუსეთის ხელისუფლებას გააუქმოს მოლდოვასა და საქართველოს პროდუქციის იმპორტზე შემოღებული გაუმართლებელი აკრძალვები;

11ა. მოუწოდებს რუსეთს მიიღოს ცივი ომის დასრულების შემდეგ შექმნილი რეალობა და უარი თქვას გავლენის ექსკლუზიური ზონების შესახებ თავის დრომოჭმულ წარმოდგენებზე;

12. მოუწოდებს საბჭოს გააგრძელოს ყველა სახის ძალისხმევა დაძაბულობის განმუხტვის, საქართველოსა და რუსეთის ფედერაციას შორის ნდობის აღდგენის და დიპლომატიური კრიზისის შემდგომი ესკალაციის თავიდან აცილების მიზნით; მოუწოდებს ევროკავშირის საბჭოს და ევროკომისიას იპოვონ გზები, რათა დაეხმარონ საქართველოს მოსკოვის მიერ მიღებული ეკონომიკური და სოციალური სანქციების შედეგების დაძლევასა და განეიტრალებაში;

13. მოუწოდებს ევროკავშირის საბჭოსა და ევროკომისიას შეიტანოს გაყინული კონფლიქტებისა და მათი მოგვარების საკითხი ევროკავშირსა და რუსეთს შორის მომდევნო სამიტების დღის წესრიგში;

14. მიესალმება საქართველოსთვის ევროპული სამეზობლო პოლიტიკის სამოქმედო გეგმის შეთანხმებას და ხელმოწერას; ელის, რომ მისი განხორციელება შემდგომ იმპულსს შესძენს ამ ქვეყანაში პოლიტიკური პროცესისა და რეფორმების გატარებას, მიესალმება ევროკავშირის ერთიანი საგარეო და უსაფრთხოების პოლიტიკის უმაღლესი წარმომადგენლის ჰავიერ სოლანას მიერ გაკეთებულ განცხადებებს, რომელმაც ამას წინათ აღნიშნა, რომ ევროკავშირი აპირებს უფრო აქტიური მონაწილეობის მიღებას საქართველოში არსებული კონფლიქტების მოგვარებაში და მოუწოდებს ევროკავშირის საბჭოს უზრუნველყოს სამხრეთ კავკასიაში ევროკავშირის სპეციალური წარმომადგენელი ყველა იმ აუცილებელი საშუალებითა და რესურსით, რაც გახდის ამ პროცესს უფრო ეფექტურსა და თვალსაჩინოს;

15. ავალებს ევროკავშირის ამჟამინდელ თავმჯდომარეს მიაწოდოს ეს რეზოლუცია ევროკავშირის საბჭოს, ევროკომისიას, საქართველოს პრეზიდენტსა და პარლამენტს, რუსეთის ფედერაციის პრეზიდენტსა და პარლამენტს, სამხრეთ ოსეთის დე-ფაქტო ხელისუფლებას, გაეროსა და ეუთოს გენერალურ მდივნებს.

2006 წლის 25 ოქტომბერი.
-
წყარო: http://www.rrc.ge/law/RezolEU_2006_10_25_g...d=1582&lng_3=ge

This post has been edited by WolfSpell on 2 Feb 2007, 18:47

მიმაგრებული სურათი

აჰა მოგაშველებ მეც საინტერესო ინფორმაციებს.



სამხრეთ ოსეთის ავტონომიური ოლქის მეოცე მოწვევის სახალხო დეპუტატთა საბჭოს X|| საგანგებო სესიის გადაწყვეტილება
სამხრეთ ოსეთის სტატუსის ამაღლების შესახებ
სამხრეთ ოსეთის ავტონომიური ოლქის მეოცე მოწვევვის სახალხო დეპუტატთა საბჭოს X|| საგანგებო სესია წყვეტს:

