სპორტული პოკერი, ნაწილი მესამე

ვიწყებთ მესამე უშოუდაუნო უსასრულო მსჯელობას, განხილვას, ბედ ბითების გინებას და უბრალოდ საუბარს ამ ერთერთ უგენიალურეს გამოგონებაზე, რომელიც გვაძლევს ადვილი ფულის მოგების იმედს არაადვილ გარემოებებში.

აქ დავდებ iliaxის მიერ გაკეთებულ (დაწერილს ვერ ვიტყვი, ჯერ ბრანსონი არ ხარ ) გაკვეთილებს დამწყებთთათვის და არც თუ ისე დამწყებთათვის




მაშ ასე
ტეხასური ჰოლდემის წესები

ტეხასური ჰოლდემის წესები
ტეხასური ჰოლდემი ითვლება ყველაზე პოპულარულ პოკერის სახეობად, პოკერის ლეგენდამ დოილ ბრანსონმა თავის წიგნში სუპერ სისტემა ჰოლდემს პოკერის კადილაკი უწოდა, ჩვენს ენაზე პოკერის ფერარი ტეხასური ჰოლდემი იყოფა 2 ნაირსახეობად ლიმიტური ჰოლდემი სადაც ფსონები განსაზღვრულია "Fixed Limit Hold'em" და ულიმიტო ჰოლდემი "No Limit Hold'em" სადაც ფსონის ზომა განსაზღვრული არ არის და მოთამაშეს შეუძლია დადოს ყველა ის Fიშკა რაც აქვს.
I ფაზა (პრე პლოპი)
რიგდება კარტი, დილერი საათის ისრის მიმართულებით ურიგებს 2 დახურულ კარტს ყველა მოთამაშეს, პირველს ურიგებს დიდ ბლაინდს, კარტი რიგდება თითო-თითოდ.

იწყება ვაჭრობის პირველი რაუნდი. პატარა ბლაინდი აკეთებს ფსონს კარტის უნახავად, საზოგადოდ დიდი ბლაინდის ნახევარს. ასევე დიდი ბლაინდიც უნახავად დებს მინიმალურ ფსონს, ანუ პოკერში დიდ ბლაინდზე ნაკლები ფსონის დადება აკრძალულია. პირველ სიტყვას იძახის მესამე მოთამაშე. იხ. სურათი, რომელსაც აქვს 3 ვარიანტი „Fold"-ანუ დაწოლა, „Call" დიდი ბლაინდის ფსონის გათანაბრება და „Raise" დიდი ბლაინდის ფსონის გაზრდა. ასე საათის ისრის მიმართულებით ყველა მოთამაშე იღებს გადაწყვეტილებას, თუ მაგალითად III მოთამაშე რეიზს გააკეთებს მის შემდგომ მოთამაშეებს უკვე მისი რეიზის კოლლი მოუწევთ და არა ბიგ ბლაინდის. პრე ფლოპში ბოლოს გადაწყვეტილებას იღებს დიდი ბლაინდი, თუ რეიზი არ ყოფილა მას შეუძლია გააკეთოს Check და ნახოს ფლოპი, Check-ი ნიშნავს იგივე ფსონის დატოვებას, ხოლო რადგან დიდმა ბლაინდმა ბრმად დადო ფსონი მას პრე ფლოპზე აქვს Check-ის გაკეთების საშუალება.



II ფაზა (ფლოპი) დილერი იღებს 3 კარტს კალოდიდან და ღიად დებს მაგიდაზე, ყველა კარტი რომელიც იდება ღიად მაგიდაზე ეკუთვნის ყველა მოთამაშეს.
იწყება ვაჭრობის II რაუნდი, ფლოპზე ვაჭრობას ხსნის პატარა ბლაინდი, რადგან ჩვენს მაგალითზე ის დაწვა, საათის ისრის მიმართულებით შემდეგი, ანუ დიდი ბლაინდი იწყებს პირველი და ასე საათის ისრის მიმართულებით .(პოზიცია ერთ-ერთი უმთავრესია პოკერში ამიტომ ვამახვილებ ყურაქდღებას მასზე უფრო ვრცლად შემდგომ ვისაუბრებთ) ჩვენს მაგალითზე ყველამ გადაწყვიტა Check-ი. ჩვენც Check, რადგან გვაქვს საშუალება უფასოდ შევხედოთ ტერნს და გვაძლიერდეთ სტრეიტამდე, თუ მოვა ვალეტი.
რადგან ფლოპზე ფსონები არ ყოფილა.
გადავდივართ ტერნზე ანუ დილერი მაგიდაზე დებს კიდევ ერთ კარტს და იწყება ვაჭრობის III რაუნდი. კვლავ უნდა იწყებდეს პატარა ბლაინდი, მაგრამ რაგდან ის დაწვა, პირველ სიტყვას დიდი ბლაინდი ამბობს, ის აკეთებს ჩეკს, IV მოთამაშე დებს, VII აკეთებს call-ს, ანუ იღებს მის ფსონს, ჩვენ გავძლიერდით სტრეიტამდე და ამ მომენტში გვყავს საუკეტესო 5 კარტიანი კომბინაცია. (პოკერში ყველა კომბინაცია 5 კარტიანია)ამიტომ ვაკეთებთ რეიზს, ანუ ვიღებთ IV მოთამაშის ფსონს და ვამატებთ იმდენს რამდენიც გვინდა(ულიმიტო ჰოლდემის შემთხვევაში), ამ შემთხვევაში ვაორმაგებთ IV მოთამაშის ფსონს, ახლა II მოთამაშემ უნდა გადაიხადოს 4$ იმისთვის რომ დარჩეს თამაშში, ის ამას არ აკეთებს და წვება, იგივეს აკეთებს IV მოთამაშეც, VII კი იხდის 2$ რადგან მას უკვე გადახდილი აქვს 2$-ი, მაშ ასე 5 საერთო კარტის ნახვის უფლება მხოლოდ 2 მოთამშეს დარჩა, მეხუთე კარტს ქვია River.



