მოგესალმებით ძვირფასებო,
ხვალ დილით, 22 ივლისს გამთენიისას ვიწყებ ფეხით მოგზაურობას მარშრუტით: თბილისი - უშგული
მანძილი: 528 კმ. (თავისი გადახვევებით 560 კმ-ზე ცოტა მეტი)
ხანგრძლივობა: სავარაუდოდ 17 დღე (გადაჭრით ვერ ვიტყვი)
ეკიპირების წონა: ჯერ-ჯერობით 12 კილომდეა, მაგრამ რაღაცები კიდევ მაქვს ჩასადები, ალბათ 3 კილო დაემატება.
კარავი 3 კაციანია, ჯერ უხმარი. 4.5 კგ იწონის. ამხელა არ მჭირდება, მაგრამ რაც არის არის.
ღამეს გავათენებ დასახლებულ პუნქტებთან ახლოს, მდინარეებიც რომ ჩამოუდით (ჰიგიენა, გასარეცხი და ა.შ)
დიდ ქალაქებსა და დაბებში ავტო ან რკინიგზის სადგურებზე დავიძინებ (რაც უფრო ნაკლებად დამჭირდება კარავის გაშლა მით უკეთესი)
საჭმელს გზაზე ვიყიდი.
ვინაიდან არც ბლოგი მაქვს და არც რომელიმე
სოციალურ ქსელში ვარ დარეგისტრირებული აქედან გამომდინარე ფორუმი ერთადერთი ნავსაყუდელია ჩემთვის ვებ სივრცეში, ხოლო აქ მობინადრე საზოგადოებასთან ძალიან შინაურული და თბილი ურთიერთობები მაქვს ჩამოყალიბებული წლების განმავლობაში.
ამ გარემოებამ გადამაწყვეტინა კონკრეტული თემის გახსნა, მინდოდა თქვენთვისაც ისევე მომეთხრო ჩემი მოგზაურობის ამბები როგორც საკუთარ ოჯახის წევრებს ვუყვები.
ეს კი მცირედი ილუსტრაცია დღევანდელი ბოლო "დაშლა-აწყობის პრაგონისა"
ჩემი მობილურის ნომერია: 899 ------ ბოლო 6 ციფრისთვის იუზერებს
tavadze -ს ან
akkai -ს მიმართეთ
ღვთის წყალობით ყველაფერმა თუ მშვიდობიანად ჩაიარა მერე ალბათ უფრო კონკრეტულად მოგითხრობთ ჩემი შთაბეჭდილებების შესახებ.
აბა თქვენ იცით
წინ სვანეთისკენ !!!
პატივისცემით,
ლევან არღვლიანი (Tobuldar)
21.07.10
This post has been edited by Tobuldar on 21 Jul 2010, 19:32 
· 
თბილისი - უშგული 2010, სოლო მოგზაურობა ფეხით
