მიმართვა მსოფლიო პატრიარქს, და პასუხი

თქვენო ყოვლადუწმიდესობავ,

მძიმე განსაცდელი დაუდგა საქართველოს. რამდენიმე დღის წინ, რუსეთის ფედერაციის 58-ე არმიამ დაიწყო შეტევა საქართველოს სუვერენული სახელმწიფოს წინააღმდეგ. მიმდინარეობს ქართული ქალაქების და სტრატეგიული პუნქტების მასირებული დაბომბვა. საომარი მოქმედებების რამდენიმე დღის შემდეგ არის დაღუპული და დაშავებული ასობით უდანაშაულო მოქალაქე, განადგურებულია სახელმწიფოს სიცოცხლისუნარიანობისათვის აუცილებელი არაერთი ობიექტი. რუსეთისვე მხარდაჭერილი სამხრეთ ოსეთის თვითგამოცხადებული რესპუბლიკის დასახმარებლად შემოსული რუსული ავიაბომბდამშენები გაცდნენ ამ რეგიონის ფარგლებს და საბრძოლო ოპერაცია გადაიზარდა ფართომასშტაბიან რუსულ-ქართულ ომში.

შექმნილ სიტუაციაში გვინდა მოგმართოთ და გთხოვოთ, როგორც მსოფლიო პატრიარქს, რომ ხმა აღიმაღლოთ ამ უპრეცედენტო უმსგავსობის და გაუგონარი აგრესიის წინააღმდეგ. გვინდა გთხოვოთ, რომ განსაკუთრებით გააძლიეროთ ლოცვები საქართველოს მშვიდობისათვის, მოუწოდოთ რუსეთის ხელისუფლებას, თუკი ვინმეს შერჩენია ქრისტიანული რწმენა, აღკვეთოს აგრესია მშვიდობისმოყვარე საქართველოს მიმართ.

გამოვთქვამთ გულისტკივილს, რომ შექმნილ ვითარებაში, მოსკოვის საპატრიარქო არათუ ცდილობს შეაჩეროს კრემლის იმპერიალისტური მოქმედბები, არამედ საერთოდ კომენტარსაც კი არ აკეთებს ქართველი მორწმუნეების მისამართით.

ვემთხვევით თქვენს მაკურთხეველ მარჯვენას და ვსასოებთ უფალზე, რომ იგი შეისმენს თქვენს ლოცვებს და მოსცემს ერსა თვისსა ძალას და აკურთხებს ერსა თვისსა მშვიდობით (ფს. 24)

პატივისცემით,

ახალგაზრდა ქართველი მართლმადიდებლები
-----------------------




უწმიდესსა და უნეტარესს,
სრულიად საქართველოს კათოლიკოს-პატრიარქს,
ქრისტეს მიერ საყვარელ ძმასა და თანამწირველს'
ილია II-ს


ძმური და უფლისმიერი ამბორით გაუწყებთ:
გულდამძიმებულნი თქვენთვის მოყენებული ტკივილის გამო, ცრემლიანი თვალებით უკვე რამდენიმე დღეა, თვალყურს ვადევნებთ ღვთის მორწმუნე ქართველ ერზე მოულოდნელად თავს დატეხილ ტრაგედიას: უდანაშაულო მსხვერპლთა სისხლის ღაღადი ყურთ ჩაგვესმის. ჭრილობებით მიყენებული ტკივილი, ძალდატანებით გადაადგილებულთა უბედურება, საყვარელ ადამიანთა დანაკარგით გლოვა, უპასუხოდ დარჩენილი გასაჭირი, მიტოვებულ, უძლურ მოხუცთა შიში, რომელიც განიცადა ერთნაირად ქართველმა და ოსმა ხალხმა. თქვენი ჯვარი დღეს ჩვენი ჯვარიც ხდება. თქვენთან ერთად ჩვენც გვლოვობთ და გულს გვტკენს საქართველოზე თავს დატეხილი უბედურება.