IV ფაზა (რივერი) დილერმა დადო ბოლო კარტი და იწყება IV და ბოლო ვაჭრობის რაუნდი, კვლავ I უნდა იყოს პატარა ბლაინდი, მაგრამ რადგან მხოლოდ ორნი დავრჩით პირველ სიტყვას VII მოთამაშე იძახის. ის იძახის Check-ს. რადგან რივერმა ვერ შეცვალა მდგომარეობა, ჩვენ ვდებთ 2$ VII მოთამაშე აკეთებს call-ს ანუ იღებს ჩვენს ფსონს. აქ ვაჭრობა დამთავრდა და მივედით შოუდაუნამდე (Showdown) ანუ უნდა გავარკვიოთ ვის ყავს ძლიერი კომბინაცია. რადგან ჩვენ ვიყავით აგრესორი, ანუ ჩვენ გავაკეთეთ ბოლო ფსონი ჩვენ ვანახებთ ჩვენს კარტს და ოპონენტს შეუძლია არ გვანახოს წაგებული კარტი ამას ქვია muck, მაგრამ რადგან ეს სასწავლო დარიგებაა, მან გვანახა თავის კარტი (8J აგურის) ჩვენი სტრეიტი ძლიერია 1 წყვილზე და ბანკი ჩვენია. შოუდაუნს იგებს უძლიერესი ხელი, მაგრამ შეიძლება ისე მოხდეს, რომ რამოდენიმე მოთამაშეს ყავდეს ერთნაირი სიძლიერის კომბინაცია, ასეთ შემთხვევაში ბანკი იყოფა.

პოკერის ხელები (კომბინაციები)

დასაწყისისთვის ავღნიშნოთ, რომ კომბინაციების სიძლიერე ერთნაირია პოკერის ყველა სახეობაში, ანუ ძლიერი ხელი ჰოლდემში, 7 კარტიან სტადშიც ძლიერი ხელია, სულ პოკერში არის 10 კომბინაცია და
ჩვენ იერარქიის ყველაზე დაბალი საფეხურიდან დავიწყებთ და ავალთ როიალ ფლეშამდე. უმნიშვნელოვანესია ის, რომ პოკერში ყველა კომბინაცია 5 კარტისგან შედგება, მიუხედავად იმისა, რომ ჰოლდემში 7 კარტი ეკუთვნის მოთამაშეს(2 დახურული და 5 მაგიდის).
მცირე განმარტება კარტის რაობა ლათინური ასოებით ასე გამოიხატება:
A-ტუზი
K-პაპა
Q-ქალი
J-ვალეტი
T-10-იანი
რადგან პრობლემები შმექმნა, მაგლითების დადებისას, იძულებული ვარ ხელით დავწერო ამიტომ ცოტა ულამაზო იქნება, მაგრამ აზრს გაიგებთ, შემდეგში შევეცდები გამოვასწორო და უკეთესი ხარისხით მოგაწვდიდთ მაგალითებს.
მაღალი კარტი (High Card)
მაგ. I
გიორგის ყავს ხელში-A 3
ვახოს-5 4
მაგიდაზე K Q T 8 2
გიორგის ყავს საუკეთესო კომბინაცია: A K Q T 8
ვახოს:K Q T 8 5
რადგან გიორგის ტუზი მაღალია ის იგებს ხელს.
მაგ. II
გიოს ყავს 8 7
ვახოს 4 2
მაგიდაზე A K Q J 9

გიოს კომბინაცია A K Q J 9
ვახოს ხელი A K Q J 9
რადგან მოთამაშეების კარტი უფრო დაბალია ვიდრე მაგიდაზე დადებული კარტები, ამიტომ ორივემ მოიგო და ბანკი იყოფა.
მე მგონი გასაგებია გადავიდეთ შემდეგ კომბინაციაზე.
წყვილი (one Pair)
წყვილი ეს არის კომბინაცია, რომელიც შედგება 2 ერთნაირი რანგის კარტისგან. მაგ. 8-იანები, ან 2 ტუზი.
იგებს დიდი წყვილი ანუ 2 ქალს უგებს 2 პაპა, თუ მოთამაშეებს ერთნაირი რანგის წყვილები ყავთ, მაგ. ტუზები, მაშინ იგებს ის მოთამაშე რომელსაც უფრო ძლიერი კიკერი ყავს (კიკერი-კარტი, რომელიც წყვილის შემადგენელ კარტთან ერთად გვიკავია)ანუ თუ მე მკავს AK და ოპონენტს AQ და მაგიდაზე დევს A მაშინ მე მოვიგებ რადგან პაპა უფრო ძლიერია ვიდრე ქალი.
მაგ.I
ნატოს ყავს A 2
მერაბს A 4
მაგიდაზე დევს-A K T 3 6
ნატოს ყავს A A K,T,6.
მერაბსაც იგივე A A K,T,6. ამ შემთხვევაში კარტი იყოფა, რადგან ორივე მოთამაშეს ერთნაირი კომბინაცია აქვთ მიუხედავად იმისა, რომ მერაბს უკეთესი კიკერი ყავდა მაგიდის კარტებმა გადაასწრეს მერაბის კიკერს, მერაბს A7, რომ ყოლოდა მაშინ ბანკი მისი გახდებოდა.
ორი წყვილი (2pair)
2 წყვილის პრინციპი 1 წყვილის ანალოგიურია ანუ იგებს ის წყვილი, რომელსაც უფრო დიდი კარტის წყვილი ყავს ანუ KK+22 უგებს QQ+JJ-ს რადგან KK უფრო ძლიერია ვიდრე QQ. ხოლო თუ მაღალი წყვილი ერთნაირია იგებს ის ვისი მეორე წყვილიც უფრო ძლიერია, ანუ KK+22 აგებს KK+QQ-სთან.
გიოს ყავს 4 J
პეტრეს 8 9
მაგიდას-3 4 J 8 9

