ვთარგმნი ხოლმე რაღაცეებს:
ნუ ეს დაურედაქტირებელი ტექსტებია, მალე მოვრჩები ამის თAრგმნას: ეზოპეს არაკების თარგმნას ვგულისხმობ
თუ ვინმეს შეგიძლიათ რჩევები მომცეთ დამიპიემეთ:
ჭყიშო გინორთელ გერ
გერქ, ნამუქით ქოძირუ, ნამდა შხურეფს თიშა ოშქურუდესინ, დო თეშ გეშა ხოლოშა იშენით ვა მიართინედუნ, ჭყიშცალო გაგიმინწყუ დო თაშ მუკოქუნელქ ქიმიახოლუ შხურეფს. ხოლოშა მიანჭუნ, ქოძირუ ჭყიშის ტომბას ლურდუნ. თაშნე, შხურეფქ ვენტესინ, გერქ გეგინოჭყვიდუ ჭყიშიშ ხონარიშ მეგურაფა. თეს ოცადუდუნ თეშ, ყ'ურაფი ქიდიჭყუ დო ჭყიშისით გაგიშაკურცხინუ. უნელო ვა ანტინუ დო დოყ'ვილეს.
მიდგა ოცადუ შხვაცალო გითოხ ღოლას მუთუნინ, ნაპტან აღოლე.
________________________________________
ირემ დო ჭყენჭყი
ირემქ ქოძირუ მუშ ამნახანტი წყარს დო გეხარუ მუშ რქალეფიშ სიდიდათ, მარა ვემეწონუ მუშ ციკალი, ჭიფე წირღეფქ. თეს ფირქენდ მუშ დუდშონ თეშ, ყილოქ გამუკორჩქინდუ ჭყენჭიწკუმა. ინტუ ირემქ დო ეფას გაგიწულუ ყილოს დო ძალამ შორი დისტანცია ქიდეკინუ სოიშახ ტყაშა ვა მიშართუნ. ტყას რქალეფით ქიმთიბორკუ. ყილოქ უნელო ქიგიოჭიშუ დო დუდს ქომუნადირთუ. ქოძირუ ნაპტან გვიანი რდუნ, ირემქ ქიდიჭყუ ნარღება მუშო: ვაჲ ახავაჲ ჩქიმ ცოდა! მუჭო დიბღორი დუდი! ჩქიმ წირღეფი, ნამდგა გინმოსქილიდუანდუნ, ბჯოგუდუ დო ვამოპწონდუ, დო რქალეფს, ნამდგაქ მიმოდინუნ, იპწონუანდი.
მუდგა დასურო ძვირფას რენ თის ფშხირას ფენდა ვა გეძუ.
________________________________________
მელა დო მასკა
მელაქ გამინორთუ სახიობიშ ყ'უდეშა, დო თიშ ღვენას/ღმალას გორუნდუნ/ათოლიერენდუნ თეშ, ქოძირ მასკა(?), კოჩიშ დუდიშ ჯგირ იმიტაცია. მელაქ ქინოდუ მუშ თათეფ მასკას(?), დო ქოთქუ: ”მუშმაჯგირა დუდი რე! მარა მუთუნ ფენდა ვეგეძუ, თიშენ ნამდა შურო ვა უღუ ტვინი".
სკვამ პიჯის მუთუნ ფენდა ვაუღ ჭკუაშ უმშო.
სკვამპიჯი ჭიჭეს გუმგოდირთუ ტვინ ვა გიღუნდა.
ზგინჯალ-ი (ზგინჯალს) ამაყი, ამპარტავანი.
ზგინჯალი/ზგვინჯალი არ ნიშნავს ამაყს. ამაყს მეგრულად ეწოდება, პეკი, ან დუდიპეკი.
________________________________________
თუნთი დო მელა (redaqtirebulia akamde)
თუნთის დუდ მოწონდუ მუშ ფილანტროპიათ, დო იჩიებუდ ნამდა „არძო ცხოვარეფშე მუ რდუ ირიშ უმოს რდილ კოჩეფიშ წურაფით, დო თეშ ცენდ პატის ნამდა, დღას ვა მიკანჭუუდუ ღურელს ხოლო“. მელაქ ქო გეგონუ თე ზიტყვეფი დო ძიცა-ძიცათ ქუწუ თუნთის: „ოჰ, სი ღურელს ნოჭკომუექ დო შურდგუმილს ვარ!“
კოცს პატი ქოცენ, თიშ ღურას ვა უჯინენ ოკო.
