"მარსელი"-ს გამოთვლები, ქიმიკოსებო დამეხმარეთ

მოკლედ, მარსელის კითხვა დავიწყე და რამდენიმე გვერდის მერე გამოთვლებში შეცდომები შევამჩნიე. ჰოდა, იმის მერე ყველაფერს ეჭვის თვალით ვკითხულობ.
ახლა მინდა ქიმიკოსებს დახმარება და ჩემი გამოთვლების გადამოწმება გთხოვოთ.

მოკლედ, ვისაც არ წიგნი არ წაგიკითხავთ და ფილმი არ გინახავთ, ასეთი მომენტია: ცდილობს წყლის "გაკეთებას". ჟანგბადის პრობლემა არა აქვს, მაგრამ წყალბადის მოპოვება უჭირს.
მერე ამბობს, რომ აქვს ნივთიერება ჰაიდრაზინი (არ ვიცი ქართულად ზუსტად რა ქვია - Hydrazine), რომლის მოლეკულაც 4 წყალბადის ატომს შეიცავს, ამიტომო ერთი ლიტრი ჰაიდრაზინიდან 2 ლიტრ წყალს გავაკეთებო (4 ატომი წყალბადი 2 წყლის მოლეკულას გვაძლევს, ანუ ერთი ჰაიდრაზინის მოლეკულა ორ წყლის მოლეკულას მოგვცემსო). ამის მერე მოლეკულები ერთი ერთზე გადაყავს ლიტრებში.
სკოლაში ქიმია ცუდად ნამდვილად არ ვიცოდი. მართალია წლებია არ მივკარებივარ, მაგრამ მოლეკულის მოცულობაზე პირდაპირი გადაყვანა დაახლოებით ისეთ გამოთვლად მომეჩვენა ერთ ლიტრ წყალს რომ ერთი ლიტრი შაქარი დაამატო და თქვა ორი ლიტრი შაქრიანი წყალი მაქვსო.

ჰოდა, დავგუგლე ინფორმაცია, მერე მე თვითონ გამოვითვალე და ახლა მინდა გთხოვოთ, რომ გამოთვლები შემიმოწმოთ.

მოკლედ, დავიწყოთ ჰაიდრაზინით და გამოვითვლოთ ერთი ლიტრი რამდენ მოლეკულას შეიცავს.
ეს ფორმულა ვიპოვნე: მოლეკულების რაოდენობა = მოცულობა * სიმკვრივე * მოლური მასა * ავოგადროს რიცხვი (6E+23)

ჰაიდრაზინის მონაცემებია: სიმკვრივე - 1.02 გ/სმ^3 და მოლური მასა - 32 გ/მოლი
ჩემი გამოთვლებით ერთ ლიტრ ჰაიდრაზინში არის 2E+25 მოლეკულა (1.02 * 32 * 6E+23), რაც ამაზე 4-ჯერ მეტ წყალბადის ატომს (8E+25) გვაძლევს.
იმის გამო, რომ წყალს წყალბადის ორი ატომი ჭირდება, ერთი ლიტრი ჰაიდრაზინიდან (ჟანგბადის დამატების მერე) 4E+25 წყლის მოლეკულას მივიღებთ.

ახლა გამოთვლები პირიქით უნდა ჩავატაროთ, რომ მოლეკულები წყლის მოცულობაში გადავიყვანოთ. წყლის მონაცემებია: სიმკვრივე - 1გ/სმ^3 და მოლური მასა - 18 გ/მოლი
მოცულობა = მოლეკულების რაოდენობა / სიმკვრივე / მოლური მასა / ავოგადროს რიცხვი, რაც 4E+25 წყლის მოლეკულის (ანუ, ერთი ლიტრი ჰაიდრაზინის) შემთხვევაში 2-ს კი არა და 3.6 ლიტრ წყალს გვაძლევს.

კომპეტენტურო ქიმიკოსებო, შეგიძლიათ გამოთვლები გადამიმოწმოთ და მითხრათ რამე თუ მეშლება?
წინასწარ დიდი მადლობა

Kaisa

მოლური მასა არის ერთი მოლი ნივთიერების მასა. მოცულობა * სიმკვრივეზე არის სრული მასა. იმისთვის რომ იპოვო თუ რამდენი მოლი ნივთირება გაქვს, მასა უნდა გაყო მოლურ მასაზე. ამას ავოგადროს რიცხვზე თუ გაამრავლებ, მიიღებ მოლეკულების რაოდენობას. ასე რომ სწორი ფორმულაა

მოცულობა * სიმკვრივე * ავოგადროს რიცხვი / მოლური მასა

This post has been edited by Dirac on 28 Oct 2015, 02:19

Kaisa
1 ლიტრი ჰიდრაზინი არის 1020 გ, ეს კი არის 1032 / 32 = 31.875 მოლი. რადგან 1 მოლი ჰიდრაზინი იძლევა 2 მოლ წყალს, 1 ლიტრი ჰიდრაზინისგან მიიღებ 31.875 X 2 = 63.75 მოლ წყალს, ეს კი არის 63.75 X 18 = 1147.5 გ ანუ 1.1475 ლიტრი.

ანუ, 1 ლ თხევადი ჰიდრაზინი მოგცემს 1.1475 ლ თხევად წყალს.

თუკი ლიტრები აირადი ფორმებისთვისაა მაშინ 1 ლიტრი ჰიდრაზინის ორთქლი (114 გრადუსი აქვს დუღილის ტემპერატურა) მოგცემს 2 ლიტრ წყალის ორთქლს (100 გრადუსი დუღილის ტემპერატურა).

Dirac

დიდი მადლობა.
კი, ეგრე რომ მიყევი, გასაგებია, რომ ნამრავლის მაგივრად გაყოფა უნდა ყოფილიყო. პრინციპში, ამას მარტო განზომილებებზე ჩატარებული გამოთვლებიც მაჩვენებდა იმიტომ, რომ საბოლოო შედეგი რაღაც გაურკვეელი განზომილებების დამრჩებოდა.

სიმართლე გითხრა, მაგ ფორმულას არც დავკვირვებივარ, დანარჩენ გამოთვლებს ვგულისხმობდი. ეგ პირდაპირ გადმოვწერე აქედან (და არც გამირჩევია):
https://ca.answers.yahoo.com/question/index...16061113AAMegoK

ფორმულა რომ გადავასწორე, ერთი ლიტრი ჰაიდრაზინიდან 1.15 ლიტრი წყალი მივიღე.
ძველი ფორმულა: 1.02 * 32 * 6E+23 * 2 / 6E+23 / 18 / 1 = 3.6
ახალი ფორმულა: 1.02 / 32 * 6E+23 * 2 / 6E+23 * 18 / 1 = 1.15

1:1-ზე გადაყვანა მაინც არ გამოდის, ანუ მაინც შეცდომაა წიგნში.

Red_Scorpion

კი, გასწორებულ ფორმულაზე მეც ეგ პასუხი მივიღე, მაგრამ 1032 ტაიპოს გავს.

არა, ჰაიდრაზინი თხევადი ფორმით იყო. მიღებული წყალი ალბათ თავიდან ორთქლის სახით იქნებოდა, რადგან მაღალ ტემპერატურაზე მიდიოდა რეაქციები, და მერე კონდენსირდებოდა, არ წამიკითხავს ზუსტი აღწერა ჯერ, მაგრამ 2 ლიტრ წყალზე წერდა და არა ორთქლზე.

საინტერესო თემაა, დავფიქსირდები.

ჩემი არაპროფესიონალი თვალითაც შევამჩნიე წიგნში შეცდომები და დაწვრილებით მაინტერესებს.