გიოს ყავს ორი წყვილი ვალეტები და 4-იანები
პეტრესაც 2 წყვილი 8-ანები და 9-იანები რადგან ვალეტი 9-ზე ძლიერია იგებს გიო.
მაგ II
პეტრეს ყავს A K
პავლეს A Q
მაგიდას-A T T 2 3
პეტრეს ყავს: ორი წყვილი, ტუზები და 10-იანები, კიკერი პაპა
პავლეს ყავს: ორი წყვილი, ტუზები და 10-იანები, კიკერი ქალი
ორივე წყვილი იდენტურია, მაგრამ პეტრეს უკეთესი კიკერი ყავს ამიტომ ის იგებს.
ტრიპლეტი, სეტი (3 of a Kind,)
სეტი შედგება 3 ერთნაირი რანგის კარტისგან, ძლიერი სეტი უგებს სუსტს ანუ KKK უგებს 444-ს, თუ მოთამშეებს ერთნაირი სეტები ყავთ, მაშინ იგებს ის ვისაც უკეთესი კიერი ყავს.
სტრეიტი (Straight)
სტრეიტი-ეს არის კომბინაცია რომელიც შედგება 5 მიმდევრობით დალაგებული კარტისგან მაგ. 56789
უმაღლესი სტრეიტი AKQJT, უდაბლესი არა 23456, არამედ A2345-ია რადგან ასეთ შემთხვევაში A-შეგვიძლია პირობითად 1-იანად ვიგულისხმოთ. ყველა სხვა დანარჩენი სტრეიტი ამ 2-ს შორისაა მოქცეული. იგებს ის რომელსიც უფრო მაღალი კარტით მთავრდება. შენიშვნა: არ არსებობს ასეთი 432AK სტრეიტი
მაგ. I
გიოს ყავს A 5
დათოს 5 6
მაგიდაზე T 3 4 Q 2

გიოს ხელი: სტრეიტი, ტუზიდან 5-იანამდე
დათოს ხელი: სტრეიტი, 2-დან 6-იანამდე
იგებს დათო რადგან მისი სტრეიტი უფრო მაღალია.
ფლეში (Flush)
ფლეში-ეს არის კომბინაცია, რომელიც შედგება 5 ერთნაირი მასტისგან(ქართულად როგორაა?) ანუ მაგ. 5 ცალი ჯვარი. თუ რამოდენიმე მოთამაშეს ყავს ფლეში გამარჯვებული მაღალი კარტის პრინციპით ვლინდება.
მაგ. I
გ-გული
ა-აგური
ყ-ყვავი
ჯ-ჯვარი

პეტრეს ყავს Aყ 4ჯ
დათოს ყავს Jყ Tყ
მაგიდაზე 3ყ 5ყ 8ყ T 7ყ
პეტრეს ხელი: ფლეში, მაღალი კარტი ტუზი
დათოს ხელი: ფლეში, მაღალი კარტი ვალეტი.
მაგ. II
პეტრეს ყავს Aა 3ყ
დათოს ყავს Jა 2ყ
მაგიდაზე 4ყ 5ყ 8ყ T 7ყ

პეტრეს ხელი: ფლეში, დაბალი კარტი 3-იანი.
დათოს ხელი: ფლეში, დაბალი კარტი 2-იანი.
ამ დარიგებას იგებ პეტრე რადგან მისი 3-იანი დათოს 2-იანზე მაღალია.

მაგ. III
პეტრეს ყავს Aჯ 5ჯ
დათოს ყავს Jჯ Tჯ
მაგიდაზე 3 5 8 T 7-სულ ყვავები.
პეტრეს ხელი: ფლეში, მაღალი კარტი 10-იანი.
დათოს ხელი: ფლეში, მაღალი კარტი 10-იანი.
ბანკი იყოფა.
მაგ. IV
პეტრეს ყავს Aჯ 5ჯ
დათოს ყავს Jყ Tჯ
მაგიდაზე 3 5 8 T 7-სულ ყვავები.
პეტრეს ხელი: ფლეში, მაღალი კარტი 10-იანი.
დათოს ხელი: ფლეში, მაღალი კარტი ვალეტი.
დათოს უფრო მაღალი ფლეში ყავს ამიტომ ბანკი მისია.
ფულ ჰაუსი, ფულე (Full House, სლენგზე Boat )
ეს არის ხელი, რომელიც შედგება სეტისგან და წყვილისგან. თუ რამოდენიმე მოთამაშეს ყავს ფულე იგებს ის ვისი სეტიც უფრო მაღალია. თუ სეტები ერთნაირია მაშინ ჯერი წყვილზე დგება. თუ ყველაფერი ერთნაირია მაშინ ნარდი უნდა ითამაშოთ .
მაგ. I
პეტრეს ყავს 4 4
დათოს ყავს A 6
მაგიდაზე A A 6 4 6