________________________________________
გერი დო ფშხურ
გერქ, შარაეშაჩილათირ ფშხურიშ ძირაფაშ დროს, გეგნოჭყვიდუ, ნამდა ხე ვემუთხუმუდუკო თიშა, სოიშაღ ვადუგორუნდუ ბაძაძის’უნ ნამუდგათ გამართლენდუ მუშ უფლებას ოჭკუმუკო ფშხურინ. თაშ ნამდა გერქ ქუწუ ფშხურს: „წიე სი, გოწოხ სი მანგარ შეურაცხყოფა მუმორინე მა.“ „სინამდივლეს,“ დუდიშ მართლება ქიდიჭყუ შკურნაფილ ხონარით ფშხურქ, „გოწოხ დაბადებულ ხოლო ვაორდი.“ უკულ, გერქ უწუ: „სი ჩქიმ ოდიარეს იდიარქუ.“ „ვარ ჩქიმ პატონ,“ ქუპასუხ ფშხურქუ, „მა დიო ვართ მისინჯებუ ოდიარე.“ იშენ ვეჩეთხუ გერქ დო ქუწუ: „სი ჩქიმ ინჭაშე შუნქ წყარს.“ „ვარ ჩქიმ პატონ,“ ქიმწიძახუ ფშხურქუ, „მა დღას ვამშუმ წყარ, თიშენ ნამდა დიო დღარო დიაჩქიმიშ ბჟა რე ჩქიმო წყარით დო ოჭკუმალით.“ თეშ რაგადი გათუ დო გერქ ხეშა ქეშეოთუ ფშხურ და ჭკუმუნდუნ თეშ ქუწუ: „ირფელ ჯგირ მარა, მა ვადოპსკიდუქ უაჭკუმალეთ, თიშ უმკუჯინუო ნამდა სი არძო ჩქიმ ბრალდებას ივარუანქ.“
ტირან ირო დოგორუნს სამანჯელს მუშ ტირანობაშო, დო უბრალოს ვაგმადირთუ ჯკადილო რაგადით დო ლოგიკათ სამართალიშ მენჭირუაფაშ ცადება, მუჟამ ოდარალს გასარხულ აფუ რდას უსამართლონ.
ცალ ჭურიამ ირემ
ცალ თოლ და’ვერებულ ირემ მერჩქვანელ რდუ დიარუას ზღვაშ პიჯს მაქსიმალრუო ხოლოს, თეშ ნამდა უმოსო უსაფრთხოთ რდუკონ. მუშ მთელ თოლს ქართიანუანდუ დიხაშ მხარეს, სოვრეშე შეულებუდუ ძირუკო მოჯინე ვარა წიარ დო მუშ ნჭყოლირ თოლს - ზღვაშა, სოვრეშე ველუდ მუთუნ უბედრობას. მეჩხომექ, ნაპირს ხოლოს მენჩურუნდუნ, ქოძირუ ირემ დო წარმატებით გეწურაფაშ უკულ, ოღურალო დონჭყოლუ. ირემქ ქოთქუ: „ვავა, მუ უბედურ ვორექ! თეშნერ სიფრთხილე გამიფრჩქინ დიხაშ მხარეშე დო უმოს უსაფრთხოებაშ მაგორალქ, ზღვაშ პიჯიშახ ქუმოფრთი, თეშნერ საშიშ ადგილშა.“
მინჩა საფრთხე მოურს თი მხარეშე, სოვრედგა არძაშ ნაკლებუს ელუქუნ.
ჯოღორ, მუმულ დო მელა
ჯოღორ დო მუმულ, ართო მოგზაურენდეს, დო ტყას გაჩერდეს გათანაფალო. მუმულქ მაღალას ნოელას, ჯოღორქ ქალენჯირუ ჯაშ ჯინჯიწკუმა. ოჭმარექ ქუმახოლუნ, მუმულქ ქიდიჭყუ რყიაფუ ნაპტან ხმამაღალო. მელაქ, ნამუდგაქ ხონარ ქიგეგუ დო ნამუდგას მუმულ ოჭკუმალო ოკოდუ, ქიმერთუ დო ქიგედირთუ ნოელაშ თუდო დო ქუდუჭყუ ლაქუცი, მუჭო მანგარო ოკოდუ თეშნერ ზისნახე ხონარიშ მინჯეშ გოჩინაბაფა.
„ქიმემღენქუდა,“ ქუწუ მელაქ, „მა მანგარო მიმეწონებუ სკანწკუმა მთელ დღას დორინაქ.“
მუმულქ უწუ: „ჩქიმ პატონ, ართ საქმეს ქიმმეხვარი - ჯას ქუმკულე დო გაკურცხინე ჩქიმ კარის კოჩ, თინა გოინჯანს კარს დო გენმგაშკვანს ჩქიმდა.“ მელაქ ქიმიახოლუ ჯასინ, გაკურცხინ ჯოხორს, გემოწოსხაპუ, ქონქილუ მელას დო აკოწვიწვუ (დოქერქუ).
ნამუდგა ცდილენს შხვაშა სხაპიშ გერცხუალას დო ჭოფუასინ, მუშ სხაპის მოხვადუ ხშირას.
