საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა, ბიჭვინთისა და ცხუმ-აფხაზეთის მიტროპოლიტმა, უწმიდესმა და უნეტარესმა ილია მეორემ საშობაო ლიტურგიის დასრულების შემდეგ აფხაზებსა და ოსებს მიმართა .
"მე იმედით ვუყურებ ჩვენს მომავალს. ალბათ მოისმინეთ, მე სპეციალურად მივმართე აფხაზეთში მცხოვრებ მართლმადიდებელ ქრისტიანებს და ლტოლვილებს, რომლებიც საქართველოში გაფანტულები არიან. არ შეგეშინდეთ, არ დაკარგოთ იმედი, ღვთის მადლით და ყოვლადწმინდა ღვთისმშობლის ლოცვით გამთლიანდება საქართველო და ბედნიერი იქნებიან აფახაზებიც და ყველანი", - ბრძანა პატრიარქმა ქადაგებისას.
მისივე თქმით, ბოროტ სულს შეშურდა საქართველოს ეკლესიის გაძლიერება და განსაცდელი მოავლინა აფხაზებსა და ქართველებს, ოსებსა და ქართველებს შორის.
"ჩვენ უნდა დავეხმაროთ ერთმანეთს. მხოლოდ ერთად დგომით გადარჩება საქართველო", – აღნიშნა ილია მეორემ.