აქ პეტრეს 2 ფულე ყავს AAA66 და 666AA, ცხადია AAA66 უფრო ძლიერია ამიტომ ის უნდა მივიღოთ მხედველობაში. პეტრე იგებს , რადგან მისი ტუზების სეტი დათოს 4-ანების სეტზე ძლიერია.
პეტრე: მე მყავს ფულ ჰაუზი, Fours full of Aces
დათო: მე მყავს ფულ ჰაუზი, Aces full of sixes.
კარე (four of a Kind)
კარე შედგება ყველა 4-ვე კარტისგან, თუ 2 მოთამაშეს ყავს კარე იგებს მისი სიძლიერე ანუ 2222-ს უგებს 9999, თუ შემთხვევით მაგიდაზე დაჯდა კარე მაშინ იგებს ის ვისაც უკეთესი კიკერი ყავს.
მაგ. I
პეტრეს ყავს 4 4
დათოს ყავს A K
მაგიდაზე 5 5 5 5 2
პეტრეს ხელი: კარე, 4-იანი კიკერით.
დათოს ხელი: კარე, ტუზის კიკერით.
დათო იგებს რადგან მისი კიკერი უფრო ძლიერია.
სტრეიტ ფლეში (Straight Flush)
ეს არის კომბინაცია როდესაც გვყავს ერთნაირი მასტის სტრეიტი. თუ რამოდენიმე მოთამაშეს ყავს სტრეიტ ფლეში რომელიმეს ინფარქტი დაარტყამს იგებს ის რომლის სტრეიტიც უფრო ძლიერია.
მაგ. I
პეტრეს ყავს 7ყ 8ყ
დათოს ყავს 2ყ 3ყ
მაგიდაზე K 4ყ Q 5ყ 6ყ
პეტრეს ხელი: სტრეიტ ფლეში, 4-დან 8-მდე
დათოს ხელი: სტრეიტ ფლეში, 2-დან 6-მდე
ფლეშ როიალი (Royal Flush)
ეს არის პოკერში უმაღლესი კომბინაცია და მას ვერაფერი ვერ უგებს, შეუძლებელია 2 მოთამშეს ერთდროულად ყავდეს იგი. ფლეშ როიალი იგივე სტრეიტ ფლეშია 10-იანიდან ტუზამდე.



This post has been edited by Vinum Sabbati on 16 Aug 2009, 01:22

ეს კი ისევ iliaxის დადებული პოკერის მათემატიკის საფუძვლები
ვახ საფუძვლებზე ბავშვობა და თოფურია გამახსენდა



მაშ ასე ვაგრძელებ...
დღეს ჩვენი თემა შეეხება უშუალოდ თამაშს და შესაბამისად ძალიან მნიშვნელოვან საკითხებს.
რადგან უფრო პოპულარული ჰოლდემის სახეობა ულიმიტო ჰოლდემია აქცენტს მასზე შევაჩერებ. დავიწყოთ (ეს კონცეფციები პოკერის ყველა სახეობაში გამოიყენება, მაგრამ ულიმიტო ჰოლდემის მაგალითზე იქნება ახსნილი, სადაც მას სასიცოცხლო მნიშვნელობა აქვს და თუ მის მაგალითზე გაიგებთ, სხვა სახეობებში აღარ გაგიჭირდებათ.)
რეკომენდირებულია დაკვირვებით და რამოდენიმეჯერ წაიკითხოთ. აუცილებლად გაჩნდება შეკითხვები, რომლებზეც სიამოვნებით გიპასუხებთ.

აუტსები, ოდდსები, მოსალოდნელი ოდდსები და უკუ მოსალოდნელი ოდდსები (უკეთესი ტერმინი ვერ მოვიფიქრე )
ეკვიტები, აუტსები და ოდსები ეს ის კონცეფციებია, რომლებიც უმნიშვნელოვანეს როლს თამაშობენ საკუთარი შანსების სწორად შეფასებაში და შესაბამისად სწორი გადაწყვეტილების მიღებაში. მათი სწორი გაგება გამარჯვების გარანტიაა. წაიკითხეთ რამოდენიმეჯერ, რათა გაარჩიოთ მომგებიანი სათამაშო სიტუაციები წამგებიანისგან.

ეკვიტი ხელები - ეს არის ბანკის ნაწილი, რომელსაც საშუალოდ იგებს ეს ხელი იმ შემთხვევაში, თუ ყველა მოთამაშე იტყვის All in-ს (All in ნიშნავს ყველა Fიშკის დადებას) ეკვიტი დამოკიდებულია ხელის სიძლიერეზე, ოპონენტების ხელებზე და მათ (ოპონენტსების) რაოდენეობაზე, ეკვიტის დათვლის დროს არ ითვალისწინებენ შემდგომ ბეთებს (ასე მოვიხსენიოთ Fიშკების რაღაც რაოდენობის დადება) ეკვიტის დათვლის დროს ითვალისწინებენ კარტების ყველა კომბინაციას, რადგან ეს ძალიან რთული გამოსათვლელია ამას კომპიუტერული პროგრამები აკეთებენ. ამაზე შემდგომ ვისაუბრებთ.



აუტსები, ოდდსები
აუტსი ჰქვია კარტს, რომელიც აძლიერებს ჩვენს ხელს (სავარაუდოდ) უძლიერესამდე.