ჭუკი, გორდი დო ქორ
ჭუკიქ, უბედურ ბედის გორჩქინელქ, დეჯიმაკოჩ გორდის. ართ დღას, გორდიქ ჭუკიშ კუჩხ ქიმიკირ მუშ კუჩხიშა მანგარო, გლახა განზრახვათ. ათაშ ართიანს გინოსკვილეფ, გორდიქ მიდეონ მუშ ჯიმაკოჩ გუბეშა, სოდგა მუ ცხოვრენდ, სოიშახ ვემიანჭეს ნაპირსნ, სოვრეშე გორდიქ უცბას გეგნოსხაპუ წყარშა დო მუშ ჯიმაკოჩ ხოლო მიდეუნუ. გორდის მანგარო მსოწონდუ წყარს დო გობიძღინაფილო ყვარყვარანდუ ვითომ მანგარ საქმე აკეთუკონ თეშ. უბედურ ჭუკიქ დიშკვიდ მალას წყარს დო თიშ ღურელს სხეულ ტივტივენდ წყარს, გორდიშ კუჩხიშა მესკვილ. ქორცალქ ქოძირუ თენა დო ქიოგიოფურურინ დო ჰაერშა ქიტატუ გორდიქ ხოლო ქუმაუნუ, თიშენ ნამუდგა მესკვილირდუ ჭუკის დო ქორქ ოჭკუმ იშო.
გლახაშ კეთება დო გლახაშ დუდიშა გენჭაფა ართირე.
ჯოღორ დო კიბოია (რედაქტირება გაგრძელდა აქედან)
კვერცხიშ ჭკუმუას გერჩქვანელ ჯოღორქ ქოძირუ კიბოია, განჯუ პიჯ მუსხით შეულებუდუნ დო გემუანას გეყინტუ კიბოია, თიშ ფიქრით ნამუდგა კვერცხის ჭკუმუნდუკონ. მალას ქვარაშ ჭუა ქიგინუ დო ქოთქუ: „ათეშნერ წამება ქოფხვადუ, თიშენ ნამუდგა ირფელ კვარკვალია კვერცყო მიმუჩქუ.“
მიდგა ჩქარებულო ორთუ საქმესინ მოსვანჯაშ დროს ნარღენს.
გერ დო მეფშხურე
გერქ, ფაცხას მიკიშუნ თეშ, ქოძირ მეფშხურეეფ სადილო ფშხურიშ ბორკეფს (ბარკალი) ჭკუმუნდესინ თეშ. ქიმიახოლუ გერქ დო ქუწუ მეფშხურეეფს: „მუ ამბეს გეტახუნდით მა ქუორთუდე თის მუდგას თქვა ასე ორთუთუნ.“
კოჩიშსკუას ნაპტანს ოხერხანს შხვაშა თიშ დაწონება მუდგას მუ თვითონ ირიათო ორთუ.
კურდღელეფ დო გორდეფ
კურდღელეფ, მუნეფიშ ნაპტან შკრურნაფილოფაშ თვისებათ შეწუხებულეფქ, დო საშიშროებაშ მუდმივ მოლოდინით შულადირეფქ, ართო გეგნოჭყივდეს მუნეფიშ დუდიშა მოუღებდესკო ბოლონ დო არხაშე ქოსხაპესკონ ტომბა მერეშან. გინნაჭყვადუშ ოღოლამარო რულა ქიდიჭყეს ბრელქ ართონ თეშ, მერეშ ნაპირს წუმონჯირელ გორდეფქ ქიგეგეს კუჩხეფიშ ხმაურ დო აწა-უწათ ინტეს ტონბა წყარშა უმოს უსაფრთხოებაშო. ართ კურდღელქ ქოძირ გორდეფიშ აჭი-გაჭით სხაპუა, გაჩერდუ დო ქუდუძახუ მუშ ამხანაგეფს: „ჯიმალეფ გაჩერდით, დოტოულეთ, ვაღოლათ მუდგას ორთუდინ თინა; ქარწყეთო შხვა სქელედეფ ნამდგა დიოდღარო ცოცხალეფ რენა ჩქინდე უმოს შკურანჯიეფ რენა.“
ჩქი გურ მუმაძინუნა ჩქინდე უარესეფიშ ძირაფათ.
ლომ დო კერ
ზარხულიშ დღას, მუ ჟამს გოლოფა დღალეფს ქუმაუნ დიდ ყუმენჯიქინ, ლომ დო კერქ ართ ბორჯის წყარიშ ოშუმშა ქიმერთეს ჭიჭე ინჭაწკუმა და აკოხვადეს ართიანს. ართიანს აკოჭყვიდუაშა ნირზენდეს მის ოკო უშუმუდუკონ პირველო წყარინ დო მალას ოღურალო აკონთხაფილეფქ აგონიას ქენანთხეს. შურიშ ეკაღალარო ჭიჭე ხანით გაჩერდეს ქუმუსვანჯებუდესკონ დო კინ გაგრძელესკო ართიანიშ ძირძონუან თეშ ქოძირეს ცას სვავეფ ნამდგეფ ელუდეს პირველ დონთხაფილს დანმუდგა უჭკუმუდესკონ. ლომ დო კერქ უცბას გაჩერდეს დო აკინჭყის. ათაშ იფიქრეს: „უჯგუ ნამდა მეგობრეფო ვორდათი ვიდრე ქორეფშო და სვავეფშო გინიფრთათ ოჭკუმალო, ნამუდგა აუცილებლო მოხვადუ ნამდგაინქ დინჭკირუდა.“
მალიმარეფს ხშირას შხვეფ უჯინენა ნამდგეფ ნამდგაინ მალიმარიშ წაგებას მუნეფშო გეგმირინუანა.
