საინტერესო სტატია ვნახე ეხლა -
http://www.interpressnews.ge/ge/index.php/....html&hd_line=1 :
‘’თეთრი მოძრაობა’’ ,,ვარდების რევოლუციის შემდეგ (2003_2009) წლებში საქართველოს ეკონომიკური განვითარების მაჩვენებელს ‘’შემაშფოთებელს’’ უწოდებს.
‘’მიუხედავად იმისა, რომ 2003 წლის შემდეგ საქართველოში ინსტიტუციური ცვლილებები განხორციელდა, გაიზარდა ბიუჯეტის შემოსავლები, ქვეყანაში ეკონომიკური ზრდა არ იყო ისეთი შთამბეჭდავი, როგორც ამის წარმოჩენას ქართული მედია და ხელისუფლება ცდილობს. უფრო მეტიც, მდგომარეობა შემაშფოთებელია. ეს ჩანს სამხრეთ კავკასიაში ეკონომიკური მდგომარეობის ანალიზითაც’’, - აცხადებენ პარტიაში.
მათივე ცნობით, საქართველოს ეკონომიკური ზრდა საგრძნობლად ჩამორჩაA მისი უშუალო მეზობლების ეკონომიკურ ზრდას. მაგალითად, 2008 წელს, წინა წელთან შედარებით, საქართველოს მთლანი შიდა პროდუქტი გაიზარდა მხოლოდ 2,1 პროცენტით, მაშინ, როდესაც სომხეთისა _ 6,8 პროცენტით, ხოლო აზერბაიჯანისა _ 10,8 პროცენტით. მთლიანად, 2008 წლის მთლიანი შიდა პროდუქტი 2003 წელთან შედარებით გაიზარდა: საქართველოში 45 პროცენტით, აზერბაიჯანში _ 160 პროცენტით, სომხეთში კი _ 72 პროცენტით.
‘’ყოველივე ამის შედეგად, სამხრეთ კავკასიაში ეკონომიკური განვითარებით (მოსახლეობის ერთ სულზე წარმოებული მთლიანი შიდა პროდუქტით) 2003 წლისთვის პირველ ადგილზე მყოფი საქართველო, 2006 წლიდან, საერთაშორისო სავალუტო ფონდის მონაცემებით, აუტსაიდერია. ერთ სულზე წარმოებული მთლიანი შიდა პროდუქტით აზერბაიჯანი საქართველოსთან მიმართებაში თუ 2003 წელს შეადგენდა 95,8 პროცენტს, 2009 წელს, წინასწარი მონაცემებით _ უკვე 169,5 პროცენტს; სომხეთი, შესაბამისად, 95,1 და 113, 2 პროცენტს’’, - ნათქვამია ‘’თეთრების’’ ეკონომიკურ ანალიზში.
ანალიზის მიხედვით, იმავე პერიოდში საქართველოში, სომხეთთან და აზერბაიჯანთან შედარებით, გაუარესდა დემოგრაფიული მდგომარეობა, კერძოდ, 2009 წელს საქართველოს მოსახეობა 2003 წელთან შედარებით გაიზარდა ოფიციალური სტატისტიკური მონაცემებით მხოლოდ 1,6 პროცენტით, მაშინ, როდესაც იმავე პერიოდში აზერბაიჯანის მოსახლეობა გაიზარდა 5,7 პროცენტით, ხოლო სომხეთისა _ 13,0 პროცენტით. ‘’მოსახლეობის აბსოლუტური მატება (რისი მონაცემების ობიექტურობაშიც სერიოზული ეჭვების შეტანის საფუძვლები არსებობს) რევოლუციის შემდეგროინდელ ექვსწლიან პერიოდში მაინც იმაზე ნაკლებია, რამდენიც იყო საქართველოს მოსახლეობის ყოველწლიური საშუალო მატება 1970-1980 წლებში’’, - აცხდებენ ‘’თეთრები’’.
ანალიზში ასევე საუბარია საქართველოს წილზე სამხრეთ კავკასიის მოსახლეობაში, რომელიც მათი ინფორმაციით, 2009 წელს შემცირდა 2003 წელთან შედარებით 1,2 პროცენტული პუნქტით _ 27,4 პროცენტიდან 26,2 პროცენტამდე; იმავე პერიოდში საქართველოს წილი სამხრეთ კავკასიაში წარმოებულ მთლიან შიდა პროდუქტში თითქმის განახევრდა _ შემცირდა 37,4 პროცენტიდან 18,9 პროცენტამდე. ამჟამად კი საქართველოს წილი სამხრეთ კავკასიის ეკონომიკურ პოტენციალში 7,3 პროცენტული პუნქტით დაბალია მისსავე წილთან სამხრეთ კავკასიის მთელ მოსახლეობაში.
‘’ამასთან, უმუშევრობის დონე საქართველოში გაიზარდა 2003 წლის 11,5 პროცენტიდან 2008 წლის 16,5 პროცენტამდე. აბსოლუტურ გამოსახულებაში _ 236,6 ათასიდან 315,8 ათას კაცამდე (34%-ით). უმუშევართა რაოდენობა იმავე პერიოდში ყოველ 1000 დაქირავებით დასაქმებულზე გაიზარდა 1,5-ჯერ – 381-დან 572 –კაცამდე’’, - აღნიშნულია ‘’თეთრების’’ ეკონომიკურ ანალიზში.
თქვენი აზრი როგორია ამაზე?
საქართველოს კონომიკური განვითარება, ვარდების რევოლუციის შემდეგ