1. სამხრეთ ოსეთის ავტონომიური ოლქი გარდაიქმნას სამხრეთ ოსეთის ავტონომიურ საბჭოთა სოციალისტურ რესპუბლიკად.
ეთხოვოს საქართველოს სსრ უმაღლეს საბჭოს და სსრკ უზენაეს საბჭოს განიხილონ სამხრეთ ოსეთის ავტონომიური ოლქისათვის ავტონომიური რესპუბლიკის სტატუსის მინიჭების საკითხი.
სამხრეთ ოსეთის ავტონომიური ოლქის სახალხო დეპუტატთა საბჭოს აღმასკომის თავმჯდომარის პირველი მოადგილე მ.სანაკოევი.
სამხრეთ ოსეთის ავტონომიური ოლქის სახალხო დეპუტატთა საბჭოს აღმასკომის მდივანი ი.ქოქოევი.
1989 წლის 10 ნოემბერი.


სამხრეთ ოსეთის ავტონომიური ოლქის სახალხო დეპუტატთა საოლქო საბჭოს მეთოთხმეტე სესიის მეოცე მოწვევის 1990 წლის 20 სექტემბრის გადაწყვეტილება სამხრეთ ოსეთის ავტონომიური ოლქის სამხრეთ ოსეთის საბჭოთა დემოკრატიულ რესპუბლიკად გარდაქმნის შესახებ
სამხრეთ ოსეთის ავტონომიური ოლქის სახალხო დეპუტატთა მეოცე მოწვევის მეთოთხმეტე სესიამ გადაწყვიტა::
1. სამხრეთ ოსეთის ავტონომიური ოლქი გარდაიქმნას სამხრეთ ოსეთის საბჭოთა დემოკრატიულ რესპუბლიკად.
2. ეთხოვოს სსრ კავშირის უმაღლეს საბჭოს საბჭოთა კავშირის შემადგენლობაში სამხრეთ ოსეთის საბჭოთა დემოკრატიული რესპუბლიკის, როგორც დამოუკიდებელი სუბიექტის, შეყვანის შესახებ.
3. ეთხოვოს საბჭოთა კავშირის რესპუბლიკებს სამხრეთ ოსეთის საბჭოთა დემოკრატიულ რესპუბლიკასთან დადონ ხელშეკრულებები მეგობრობის, თანამშრომლობისა და ურთიერთდახმარების შესახებ.
სამხრეთ ოსეთის ავტონომიური ოლქის სახალხო დეპუტატთა საოლქო საბჭოს აღმასკომის თავმჯდომარე ფ. ზასეევი.

სამხრეთ ოსეთის ავტონომიური ოლქის სახალხო დეპუტატთა საოლქო საბჭოს აღმასკომის მდივანი ი. ქოქოევი.


საქართველოს რესპუბლიკის უზენაესი საბჭოს დადგენილება სამხრეთ ოსეთის ავტონომიური ოლქის სახალხო დეპუტატთა საბჭოს მიერ ოლქის სტატუსის შეცვლის თაობაზე მიღებულ გადაწყვეტილებათა შესახებ
საქართველოს რესპუბლიკის უზენაესი საბჭო აღნიშნავს, რომ უკანასკნელ პერიოდში სამხრეთ ოსეთის ავტონომიურ ოლქში შეინიშნება სეპარატისტული მოძრაობა, რომელიც ხელყოფს საქართველოს რესპუბლიკის ტერიტორიულ მთლიანობასა და სუვერენიტეტს.
ამის დამადასტურებელია სამხრეთ ოსეთის ავტონომიური ოლქის სახალხო დეპუტატთა საბჭოს 1990 წლის 20 სექტემბრის დადგენილება ოლქის ე. წ. "სამხრეთ ოსეთის საბჭოთა დემოკრატიულ რესპუბლიკად" გარდაქმნის შესახებ.
საქართველოს სსრ უზენაესი საბჭოს პრეზიდიუმმა 1990 წლის 21 სექტემბრის დადგენილებით გააუქმა სამხრეთ ოსეთის ავტონომიური ოლქის სახალხო დეპუტატთა საბჭოს 1990 წლის 20 სექტემბრის გადაწყვეტილება.
მიუხედავად ამისა, ა. წ. 16 ოქტომბერს მოწვეულ იქნა ავტონომიური ოლქის საბჭოს მეთხუთმეტე სესია, რომელმაც დაადასტურა თავისი წინა გადაწყვეტილება, აირჩია ე. წ. "სამხრეთ ოსეთის საბჭოთა დემოკრატიული რესპუბლიკის აღმასრულებელი კომიტეტი" და მიიღო დროებითი დებულება სამხრეთ ოსეთის საბჭოთა დემოკრატიული რესპუბლიკის უზენაესი საბჭოსა და სამხრეთ ოსეთის ადგილობრივი საბჭოების არჩევნების შესახებ: არჩევნები დაინიშნა 1990 წლის ორი დეკემბრისათვის.

