ჩემი თვალით დანახული ქართული კულტურა, კულტურა

კულტურა ნათლად წარმოაჩენს ამა თუ იმ ქვეყნის თუ ეროვნების ბუნებრივ სახეს. თავად კულტურას ქვეყნის ხელისუფლება კი არა, ხალხი, საზოგადოება ქმნის. ჩვენში კულტურა რატომღაც მხოლოდ კულტურის მინისტრთან, თეატრთან, კინოსთან და საერთოდ, ხელოვნებასთან ასოცირდება. ხელოვნებას კი სწორედ იმიტომ ჰქვია ხელოვნება, რომ ის არ არის მარტოოდენ კულტურა. ხელოვნება, რა თქმა უნდა, შემოქმედებაა, რომელიც ერის კულტურის განუყოფელი ნაწილია, მაგრამ ერის კულტურას არა მარტო მუსიკოსი, მსახიობი, მხატვარი, სკულპტორი, რეჟისორი, ჟურნალისტი, არქიტექტორი ან მწერალი, არამედ უბრალო ხალხი ქმნის.
შესაძლოა საქართველოში ხელოვნების გარკვეული მიმდინარეობები შესანიშნავ დონეზეა, მაგრამ ალბათ, ბევრი თქვენგანი დამერწმუნება, რომ ჩვენ, საერთო ჯამში, უკულტურო ერი ვართ. ჩვენი უკულტურობა კი იმდენად თვალში საცემია, ხშირ შემთხვევაში, მსოფლიოში სირცხვილით თავი არ გამოგვეყოფა. შევეშვათ იმას, რომ ჩვენ ელემენტარულ ბიურგერულ (ეს სიტყვა ამ შემთხვევაში სრულებით არ არის სალანძღავი) ეტიკეტებს არ ვიცავთ. ამდენი ტყუილებისა და ნევროზული სიტუაციის გამო კი ძალიან არაბუნებრივები და პირქუშები გავხდით. ამით არამარტო ერთმანეთს, არამედ აქ ჩამოსულ სტუმრებსაც თავს ვაბეზრებთ. შეიძლება ვთქვათ – ჯანდაბას, გადამთიელები, მაგრამ ერთმანეთს რას ვერჩით? ჩვენ არა გვაქვს არც ქუჩაში ქცევის, არც ტრანსპორტით მგზავრობის, არც ტელეეკრანიდან საუბრის, არც ტელეფონზე ლაპარაკის, არც კინოსა და სპექტაკლის ყურების, არც ტაძარში დგომის, თუნდაც არჩევნების ჩატარების, ან სუფრის კულტურაც კი. შესაძლოა, ადრე გვქონდა კიდეც, მაგრამ დღეს სრული უკულტურობაა. ყველაზე სამწუხარო კი ისაა, რომ საქართველო მსოფლიოს ხალხებში არა თავისი ხელოვნებითა თუ კულტურით, არამედ მხოლოდ ნავთობის „ტრუბით“ გახდა ცნობილი. თუმცა ეს ლოგიკურია. ამდენი ფარსი და ხელოვნურობა, რაც დღეს ქართულ ხელოვნებაშია, ალბათ, ავადსახსენებელი „კომუნისტების დროსაც“ კი არ არსებობდა. ისიც გაურკვეველია, რატომ იბრიქებიან დღეს ქართული ხელოვნების „თვალსაჩინო“ მოღვაწეები და რატომ აიგივებენ თავიანთ უნიჭო შემოქმედებას ქართულ კულტურასთან.

აქ არსებული სტერეოტიპის მიხედვით, დღეს გაქსუებული ახალი ქართველი „კულტურული“ ადამიანი უნდა ესწრებოდეს „მეტეხი პალასში“ გამართულ მოდების ჩვენებებს, სადაც თავიანთ „კოსწიუმებს“ წარმოაჩენენ ელიტური მოდელიორები, უნდა დადიოდეს უნიჭო კლიპების პრეზენტაციებზე და ასევე უნიჭო მომღერლების „პირდასაბჩენ“ კონცერტებზე. საღამოს კი უნდა გაერთოს, ანუ „იგულავოს“ კაზინოებში ან საუნებში, დღე კი რომელიმე რესტორანში უნდა დაასრულოს, სადმე ძველი ტაძრის მახლობლად, სადაც უნდა შეისვას სამშობლოს, კაი ბიჭებისა და წმინდა სალოცავების სადღეგრძელოები. ამის შემდეგ კი საკუთარი იარაღის „გამოცდაც“ შეიძლება ჰაერში ან ცოცხალ მიზანში. ესაა ნამდვილი „კულტურული“ ქართველის ოცნება და მიზანი. მისი ბავშვი კი ქუჩაში „ბომბოჩკებს“ უნდა აფეთქებდეს და ფეხმძიმე ქალებს მუცელს უშლიდეს!

