საქართველოს U 19 ნაკრები., საქართველო U 19-რუმინეთი U 19 24-26 ივლისი

U19. საქართველო - რუმინეთი
ნაკრებმა ამხანაგური მატჩებისთვის მზადება დაიწყო


საქართველოს 19-წლამდელთა ნაკრები რუმინელ თანატოლებთან ორი ამხანაგური მატჩისთვის მზადებას განაგრძობს. ჩვენი გუნდი, რომლის მთავარი მწვრთნელი ზაურ სვანაძე გახლავთ, 24 და 26 ივლისს უმასპინძლებს მეტოქეს.



რუმინელებთან პირველი ამხანაგური მატჩი ხვალ თბილისში, ფეხბურთის კლუბ ”ამერის” სტადიონზე შედგება, შაბათს, 26 ივლისს კი მეტოქეები გორში, თენგიზ ბურჯანაძის სახელობის სარბიელზე გაარკვევენ ურთიერთობას. ორივე ამხანაგური მატჩი 18 საათზე დაიწყება.



19-წლამდელთა ნაკრების მთავარმა მწვრთნელმა რამაზ სვანაძემ ტექნიკურ ცენტრ ბასა-ზე შემდეგ ფეხბურთელებს უხმო:



მეკარეები: გიორგი მაკარიძე (თბილისის ”დინამო”), გიორგი ლოსაბერიძე (თბილისის ”დინამო”), ბუთა კოტრიკაძე (”გაგრა”)

მცველები: გიორგი გეთიაშვილი (თბილისის ”დინამო”), ლევან კაკუბავა (თბილისის ”დინამო”), გიორგი სარაჯიშვილი (რუსთავის ”ოლიმპი”), ცოტნე ბუკია (”ზესტაფონი”), ილია სორდია (თბილისის ”ვიტ ჯორჯია”), გიორგი გურაბანიძე (თბილისის ”ნორჩი დინამოელი”), ბადრი ტეტუნაშვილი (”გაგრა”), ლევან ტყებუჩავა (აგარის ”მეშაქრე”)

ნახევარმცველები: ირაკლი კანდელაკი (თბილისის ”დინამო”), ვაჟა ნემსაძე (თბილისის ”დინამო”), ნიკოლოზ ჯიშკარიანი (თბილისის ”დინამო”), გიორგი სალარიძე (”ორბები”), თემურ შონია (თბილისის ”ოლიმპიკი”), ლაშა საცერაძე (”ზესტაფონი”), ლევან სეთურიძე (”გაგრა”), თორნიკე თარხნიშვილი (ცხინვალის ”სპარტაკი”), ირაკლი ხურციძე (თბილისის ”ამერი”), ირაკლი კვეკვესკირი (მოსკოვის ”დინამო 2”, რუსეთი)

თავდამსხმელები: ზვიად ქანთარია (თბილისის ”დინამო”), გიორგი იჩქითი (გორის ”დილა”), ერეკლე ფილია (”გაგრა”), მიხეილ ხოკერაშვილი (”გაგრა”), მიხეილ როსტიაშვილი (თბილისის ”ვიტ ჯორჯია”)



სწორედ ეს გუნდი იასპარეზებს ევროპის 2009 წლის ჩემპიონატის შესარჩევ ტურნირში, რომლის ელიტ-რაუნდის საკვალიფიკაციო მატჩები შემოდგომით ჩეხეთში გაიმართება. რამაზ სვანაძის გუნდი მასპინძელთა გარდა დანიელ და კვიპროსელ მოთამაშეების დაუპირისპირდება.


ხვალ გლდანის "ამერის" სტადიონზე 18:00 საათზე
საქართველო U19 - რუმინეთი U19
ვისაც რა მოსაზრება გაქვთ დააფიქსირეთ....ფეხბურთელებთან დაკავშირებით თუ ვინმეს აქვს ინფორმაცია, ან რომელიმეზე აქვს წარმოდგენა გაგვაცანით აზრი და შეხედულება!
მაინტერესებს რა თაობა მოდის. აუცილებლად წავალ სტადიონზე და ყველას მოგიწოდებთ!:)

მინდა წასვლა,მაგრამ როგორ მივიდე არ ვიცი.........