საქართველოს რესპუბლიკის უზენაესი საბჭო ადგენს:

გაუქმდეს სამხრეთ ოსეთის ავტონომიური ოლქის სახალხო დეპუტათა საბჭოს დადგენილება ავტონომიური ოლქის ე. წ. "სამხრეთ ოსეთის საბჭოთა დემოკრატიულ რესპუბლიკად" გარდაქმნის შესახებ და, აქედან გამომდინარე, მის მიერ მიღებული ყველა გადაწყვეტილება, მათ შორის 1990 წლის 2 დეკემბრისთვის არჩევნების დანიშვნისა და ჩატარების შესახებ, რადგანაც ისინი ეწინააღმდეგებიან საქართველოს რესპუბლიკის მოქმედი კონსტიტუციის, აგრეთვე სსრ კავშირის კონსტიტუციის დებულებებს და საქართველოს სსრ უზენაესი საბჭოს პრეზიდიუმის 1990 წლის 2 სექტემბრის დადგენილებას.
საქართველოს რესპუბლიკის უზენაესი საბჭო მიმართავს სამხრეთ ოსეთის ავტონომიურ ოლქში მცხოვრებ ყყველა ეროვნების მოქალაქეს, განსაკუთრებით ოსი ეროვნების მოქალაქეებს მოწოდებით, გამოიჩინონ კეთილგონიერება, პოლიტიკური წინდახედულება, სიფხიზლე და სწორად შეაფასონ სეპარატისტული ძალების სახიფათო მოქმედება, რომელსაც შეიძლება მოჰყვეს საერთო დესტაბილიზაცია და უაღრესად მძიმე, გაუთვალისწინებელი შედეგები.
რესპუბლიკის უზენაესი საბჭო აცხადებს, რომ იგი განუხრელად იბრძოლებს საქართველოს რესპუბლიკის ტერიტორიული მთლიანობისა და სუვერენიტეტისათვის. ამასთან ერთად იგი ადასტურებს თავის გადაწყვეტილებას, რომ კვლავაც დაიცავს საქართველოში მცხოვრები ყველა ეროვნული უმცირესობის უფლებებს საერთაშორისო სამართლის საყოველთაოდ აღიარებული პრინციპების შესაბამისად.

საქართველოს რესპუბლიკის უზენაესი საბჭოს თავმჯდომარე ზ.გამსახურდია.
1990 წლის 22 ნოემბერი.


* * *

საქართველოს რესპუბლიკის კანონი სამხრეთ ოსეთის ავტონომიური ოლქის გაუქმების შესახებ

