7 ნოემბერ და პერსპექტივა... - ნაწილი II (!) (post #17732549)mdogvi
ბატონო პრეზიდენტო,
მაქვს პატივი მოგესალმოთ იმ თქვენი ამომრჩევლების(თუნდაც-არაამომრჩევლების, მაგრამ თქვენი თანამოქალაქეების) სახელით, რომლებიც არ წარმოადგენენ ,,დავარცხნილ'' და ,,გლამურულ'' ბიზნეს-ელიტას, მააგრამ საქართველოს ბიუჯეტში მნიშვნელოვანი და საგრძნობი მოცულობის თანხა შეაქვთ.
სამწუხაროდ, ზმნის დრო შემეშალა-შეგვქონდა.
ჩვენ წარმოვადგენთ ადმიანებს, რომელთა ბიზნეს საქმიანობის ბრუნვა 10.000 ლარიდან 500.000-1.000 000 ლარამდეა. ჩვენ გახლავართ წვრილი თუ საშუალო ,,ზომის'' იმპორტიორები, დისტრიბუტორები, ე.წ.,,აპტავიკები'', ავტომობილებით და მარაგ-ნაწილებით მოვაჭრეები, მცირე თუ საშუალო სიდიდის სუპერმარკეტების და სავაჭრო ობიექტების, პატარა თუ საშუალო ზომის ბაზრობების მეპატრონეები და იქ დაკავებული იჯარით აღებული სავაჭრო ფართების მეპატრონეები.
გვსურს ფორუმის მეშვეობით შეგატყობინოთ ჩვენი სატკივარის შესახებ:
1. თითქმის არ დარჩა საწარმო, სადაც არ შესულიყო ფინანსურ-საგამოძიებო ორგანო.
2. დალუქვებმა, ბიზნეს-ტერორმა მიიღო საყოველთაო ხასიათი.
3.განსაკუთრებით მძიმეა, როდესაც საწარმოს რამოდენიმე მეპაიე(მოწილე,დამფუძნებელი) ჰყავს და ერთ-ერთის გამო-თითქოს ის თანაუგრძნობს ოპოზიციას-ზარალდება მთლიანად საწარმო.
4.მოიკითხეთ თქვენს მიერ ინიცირებული კანონით(ე.წ.,,საგადასახადო გარიგება'') რამდენმა მეწარმემ მიმართა საგადასახადოს და რამდენი დაკმაყოფილდა.
5. საგადასახადოში მეწარმეების დათრგუნვა-შეშინება(მომიტევეთ სლენგისათვის-,,გატისკვა'') ჩვეულებრივ ამბად იქცა.
6. ჩვენ ვშიშობთ, რომ ჩვენსა და თქვენს შორის კომუნიკაციის სერიოზული პრობლემაა, თქვენ გაჩვენებენ სიტუაციას ისეთს, როგორიც მომავალში უნდა იყოს(სასურველს), სინამდვილე კი სულ სხვაა.
7.იქნებ დაავალოთ ვისაც საჭიროა მოგაწოდონ ინფორმაცია რამდენ საწარმოს აქვს სასამართლოში საქმე?
8.იცით რამდენს აქვს მოგებული?
9.ბატონო პრეზიდენტო,რატომ არ იღებს ეს ხალხი ხმას-არ გაინტერესებთ? დამერწმუნეთ, ეს კატეგორია საქმის ხალხია, მათთვის უცხოა მიტინგზე სირბილი(თუმცა არავის შეურაცხყოფას არ ვაყენებთ-ყველამ თავისი საქმე აკეთოს).
