ამ ხანიგას რამე ესროელთ
http://liberali.ge/gorozias-utsqebam-saakhaltslod-1გოროზიას უწყებამ საახალწლოდ 1,9 მილიონის ავტომობილები შეიძინა
წინასაახალწლოდ სოფლის მეურნეობის სამინისტრომ ახალი ავტომობილები შეიძინა. 9 მსუბუქი ავტომობილისა და 10 ავტობუსისათვის უწყებამ, საერთო ჯამში, 1 948 350 ლარი დახარჯა.
შეძენილი 9 ავტომობილიდან ყველაზე ძვირადაღირებული, მაღალგამავლობიანი „ტოიოტა ლენდ კრუიზერი“ სამინისტრომ ახლადდანიშნული მინისტრისთვის, ზაზა გოროზიასათვის იყიდა. მანქანის ღირებულება 122 ათასი ლარია. ახალი ავტომობილი ერგო მინისტრის პირველ მოადგილეს გიორგი აბულაძესაც, რომელიც აღნიშნულ თანამდებობაზე ზაზა გოროზიას შემდეგ დაინიშნა. მისთვის სამინისტრომ 75 ათასად ღირებული „ტოიოტა ლენდ კრუიზერ პრადო“ შეიძინა.
სამინიტრომ ავტომობილების განახლება ზაზა გოროზიას მინისტრად დანიშვნიდან 20 დღის შემდეგ გადაწყვიტა და ტენდერი ტექნიკის შეძენაზე 11-12 ნოემბერს გამოაცხადა. სატენდერო დოკუმენტაციის მიხედვით, სამინისტრომ ახალი ავტომობილები შეიძინა. მინისტრისა და მისი მოადგილისთვის განკუთვნილი ავტომობილების გარდა, უწყებამ კიდევ 7 მსუბუქი ავტომობილი შეიძინა, 2 ერთეული ჰიუნდაი IX-35, თითოეულის ფასი 37 ათასი ლარია, 3 ერთეული ჰიუნდაი ელანტრა, თითოეული 29 ათასის ღირებულების, ასევე 2 ერთეული ჰიუნდაი სონატა, თითოეული 45 ათასის ღირებულების.
სოფლის მეურნეობის სამინისტრომ ასევე შეიძინა 10 ჰიუნდაის მარკის ავტობუსი, რომელთა საერთო ღირებულებაც მილიონ ნახევარ ლარს შეადგენს.
სოფლის მეურნეობის სამინისტროში განმარტავენ, რომ ავტომობილების პარკის განახლება სამინისტროს თანამშრომლების მატებამ და ძველი ავტომობილებით გამოწვეულმა პრობლემებმა განაპირობა:
„სამინისტროს დაემატა მინისტრის მოადგილის ორი შტატი, გარდა ამისა, ცალკეული სამმართველოები ჩამოყალიბდა დეპარტამენტებად, მაგალითად, საზოგადოებასთან ურთიერთობის სამმართველო ჩამოყალიბდა, როგორც დეპარტამენტი. მანქანები იყო დაახლოებით 15 წლის. თანამშრომლებს ხშირად უწევდათ გადაადგილება რეგიონებში და სწორედ ამის გამო მოხდა ტექნიკის განახლება. ძველი ავტომობილები კი განაწილდება რეგიონებში,” -ამბობს სოფლის მეურნეობის სამინისტროს საზოგადოებსათან ურთიერთობის დეპარტამენტის უფროსი თამარ მეფარიშვილი.
თამარ მეფარიშვილის თქმით, სამინისტრომ ავტობუსები დაგეგმილი პროექტებისა და პროგრამების განხორციელებისას რეგიონებში გადაადგილებისათვის შეიძინა.
გოროზიას უწყებამ საახალწლოდ 1,9 მილიონის ავტომობილ, შეიძინა