თუ გავარკვიე წავალ

არავინ იცით როგორ უნდა მოვხვდე ამერის სტადიონზე?

This post has been edited by George:) on 24 Jul 2008, 15:41

გლდანის დასაწყისშია სადღაც რა უნდა მოძებნე და მიაგნებ

biarritz

არა, ბოლოშია სადღაც

George:)

ჯობია გორში წახვიდე

რა ქნეს არ იცით.................................................................................................................................................

2:0 მოიგეს. საკაიფოდ ითამაშეს
...........................

ballack13

მართლა? ყოჩაღ!

ეს ზაურ-რამაზის პირველი თამაში იყო არა 19 წლამდელთა ნაკრების მთავარი მწვრთნელის პოსტზე? კარგია ზაურ! დიდად მუშა ფეხბურთელი გახლდათ და იმედი ვიქოპნიოთ წარმატებული მწვრთნელი დადგება!

ისე ყენია რატომ არ იყო? თუ ამ ნაკრებისთვის აღარ ისარჯება?

ყენიას ალბათ გუნდი არ უშვებს, თუ U19 წლამდეს შესარჩევი თამაშები ეროვნულის თამაშებს არ დაემთხვევა...შესაძლოა ყენიამაც ითამაშოს.
* * *
ეს დღევანდელი თამაშიდან