მუხლს ვიდრეკთ მშვიდობის მთავრის წინაშე, სულის სიღრმიდან ვევედრებით და ლოცვებს აღვავლენთ უფლის მიმართ, რათა ყოვლადწმინდა ღვთისმშობლის მეოხებით, დიდმოწამე გიორგისა და მოციქულთასწორის წმინდა ნინოს შეწევნით თქვენს ქვეყანაში მშვიდობამ დაისადგუროს, შვება მიეცეს დატანჯულ ერს, ხოლო მტრის მშვილდები შემუსროს და "საჭურველი და ფარები დაწუას ცეცხლითა" (ფს. 45, 10). დასრულდეს მართლმადიდებელ ქრისტიანთა ძმათამკვლელი ომი, დამყარდეს ღვთივმონიჭებული ერთსულოვნება კავკასიის მოწამებრივ მიწაზე.

წმინდაო ძმაო, მედგრად იდექით ქარიშხლის წინაშე, რადგან თქვენ ხართ ნუგეშინისმცემელი და მეოხი ღირსეული ქართველი ქრისტიანი ხალხისა. უწყვეტი ლოცვითა და დიდი სიყვარულით გვიგულეთ თქვენს გვერდით, თანამოსაგრეობით, თანაგრძნობითა და ღვთისადმი სასოებით. ვეამბორებით თქვენს ღირსეულ უნეტარესობას მხურვალე ქრისტესმიერი ამბორით.

ღმერთი სიყვარულისა და მშვიდობისა იყავნ თქვენ თანა.

თქვენი ქრისტესმიერ საყვარელი ძმა,

+ ბართოლომეოს I,
ნებითა ღვთისაითა, მთავარეპისკოპოსი კონსტანტინოპოლისა - ახლისა რომისა
და მსოფლიო პატრიარქი,
სტამბული, 2008 წლის 12 აგვისტო

რა სასაცილოდ ჟღერს

აჰა, მსოფლიო პატრიარქმა სხვა დასავლელი მშივდობისმოსურნეებისაგან განსხვავებით გამოხატა არა შეშფოთება, არამედ გულდამძიმება

koop

უფრო სასაცილო იქნებოდა: ერთმორწმუნე ქრისტიანთა ძმათა მკვლელი ომი

ალანიის დამოუკიდებელი ეპარქიის მამამთავრის და რუსეთის პატრიარქის მიმოწერა არა გაქვთ?

პოლიტეკლესიაა თქო და წყინთ ...
* * *
"Я не могу считать Илию Второго Патриархом – это шовинист, и его плоды – сатанинские!

Мы пережили невероятное: наши братья по вере из Грузии убивали наших детей и женщин, жгли дома, разрушили храм 7 века, храмы-памятники византийского периода, древнейшую в мире синагогу, которой более 2 тысяч лет. Невероятно, но они стреляли по нашим людям, укрывшимся в храме – а в это время за нас сражались мусульмане! Это были и солдаты войсковых частей России, и ополченцы из Осетии и других мест Кавказа, и особенно - батальон «Восток» из Чечни. Жизнь показала, кто наши истинные братья и кто служит Богу, а не войне!

Вы где-нибудь слышали, чтобы армия стреляла прямо по храмам, где прячутся люди? Вы слышали, чтобы армия воевала с мёртвыми? А ведь танки Саакашвили, благословлённые Илиёй Вторым, сначала стреляли по нашему кладбищу, а потом давили его гусеницами! Это разве не сатанизм!" (Епископ Аланский Георгий)

ერთი ესა ნახეთ რა ... აფირისტ ...!! ქართველებს ქართული ეკლესიები დაუნგრევიათ ... სურათი?
ერთი ოსი დაღუპული ბავშვის სურათი მაინც დადონ წამლად ... რომ ცოტათი დავიჯერო ...

http://www.alloneparxi.ru/