კვარჩხ ჯოღორ
ჯოღორს წესო უღუდ უკახალე წყნარო ეკაუნა შენახვალამაფირშა დო უცბას, შეუმჩნევლო ჩამინ. მინჯე მინჩა ზარს გიობუნუანდ კისერს თის, თეშ ნამდა მიდგაინშა მეხოლუაშ დროს დუდს გიმიჩუკონ, დო მინჩა კისერს გიობუნუანდუ მომკა ქუას, თეშ ნამდა უცბას ვაჩამინუკო მითინშან.
ჯოღორ კანდიორანდუ მუშ ზარ დო ქუათ დო ათაშ გილეშ ირდიხაშა. ჯვეშ წიარქ უწუ ჯოღორს: „მუშენ გიზგინჯანს ათაშ დუდ? დამჯერ, სი გილაიღუ ზარ დო ქუან თენა ვარე, ჯგირიშ ნიშანი, ვარინ (არამედ), საონჯღორო, სახალხო ნიშან არძა შურდგუმილშო, ნამდგა დუდ აგარიდან იშო მუჭოთ კვარჩხისინ.“
ბრელს, ნამდგას მენჭირაფილ აფუ გლახა სახელშა, ჩრილათირო ჯგირ სახელო მიოჩქუ.
________________________________________
შარლატან გორდ
გორდიქ არჩა გამააცხადუ ნამდა მუ რდუ ცხოველეფშე არძოშ უმოს რჩქინელ დოხთურ დო შეულებუდუ არძანერ ლახალაშ სკილიდაფა. მელაქ ქოკითხუ თის: „მუჭო შეილებუ შხვეფიშ სკილიდაფა, ვარა წამალიშ დოგურაფა, მუჟამს ვეშეილებუ სკან საკუთარ სიქულეშ დო ჭირაკილ კანიშ სკილიდაფან?“
მიდგას პრეტენზია უღუ ნამუდგა შხვეფიშ გიშაკეთება შეულებუნ, პირველო უჯგუ მუნეფიშ დუდ გეგშეკეთანი დო თეშ უკულ უმოსო დაუჯერენა.
________________________________________
ვირ, მელა დო ალემ
ვირ დო ლომქ დეჯიმაკოჩეს დო ართო მიდართეს ტყაშა ონადირუშა. შორშა ვაულებუნა თეშ ქიშეხვადეს ლომს. მელაქ ქიმიახოლ ლომს დო დეპირუ ნამდა აჭოფაფუანდუ ვირს, ოღონდ ლომს სიტყვა ოკო ქიმუჩამუდუკო მელაშა ნამდა მუს თვითონ ქიდინდენდუ. მელაქ დარწმუნ ვირ ნამდა ვადუშენდუ მუთუნსუნ დო მიდეონ ტომბა ორომეშა სოდგა მეტყურაფა დო ენოროგვაფა წინასწარ აფუდ დაგეგმილ. ლომქ ქოძირ ნამდა ორომეს ენონთხაფილ ვირ გარანტირებულ აფუდუნ, უცბას ქოქინჩუ მელას დო მელა გემკათუნ უკულ აუჩქარებუო ქიგიანთხუ ვირს.
მოღალატეეფ ოკო ელუდან ღალატის.
________________________________________
გერ დო ფშხურ
გერქ, ლეხი დო დასუსტებულ რდუნ თეს, ქუდუძახუ ფშხურს, ნამდგა მუშ შარას მეუნდუნ დო ქოთხუ ჭიჭე წყარ ქიმუღალუდუკო ხვარჩალაიაშე. „სი ვარენო“ – გერქ ქიდიჭყუ რაგად – „წყარს ქუმომღანქუდა, მა მუდგაინნერო ქობძირუნქ ჩქიმო ხორცის. „მართალ რექ“ – ქუპასუხ ფშხურქ – „მა ვარენო სი წყარ ქიმეიღენ ართ ყენტ იშენინ, სი ოშპროცენტ ხორცის ხოლო ქუმმოღალაფუანქ.“
ტყურა სიტყვა ადვილო იძირე
________________________________________
მუმულ დო არხამა
მუმულ მინიღანდუ დიხას მუშო დო მუშ დადულეფშო ოჭკუმალ ქოძირუკონ. თე დროს თოლ ქუმუკინდუ არხამა ქუას დო ქოთქუ: „სკან მინჯეს ქუძირუდიკონ, დო მა ვარინ, გერჭოფუნდუ დო გეჭოფუნდუ დო მუშ პირველ არხამეფწკუმა ქუდორდვანდუ; მარა მა ქორძირ დო მუთუნშო ვამოსაჭირუქ. თელ მსოფლიოშ არხამეფ აკოშაყარელს მისხუნ ართ დუდელ.“
