თუ მკურნალობა გაინტერესებს, ჯერ ის უნდა თქვა, რა ზომით იყო კალციუმი მომატებული და აწუხებდა თუ არა ამასთან დაკავშირებით რამე.
თუ კალციუმის დონე ნორმასთან შედარებით მცირედ არის მომატებული და ეს სიმპტომებს არ იწვევს, მაშინ ექიმმა ჯერ უნდა მოძებნოს, თუ რამ გაოიწვია ჰიპერკალცემია. ჰიპერკალცემია შეიძლება ძალიან ბევრმა რამემ გამოიწვიოს, ანალიზის არასწორად გაკეთებით დაწყებულმა და პარათიროიდული ჯირკვლის ჰიპერფუნქციით დამთავრებულმა. ასე რომ, ეს ამოცანა ექიმისთვის არ იქნება ძალიან ადვილი
თუ სისხლში კალციუმის დონე ძალიან არის მომატებული და ადამიანს ამასთან დაკავშირებული სიმპტომები აქვს (ნევროლოგიური სიმპტომები [ძილიანობა, სტუპორი], კუჭ-ნაწლავისმიერი სიმპტომები [კუჭის შეკრულობა, ტკივილი, გულისრევა], წყურვილი, დიდი რაოდენობით შარდვა, ძვლების ტკივილი), მაშინ ამ მომენტში ჰიპერკალცემიის გამომწვევის ძებნის დრო არ არის და აგრესიული მკურნალობაა საჭირო.
ეს მკურნალობა საავადმყოფოში უნდა მოხდეს მცოდნე და გამოცდილი ექიმის მეთვალყურეობით, ვინაიდან აქ საკმაოდ ბევრი მნიშვნელოვანი ნიუანსია გასათვალისწინებელი.
მკურნალობას ზოგადად მიმოვიხილავ:
ვინაიდან ჰიპერკალცემია სისხლის მოცულობის შემცირებას იწვევს, აუცილებელია პაციენტის ჰიდრატაცია აღდგეს. ეს მიიღწევა პირველი 24 საათის განმავლობაში 4-6 ლ ფიზიოლოგიური ხსნარით. ვინაიდან ასეთ პაციენტებს გულის უკმარისობა შეიძლება ჰქონდეთ, ხშირად შარდმდენების დანიშვნა არის ხოლმე საჭირო. ესაა ერთ-ერთი რთული მომენტი ასეთი პაციენტების თერაპიაში, რადგან სისხლის მოცულობის გაზრდა - შემცირება ისე უნდა იყოს დაბალანსებული, რომ ამას სისხლში ზედმეტი კალციუმი გაყვეს და პაციენტიც ჰიპოვოლემიურ შოკში არ ჩავარდეს.
შემდეგ, თუ გამოირკვა, რომ სისხლში ზედმეტი კალციუმი ძვლების დაშლის გამოა, ძვლის დაშლის საწინააღმდეგო პრეპარატები უნდა მიეცეს (ბისფოსფონატების ჯგუფი),
ამ ზომებმა წესით პაციენტს უნდა უშველოს, თუ რაღაც ვაი უშველებელი არ სჭირს.
ეს რაც დავწერე, თეორიული მასალაა - მოკლე შინაარსი ისაა, რომ თუ მსუბუქი ფორმაა, უნდა მიხვიდე კარგ ექიმთან და გამოიკვლიო ეს რის გამოა და თუ მძიმე ფორმაა, უნდა მიხვიდე კარგ ექიმთან და მან ზემოთხსენებული ზომები მიიღოს
სისხლში კალციუმის მომატება, გთხოვთ დამეხმაროთ