მაგალითი.
ჩვენ გვყავს 7ყ 6ყ , ფლოპზე მოდის 8ჯ 5გ 2ა, ყოველი 9-იანი და ყოველი 4-იანი გვაძლევს ნათსურ სტრეიტს (ნათსური სტრეიტი ვუწოდოთ ყველაზე მაღალ სტრეიტს მოცეულ მომენტში) და მაშასადამე ყველაზე ძლიერ ხელს ტერნზე. ასე, რომ ჩვენ გვაქვს 8 აუტსი 4 ცალი 9-იანი და 4 ცალი 4-იანი.
დისკონტირებული (ინგლისურიდან to discount, წართმევა,) აუტსები
როგორც ვთქვით აუტსი ეს არის კარტი, რომელიც აძლიერებს ჩვენს ხელს სავარაუდოდ საუკეთესომდე, მაგრამ არის სიტუაციები როცა კარტი აძლიერებს ჩვენს ხელს, მაგრამ არა საუკეთესომდე. ის აუტსები რომლებიც ვერ გვაძლიერებენ საუკეთესო ხელამდე მხედველობაში არ უნდა მივიღოთ.
მაგალითი 1
ჩვენ გვყავს 7ყ 6ყ , ფლოპზე მოდის 8გ 5გ 2ა, ამ შემთხვევაშიც 9-იანი და 4-იანი გვაძლევს სტრეიტს მაგრამ 9გ და 4გ, აკეთებენ შესაძლო ფლეშს რომელთანაც ჩვენ ვაგებთ. ამიტომ ყველა აუტსი მხედველობაში არ უნდა მივიღოთ, ერთი ოპონენტის შემთხვევაში შეგვიძლია აუტსების რაოდენობა 8-ად დავტოვოთ რადგან არც ისე ალბათურია, რომ მას ფლეშ დრო ჰყავს (Flush Draw-4 ერთნაირი მასტის კარტი, ფლოპზე ან თერნზე.), 2 ან მეტი ოპონენტის შემთხვევაში კი 6 აუტსი უნდა ვიგულისხმოთ.

ოდდსები
მას შემდეგ რაც დავადგინეთ აუტსების რაოდენობა, შეიძლება დავადგინოთ მისი მოსვლის ალაბათობა, პოკერში ეს ალბათობა გამოისახება ოდდსებში, მარტივად რომ ვთქვათ ოდდსები ეს არის დამოკიდებულება ჩვენთვის არასასიკეთო მოვლენისა სასიკეთოსთან. გავიმეოროთ მაგალითი
ჩვენ გვყავს 7ყ 6ყ , ფლოპზე მოდის 8ჯ 5გ 2ა, ყოველი 9-იანი და ყოველი 4-იანი გვაძლევს ნათსურ სტრეიტს და მაშასადამე ყველაზე ძლიერ ხელს თერნზე. ასე, რომ ჩვენ გვაქვს 8 აუტსი 4 ცალი 9-იანი და 4 ცალი 4-იანი.
რადგან ულიმიტო ჰოლდემში ყოველთვის შეუძლია მოთამაშეს თქვას All in. ამიტომ საჭიროა ვიცოდეთ ოდდსები არა მხოლოდ თერნისთვის არამედ რივერისთვისაც. (იმ შემთხვევესითვის თუ ვიღაცა All in-ს იტყვის ფლოპზე.) ვიცით, რომ სტრეიტის აღების ოდდსები ერთი კარტის შემთხვევაში (როცა მაგიდაზე კიდევ ერთი კარტი უნდა დადონ) არის 5:1-თან (ჩვენ ვიცით 5 კარტი, 2 ჩვენი და 3-იც მაგიდის, 52-5=47 ამ 47 კარტიდან ჩვენ გვაწყობს 8, ანუ ოდდსები არის 39:8-ზე, რომ დავამრგვალოთ 5:1-ზე) ანუ 6 შემთხვევიდან 1-ხელ ჩვენ გავძლიერდებით სტრეიტამდე. ამიტომ ალბათობა არის 1/6(8/47 მიახლოებით 1/6) , როგორც ხედავთ ალბათობა განსხვავდება ოდდსებისგან. ოდდსების შემთხვევაში არასასიკეთო შემთხვევები უპირისპირდება სასიკეთოებს, ხოლო ალბათობა გამოსახავს იმის შანსს, რომ სასიკეთო მოვლენა მოხდება.
იმის ალბათობა, რომ თერნზე მოვა აუტსი არის 1/6-ი, ახლა ჩვენ უნდა განვიხილოთ რივერიც. ანუ ის შემთხვევა როცა აუტსი არ მოდის თერნზე, მაგრამ მოდის რივერზე.
იმის ალბათობა რომ თერნზე აუტსი არ მოვა არის 5/6-ი. ოდდსები იმისა რომ რივერზე მოვა აუტსი არის 38:8 (ტერნზე კიდევ ერთი კარტი გახდა ცნობილი.) ან 4.75:1-თან , რომ დავამრგვალოთ 5:1-თან. ანუ რივერზე აუტსის მოსვლის ალბათობა კვლავაც 1/6-ია დაახლოებით. ახლა უნდა დავაჯამოთ რეზულტატები. თერნზე აუტსის მოსვლის ალბათობას პლიუს აუტსის თერნზე კი არა რივერზე მოსვლის ალბათობა, ანუ 1/6+5/6*1/6=1/3.27
ასე რომ ტერნზე ან რივერზე აუტსის მოსვლის ალბათობა 1/3.27-ის ტოლია ოდდსები ასეთ შემტხვევაში არის 2.27:1-ზე.