სამხრეთ ოსეთის ავტონომიურ ოლქში სეპარატისტული ძალები ცდილობენ ე.წ. "სამხრეთ ოსეთის საბჭოთა რესპუბლიკის" შექმნით მოახდინონ სახელმწიფო ხელისუფლების უზურპაცია, ხელყყონ საქართველოს რესპუბლიკის ტერიტორიული მთლიანობა, ჩამოაშორონ საქართველოს მისი ისტორიული, განუყოფელი ნაწილი, რაც აშკარად ეწინააღმდეგება არა მარტო საქართველოს რესპუბლიკის კონსტიტუციას, არამედ თვით სსრ კავშირის კონსტიტუციასა და საერთაშორისო სამართლის ელემენტარულ ნორმებს.
მიუხედავად საქართველოს რესპუბლიკის ხელისუფლების უმაღლესი ორგანოების არაერთი გაფრთხილებისა, აღკვეთილიყო ავტონომიური ოლქის თვითმარქვია ხელისუფლების უკანონო მოქმედებანი, ოლქში 9 დეკემბერს მაინც ჩატარდა ე.წ. "სამხრეთ ოსეთის საბჭოთა რესპუბლიკის" უმაღლესი საბჭოს არჩევნები, რითაც საქართველოს რესპუბლიკის ტერიტორიულ მთლიანობას რეალური საფრთხე შეექმნა.
იმის გათვალისწინებით, რომ სამხრეთ ოსეთის ავტონომიური ოლქი 1922 წელს შეიქმნა ამ რეგიონში მცხოვრები მკვიდრი ქართველი მოსახლეობის ნების უგულებელყოფით და სრულიად საქართველოს ინტერესების საზიანოდ, რაც არაერთხელ დადასტურდა ოლქის არსებობის მანძილზე, აგრეთვე იმის გამო, რომ ოს ხალხს საბჭოთა კავშირში გააჩნია საკუთარი სახელმწიფოებრიობა თავის ისტორიულ ტერიტორიაზე - ჩრდილოეთ ოსეთში და რომ საქართველოს რესპუბლიკაში მცხოვრები ოსი მოსახლეობის მხოლოდ მცირე ნაწილი ცხოვრობს სამხრეთ ოსეთის ავტონომიური ოლქის ფარგლებში, სადაც მას აქვს და მომავალშიც ექნება კულტურული ავტონომიის ყველა უფლება, საქართველოს რესპუბლიკის კონსტიტუციის 104-ე მუხლის მე-3 და მე-11 პუნქტების შესაბამისად საქართველოს რესპუბლიკის უზენაესი საბჭო ადგენს:

1. გაუქმდეს სამხრეთ ოსეთის ავტონომიური ოლქი.
2. გაუქმდეს სამხრეთ ოსეთის ავტონომიური ოლქის სახალხო დეპუტატთა საბჭო, მისი აღმასრულებელი და განმკარგულებელი ორგანო - აღმასრულებელი კომიტეტი და ოლქის სხვა სახელმწიფო ორგანოები.
3. ძალადაკარგულად ჩაითვალოს სრულიად საქართველოს ცენტრალური აღმასრულებელი კომიტეტისა და საქართველოს სახალხო კომისართა საბჭოს 1922 წლის 20 აპრილის #2 დეკრეტი "სამხრეთ ოსეთის ავტონომიური ოლქის მოწყობის შესახებ" და საქართველოს სსრ 1980 წლის 12 ნოემბრის კანონი "სამხრეთ ოსეთის ავტონომიური ოლქის შესახებ".
4. დადასტურდეს საქართველოს რესპუბლიკის ხელისუფლების უმაღლესი ორგანოების მიერ ადრე მიღებული გადაწყვეტილებები სეპარატისტული ძალების მიერ სამხრეთ ოსეთის ავტონომიური ოლქის სამხრეთ ოსეთის საბჭოთა რესპუბლიკად გარდაქმნის ანტიკონსტიტუციურობის შესახებ.
ცნობილ იქნეს ბათილად და იურიდიული ძალის არმქონედ ე.წ. "სამხრეთ ოსეთის საბჭოთა რესპუბლიკის" უმაღლესი საბჭოს 1990 წლის 9 დეკემბრის არჩევნები და მისი შედეგები.
5. საქართველოს რესპუბლიკის უზენაესი საბჭოს კანონმდებლობისა და კანონიერების დაცვის კომისიამ წარმოადგინოს წინადადებანი საქართველოს რესპუბლიკის კონსტიტუციასა და სხვა საკანონმდებლო აქტებში ცვლილებათა შეტანის თაობაზე.
6. საქართველოს რესპუბლიკის მინისტრთა საბჭომ:
- საქართველოს რესპუბლიკის უზენაეს საბჭოს წარმოუდგინოს წინადადებანი ყოფილი სამხრეთ ოსეთის ავტონომიური ოლქის ტერიტორიის ადმინისტრაციულ-ტერიტორიული მოწყობის შესახებ:
- განახორციელოს კანონით გათვალისწინებული ზომები ყოფილი სამხრეთ ოსეთის ავტონომიური ოლქის ტერიტორიის ადმინისტრაციულ-ტერიტორიული მოწყობის შესახებ:
- განახორციელოს კანონით გათვალისწინებული ზომები ყოფილი სამხრეთ ოსეთის ავტონომიური ოლქის ტერიტორიაზე საზოგადოებრივი წესრიგის დასამყარებლად, თვითმარქვია ხელისუფლებისა და მმართველობის ორგანოების ფუნქციობის აღსაკვეთად:
- შეუსაბამოს მთავრობის გადაწყვეტილებები ამ კანონს.
7. საქართველოს რესპუბლიკის პროკურატურამ განიხილოს და გადაწყვიტოს იმ პირთა პასუხისმგებლობის საკითხი, რომლებიც სამხრეთ ოსეთის ავტონომიურ ოლქში არ დაემორჩილნენ საქართველოს რესპუბლიკის სახელმწიფო ხელისუფლების ორგანოების გადაწყვეტილებებს, უხეშად დაარღვიეს კონსტიტუციით დადგენილი არჩევნების ჩატარების წესები, ბოროტად გამოიყენეს თანამდებობის პირთათვის კანონით მინიჭებული უფლებები და რწმუნებები.
8. კანონი ძალაში შედის მიღებისთანავე.
საქართველოს რესპუბლიკის უზენაესი საბჭოს თავმჯდომარე ზ. გამსახურდია.
1990 წლის 11 დეკემბერი.


