ზურა იონანიძის 400-ი მატჩი, ეროვნულ ჩემპიონატში

ზურაბ იონანიძემ ბორჯომში გამართულ შეხვედრაში საქართველოს ეროვნული ჩემპიონატების სუპერ რეკორდი დაამყარა. მან ეროვნულ ჩემპიონატებში თავისი მე-400 მატჩი გამართა !

მგონი, იონა, რომელმაც პირველ ეროვნუშიც მიიღო მონაწილეობა და ახლანდელშიც თამაშობს , ღირსია იმის, რომ ეს თემა მივუძღვნათ და ცოტა ხნით გადავდოთ გვერდზე საუბრები იმის შესახებ მერებაშვილია უფრო მაგარი , გოცირიძე თუ კლიმიაშვილი ...აი, იონას სურათებიც...
არა სილამაზის კონკურსისთვის , არამედ იმიტომ, რომ ძალიან დიდი სპორტსმენია!

























ისე, ზესტაფონამდე პერიოდის სურათები თუ ვინმეს გაქვთ, გამოუშვით!

This post has been edited by shanhai7 on 30 Oct 2008, 09:59

shanhai7

სილამაზითაც რას ერჩი? არ დაეწუნება..

იონანიძე ნამდვილად იმსახურებს თემას, მან თავისი თამაშით სადაც კი ითამაშა ყველგან ლიდერობა გამოავლინა.
400-მატჩი ეროვნულ ჩემპიონატში და 210-გატანილი გოლი, ამ მიღწევების შეცვლას შესაძლოა 10-ეული წლები დასჭირდეს.

მართლაც შექების ღირსია იონანიძე. მე ვფიქრობ, რომ 400 მატჩს რამოდენიმე 10 - ეული წლები დასჭირდება, რომ კიდევ ვინმემ გადააბიჯოს ამ ზღვარს.

საქართველოს ყველა დროის ერთ-ერთი საუკეთესო თავდამსხმელია, რომელმაც ჩვენი მაშტაბით ყველაფრის მოგება შეძლო, ითამაშა ქუთაისის ტორპედოში იმ პერიოდში როდესაც ეს გუნდი საქათველოს ჩემპიონი ზედიზედ სამჯერ გახდა და მიუხედავად იმისა რომ იმ გუნდში იყვნენ დავით ჯანაშია, მალხაზ ასათიანი, ალექსანდრე ამისულაშვილი, გივი დიდავა, კახა ჩხეტიანი და სხვა ბევრი კარგი ფეხბურთელი იონანიძე გუნდში აშკარად საუკეთესო იყო, ისევე როგორც ზესტაფონშია საუკეთესო. ეროვნულ ნაკრებშიც მოასწრო თამაში და გოლიც გაუტანია ნაკრების მაისურით


ასე რომ მას თავის კარიერაზე გული არ უნდა დაწყდეს, კარგი კარიერა ქონდა

ზურაბ იონანიძის 400!
ღვაწლმოსილი მეგოლე წასვლას არ აპირებსhttp://www.fczestafoni.ge/News/301.htm

ზურაბ იონანიძის ფენომენალურ მიღწევაზე ალბათ კიდევ დიდხანს ისაუბრებენ. ”ზესტაფონის” ვეტერანმა მეგოლემ მეოთხასე მატჩი ჩაატარა ეროვნულ ჩემპიონატში და ამით სამუდამოდ შევიდა ქართული ფეხბურთის ისტორიაში.”იონას” გუშინ დავურეკეთ და ინტერვიუ ვთხოვეთ. რა თქმა უნდა, საუბარი მილოცვით დავიწყეთ.