აქვე დავდებ ცხრილს რომელშიც გაწერილია ძირითადი კომბინაციების მოსვლის ოდდსები როგორც თერნისთვის ისე რივერისთვის.




არ შეგაშინოთ ამ ფორმულებმა ამეებს იმიტომ ვწერ, რომ მინდა გაიგოთ გამოთვლის პრინციპი, კარგი იქნება თუ ძირითადი კომბინაციების მოსვლის ოდდსებს დაიზეპირებთ, აქვე გეტყვით პატარა ტრიუკს, ძალიან მარტივს და გამოსადეგს.
4-ის და2-ის წესი
ამ წესის მიხედვით აუტსების რაოდენობას ვამრავლებთ 4-ზე როცა კიდევ 2 კარტი უნდა მოვიდეს და 2-ზე როცა 1 . ანუ თუ ფლოპზე ვართ აუტსებს ვამრავლებთ 4-ზე, ხოლო თუ თერნზე მაშინ 2-ზე უნდა გავამრავლოთ. მიღებული შედეგი პროცენტებში გვაძლევს იმის ალბათობას თუ რამდენი გვაქვს შანსი საუკეთესო კომბინაციის შედგენის, ჩვენს მაგალითზე რადგან ფლოპზე ვართ და გვაქვს 8 აუტსი, 8 უნდა გავამრავლოთ 4-ზე=32% ანუ ჩვენ დაახლოებით გვაქვს 32%. რაც იმას ნიშნავს რომ 100 შემტხვევიდან 32-ჯერ გავძლიერდებით სტრეიტამდე, შოუდაუნზე. ხოლო თუ ტერნზე ვართ მაშინ ეს ჩვენი 8 აუტსი უკვე 2-ზე უნდა გავამრავლოთ და მივიღებთ 16%-ს(ასევე 16%-ია თერნზევე აუტსის მოსვლის ალბათობა). საკმაოდ მარტივი და ძალიან გამოსადეგი წესია, რომელსაც ყოველთვის ვიყენებ, მაგრამ მაინც გირჩევთ ძირითადი კომბინაციების ოდდსები დაიზეპიროთ.
ხო კიდევ 4-ის და 2-ის წესი ფაქტიურად ეკვიტებს გვეუბნება მოცელმულ სიტუაციაში, ხოლო თუ ვიცით ეკვიტი ძალიან მარტვია ოდდსების გამოთვლა, ჩვენს მაგალითზე ფლოპზე 4-ის და 2-ის წესის მიხედვით გვაქვს 32%-იანი ეკვიტი რაც იმას ნიშნავს, რომ 100 თამაშიდან 32-ჯერ მოვიგებთ. ეს ოდსებში ასე გამოიხატება 68:32(რადგან როგორც ავღნიშნეთ. ოდდსები ეს არის დამოკიდებულება, ჩვენთვის არასასიკეთო(68) მოვლენისა სასიკეთოსთან(32)) 68:32=2.125 ანუ ჩვენი ოდდსები არის 2.125:1-თან რაც თითქმის იგივეა რაც 2.27:1-თან (ასეთი ოდდსი მაშინ მივიღეთ როცა ალბათობით გამოვთვალეთ.), ანუ 4-ის და 2-ის წესი ძალიან ზუსტ შედეგს იძლევა და ის მუშაობს.

პოტ ოდდსები
პოტ ოდდსი ეს არის ჩვენს მიერ დადებლი ბეთი-ს შეფარდება იმ მომენტში ბანკის სიდიდესთან.
მაგალითი:
რივერზე ბანკში დევს 16$, ჩვენი ოპონენტი აკეთებს 8$-იან ბეთს, ჩვენ უნდა გადავიხადოთ 8$ ქოლისთვის (Call) და შესაძლებლობისთვის, რომ მოვიგოთ 24$ (ბანკის ბოლო რაოდენობას დამატებული ჩვენი ოპონენტის ბეთი 16+8=24) ანუ პოტ ოდდსები ქოლისთვის შეადგენს 24:8=3:1.

პოტ ოდსების დათვლის დროს, ყურადღება არ მიაქციოთ თქვენს მიერ ვაჭრობის წინა რაუნდებში, გაკეთებულ ბეთებს, რადგან მას შემდეგ რაც თქვენი ფული ბანკში გადადის, ის თქვენ აღარ გეკუთვნით და ის ფაქტი, რომ თქვენ წინა რაუნდში ფული ჩადეთ ბანკში, არ არის საკმარისი იმისთვის, რომ თამაში გააგრძელოთ უარყოფითი მათემატიკური ლოდინით. მხედველობაში მისაღებია, მხოლოდ ვაჭრობის მიმდინარე და მომავალი რაუნდები და არავითარ შემთხვევაში უკვე განვლილი რაუნდები.

