#22414456 · 8 Nov 2010, 04:27 · · პროფილი · პირადი მიმოწერა · ჩატი
mziko
ჯერ იქიდან დავიწყოთ, რომ "ყელის ტკივილში" ალბათ ფარინგიტს მოვიაზრებთ. ფარინგიტის გამომწვევები ზოგადად შეიძლება სამად დავყოთ - ვირუსები (ყველაზე ხშირი გამომწვევები), A ჯგუფის სტრეპტოკოკი (ყველაზე მნიშვნელოვანი) და სხვა, არა-სტეპტოკოკული ბაქტერიები.
ვირუსები ფარინგიტის ყველაზე ხშირი გამომწვევები არიან; ვირუსულ ფარინგიტს, ზოგიერთი გამონაკლისის გარდა, მკურნალობა არ სჭირდება.
სტრეპტოკოკური ფარინგიტი მნიშვნელოვანია იმიტომ, რომ მისი ინფექციის შემდეგი გართულება რიგ შემთხვევაში შეიძლება იყოს რევმატიზმი ან გლომერულონეფრიტი (მარტივად რომ ვთქვათ, თირკმლის ანთება).
სხვა ბაქტერიები იშვიათია.
ახლა ამ ასპექტში რაც შეეხება სტრეპტოციდს, რომელსაც დასავლეთში სულფანილამიდს უძახიან:
1) ის ვირუსებზე არ იმოქმედებს
2) სტრეპტოკოკების უმრავლესობა მისადმი მდგრადია და ამით მკურნალობა ინფექციის შემდგომი გართულებების რისკს არ შეამცირებს.
ამ მიზეზთა გამო, მისი ჩაღეჭვა, ჩაწუწვნა და ა.შ. აზრს მოკლებულია, ვინაიდან ეფექტს არ მოგცემს. საერთოდ, ამერიკაში სულფანილამიდს უკვე მხოლოდ საშარდე გზების ინფექციების დროს ნიშნავენ ხოლმე, ისიც იშვიათად (კრემების სახით).
ეს ფარინგიტი თუ ბავშვისათვის შემაწუხებელია, სჯობს ექიმთან მიხვიდეთ, რომ მან სტრეპტოკოკული ფარინგიტი დაადგინოს ან გამორიცხოს. თუ დადგინდება, მაშინ როგორც წესი პენიცილინის 10 დღიანი კურსი ინიშნება თუ ექიმი ვირუსულს დაადგენს, მაშინ არაა საჭირო მკურნალობა.
This post has been edited by Thandrus on 8 Nov 2010, 04:28
|
სტრეპტოციდზე მირჩიეთ რა..., ...