- დიდი მადლობა მოლოცვისათვის. ოთხასი მატჩი მთელი ეპოქაა. ეროვნული ჩემპიონატის პირველი დღიდანვე ვთამაშობ და რაც შემეძლება, მომავალშიც ყველაფერს გავაკეთებ ქართული ფეხბურთისათვის. მალე 37 წლისა შევსრულდები, მაგრამ რა ვქნა, გული არ ბერდება. კიდევ მინდა თამაში და გოლების გატანა. ვგრძნობ, რომ შემიძლია და უკან რატომ უნდა დავიხიო?
- ალბათ მალე მეხუთასე მატჩსაც მოგილოცავთ...
- იქამდე ჯერ დიდი დროა. შეიძლება ისე აეწყოს ყველაფერი, რომ ახლო მომავალში დავანებო ფეხბურთს თავი, მაგრამ რაღა დაგიმალოთ და თამაშს კიდევ ვაპირებ.
- როგორ გაიხსენებთ ”ბორჯომთან” მატჩს?
- საწყენია, რომ ძალიან ბევრი საგოლე მომენტი ვერ გამოვიყენეთ და ამის გამო მნიშვნელოვანი ქულები დავკარგეთ. წინასწარვე ვიცოდი, რომ ეს მატჩი საიუბილეო იქნებოდა ჩემთვის. პრესამ გაამახვილა ამაზე ყურადღება. კარგი იქნებოდა, გამარჯვებით აღგვენიშნა, მაგრამ...
- მეუხერხულება I და XX ჩემპიონატების შედარება, მაგრამ იქნებ მაინც გვითხრათ: წლეულს მცირე პროგრესს თუ ხედავთ?
- ჩემი აზრით, წლეულს პროგრესი არის და ამას ხელს უწყობს სამწრიანი ჩემპიონატი. უფრო ზუსტად რომ ვთქვათ, უცნაური ჩემპიონატი გვაქვს, ვეღარ გაიგებ, ვინ ვის მოუგებს. აგერ ბორჯომშიც გაუთვალისწინებელი ქულები დავკარგეთ.
- და მაინც, ”ზესტაფონი” ალბათ ისევ ჩემპიონობაზე ფიქრობს?
- რა თქმა უნდა, ასეა. ჯერ დაკარგული არაფერია. ლიდერებთან იმხელა ჩამორჩენა არ გვაქვს, რომ ვერ აღმოვფხვრათ. შემადგენლობით ”ზესტაფონი” ერთ-ერთი საუკეთესოა საქართველოში და მალე შედეგიც უკეთესი გვექნება.
- ოთხასი მატჩი ძალიან ბევრია. რომელიმეს ხომ არ გამოარჩევდით?
- ძალიან ბევრი დასამახსოვრებელი თამაში ჩავატარე და რომელიმეს გამოყოფა მეშინია, სხვა გამომრჩება. ყველა მატჩი ძვირფასია ჩემთვის, მათ შორის, წაგებულიც.

დღეს ზესტაფონი-2 -ს შემადგენლობაში უთამაშია და გოლიც გაუტანია -

ზესტაფონელებმა იასპარეზეს შემდეგი შემადგენლობით: რ.კვასხვაძე, ზვ.ლობჟანიძე, ბუკია, ბერუაშვილი, ნ.კვასხვაძე (ხიხაძე, 72), გორგიაშვილი, ბენაშვილი (სუხიაშვილი, 46), ჩიხლაძე, ჭელიძე (კეჭეყმაძე, 55), სტეფანიშვილი, იონანიძე.

შეხვედრა მასპინძელთა აშკარა უპირატებით წარიმართა, ეს უპირატესობა სტუმართა კარში გატანილ 3 ბურთში აისახა. ანგარიში 28-ე წუთზე გიორგი ჭელიძემ გახსნა, 68-ზე ზურაბ იონანიძემ მასპინძელთა უპირატესობა გააორმაგა, ხოლო არბიტრის მიერ კომპენსირებულ დროში ზესტაფონელთა ახალგაზრდა ფორვარდმა რომეო კეჭეყმაძემ 11-მეტრიანი საჯარიმო დარტყმით ანგარიში 3-0 გახადა ...



This post has been edited by shanhai7 on 30 Oct 2008, 17:50

ეგ კაცი ნაღდათ ჩვენი ჩემპიონატის ლეგენდაა, საქართველოს ჩემპიონატზე და აქ მოთამაშე ფეხბურთელებზე რამე წიგნი თუ დაიწერება, იონანიძე აუცილებლად შევა მაგ წიგნში........