* * *


შეთანხმება
ქართულ-ოსური კონფლიქტის მოწესრიგების პრინციპების შესახებ

რუსეთის ფედერაცია და საქართველოს რესპუბლიკა, რომლებიც ისწრაფვიან, რაც შეიძლება მალე შეწყდეს სისხლისღვრა და ყოველმხრივ მოწესრიგდეს კონფლიქტი ოსებსა და ქართველებს შორის,
ხელმძღვანელობენ რეგიონში მშვიდობისა და სტაბილურობის აღდგენის სურვილით,
ადასტურებენ გაეროს წესდებისა და ჰელსინკის დასკვნითი აქტისადმი ერთგულებას,
მოქმედებენ ადამიანების უფლებათა და თავისუფლებათა, აგრეთვე ნაციონალურ უმცირესობათა უფლებების პატივისცემის პრინციპით,
მხედველობაში იღებენ მიმდინარე წლის 10 ივნისს ყყაზბეგში მიღწეულ მორიგებებს, შეთანხმდნენ:

მუხლი 1.
1. შეთანხმების დადების მომენტიდან დაპირისპირებული მხარეები კისრულობენ მოვალეობას განახორციელონ ყველა ღონისძიება 1992 წლის 28 ივნისისათვის შეიარაღებული შეტაკებებისა და ცეცხლის სრული შეწყვეტისათვის.
2. 1992 წლის 28 ივნისს ცეცხლის შეწყვეტის მომენტიდან დაპირისპირებულ მხარეებს გაჰყავთ თავიანთი შეიარაღებული ფორმირებები შეხების ხაზის მიმდებარე დერეფნის შექმნის მიზნით.
ფორმირებათა გაყვანა ხორციელდება სამი დღე-ღამის განმავლობაში.
შეხების ხაზის გავლას, დერეფანს, მის განედებს განსაზღვრავენ მეთვალყურეთა ერთობლივი ჯგუფები.
მუხლი 2.
კონფლიქტის რაიონში დემილიტარიზაციისა და კონფლიქტში რუსეთის ფედერაციის შეიარაღებული ძალების ჩაბმის შესაძლებლობის გამორიცხვის მიზნით რუსეთის მხარეს ცეცხლის შეწყვეტისა და დაპირისპირებულ მხარეთა განცალკევების მომენტიდან 20 დღის განმავლობაში გაჰყავს ცხინვალის რაიონში დისლოცირებული 37-ე ინჟინერ-მესანგრეთა პოლკი და 292-ე ცალკე საბრძოლო ვერტმფრენთა პოლკი უზრუნველყოფისა და მომსახურების ქვეგანაყოფებით.
მუხლი 3.
1. ცეცხლის შეწყვეტის, შეიარაღებული ფორმირებების გაყვანის, თავდაცვის ძალების დაშლისა და უშიშროების რეჟიმის უზრუნველყოფისადმი კონტროლის უზრუნველყოფის მიზნით აღნიშნულ ზონაში იქმნება შერეული საკონტროლო კომისია კონფლიქტში ჩაბმული მხარეების შემადგენლობით, რომელიც განახორციელებს თავის ფუნქციებს ყყაზბეგის მორიგებათა შესაბამისად შექმნილ სამხედრო მეთვალყურეთა ჯგუფთან ურთიერთმოქმედებით.
2. კომისიის მუშაობის მონაწილე მხარეთაგან თითოეული მის შემადგენლობაში ნიშნავს თავის წარმომადგენლებს. საკონტროლო კომისიის ადგილსამყოფელი იქნება ქალაქი ცხინვალი.