________________________________________
ჟირ ორკოლ
წყარს მეუღუდ ჟირ ორკოლ, ართ კეთებული რდუ ჭუბურაშე, მაჟრა ლატუნშე. დინებას მეტივდივენდეს თეშ ჭუბურაშე კეთებულ ორკოლქ ქუწუ ლატუნშე კეთებულს: „გოხვეწუქ დისტანცია გიკებდას დო ჰოლოშა ვამორთა, ვარა აკაბცხას იშენ ქუმკმადვენ, მა გოპტირხუქ ჭიჭე–ჭიჭე ნაწილებო. თეშ გალე, მა ხოლო ვამგახოლუქ პატონ მუთუნნერო.“
არნერეფ/თანასწორეფ არძაშ უჯგუშ ამხანაგეფ რენა
________________________________________
ალემი დო კოღონა
კოღონაქ ქიმეფურინ ალემი დო ქუწუ: „მა აკაბცხას ხოლო ვამოშკურ სკანდა და გიჩქუდასინ, ჭიჭეთ უმოს ღონიერ ხოლო ვარექ ჩქიმდე. კოჩქ ქოთქუასუნ, სოვრეშე გირუ ძალა? მუშე შეთმედირთუ სკან ღონე? სი შეილებ გოცხაბარე სკან ბრჭყალებით დო აჩამე სკან კიბირებითინ – თაშ ოსურეფს ხოლო შეულებუნა წაკინდეფაშ დროს. გაიმეორენქ დო გირაგადუქ, ნამდა მა უმოს ღონიერ და შეძლებულ ვორექ ვიდრე სი. სი ვარენო თენა ქუგოეჭვუნდა, მორთ ქიბჩხუბათ დო ქობძირატ ნამ ორჯგინანსუნ.“ კორონაქ ქიდიჭყუ წურწინ დო მანგარო ქიმკოდოხოდუ ყილოს და ქაჩამ ნესტოეფს. ალემქ, კოღონაშ მიკოსიროტუას ცდილენდუნ თეშ, მუშ დუდ აკისოფ ტორეფით (ბრჭყალები), თეიშახ სოიშახ მუშ დუდს დიდ ზიან ვემიაყენუნ. კოღონაქ ორჯგინუ ალემს დო გომორძგუაშ ბირა–ბირათ, მიდაფურუნ. მარა ჭიჭე ბორჟიშ უკულ კოღონაქ ქუმოხვადუ ბადეს დო ბორბოლიაქ ოჭკუმ ვიშო. სოიშა ჭკუმუნდესუნ თეიშახ მუშ დუდს, მუშ ბედის გიანგარდუ დო იჩიებუდ: „მა ცოდა, უდიდაშ მხეცეფწკუმა შემილებ მელეთ გომორძგუაფილო დო ასე ათე ბორბოლიაქ ოკო დოპილასუ.“
________________________________________
რქვი და თიშ ჭიჭე ძღაბეფ
რქვიებულ ოსურკოცს, ნამდგას მანგარო უორდ დასუფთავებან, ყუნდუ ჟირ მოინალე ჭიჭე ძღაბ. ოსურკოცს ჩვევათ უღუდუ იალონშა თენეფიშ გოკურცხინაფა მუმულიშ ყიონიშ დროს. ძღაბეფს მობეზრებულ აფუდეს თეშნერ ხანდა დო გეგნოჭყვიდეს დუვილუდესკო მუმულინ ნამუთ თენეფიშ უსიამოვნებას იჭყანდუ თეშმაადრასინ. მუჟამს თენა გაკეთესინ, მალას ქოძირეს ნამდგა მუნეფიშ დუდიშო მეტ პრობლემექ შიქმნეს. ოსურკოცს მეტ ვარჩქილედუ მუმულიშ ყიონინ, ბორჯიშ ჩინება ვეშულებუდუ დო ომუშებშა შკა სერს ეთმიორინანდუ ძღაბეფს.
ხანდაშ შემსუბუქებაშო უსამართლოთ მუდგაინიშ კეთება ხვალე მოიძინანს პრობლემებს
________________________________________
მელა დო ალემ
მელაქ, ნამუდგას დღას ვაფუდ ნაძირეფ ალემინ, პირველო ქოძირუ თინდა ტყას დო თეშ აშკრუინ, ნამდა დახე დოღურ შიშიშ გამო. მაჟრაშა ზირაფაშ დროს, იშენ დოშკურონდუ, მარა უმოს ნაკლებო. მასმაშა ძირაფაშ დროს, თეშ გეალანუ ნამდგა ქიმიაზადუ ალემს დო ქუდუჭყუ რაგად.
ნაჩინებაფუოფა ალიბარენს შკურანჯას/prejudices.