გაუმარჯოს ღმერთმა ძმაო..

---------------------------

http://www.opentext.org.ge/08/sarbieli/251/251-3.htm

აი, ასეთი იონა: ან წავალ, ან დავრჩები


ილია ნანობაშვილი


იონა - მგონი, არცერთი ფეხბურთელი ისე არ დააკლდება ჩვენს ჩემპიონატს, როგორც ის. იონა რაღაც განსაკუთრებული მოთამაშეა, სხვა კოლორიტია და არა მარტო იმიტომ, რომ უმაღლესი ლიგის ყველა დროის გოლეადორია. ესეც, რა თქმა უნდა - აბა, 200 გოლს რომ გადასცდები და სხვები 150-საც არ მიახლოვებიან, უკვე ბევრს ნიშნავს.

...მაგრამ ზურაბ იონანიძე კოლორიტია ჯერ მარტო იმიტომ, რომ 1990 წლიდან თამაშობს საქართველოს ჩემპიონატში და მართალია, გარკვეული პერიოდი უცხოეთშიც გაუგორებია ბურთი, მაგრამ იონა, ასე ვთქვათ, ჩვენი ჩემპიონატის მოთამაშეა. 36 წლის იონანიძემ გუშინწინ "ბორჯომთან" 18 წუთი დაჰყო მინდორზე, დიდი კვალი არ დაუტყვია მატჩისთვის, მაგრამ ისტორიას დაატყო - ეს იყო მისი მე-400 თამაში ეროვნულ ჩემპიონატებში...

- 400 მატჩი და 200-ზე მეტი გოლი. გასახსენებელს რა გამოლევს, მაგრამ ყველაზე სასიამოვნოდ რომელი თამაში გახსენდება. - ვკითხეთ იონას.

- მართლა მიჭირს რომელიმეს გამორჩევა. ბევრი კარგი თამაში მქონია, ბევრჯერ გული დამწყვეტია, მოკლედ, რა აღარ მინახავს... მაგრამ ახლა მხოლოდ სიამაყეს ვგრძნობ, ამდენი რომ მოვასწარი. 400 მატჩი ნამდვილად არაა ცოტა.

- იონანიძის ჩაგდებული სეზონი არ გვახსენდება. სტაბილურობას როგორ ინარჩუნებდი.

- ყოველთვის ვცდილობდი, რეჟიმში ვყოფილიყავი და ახლაც ასე ვარ. ფეხბურთი მიყვარს და მსიამოვნებს. ბევრი კარგი სეზონი მქონდა, ბოლო წლებში კი... რა გითხრათ... 2005-06 წლების სეზონი მახსენდება ძალიან კარგად, როცა კლაუს ტოპმიოლერმა ეროვნულ ნაკრებშიც ამიყვანა.

- ამ სეზონში კი ხშირად არ თამაშობ. ასაკი თავისას შვრება.

- შეიძლება, ასაკიც, რა ვიცი... ისე, ლამის 24 საათი ახლაც რეჟიმში ვარ, ვვარჯიშობ, თანაც, ძალიან ცოტასაც არ ვთამაშობ - შეცვლებზე შევდივარ, ვცდილობ, "ზესტაფონს" ყველანაირად დავეხმარო.

- ესე იგი, ისევ გერჩის მუხლი...

- ასეა. უბრალოდ, გუნდი 11 კაცისგან არ შედგება და უნდა იცოდე, რომ შესაძლოა, სათადარიგოებიდან ჩაერთო თამაშში ან საერთოდ ვერ გახვიდე მინდორზე. "ზესტაფონში" ახალგაზრდა ფეხბურთელების მთელი ჯგუფია და ნეტავ, მართლა დიდი ფეხბურთი ითამაშონ - ამის იმედი ნამდვილად მაქვს. კარგი ბიჭები არიან, მონდომებულები.

- "ზესტაფონთან" კონტრაქტი როდის გამთავრდება.

- 1 დეკემბერს.

- და მერე რას აპირებ?

