მოგესალმებით ყველას!

2009 წლის 18 მარტს დავაფუძნე საქველმოქმედო ფონდი "ნათელი მომავალი".

ფონდის საქმიანობის ძირითადი მიზანია კანონმდებლობით დადგენილი წესით:

•საქველმოქმედო საქმიანობა ქრისტიანული სახარების ზნეობრივი პრინციპებიდან გამომდინარე;
•დაეხმაროს ფინანსურად და მატერიალურად:
-მარტოხელა და მარჩენალ დაკარგულ დედებს;
-ობოლ და მზრუნველობამოკლებულ ბავშვთა სახლებს;
-მოხუცებულთა თავშესაფრებს;
•ხელი შეუწყოს ობოლ და უდედმამო ბავშვებს პროფესიული განათლების დაუფლებაში;
•აქტიური მონაწილეობა მიიღოს მართლმადიდებლური ეკლესია-მონასტრების აღდგენა-რესტავრაცია-მშენებლობის დაფინანსებაში;
•მარტოხელა და მარჩენალ დაკარგული დედები და ზრდასრული ასაკის უდედმამო და ობოლი ბავშვები დაასაქმოს ფონდის კუთვნილ დამხმარე ხასიათის სამეწარმეო საქმიანობებში ფონდის მიზნების განხორციელებისთვის.

ფონდის ძირითადი მიზნებიდან გამომდინარე, ფონდის ამოცანებია:

•ფინანსური რესურსების მოძიება როგორც უცხოური, ასევე ადგილობრივი იურიდიული ორგანიზაციებიდან და ფიზიკური პირებისაგან;
•მჭიდრო კავშირი საქართველოს კანონმდებლობით რეგისტრირებულ საქველმოქმედო ორგანიზაციებთან ურთიერთშორის ინფორმაციის გასაცვლელად;

მიზნების მისაღწევად ფონდი, კანონით დადგენილი ფარგლებში, განახორციელებს შემდეგ საქმიანობას:

•მიიღებს შემოწირულობებს უცხოური და ადგილობრივი იურიდიული ორგანიზაციებიდან და ფიზიკური პირებისაგან;
•სრულად ან წილობრივი შენატანის სახით დააფუძნებს დამხმარე ხასიათის სამეწარმეო საქმიანობებს, რომლებიც არ ეწინააღმდეგება საქართველოს კანონმდებლობას.

გთხოვთ დამეხმაროთ ვისაც სურვილი გაქვთ:

1. შევიმუშავოთ ვებ-გვერდის დიზაინი;
2. რეკლამირება გავუკეთოთ და ფართო მასებს გავაცნოთ ფონდის არსებობა;
3. დავუკავშირდეთ უცხოელ და ადგილობრივ ორგანიზაციებს და კერძო პირებს შემოწირულობების შესაგროვებლად.


მე მარტო ამ საქმის განხორციელებას დიდხანს მოვუნდები.

მერწმუნეთ, დიდი მადლია მათ თვალებში სიხარულის ნაპერწკლის დანახვა.

პირადი კონტაქტისთვის გთხოვთ დამიკავშირდეთ: zurabge@yahoo.com-ზე.