3. აღნიშნულ ამოცანათა შესრულებისთვის საკონტროლო კომისიასთან მხარეთა შეთანხმებით იქმნება შერეული ძალები მშვიდობის დამყარებისა და მართლწესრიგის დაცვის მიზნით. კომისიასთან აგრეთვე შეიქმნება მეთვალყურეთა შერეული ჯგუფები, რომლებიც განლაგდებიან უშიშროების ზონის პერიმეტრზე.
4. საკონტროლო კომისია და მასთან შექმნილი ძალები დაუყოვნებლივ შეუდგებიან ამ შეთანხმებით მათზე დაკისრებული ამოცანების შესრულებას.
5. ამ შეთანხმების პირობების დარღვევის შემთხვევაში საკონტროლო კომისია გამოიძიებს მის გარემოებებს და განახორციელებს სასწრაფო ღონისძიებებს მშვიდობისა და მართლწესრიგის აღდგენის, აგრეთვე იმისათვის, რომ აღარ დაუშვან ასეთი დარღვევები.
6. საკონტროლო კომისიის და მასთან შექმნილი ძალების საქმიანობას აფინანსებენ მხარეები თანაბარ წილობრივ საფუძველზე.
მუხლი 4.
მხარეები დაუყოვნებლივ შეუდგებიან მოლაპარაკებას კონფლიქტის ზონაში არსებული რაიონების ეკონომიკური აღორძინებისა და ლტოლვილების დაბრუნებისთვის პირობების შექმნის შესახებ.
მხარეებს დაუშვებლად მიაჩნიათ ეკონომიკური სანქციებისა და ბლოკადების გამოყენება, ნებისმიერი სხვა დაბრკოლების შექმნა საქონლის, მომსახურებისა და ადამიანების თავისუფალი მოძრაობის გზაზე და ვალდებულებას კისრულობენ უზრუნველყონ მოსახლეობისათვის ჰუმანიტარული დახმარების გაწევის პირობები.
მუხლი 5.
მხარეები შეეცდებიან ობიექტურად და აწონ-დაწონილად გააშუქონ მასობრივი ინფორმაციის საშუალებებში მოწესრიგების პროცესი. ამ მიზნით საკონტროლო კომისიასთან იქმნება სპეციალური მრავალმხრივი პრესცენტრი.
მუხლი 6.
ეს შეთანხმება ძალაში შედის ხელმოწერის მომენტიდან.
დაიდო სოჭში 1992 წლის 24 ივნისს სამ ცალად ქართულ, რუსულ და ოსურ ენებზე, ამასთან, ყველა ტექსტი ერთნაირი ძალისაა.

რუსეთის ფედერაციის სახელით ბ.ნ. ელცინი.
საქართველოს რესპუბლიკის სახელით ე.ა. შევარდნაძე.

კარასინმა და როი რივმა ცხინვალის რეგიონში შექმნილი ვითარება განიხილეს
/ სივილ ჯორჯია, თბილისი / 2007-02-01 17:03:50


რუსეთის საგარეო საქმეთა მინისტრის მოადგილე გრიგორი კარასინი დღეს მოსკოვში საქართველოში ეუთოს მისიის ხელმძღვანელს როი რივს შეხვდა და ცხინვალის რეგიონში შექმნილი ვითარება განიხილა.