მაგალითისთვის მოგახსენებთ, ჩემს სადისტრიბუციო საწარმოს(გახლავართ ოთხი დამფუძნებელი) შარშანწინ ჰქონდა ბიუჯეტში შეტანილი მილიონნახევარი ლარი და დასაქმებული ყავდა 55-60 კაცი, შარშან ფინანსურის შემოსვლის შემდეგ კი-45 000 ლარი და მუშაობს მხოლოდ ათიოდ მოსამსახურე-მუშაკი. მაისის თვეში გაგვაჩერეს ერთი თვე, შემდეგ წარმოგვიდგინეს არარსებულ დარღვევის ჯარიმა 500 000(!) ლარამდე. საქმე ის გახლავთ, რომ ერთერთი ჩვენი დამფუძნებელი ,,შემჩნეული'' ყოფილა ოპოზიციის მიტინგზე. საგადასახადოში გვითხრეს რომ ჩვენი უბედურების სათავე სწორად ეს არის. ჩვენს პრობლემას ამძიმებს კიდევ ის, რომ ჩვენს საწარმოს დაადეს ყადაღა, რომელსაც მალე სახელმწიფო წაიღებს, ხოლო ჩვენს ბინებს, რომელიც იპოთეკითაა დატვირთული-წაიღებენ ბანკები.ჩვენ ახლა დავრბივართ სასამართლოდან-სასამართლოში, მაგრამ აქაც ერთი კვირის წინ ,,გვახარეს'', რომ ჩვენ შეგვიძლია გავაგრძელოთ დავა, მაგრამ ანგარიშზე ინკასო დაგვიდეს.
ბატონო პრეზიდენტო, მე და ჩემნაირი კატეგორია ნაცვალად დოვლათის და სამუშაო ადგილების შექმნისა დავრბივართ ამ პრობლემების ოდნავ მაინც შესარბილებლად.
დამერწმუნეთ, ეს კარგს არფერს მოიტანს და ეს სახელმწიფოს მდგრადობას კარგა გვარიანად შეარყევს. აქ საუბარია არა ხელისუფლების შეცვლაძე, არამედ ს ა მ ა რ თ ლ ი ს პოვნაზე. ვინ-ვინ და თქვენ კარგად უწყით ,,თუ არ არის სამართალი-არ იქნება მშვიდობა''.
ბატონო პრეზიდენტო,
ნუ გვაქცევთ საქართველოში მეორე სორტის ადამიანებად. წერილის ტონალობიდან ხვდებით, რომ ჩვენ ძირითდად თქვენი მხარდამჭერები ვართ. ძალიან ძნელია შენი ოჯახის წევრებს აუხსნა რატომ დადგა ბინის დაცლის აუცილებლობა(ბანკები თავისას ითხოვენ). გვიდგას უმძიმესი პერიოდი.ძალიან ძნელია ამ დროს უყურო ასეთი მეთოდებით შევსებული ბიუჯეტის ხარჯზე თქვენი ხელქვეითების საქართველოში და სხვადასხვა ქვეყნებში დროსტარებას, ცხოვრების სტილს(დამერწმუნეთ ეს ყველაზე რბილი შეფასებაა), მოიძიეთ ინფორმაცია თქვენი ძალიან ახლო წრის წარმომადგენლებს და მათი ოჯახის წევრებს რა ბიზნეს-ინტერესები და წილები აქვთ სხვადასხვა სფეროში. აბა მაგათ გაუბედოს ვინმემ რამე-თავი არ შერჩება მხრებზე.
ბატონო პრეზიდენტო, ძალიან გთხოვთ გულთან მიიტანოთ ჩვენი ნათქვამი.
ჩვენ გვჯერა თქვენი.
თქვენი ამომრჩევლები
p.s. ნუ დაგვძრახავთ ანონიმურობისათვის, ჩვენ გვითხრეს რომ ჩვენი ტელეფონები ისმინება და ერთხელ ასეთი დაჩივლება ძვირად დაგვიჯდა.(ეს ცალკე პრობლემაა).
--------------------------------------------------
მიუხედავად იმისა, რომ მაქვს შენიშვნები
,,ფორუმული'' ღია წერილი საქართველოს პრეზიდენტს (post #17731366)არ იყო ეს დასახური თემა.
joao
რატომ მიიღეთ 10 წუთის განმავლობაში ორი ურთიერთსაწინააღმდეგო გადაწყვეტილება?
,,ფორუმული'' ღია წერილი საქართველოს პრეზიდენტს (post #17732551)და
,,ფორუმული'' ღია წერილი საქართველოს პრეზიდენტს (post #17732719)პატივცემულო, ფორუმელობო ვისაც გაქვთ სურვილი, რომ დაეხმაროთ თქვენი აზრის გამოთქმით თანაფორუმელელს, აქ გააგრძელეთ...........
· 
,,ფორუმული'' ღია წერილი საქართველოს პრეზიდენტს II, ეს უნდა დაიხუროს, ეს კი არა ხომ?