მაგრად ითამაშეს ბიჭებმა,საღოლ!
----------------------------------------

ასე რომ სვანაძის დებიუტი წარმატებული გამოდგა

სვანაძის წარმატებული დებიუტი

საქართველო 2:0 რუმინეთი
საქართველო: მაკარიძე, გეთიაშვილი, კაკუბავა (46 სარაჯიშვილი), ტეტუნაშვილი, სალარიძე, ხურციძე (89 ბუკია), თარხნიშვილი, შონია (85 საცერაძე), იჩქიტი (46 კვეკვესკირი), როსტიაშვილი (80 ნემსაძე), ფილია (46 ხოკერაშვილი).
მწვრთნელი: ზ. სვანაძე
რუმინეთი: ფრაკაში, სავინი, მუტი, რაპა (46 მირონი), კუკუ (35 ბარბოლოვიკუ), პოპესკუ (89 სანაუ), ალექსე (89 იონესკუ), მანუ, ალიბეკი, მატეი, სტეფოი.
მწვრთნელი: ა.ვასაი
გოლები: 1:0 ხურციძე (40), 2:0 ხოკერაშვილი (54).
გაფრთხილება: შონია (55), როსტიაშვილი (57), ალექსე (82).
არბიტრი: მ. მაისურაძე
საქართველოს 19-წლამდელ ფეხბურთელთა ნაკრების მთავარი მწვრთნელის პოსტზე ზაურ სვანაძის დებიუტი წარმატებული აღმოჩნდა. ამას, მხოლოდ განვლილ შეხვედრაში დაფიქსირებული ანგარიში კი არ მოწმობს, არამედ თავად გუნდის თამაში, რომელმაც მეტოქეს პირწმინდად აჯობა. მასპინძლებმა განსაკუთრებით დიდი უპირატესობა მეორე ტაიმში მოიპოვეს და შექმნილი მომენტები სათანადოდ რომ გამოეყენებინათ, გაცილებით დიდი სხვაობით უნდა მოეგოთ.
პირველ ტაიმში, ვიდრე ქართველები ანგარიშს გახსნიდნენ, მოწინააღმდეგეებმა თითო საგოლე მომენტი გაცვალეს – მე-18 წუთზე ალიბეკის დარტყმული ბურთი მაკარიძემ მოიგერია, ხოლო 10 წუთის შემდეგ, როსტიაშვილმა რუმინელთა საჯარიმოს მისადგომებიდან მიზანს მცირედით ააცილა.
მე-40 წუთზე, მასპინძლებმა ბურთი თამაშში აუტიდან შეიტანეს და პარტნიორებმა მოწინააღმდეგის კართან დასარტყმელ პოზიციაზე ხურციძე გაიყვანეს, რომელმაც მიცემული შანსი გამოიყენა.
მეორე ტაიმის დასაწყისში, სვანაძემ მოედანზე სარაჯიშვილი და ხოკერაშვილი შეიყვანა, რომელთა გათამაშებულ კომბინაციას გოლი მოჰყვა. პირველმა მათგანმა, ერთი გადაცემით, რუმინელთა დაცვის ხაზი “მოჭრა” და ფარკაშთან პირისპირ გაიყვანა ხოკერაშვილი, რომელმაც ანგარიში ორამდე გაზარდა.
ამის შემდეგ, თამაში ფაქტობრივად რუმინელთა ნახევარზე მიმდინარეობდა და საკუთარი შეგირდების გააქტიურება ვერც ვასაიმ შეძლო, რომელმაც ამისთვის ენერგია არ დაიშურა.
56-ე წუთზე, თარხნიშვილმა საჯარიმო დარტყმა შეასრულა და მოწინააღმდეგის კარის შორეულ ძელთან სარაჯიშვილმა ბურთს ვერ მიუსწრო. 63-ე წუთზე, ხურციძემ მეტოქის მცველს ბურთი მისსავე ნახევარზე აართვა, შემდეგ გზად კიდევ ერთი რუმინელი ჩამოიტოვა და სტუმართა საჯარიმოში შესულმა არაზუსტად დაარტყა.
ორი წუთის შემდეგ, შონიას, კარი ფარკაშმა არ დაანება, ხოლო როსტიაშვილმა დამატებაზე ხეირიანად ვერ ითამაშა.
83-ე წუთზე, შონია სტუმართა საჯარიმოში მარჯვნიდან შეიჭრა და მის მიერ დარტყმული ბურთი რუმინელების გოლკიპერმა უკუაგდო, ხოლო იმავე შონიამ, გოლის გატანა ვერც მეორე ჯერზე შეძლო.
86-ე წუთზე, ნემსაძემ მახვილგონივრული გადაცემით ხოკერაშვილი ფარკაშთან ერთიერთზე გაიყვანა, მაგრამ ქართველმა თავდამსხმელმა ვლახების კარის დარაჯს ორი ცდით ვერ აჯობა.
მატჩის ძირითადი დროისთვის დამატებულ წუთებში, ნემსაძე ერთ მოწინააღმდეგეს გაცდა და დაახლოებით 25 მეტრიდან დაარტყა, მაგრამ ბურთი გვერდით ძელს მოხვდა.
განვლილ შეხვედრაში, ეს ბოლო სახიფათო მომენტი აღმოჩნდა და მალხაზ მაისურაძემ, რომელიც კარიერაში ბოლო მატჩს მსაჯობდა, საბოლოო ანგარიში დააფიქსირა.
მომდევნო მატჩი ქართველ და რუმინელ 19-წლამდელებს შორის 26 ივლისს, გორში გაიმართება.
ლაშა თაბაგარი


http://www.msofsport.com/more.aspx?id=10240

ეხლა შევამჩნიე ....ეს ტექსტი GFF.GE-იდან გადმოვიტანე, იქ დაარქვეს ორი სახელი
მართლაც კარგი დაბიუტი ჰქონდა სვანაძეს!!!!

ყოჩაღ. ნამდვილად არ მეგონა თუ დღეს იმარჯვებდნენ, მაგრამ ედეგი სახეზეა. სვანაძემაც წარმატებულად დაიწყო და იმედია ეგრე გააგრძელებს...


ეს ცისფერი ფორმა რა პონტია? სულ დროში ფერების მიხედვით იყო და ეხლა...

ხო რავი, თეთრი და წითელი მშვენიერი ფორმებია!

ბრავო ბიჭებს
-----------------

საღოლ...
ძლივს რაღაც წარმატებას მივაღწიეთ ფეხბურთში...
მომავალი თაობის იმედი უნდა გვქონდეს ესეიგი