რუსეთის საგარეო უწყების ცნობით, მხარეებმა გამოთქვეს შეშფოთება რეგიონში შექმნილი ფეთქებადსაშიში ვითარების გამო, რომელიც დაძაბულობის შემცირების მიზნით სასწრაფო ზომების მიღებას მოითხოვს.

”არსებულ ვითარებაში პირველი ნაბიჯი უნდა იყოს საქართველოსა და სამხრეთ ოსეთს შორის დიალოგის საჩქაროდ აღდგენა შერეული საკონტროლო კომისიის ფარგლებში, იმადროულად მათ შორის პირდაპირი დიალოგის შესაძლო გააქტიურება”, - იუწყება რუსეთის საგარეო საქმეთა სამინისტრო.

ამავე ცნობით, მხარეებმა დაადასტურეს მზადყოფნა ხელი შეუწყონ სამხრეთ ოსეთის კონფლიქტის დარეგულირებას.
http://www.civil.ge/geo/article.php?id=14720

WolfSpell


კარგი სამუშაოები ჩაგიტარებია თემებთან დაკავშირებით. ყოჩაღ

1991 წელს სსრკ კომპარტიამ უკანონოდ აღადგინა გაუქმებული "სამხრეთ ოსეთის ავტონომიური ოლქი" და შეუერთა რსფსრ-ს.

ოსები გაგლოევას პირით ამტკიცებენ, რომ ცხინვალს სამი მიმართულებიდან არტილერიული ცეცხლი გაუხსნეს ქართველებმა, რომ ქალაქის ცენტრში (?!) დაჭრილია ერთი კაცი...

სროლა ქართულ-ოსური კონფლიქტის ზონაში
04.02.07 12:10

სროლის ხმა ისევ ისმოდა გუშინ ქართულ-ოსური კონფლიქტის ზონაში. ცეცხლი ოსური პოზიციებიდან სოფელ ქვემო ნიქოზის მიმართულებით გახსნეს.

ჭურვებია ჩამოვარდნილი სოფლის ცენტრში. ერთ-ერთი მათგანი ნიქოზის საგუშაგოსთან ახლოს მდებარე საცხოვრებელ სახლს დაეცა, რის შედეგადაც დაშავდა 30 წლის ავთანდილ ლონგურაშვილი. იგი უკვე გადაყვანილია თბილისში ღუდუშაურის სახელობის კლინიკაში. ექიმების განცხადებით, მრავლობითი ჭრილობების გამო დაჭრილის მდგომარეობა რთულია. რუსი მშვიდობისმყოფელები ადასტურებენ, რომ სროლა ცხინვალიდან ისმოდა.

ინტენსიური სროლა ქვემო ნიქოზის მიმართულებით საღამოს 11:00 საათისთვის დაიწყო და ერთ საათს გაგრძელდა.

ოსური მხარე, ტრადიციულად, მომხდარს ქართულ მხარეს აბრალებს და აცხადებს, რომ სპეცსამსახურების მიზანი ცხინვალში შესვლა იყო. დე ფაქტო თავდაცვის მინისტრის ანდრეი ლეპტევის მტკიცებით, მსხვილკალიბრიანი იარაღით ცხინვალის სამხრეთ რაიონების მიმართულებით ისროდნენ. კოკოითის რეჟიმის წარმომადგენლები ირწმუნებიან, რომ დაჭრილები არიან ცხინვალში.