________________________________________
ქალაქიშ ჭუკ დო სოფელიშ ჭუკ
ქალაქიშ ჭუქიქ დაპატიჟუ ქალაქარ ჭუკ, მუშუ უხოლაშ მეგობარ დო ხე ქიმუთხუმუდუკონ სოფელიშ საქმეებშა. თიშენ ნამდა თენეფ ოხაჩქალ დიხაშ თუდო რდესინ, დო ჭკუმუნდეს მუნეფიშ ქობალს –დუდეფს დო მინორთინაფილ ფესვეფს. ქალაქარ ჭუკიქ ქუწუ მუშ ჯიმაკოცს: ‘სი თაქ ცხოვრენქ ბუტუტიაშ ცხოვრებათ, მუჟამს ჩქიმ ყუდე რე სინდიდრეშ სიმბოლო. მა არძო ნერ არხამა მიღუ, დო ჩქიმწკუმა მალურქუ–და, მუთ მა მანგარო მახიოლენ, სი გაღვენუ ჩქიმ ოხუნჭკორაიეფიშ. სოფელიშ ჭუკიქ ადვილო დეჯერუ დო დირთუ ქალაქიშა მუშ მეგობარწკუმა არტო. მეულაშ უკულ ქალაქიშ ჭუკიქ ქეწუდგუ მუშ ჯიმაკოჩის ქობალ, ბარლი, ლებია, სკირაფილ ლუღ, თოფურ, იზიუმ, დო ბოლოს ქიმიღუ უგემრიელესი ყვალიშ ნოჭკერ კარაჩხაშე. სოფელიშ ჭუკის მანგარო ესიამოვნუ თეშნერ სუფრაშ ძირაფაქ დო გეგმოხანტუ მორდება სკვამ სიტყვეფით დო ქიდიჭყუ მუშ ბედიშ ჭყალა. თენეფ მუჭოთ ქიდიჭყეს ჭკუმუან, მიდგარენქ გამკანჯუ კარ დო ჟირხოლოქ ინტეს წკუმინუათ, თიშმაჩქარას მუჭოთ შეულებუდესუნ ომანეშა, ნამდგა თიშნერ ვიწრო რდუ ნამდა, ერთიანიშ მიკოწილოხირო დორინაშ მეტო ვეშლებედუნ. კინ ქიდიჭყეს ჭკუმუან თეშ, მიდგარენქ ხოლო გემნორთუ ოჭირქეშე (შკაფი, სადაც ჭურჭელი ინახება) მუდგარენიშ ეიოჭოფუშან. ათე შემთხვევას ხოლო უმოსო აშკურინეს ვინემ პირველო დო ინტეს ოტყობინალო. ბოლოს, სოფელიშ ჭუკიქ, შკირენშე თითქმის გათებულქ, ათეშნერ სიტყვა ქუწუ მუშ მებობარ ქალაქარ ჭუკის: „თიშ უმკუჯინუო ნამდა სი ჩქიმო თეშნერ არაჩვეულებრივ სუფრა გაგმანწყინ, მა ოკო ქუდოიტუე და სკანო ქოიღდას თენა ირფელ. თეს ირფელს თისხი საშიშროება გართუ, ნამდა მა შურო ვამასიამოვნენს.“
უჯგუ ჭიჭე გიღდას დო უსაფრთხოთინ, ვიდრე ბრელი დო საფრთხეთ გალენგართილ.
________________________________________
მაიმუნ დო დელფინ
მეზღვაურქ, შორ შარაშა ოფუდუ ონჩურალინ, მიდეჸონუ მუწკუმა მაიმუნ ორთუაფალო. საბერძნეთიშ ნაპირს დეშორუნ, სასწაულ კოხიქ გეშალუ დო გემქ დინწყუ იშო, თაშინ ნამდა მეზღვაურსუ, მაიმუნს დო თელ ეკიპაჟის ონჩურალქ აჸუ დუდიშ გინასკიდილაფარო. დელფინქ ქოძირუ მაიმუნ ტალღეფს ოლიმუდუნ დო კოჩი (მიდგაშ მეგობარო იკოროცხუდ ირიათონ) უჩქუდუნ თეშ ქიმერთუ თიშა დო თუდოშე ქეთუდირთუ, თეშ ნამდა ოჭიშიშა ქიგუნჯირუაფუდუკონ დო უსაფრთხო ადგილშა - ნაპირშა გეგშუონაფუდუკონ. მუჟამს დელფინქ ქიმიანჭუ ნაპირიშ თოლიშ განჭაფუ მანძილშან, ათენიშ ხოლოსინ, მაიმუნს ქოკითხუ ქორდუ თუ ვარინ ათენელ კოჩინ. მაიმუნქუ უწუ ნამდა ათენელი რდუნ დო მუჭოთ თეშ წიმოხონეფ ხოლო ათენიშ ართ-ართ დიდებულ ოჯახიშე რდესინ.
დელფინქ უკულ დეინტერესუ დო ქიკითხუ ქიჩინენდუ მაიმუნ თუ ვარინ პირეკეუსის (ათენიშ ჩინებულ პორტის ). მაიმუნქ ივარაუდუ ნამდა დელფინს კოჩიშ ამბე აფუდუნ დო იძულებულ რდუ წოხოლე ნარაგადა ტყურაშ მანგ ამბე უთქუალუდუკონ , ქუპასუხუ ნამდა პერიკეუსის იჩინენდუ გვალო ჯგირონ, მუჭოთ თინა აფუდ გიშნაგორა მეგობარ, ნამდგას, უეჭველო მანგარო ახიოლედუ თეშ ძირაფან. თეშნერ ტყურაშე ეხნარებულ დელფინქ წყარს ქუნწყუ დუდი დო დაშკვიდუ მაიმუნ.
