"პრაიმერის ჯგუფი" ამომრჩეველს მერად - ლევან გაჩეჩილაძეს, პრეზიდენტად კი ირაკლი ალასანიას შესთავაზებს
12:05 - 23.02.2010
ე.წ. "პრაიმერის ჯგუფი" თბილისის მერობის ერთიან კანდიდატთან ერთად პრეზიდენტობის კანდიდატის დასახელებისთვის ემზადება. მერად – ლევან გაჩეჩილაძე, პრეზიდენტად კი - ირაკლი ალასანია, - "პირWელის" ინფორმაციით, სწორედ ასეთი შეთავაზებით წარსდგება "პრაიმერის ჯგუფი" ამომრჩევლის წინაშე. არასაპარლამენტო ოპოზიციის ე.წ. "რადიკალთა" ფლანგის ასეთი სტრატეგიით გააქტიურების თაობაზე ჯერ მხოლოდ პოლიტიკურ კულუარებში საუბრობენ. "პირWელის" ინფორმაციით, პრაიმერის მთავარი ინიციატორები მისი ჩატარების იდეას ცალსახად არ უარყოფენ, თუმცა მას მერობის ერთიანი კანდიდატის სოციოლოგიური კვლევების საფუძველზე გამოვლენის იდეა ჩაანაცვლებს. ამასთან, სოციოლოგიური კვლევების საფუძველზე გამოცხადდება, რომ ყველაზე მაღალრეიტინგულ ირაკლი ალასანიას "დაიცავი საქართველოს" ლიდერმა ლევან გაჩეჩილაძემ გაუსწრო. "თავად ალასანიასთან მიმართებაში "პრაიმერის" გარშემო გაერთიანებული პოლიტიკური სუბიექტები ამომრჩევლის წინაშე გააჟღერებენ დაპირებას იმის თაობაზე, რომ მას მხარს საპრეზიდენტო არჩევნებში დაუჭერენ" - აცხადებს ინფორმირებული წყარო, რომლის თქმით, "მზადება რეალურად არა არჩევნების მოსაგებად, არამედ "გამარჯვების მესამე ტალღისთვის" მიმდინარეობს".
აბა, მეგობრებო, კომენტარები - "ვ სტუდიუ"! ! !
Quod facimus nos ? Quis? quid? ubi? quibus auxiliis? cur? quomondo? quando?
· 
მერად - გაჩეჩილაძე, პრეზიდენტად - ალასანია......., "პრაიმერის" ჯგუფის შესაძლო ვარიანტი! 