შემთხვევის ადგილზე ეუთო-სა და შერეული სამშვიდობო ძალების წარმომადგენლები მუშაობენ.
http://rustavi2.com/news/news_textg.php?id...10&pg=1&im=main

ცხინვალის წარმომადგენელი უარს აცხადებს თბილისთან მოლაპარაკებებზე
/ სივილ ჯორჯია, თბილისი / 2007-02-06 10:10:48


ქართულ და სამხრეთ ოსურ მხარეებს შორის ორმხრივ მოლაპარაკებებს, არსებული ოთხმხრივი ფორმატის გვერდის ავლით, უარყოფითი შედეგები მოყვება სამშვიდობო პროცესისთვის, განაცხადა სამხრეთ ოსეთის დე ფაქტო ხელისუფლების წარმომადგენელმა რუსეთში დიმიტრი მედოევმა ”ინტერფაქსის” ოფისში გამართულ პრესკონფერენციაზე.

”ჩვენ დაჟინებით მოვითხოვთ არსებული ოთხმხრივი ფორმატის შენარჩუნებას... რუსეთი, როგორც მთავარი გარანტი, ვერ გამოირიცხება ამ პროცესიდან. რუსეთი მთავარი ქვეყანაა კავკასიაში და საქართველომ უნდა გაითვალისწინოს მისი პოზიცია”, - განაცხადა მედოევმა.

თბილისის ოფიციალური წარმომადგენლები თავს იკავებენ ოთხმხრივი შერეული საკონტროლო კომისიის სხდომებში მონაწილეობისგან.

ამის სანაცვლოდ, თბილისი სამხრეთ ოსეთის მხარეს ორმხრივი ”კონსტრუქციული დიალოგის” დაწყებისკენ მოუწოდებს ევროკავშირის, აშშ-ს, ეუთოს და რუსეთის შუამავლობით.
http://www.civil.ge/geo/article.php?id=14737

მიმაგრებული სურათი

არ ვიცი, ეს საიტი ვისია, მაგრამ რუნეტში ქართულ-ოსურ კონფლიქტზე ყველაზე ჭკუადამჯდარი რეზიუმე ამათ აქვთ გამოყვეყნებული:

Caucasus Today
Грузино-осетинский конфликт
http://www.ctoday.info/index.php?dn=info&pa=uosetia

სხვათა შორის, იგივე შეიძლება ითქვას ქართულ-აფხაზურ კონფლიქტის შესახებ მათ სტატიაზე. თუ გინდა, ეს აფხაზეთზე თემაში ჩამოკიდე:

РОЛЬ АБХАЗО-АДЫГОВ В ГРУЗИНСКОЙ ПОЛИТИКЕ
http://www.ctoday.info/index.php?dn=info&pa=abkhazia

Geronti

გერონტი, სადა ხარ კაცო დაკარგული!
მოგვაკლდა შენი ლინკები!

დავიკარგე, იუდავ, დავიკარგე... დღეს ცოტა გამონათება მქონდა მაგრამ ხვალიდან ისევ დავყვინთავ

აპა, რამეს დაიკლებთ თქვეენ? თუმცა მაინც პრიჲატნა

უფრო ახლის ვერ მივიდოდი : ) ..........

Geronti

წყალქვეშა ნავზე მსახურობ, ხომ კი!
იმიტომაა, მიწის ქვეშ რა დევს, ყველაფერი რომ იცი!

როი რივი ცხინვალში ბორის ჩოჩიევს შეხვდა
/ სივილ ჯორჯია, თბილისი / 2007-02-08 16:57:09


დღეს ცხინვალში გაიმართა შეხვედრა თვითგამოცხადებული სამხრეთ ოსეთის ვიცე-პრემიერს ბორის ჩოჩიევსა და საქართველოში ეუთოს მისიის ხელმძღვანელს როი რივს შორის, იტყობინება სამხრეთ ოსეთის ბეჭდვისა და ინფორმაციის კომიტეტი.

ამავე ცნობით, მახრეებმა განიხილეს შერეული საკონტროლო კომისიის (შსკ) ფარგლებში შეხვედრის ორგანიზების საკითხი.

თბილისი მომხრეა შსკ-ს არაფორმალური შეხვედრა ჩატარდეს ცხინვალში, მაშინ როცა ოსური მხარე შსკ-ს პლენარული სხდომის ჩატარებას მოითხოვს
http://www.civil.ge/geo/article.php?id=14762

აი რა ვიდეოები ვიპოვე:

http://www.youtube.com/watch?v=BVpRr4JL5Eo