მიდგა არჩა თქუანს ტყურასინ იძულებულ უკულ ხოლო თქუას შხვა ტყურეფ წოხოლენ ნარაგად ტყურა მართალს ქუგურუასინ დო ადრე თუ გვიანს თესხი ტყურა აუცილებერო მუდგაინ უბედრობას ქეშიოხვამლუანს.
________________________________________
ოლააფე მუმულეფ დო ქორ
ართ კოცს ჸუნდუ ოლააფე მუმულეფ მაფურნჯაიეფიშ ეზოს. ართ დღას, შემთხვევით, ქოძირჸ მოშინურებულ ქორ გიმიჩამუდუნ თეშ. თე კოჩქ ქიიდჸ ქორ დო ქიმიჸონუ ჸუჩა ოლააფე მუმულეფწკუმა ართო ორდალო. ოქოთომეს მითოხვილირ ქორს ოლააფე მუმულეფ თოლს უჯინედეს დო უკახალე ეკოჸუნდეს ირიათო. ქორ ფიქრენდუ ნამდა თენეფ მიწოძირაფილ აფუდეს მუმულეფსინ დო თეშენ მანგარო რდუ შეწუხებულ. ბრელ ხან ვარდუ მუკულირინ თეშ, ქორქ ქოძირუ ნამდა მუმულეფ ართიანს ობანძღუდესინ დო სოიშახ ართიანს ვაჩუთხინესინ, მანგარო დოძიძგონეს ართ-მაჟრა. თენა ქოძირუნ, ქორქ მუშ დუდშო ქოთქუ: „ანწიანშო გურს ვემკიბჭუანქ ათე ოლააფე მუმულეფიშ წიმოძირაფაშ გურშენ, რახანს ვორწყექ ნამდა თენეფს ართიანწკუმა ბანძღიშ უმშო დორინა ხოლო ვეშულებუნა.“
ცუხო კოჩქ ოკო ერიდას თინეფს, მიდგა ართიანწკუმა ბანძღენსუნ.
________________________________________
ჭიჭე ბოშ დო ჭუჭელე
ჭიშე ბოშის ქაჩამ ჭუჭელექ. მიდერულ ჸუჩა დო მუშ დიდას ნგარა-ნგარათ ქუწუ: „მა მუჭოთ შემლებუდ წყნარას მეფთხი ხე, მარა თე ხეშ მეთხუმაქ თეშმამწარაქ იჸ იშენ ჩქიმო.“ დიდაქ ქუპასუხუ: „გვალო თიშ ბრალ რე მანგარო გაჩუნ. ანწი ხეს ქიმეთხუნქ ჭუჭელას-და, მანგარო მეთხ დო აბრეშუმცალო ორსიალაია იი სკან ხეშო დო საერთოდ მუთუნს ხოლო ვაგოწყუნუანს.“
მუდგას ვართუდენ, ოკო აკეთე მანგარო
________________________________________
ტყვეთ ეჭოფილ ტრუბადურ
ტრუბადურქ, ნამდგა ქომოლურო ეწოჸუნდო მალიმარეფსინ, ტერს ქაშჸოლუ ხეშა დო ქიმიანგარუ მაჭოფალს: „გოხვეწუქ ქუდამინდი დო სიცოცხლე ვემდამღა მიზეზიშ უმშო. მა ართ კოჩ ხოლო ვამჸვილუ სკან მალიმაფეფშე დო ვართ მითინ მიჭკირჸ ხოლო, ვართ იარაღ მიღუ დო შვა მუთუნ ხოლო ვამომიღუ ათე ტრამპეტიშ მეტ.“ „გვალო ათშ გურშენ რხვადუ კოჩქ დორჸვილასინ,“ ქუწუ ტერქ, „თიშენ ნამდა სი თვითონ ვალიმენქ დო სკან ტრუბაშ მეგამათ შხვა მალიმარეფს ახინარენქ ოლიმარო.“
მიდგა შხვას ახინარენს კოჩიშ ოჸვილარონ ზუსტას თისხის რე დამნაშავე კოჩიშ ჸვილუას მუსხით თვითონ კოჩიშ მაჸვილარინ
________________________________________
ფატალურ დაოჯახება
ალემს გურშა ქალურთუ ჭუკიშ დიდებულ ქცევაქ დო გალენ ცხოველეფშე მითინს ვაურჯგინუდუკო თიშა ჭუკიშ პატივისცემაშ დინახალენ, ქოკითხუ თე უკანასკნელს, მუ ოკოდუნ დო დეპირუ, ნამდა ნათხირს შუსრულენდუნ. თე სიტყვეფ ქიმირჩქილუნ, ჭუკის გურს ქეთარძუ ამბიციაქ დო შურო ვაუფიქრებ მუ იიდუ მუშ მანგინ თეშ, ქითხუ ალემიშ ძღაბი ოსურო. ალემქ დეთანხმუ. კამპანია დღას, მუჟამს ალემს ოსურსკუა ოკო გეგნუჩამუდუკო ჭუკიშან, უბედურებაქ ქუმოხვადუ: თე ძღაბიქ, მუჭოთ ირიათონ, გურფიეჩოთ გეგმართუ და შურო ვაუფიქრებ სო დო მუჭო მიშუნ თეშ აწოზადებშა მუმაულარ საქომონჟოს ქიგიოსხაპუ დო გოსირსუ იშო.