მათემატიკური ლოდინის განსაზღვრა-ეკვიტების, აუტსების, ოდდსების და პოტ ოდდსების ურთიერთკავშირი
პოკერში ყველა ქმედების მიზანი უნდა იყოს-მაქსიმალური მათ ლოდინის მიღწევა. ანუ მოვახდინოთ მოგების მაქსიმიზაცია და წაგების მინიმიზაცია. ჩვენს მიერ უკვე აღწერილი კონცეფციებით (ეკვიტი, ოდდსები, აუტსები და პოტ ოდდსები) შეგვიძლია განვსაზღვროთ ამა თუ იმ აქციის მათ. ლოდინი.
პრინციპში ყოველთვის იბადება კითხვა, მოვიგებთ ჩვენ იმაზე მეტს ამ დარიგებაში ვიდრე ჩავდეთ? ამ კითხვაზე პასუხის გასაცემად უნდა შევადაროთ ოდდსები(ან იმის ალბათობა რომ მოვიგებთ დარიგებას) პოტ ოდდსებს.
დავუბრუნთედ წინა მაგალითს:
რივერზე ბანკში დევს 16$, ჩვენი ოპონენტი აკეთებს 8$-იან ბეთს, ჩვენ უნდა გადავიხადოთ 8$ ქოლისთვის (Call) და შესაძლებლობისთვის, რომ მოვიგოთ 24$ (ბანკის ბოლო რაოდენობას დამატებული ჩვენი ოპონენტის ბეთი 16+8=24) ანუ პოტ ოდდსები ქოლისთვის შეადგენს 24:8=3:1
თუ ჩვენი ოდსები მოგებაზე შეადგენს 2:1-თან. ჩვენ 1/3 ჯერ მოვიგებთ 24$-ს და 2/3 ჯერ წავაგებთ 8$. საერთოდ კი საშუალოდ 2.67$-ს მოვიგებთ (1/3*24$-2/3*8$=+2.67$)

თუ ჩვენი ოდსები მოგებაზე არის 3:1-თან, მაშინ ჩვენ 1/4 ჯერ მოვიგებთ 24$ და 3/4 ჯერ წავაგებთ 8$-ს. ანუ საშუალოდ ჩვენი მოგება იქნება 0 (1/4*24$-3/4*8$=0)

თუ ჩვენი ოდსები მოგებაზე შეადგენს 4:1-თAნ, მაშინ ჩვენ 1/5 ჯერ მოვიგებთ 24$-ს, ხოლო 4/5 ჯერ წავაგებთ 8$-ს, საშუალოდ ჩვენ წავაგებთ 1.6$ (1/5*24$-4/5*8$=-1.6)
რომ განვაზოგადოთ შეგვიძლია ვთქვათ, რომ თუ პოტ ოდდსები აღემატება, ოდდსებს მოგებაზე, მაშინ აქციას დადებითი მათემატიკური ლოდინი აქვს და პირიქით, თუ პოტ ოდდსები უფრო ნაკლებია ვიდრე ოდდსები მოგებაზე, მაშინ აქციას უარყოფითი მათ. ლოდინი აქვს. ხოლო თუ პოტ ოდდსები და ოდდსები მოგებაზე ერთნაირია, მაშინ მათ. ლოდინი 0-ის ტოლია.
მაგალითი:
NL $100 ბლაინდები 0.5/1$ ჩვენ გვაქვს სრული სტეკი (100$) ჩვენ ვაკეთებთ რეიზს ადრეული პოზიციიდან Kყ Kგ-ით 4$-მდე, ყველა წვება მხოლოდ ბატონი, რომელიც ძალიან აგრესიული მოთამაშეა იძახის All in-ს მას 30 $ ქონდა ბლაინდები წვებიან რა ვქნათ ჩვენ?
პასუხი ძალიან მარტივია ჩვენ ვაკეთებთ ქოლს.
მათემატიკოსი ამ გადაწყვეტილების მიღებისას: რა კარტით შეიძლება ეთქვა All in-ი ოპონენტს? ის ცუდი, ზედმეტად აგრესიულ მოთამაშეა, ამიტომ არა არის აუცილებელი მას ყავდეს AA, მას ამის გაკეთება ძალიან ბევრი სხვა კარტითაც შეეძლო მაგ. AA, KK, QQ,JJ, TT,AKs (s-suited, ერთი მასტის),AKo(o-offsuited, სხვადასხვა მასტის) ხელების ამ სპექტრის წინააღმდეგ ჩვენ ჩვენი KK-თი აშკარა ფავორიტები ვართ. კომპ. პროგრამა გვეუბნება, რომ ჩვენი ეკვიტი 66%-ის ტოლია. ეს იგივე რაც 34:66 ოდდსებში ან რომ დავამრგვალოთ 1:2, ანუ ჩვენ 3 შემთხვევიდან 2-ჯერ ვიგებთ.
პოტ ოდდსები ასე გამოითვლება:
ბანკში უკვე 1.5$-ია ბლაინდების ასევე ჩვენი 4$-იანი რეიზი და ოპონენტის 30$-იანი რი რეიზი, სულ 35.5$ ქოლისთვის ჩვენ გვჭირდება 26$ (4$-იანი რეიზი გავაკეთეთ) ანუ პოტ ოდდსები ასეთია 35.5:26-თან, ან დამრგვალებული 1.37:1-თან. პოტ ოდდსები აშკარად მეტია ვიდრე, ოდდსები მოგებაზე ამიტომ ეს აშკარა ქოლია.
მათ. ლოდინი ასე ითვლება :
2/3 შემთხვევეაში ჩვენ ვიგებთ 35.5$, ხოლო 1/3 შემთხვევაში ვაგებთ 26$, საშუალოდ ჩვენ ვიგებთ 15$(2/3*35.5$-1/3*26$=+15$)
მაგალითი 2:
NL $100 ბლაინდები 0.5/1$ ჩვენ გვაქვს სრული სტეკი (100$) ჩვენ გვყავს Qყ J ჯ და უკვე თერნზე ვართ მაგიდა ასეთია Tჯ 7გ 3გ Kა . პრეფლოპზე ვცადეთ ბატონიდან მოგვეპარა ბლაინდები, დიდმა ბლაინდმა მიიღო ჩვენი რეიზი პრეფლოპზეც და ფლოპზეც. თერნზე მოვიდა K, ბანკში 19.5$-ია ჩვენი ოპნენტი დებს 10$ რა ვქნათ?
შეგვიძლია ვივარაუდოთ, რომ ჩვენ უკან ვართ, რადგან მაღალი კარტი დამა ვერ მოიგებს ბანკს, ალბათ ოპონენტს ყავს ტოპ წყვილი ანუ 2 პაპა, ჩვენ გვაქვს 8 აუთსი, რომელიც გაგვაძლიერებს ნათსურ სტრეიტამდე (4 ტუზი და 4 ცალი 9-იანი) შევამოწმოთ საკმარისია, თუ არა ეს 8 აუტსი ქოლისთვის.
ყველა 8 აუტსი "სუფთაა" ანუ მათი დისკონტირება არ არის საჭირო, რადგან ვერცერთი მათგანი ვერ მისცემს ოპონენტს ჩვენზე ძლიერ კომბინაციას. ძნელად სავარაუდოა, რომ ოპონენტს ჩვენსავით QJ ყავს რაც ბანკის გაყოფას გამოიწვევს. ოდდსები 8 აუტსის შემთხვევაში დაახლოებით 5:1-თანაა, ბანკში უკვე 295$-ია 19.5 ფლოპიდან პლიუს ოპონენტის ბეთი. ქოლისთვის საჭიროა 10$ პოტ ოდდსები კი 29.5:10-თან ან რომ დავარგვალოთ 3:1-თან, ჩვენ ვხედავთ, რომ პოტ ოდდსი აშკარად უარესია ვიდრე ოდდსები მოგებაზე, ამიტომ ჯობია დავწვეთ, რადგან არ წავაგოთ უფრო მეტი ფული.
მათ. ლოდინი (საშუალო მოგება) ამ მაგალითზე აშკარად უარყოფითია, 1/6 შემთხვევაში ვიგებთ 29.5$-ს და 5/6 შემთხვევაში ვაგებთ 10$ საშუალო მოგება 1/6*29.5$-5/6*10$=-3.42$


