საარჩევნო რეფორმაზე მომუშავე ჯგუფი საარჩევნო ბარიერსა და საარჩევნო სისტემაზე მსჯელობს


საარჩევნო რეფორმაზე მომუშავე ჯგუფი საარჩევნო ბარიერსა და საარჩევნო სისტემაზე მსჯელობს.
შეხვედრა NDI-ს ოფისში მიმდინარეობს. დღეს ოპოზიცია და ხელისუფლება მერის არჩევის პრინციპზე უნდა შეთანხმდნენ.
როგორც შეხვედრის დაწყებამდე ჟურნალისტებს ედპ-ს ლიდერმა ბაჩუკი ქარდავამ განუცხადა, ედპ არ დათანხმდება ხელისუფლების ვარიანტს, რომ მერის არჩევნები ჩატარდეს ბარიერის გარეშე.
“მნიშვნელოვანია ის, რომ კომპრომისი უნდა იქნას მიღწეული და შუალედური ვარიანტი მოძებნილი, ეს ფაქტია. უნდა მივიდეთ კონსესუსამდე”, - მიაჩნია ბაჩუკი ქარდავას.
უმრავლესობის ერთ-ერთი ლიდერის პავლე კუბლაშვილის განცხადებით კი, ოპოზიციამ და ხელისუფლებამ ყველა საკითხზე უნდა იმსჯელოს ერთად.
“ჩვენ გვესმის რამდენად მნიშვნელოვანია შეთანხმება პოლიტიკურ ძალებს შორის. ამიტომ იმედი მაქვს, რომ სხვა პოლიტიკური პარტიები კონსტრუქციულად იქნებიან განწყობილი და ვფიქრობ, რომ შეთანხმება მიღწევადია”, - განაცხადა კუბლაშვილმა.
NDI-ს ოფისში შეხვედრას საარჩევნო რეფორმაზე მომუშავე ჯგუფის თითქმის ყველა წევრი ესწრება. ოპოზიცია ითხოვს, რომ მერის არჩევნებზე ბარიერი 50 პროცენტი უნდა იყოს, ხელისუფლებას კი ბარიერის საერთოდ გაუქმება სურს.
აღნიშნულ შეხვედრას ასევე ესწრება ცესკოს თავმჯდომარე ლევან თარხნიშვილი.

---
სერიოზული ბრძოლა მიდის როგორც ჩანს ამ ბარიერის ამბებზე, აზრი აქვს თქვენი აზრით ამ თემებზე სმჯელობას? თუ არ აწია ხელისუფლებამ ბარიერი 50%-მდე, ამ შემთხვევაში რა გამოსავალი რჩება ალიანსს?