თოლ გიკებუდას უმანგე კავშირშა. ამბიციათ ეკოსკვილ ალიანსეფქ შილებე ოღურალქ იუასინ.
________________________________________
ვირი დო ოლიმარ ცხენ
ვირქ ქიმიახვამუ ოლიმარ ცხენს გოცაცაფილ დო უხაფორთე ცხოვრება. თეშნერ ნარაგადის ვირქ თინა ხოლო ქიგუძინუ ნამდა, მუს თვითონ აკაბცხა უღუდუ ოჭკუმალი დო თინა ხოლო მანგარ ხანდათინ. მალას გეტირხუ მალქ დო იარაღებით დოძვარძვილ მალიმარქ ქიგმადოხოდუ ცხენს დო დუდ ქიმშუოთუ პირდაპირ გაგანია ლიმაშა. ნტერქ დოჭკირუ ცხენ დო მაღურუქ უშურეთ ქიგიანთხუ დიხას. ვირქ თენა ირფელ ქოძირუ მუშ თოლით, გეგნიფიქრუ წოხოლენ ნარაგადი, დო ცხენიშა გურ ალაჭვილქ ქოთქუ: „მუსხით უმოს ბედნერ ვორექ ვინემ ოლიმარ ცხენ. მა ჸუდეს შემლებ დოფსკიდენ, მუჟამს თინა ლიმაშ არძონერ ხიფათის ეწურე.“
ჩქარებულო ვეგენჯარას შხვაშ მდგომარეობაქ.
________________________________________
აჯამი ყვარია
იუპიტერქ გეგნოჭყვიდუ ნამდა მაფურინჯაიეფშა ქუდუსხუაფუდუკო მაფან. თეშ უკულ თიქ გეგმაცხადუ, ნამდა ართ კონკრეტულ დღას, არძო მაფურინჯაიაქ ქახოლუკო მუსინ დო მუ გეგშეგორუნდუ უსკვამაშის მაფურინჯაიეფიშ მაფათინ. აჯამ ყვარია გვალო ჯგირო უჩქუდ, მუჭოთ უსკვამელა რდუნ დო ტყა-მინდორს დოგორ შხვადოშხვა მაფურინჯაიეფიშ ფსუალეფშე დუნაცუმა ბურდღეფ, ქიმკიციკუ სხეულიშ არძო ნაწილშა დო ათაშ გესკვამუ დუდ. დანიშნულ დღას მაფურინჯაიეფქ აკიშაყარეს იუპიტერწკუმა. ყვარიაქ ხოლო ქიმერთუ ბრელნერ ბურდღეფით გუმონწყილქ. თეშ ფსუალეფიშ სისკვამეშ გურშენ იუპიტერქ ქიმწარინუ ყვარიაშ კანდიდატურა მაფაშობაშენ. იუპიტერიშ ათე გადაწყვეტილებათ ახნარებულ მაფურინჯაიეფქ პროტესტ გეგმოხანტეს. არძოქ მუშ ბურდღა გემკოსოფუ ყვარიას დო თე უკანასკნელქ ქუდოსკიდუ თიშნერქ მუშნერით დაბადებაშე რდუნ.
ნათხირ ფსუალეფით ფურინიშ იმენდ ვაიღუდას.
________________________________________
მებჟალე მოინალე ძღაბ დო ორკოლ ბჟა
მოინალე ძღაბის ართ ვედრა ბჟა ჯარგვალშა მეუღუდუნ თეშ ფიქრის ქაუნუ: „ფარა, მუშათ ათე ბჟა გიმიჩამუნ, მინიმუმ სუმოშ კვერცხის ქიიდენს. კვერცხეფშე მინ ტყვაპა ქიი, მინ ქიმშატირხუ, მარა ართ ჟიროშ ჟარნეჩდოვით წიწილა იშენ გეგშიჩაკუ. წიწილეფ გუმაჩამალო მზათიი მუჟამსით დინახალენ მაფურინჯაიეფს დიდ ფას გიაძვენუნ, თაშ ნამდა წირ წანაშ ბოლოშო მა დასაბაღ ფარა მაღვენუ ახალ კაბაშ ოიდირალო. ახალ კაბას გუმონწყილ მიდურქ კალანდობაშა, სოდგა ბრელ ბოშ ბძირუნს დო ოსურობას ქოფთხინსინ, მარა მა დუდს დუკანტუანქ დო არძოს ვარიას ქუწინქ.“ მუშ ფიქრეფიშ ეუნელ ძღაბიქ დუდს მართალო ქუდუკანტუ, ორკოლქ გეგმუოლ დუდშე დო ოშ ნაწილო გუტირხუ იშო - წუთიშ დინახალე აკანთხუ არძო გეგმაქ.
გიმოჩაკუაშა ვაკოროცხა წიწილეფ.
მეგრული სიტყვების მრვალფეროვნება, .......