- არ ვიცი. ჯერ არ გადამიწყვეტია. ისე, თამაშის სურვილი კიდევ მაქვს, მაგრამ წინასწარ არ მიყვარს ლაპარაკი. შეიძლება, კიდევ ხუთი წელი ვითამაშო, შეიძლება, ხვალვე შევეშვა ფეხბურთს...

- "ზესტაფონმა" რომ მძიმედ დაიწყო სეზონი, ეს რისი ბრალია.

- სამწუხაროა, რომ გუშინ "ბორჯომს" ვერ მოვუგეთ. მართალია, ლიდერებში არ ვართ, მაგრამ ჯერ ადრეა - წინ ბევრი თამაშია. არც "ვიტ ჯორჯია" და არც "ლოკომოტივი" იმდენით არ გვისწრებენ, რომ ყურები ჩამოვყაროთ.

- წინა სეზონში უფრო ძლიერი არ იყო "ზესტაფონი". როგორ შეადარებდი.

- შარშან კარგი გუნდი გვყავდა, მაგრამ ვიეირა, პოლ კესანი და ედიკ საჯაია წავიდნენ. ეს სამეული დიდი ძალაა, თუმც მათი შემცვლელებიც მოვიდნენ. ალბათ, დროა საჭირო, რომ ჩვეულ ფორმაში შევიდეთ. ვფიქრობ, ნაკლები გუნდი არც ახლა გვყავს. შედეგი გასაგებია, ვერაა კარგი, მაგრამ ისიც გასათვალისწინებელია, რომ სხვებთან შედარებით, უფრო მძიმე კალენდარი გვქონდა. ახლა შედარებით გაგვიადვილდება.

- "ზესტაფონის" ახალგაზრდა ფეხბურთელებზე რას იტყვი.

- მშვენიერი თაობაა. აი, თუნდაც ბექა გოცირიძე, რომელსაც მართლაც გამოვარჩევდი, ძალიან ყოჩაღი და ძლიერი ბიჭია, ეროვნულ ნაკრებშიც მაგრად თამაშობს. ბექას გარდაც ისეთი ნიჭიერი ახალგაზრდები გვყავს, საქართველოს ნაკრებში რომ გამოიჩენენ თავს.

- როგორც ბევრად უფროსი, ხშირად გიწევს ამ ახალგაზრდებისთვის შეფუცხუნება ან თუნდაც ყვირილი.

- ხშირად არა. პროფესიონალები არიან და ჩემი დაყვირება არ სჭირდებათ, მონდომებით თამაშობენ.

- ესე იგი, მინდორზე მწვრთნელობის შეთავსება არ გჭირდება...

- ყოფილა შემთხვევა, შენიშვნა მიმიცია ახალგაზრდებისთვის. ცხადია, ეს არც წყენიათ და არც ეწყინებათ, მაგრამ ხშირად არ არის ამის საჭიროება.

+1

ხო ახალგაზრდა პერსპექტიული ფეხბურთელია ))))))))))))))))))))

ძალიან კარგი შედეგია ....
თან როგორც ვიცი ჩვენი ჩემპიონატის საუკეთესო ბომბარდირიცაა

მე კოკაიას ადგილას რომ ვიყო იონას მოთამაშე მწვრთნელად დავნიშნავდი....დაიმსახურა ამ კაცმა და უფრო მაგარ გუნდს შექმნის ახალგაზრდებისგან , თან მალადლოებთან კონტაქტი გამოდის და ფსიქოლოგიურად კარგად მუშაობს ................ჩემი სიტყვები დაიმახსოვრეთ

ეხლა ერთადერთი ისღა დარჩენია რომ 20-ეროვნულშიც გაიტანოს გოლი და ერთადერთი ფეხბურთელი იქნება ვისაც როგორც 1-ში ასევე 20-შიც ექნება შეგდებული.

COPOLA99
ნამდვილად კარგი აზრია.

ჩემი აზრია რომ უფრო მეტს იმსახურებდა ნაკრების ამბავში ანუ მეტი შანსი ეკუთვნოდა