This post has been edited by Vinum Sabbati on 16 Aug 2009, 01:25

ეხლა ვუბერავ cakepoker-ზე ქეშს.
სერიოზული პალასა მაქვს.
იმედია ასე გავაგრძელებ.

რუმი-პოკერსტარსი
ID-183540477
საპრიზო-5000$
დასაწყისი-დღეს 23:00
ბლაინდების წყობილება 5 წუთიანი(ბევრს არ იწვალებთ)
goodman არ გამაზო იცოდე
ამ წუთისტვის დარეგისტრირებულია 1500 მოთამაშე

OTO_777
აუ ხალხნო, partypoker-ი რა ნაბი**რი ყოფილა, დეპოზიტი თუ არ გაქვს შეტანილი ვერ გაიტან და პროსტა ფული რომ შევიტანო და მერე ჩემ შეტანილ ფულს რომ ის დავუმატო რისი გამოტანაც მინდა და გამოვიტანო, გამომატანინებს თუ თაღლითობაში დამდებს ბრალს და რაღაცას მომთხოვს კიდე

მაპატიეთ პაროლი დამავიწდა რო დამეწერა
პაროლი: surveystar

donshelo

donshelo
გაიხარე, კიდევ კაი შემოვიხედე


დრეს ჯერჯერობით ყველგან ფიასკო განვიცადე სრული

This post has been edited by Goodman on 16 Aug 2009, 22:36

donshelo
იმდენად კარგი პრაიზპულია რო ვერ გამოტოვებს კაცი
notfound-ო მიწერს

This post has been edited by Vinum Sabbati on 16 Aug 2009, 22:38

არა ძმაო ეგრე არ გამოგატანს არავინ ფულს.
ფულის გამოსატანად საჭიროა:
1)მოაგროვო 600 პარტიპოინტი
2)შემდეგ გააკეთო დეპოზიტი
ყოველ 150 პარტიპონტზე დაგერიცხება დამატებით 25$.
არ დაგიმალავ და ნამდვილად ძნელი მოსაგროვებელია ეგ პარტიპოინტები.


PS. ისე რა გეგმებს დააწყობდი ეგრე რო გატანდეს ვინმე ფულს

Pinturico
არ ვიცი ნაღდად.

donshelo
სერიოზული prize pool-ია.
მადლობა.


პ.ს. FlakDet-ით ვარ.
თუ ფორუმელები გაიჩითებით ერთიდაიგივე მაგიდაზე იცოდეთ.

OTO_777
შენ მოძებნე ეგ ტურნირი?
ჩემთან არ ეძებს მაგ ID-ით

ნამდვილად სწორად მიწერია ყველაფერი ახლა გადავამოწმე .
რაღაცა სხვაშია პრობლემა აშკარად.
შენ პოკერსტარს.ნეტ აქ ხო არ დარეგისტრირდი? ვინც მაქედანაა რაღაც ტურნირებს არ ატამაშებს ხოლმე.
იჩქარეთ 10 წუთი დარჩა.

მეც უპრობლემოდ დავრეგისტრირდი

მეც მაგრად მევასება ბრაცი ტეხასური და სად თამაშობთ დაწერეთ რაა