მარსელ პრუსტი

1. ქართულად იშოვება თუ იცით ვინმემ?

2. რითი დაწყებას მირჩევთ?

3. თემა რომ არ იყო ფორუმზე გამიკვირდა

http://en.wikipedia.org/wiki/Marcel_Proust
რას იტყვით საერთოდ?

the_lizard_king

ქართულად არ ვიცი თუ არის მე რუსულად მაქვს წაკითხული ნახევარი "სვანის მიმართულებით "

და "დაკარგული დროის ძიებაში"- უნიში მახსოვს გავარჩიეთ ...

დიდად ვერ გავგიჟდი პრუსტზე ,შეიძლება იმიტომ,რომ სწრაფად წავიკითხე და ვერ ჩავუღრმავდი ...

the_lizard_king

არა, მაგრამ ერთი ძალიან კარგი მთარგმნელი (ფრანგული ლიტერატურის) აპირებს თარგმნას. ოღონდ ჯერ ძალიან სათუოა.
რუსულად მთლიანადაა თარგმნილი. რაღაც ნაწილები, როგორც ვიცი, ინტერნეტშიც დევს. თუ ფრანგული გინდა და არ მოგეპოვება, დიუმას ცენტრში ათნაირი გამოცემა უდევთ.

დაიწყე "დაკარგული დროის" პირველი ტომით. არ გირჩევ შერჩევით წაკითხვას. თუ დაიწყებ, მიყევი თანმიმდევრობით. მე ჯერჯერობით მხოლოდ პირველი ორი ტომი მოვასწარი. იმდენად გენიალურია, რომ გადაბმულად რომ წავიკითხო, ალბათ ვერ გადავრჩები.
ფორუმზე ვინც ვიცი, რომ მთლიანად აქვს წაკითხული და ძალიან უყვარს, ინანაა. ალბათ დაპოსტავს აქ, როცა შემოვა ფორუმზე.

მე კი ის შემიძლია ვთქვა, რომ პრუსტი ერთერთი ყველაზე დიდი მწერალია, ვინც კი წამიკითხავს. შთაბეჭდილება მრჩება, რომ ამ კაცს განცდა, შეგრძნება და გამოცდილება არ გამორჩენია, ამ რომანში გადამუშავებული და უკიდურესი სიღრმით და დეტალურობით რომ არ ჰქონდეს გაანალიზებული.

ერთი იცოდე (გაფრთხილებასავით), რომ ამ რომანში მთავარი არ არის მოქმედება და "მძაფრი" სიუჟეტი (არც არამძაფრი სიუჟეტი), არამედ ტანის და ცნობიერების ის შეგრძნებები, აღქმები და აზრები, რომლებიც, ერთი მხრივ, თან ახლავს "გარეთ" მიმდინარე მოქმედებებს, მეორე მხრივ კი, ამგები და მატარებელია ნებისმიერი გარეგანუ თუ შინაგანი ქმედების. პრუსტისეული სიუჟეტი სწორედ ასეთი წვრილი, უმცირესი დეტალების გამოძიების და წარსულში დატოვებული შეგრძნებების ძიების სიუჟეტია, მთელი "კაიფი" მაგაშია.

the_lizard_king

ხო, წაიკითხე ციკლი "დაკარგული დროის ძიებაში", მგონი ქართულად ეგრე ქვია.
в поисках утраченного времени.

ამ ციკლიდან პირველი წიგნია "პო ნაპრავლენიუ კ სვანუ", მერე - " პოდ სენიუ დევუშეკ ვ ცვეტუ", "უ გერმანტოვ" და ასე, შვიდი რომანია ამ ციკლში არ ვიცი ქართულად არსებობს თუ არა.
პო ნაპრავლენიუ კ სვანუ შემიძლია რუსულად გათხოვო.

Tikooooo
Pathetikos
bja
გმადლობთ

იმედი მქონდა, რომ აქამდე ვინმე ღვთისნიერი თარგმნიდა

რუსულად იმედი არ მაქვს, რომ წავიკითხავ პრუსტს, ძაალიან გამეწელება..

არადა ძალიან მინდა, მამარდაშვილის ლექციებიდან ვიცი, რომ მისი საყვარელი მწერალი იყო

ეს ჩემთვის საკმარისია, რომ დავინტერესდე ამ მწერლით

ოდესღაც ვიკიპედიის მოამაგე რომ ვიყავი აი, ეს სტატია დავწერე პრუსტზე ვთარგმნე, შევაკოწიწე და შევაჯერე რა სხვადასხვა წყაროები, მე მგონი ინფორმატიული სტატია გამომივიდა:
http://ka.wikipedia.org/wiki/მარს

ადრე დავიწყე ”სოდომი და გომორას” კითხვა, მაგრამ მერე თავი დავანებე, დიპლომზე ვმუშაობდი და ასეც დამრჩა წაუკითხავი. მახსოვს, რომ დამაინტერესა ჰომოსექსუალიზმისა და ბისექსუალიზმის კონტექსტში. პრუსტი ხომ თან მეცნიერი იყო და იკვლევდა იდენტურ გადახრას ფაუნასა და ფლორაში. როგორც მახსოვს, მაგ რომანშიც საკმაოდ საინტერესო დაკვირვებები აქვს სამაგალითოდ მოყვანილი.

აღარ მახსოვს, მაგრამ მამათვამლების შორის კონკურენციას ქალების შორის არსებულ კონკურენციას რომ ადარებს, მგონი ბევრი ვიკაიფე. მაგარი სიღრმისეული ფსიქოლოგიური ანალიზი ქონდა.

