რჩევა მჭირდება

წლებია ქართულად ფაქტიურად არაფერი მომისმენია და არც წამიკითხავს, შესაბამისად არც მისაუბრია. ბოლო პერიოდში მომიწია და ძალიან არ მომეწონა ჩემი საუბარი. ლექსიკური მარაგი მაქვს იმდენად შემცირებული რომ ჩემი თავისგან მიკვირს და საშინლად არ მსიამოვნებს. პანიკაში ვარ. არ მესმის რა ხდება... სიტყვების მნიშვნელობა ვიცი, მაგრამ საუბრისას არ მახსენდება
ვეცი სერიალებს ქართულად, დოსტოევსკის გადაკითხვა დავიწყე მაგრამ ცვლიელებას ჯერ ფაქტიურად ვერ ვატყობ.
მოკლედ, იქნებ რამე საკითხავი მირჩიეთ, რომ რაც შეიძ₾ება მალე შევივსო მარაგი. ან თუ კითხვაზე უკეთესი რამე იცით..

mysteryousone
შენი პრობლემა არის არა "რა", არამედ - "როგორ". წიგნს კი არა აქვს მნიშვნელობა, რას წაიკითხავ, არამედ - იმას, თუ როგორ წაიკითხავ. ახლა დისკომფორტში ხარ ალბათ და პანიკაც იმიტომ გაგიძლიერდა, თორემ შენი ნაწერიდანვე ჩანს, შენ ლექსიკური მარაგის შემცირების არაფერი არ გეტყობა. ასეთი გამართული ქართული, როგორითაც შენ გიწერია, დღეს თბილისში სანთლითაა საძებარი. ნებისმიერი წიგნი აიღე და ავტომატური (ჩვეულებრივი) კითხვის მაგივრად აზრით გაჰყევი შინაარსს და სხვადასხვა წინადადებები სხვა სიტყვებით გადმოეცი. ან კიდევ უკეთესს გეტყვი - აიღე ვეფხისტყაოსანი (ონლაინ მოძებნი) და დაიწყე ხმამაღლა კითხვა და მესამე თავამდე სანამ მიხვალ, დაინახავ, რო სასწაულს მოახდენს და ეგ შიშიც მოგეხსნება.

არაფერი სანერვიულო არაა მაგაში, ჩვეულებრივი ამბავია, რაც ყველას ემართება. ენა ცნობიერების გარეგამოხატულებაა და სხვა ენის "ლოგიკაზე" გადართვისას თავისუფლად შეიძლება, მოგეჩვენოს, რო შენგან შენი მშობლიური ენა თითქოს გადის და მის ადგილს ახალი, უცხო ენა იკავებს, მაგრამ ამ უცხო ენას არა გაგდება, არამედ, მხოლოდდამხოლოდ თავისი ადგილის მიჩენა უნდა და მეტი არაფერი. გააკეთე, რაც გითხარი და ნახავ, როგორ დალაგდება ყველაფერი.