ახლაც მინდა იმ წიგნის წაკითხვა, მაგრამ მეზარება. ვიცი, რომ ცუდია, მაგრამ რა ვქნა

Pathetikos

არ ურჩევ კი არა, ვერ წაიკითხავს, იმიტომ რომ უბრალოდ, აზრს ვერ გამოიტანს.
the_lizard_king

როგორ გირჩიოთ, საბოლოოდ თქვენი უნდა გადაწყვიტოთ, მაგრამ, ჩემი აზრით, კარგი იქნებოდა, თუ პრუსტთან პარალელურად მამარდაშვილის პრუსტზე ლექციების კურსს წაიკითხავდით.
Chapa

ბუნებრივია, რომ დაანებებდი თავს, იმიტომ რომ აბსოლუტურად გაუგებარი იქნებოდა ყველაფერი. შუიდან ხომ ვერ დაიწყებ წიგნის კითხვას.
ქართულად არ არის თარგმნილი. რუსულად, ჩემი აზრით, მშვენიერი თარგმანია. 6 წიგნი ლიუბიმოვმა თარგმა, ბოლო, ზუსტად აღარ მახსოვს, ვისია.
რა მინდა ვთქვა, პირველ რიგში ის, რომ, ეს არ არის მწერალი და წიგნი, რომელზეც ასე უბრალოდ და თავისუფლად იტყვი, რომ გიყვარს. თუ შედგა შეხვედრა, უბრალოდ კი არ გიყვარდება, რაღაცნაირად, შენი ცხოვრების ნაწილი ხდება. ვერც ფრაგმენტულად წაიკითხავ, ვერც გაფანტულად, ნაწილ-ნაწილ, ცხოვრების სხვადასხვა პერიოდში. ჩემთვის ეს ყველაფერი მარსელ პრუსტის ერთი ფრაზით დაიწყო, რომელიც რამდენიმე წლის წინ, ასე, 7-8 წლის წინ სადღაც ამოვიკითხე, იმის შესახებ, რომ მას არასოდეს მიუღწევია რეალობაში იმისთვის, რაც იყო, ვინც იყო მის შიგნით, ანუ ის არასოდეს გამხდარა ის, ვინც იყო. ამის მერე ვეძებდი. და რასაც ეძებ, ბანალურად ჟღერს, მაგრამ მართლა პოულობ. და მერე იწყება საკუთარი თავის ძიება, და იმ გზაზე დადგომა, რომელიც მხოლოდ შენი გასავლელია.

პიდარასტი იყოო ამბობენ და მართალია?

უნდა წავიკითხო,დავაბეჭდინე,მაგრამ მიდევს ისე რამდენი ხანია გამოცდებს ველოდები

უდიდესი ადამიანი....

პროზაში ეგრედ წოდებული ცნობიერებათა ნაკადის ტექნიკის შემომტანი.. რომელის შემდეგ ასე აიტაცa უამრავმა მწერალმა..

კიკი ქართულად იშოვება მისი ნაწარმოებები

მარსელ პრუსტის რომანი "დაკარგული დროის ძიებაში" შედგება 7 ტომისგან:
1. "სვანის მხარეს";
2. "გაფურჩქნული ქალიშვილების ჩრდილქვეშ";
3. "გერმანტების მხარედ";
4. "სოდომი და გომორა";
5. "დატყვევებული";
6. "გაქცეული";
7. "უკან დაბრუნებული დრო"
მართლაც საოცარი სამყაროა პრუსტის სამყარო... ყველა ვერ მიიღებს მისგან სიამოვნებას, მაგრამ ვინც მიიღებს... მას განსაცვიფრებელ შეგრძნებათა მთელი სამყარო ელის... თუმცა პრუსტის ერთ-ერთმა გამომცემელმა (თუ არ ვცდები), როდესაც მისი ნაწერი წაიკითხა, წამოიძახა: "არ ვარ ვალდებული, გამოვცე ის აბდაუბდა, რომელშიც დეტალურადაა აღწერილი, თუ როგორ ტრიალებს ვიღაც ბრიყვი საწოლში გვერდიდან გვერდზეო":)

მართლაც უდიდესი როლი შეიტანა პრუსტმა ლიტერატურული მოდერნის და პოსტმოდერნის შექმნაში. თუნდაც, ამ რამდენიმე წლის წინ გადაღებული ფრანგული ფილმი "ამელი" პრუსტის რეპლიკებზეა აგებული. თუ გახსოვთ ის ეპიზოდი, როდესაც ამელი ბარდით სავსე ტომარაში ჩაყოფს ხელს და ეს მას განუმეორებელ სიამოვნებას გვრის... ზუსტად ესაა პრუსტი, ჩვენი მსწრაფლმავალი ცხოვრების დეტალების ერთ მთლიანობად აკინძვა და მისი მარადიულობაში გადატანა...
იმ უამრავი თემიდან, რომლებსაც პრუსტი ეხება, ერთ-ერთი მთავარი სიკვდილის თემაა. მის მთავარ პერსონაჟთა დიდი ნაწილი სწორედ დროსთან ჭიდილში დამარცხებულია და, შესაბამისად, სიკვდილის, ანუ არ ყოფნის, მსხვერპლი. დახედეთ ამ ფოტოს... ეს სიკვდილია, და ამჯერად მარსელ პრუსტის... მან რეის ფოტო...

მიმაგრებული სურათი

the_lizard_king

მამარდაშვილი არა კვახი, კაი რა

პრუსტი ქართულად საკმაოდ რთული სათარგმნია, ძალიან გრძელი წინადადებები აქვს და აზრის ბმაც საკმაოდ რთული. თუმცა კარგ მთარგმნელს ალბათ არ გაუჭირდება
* * *

მართალია