ნამდვილი „კულტურული“ ქართველი ვინმესთან საუბრისას რაც შეიძლება ხშირად უნდა აგზავნიდეს საკუთარ დედას საროსკიპო სახლში, ამავე დროს, ბოლომდე უნდა შესვას მშობლების, განსაკუთრებით კი დედის სადღეგრძელო. საქართველოში ხომ დედის კულტია?! ოღონდ დედის პატივისცემის კი არა – გინების! ამით, ანუ ამ კულტურით კი ქართველები თითქოს ვამაყობთ კიდეც. „კულტურული“ ქართველი აუცილებლად უნდა მისტიროდეს წარსულს. მან არ უნდა იფიქროს არც აწმყოზე, მით უმეტეს – მომავალზე. „კულტურული“ ქართველის აზრით, სხვა ერები უკულტუროები არიან, რადგან როდესაც ჩვენ თურმე ბიბლიას ვთარგმნიდით, „ისინი“ სარცხვინელზე ფოთოლაფარებულები დარბოდნენ, ამიტომ არც ინგლისელებს, არც ფრანგებს კულტურა არა აქვთ. ვინც ზემოთ ნახსენებს ქვეყნებში, ან კიდევ სხვაგან ვინმე ყოფილა პირველ რიგში, ალბათ ამ ქვეყნების უბრალო მოქალაქეების ქცევის კულტურა მოხვდება თვალში. ისინი არა მარტო სიტყვებით, არამედ საქმითაც უზარმაზარ პატივს სცემენ საკუთარ წარსულს და კულტურას. ჩვენ კი ერთადერთი რაც შენარჩუნებული გვქონდა, ვაზის კულტურა, გადავაშენეთ, მოვიგონეთ უაზრო ტრადიციები, რიტუალები. მიცვალებულის სასახლეს თავით სამჯერ კარზე ვაჯახუნებთ და ისე ვასაფლავებთ. მერე კი ვჭამთ, ვსკდებით, ვსვამთ, ღვინით ვიჭყიპებით და ამას მიცვალებულის პატივისცემას ვეძახით. არადა, ჩვენი უკულტურობით ცოცხლები ერთმანეთს სიცოცხლეს ვუმწარებთ, მერე კი „აუჰ, რა კაცი (ქალი) დავკარგეთ!“ – ვიძახით.
რა თქმა უნდა, კულტურაა ისიც, რომ ადამიანს კარგის დანახვა შეუძლია, მაგრამ უკულტურობაა ყველაფერზე თვალების დახუჭვაც. ყველაზე მეტად ალბათ, უნდა ვისურვოთ, რომ „სასახლეში“ ჩაწვენილი ქართველთა უკულტურობა სამჯერ თავით კარზე მივაჯახუნოთ და სამუდამოდ მიწაში ჩავაგდოთ.

* * *
თქვენი აზრები მაინტერესებს...რას ფიქრობთ?

ვერ ვხედავ.... ბრმა არადა არ ვარ !

kathrine

რას ვერ ხედავ??

UG-UG-UG

ამას : ) მოკვდა ეგ

ანუუ მეთანხმები რაც აქ წერია?

ქართველები იდეათა დეფიციტს არ განვიცდით. სამწუხაროდ, ამ იდეების ორგანიზება არ შეგვიძლია..სამწაუხაროდ..შესაბამისად ის გვჭირს,რომ კულტურა სულს ღაფავს..

კიი ასე არის

ვერაფეერსაც ვერ ვხედააავვვ ;;;;;;;;;;;

ჩემი აზრით, საქართველოს აქვს მსოფლიო დონის კულტურის რამდენიმე ნიმუში. მიმაჩნია, რომ ეს ნიმუშები ძირითადად მწერლობაში მოინახება. ვფიქრობ, ეს არის უკიდურესად ღირებული კულტურა, რაც იმაზე მეტყველებს, რომ საქართველოში ნამდვილად არსებობს მსოფლიო დონის კულტურა. მაგრამ მე ვისურვებდი, რომ მთლიანად ერი გავხდეთ მსოფლიო ერთა მიერ შექმნილ ცივილიზაციასთან აგურის მიმტან ნაციად. ღრმად მწამს, რომ ამისათვის საჭიროა შინაგანი დისციპლინა, საყოფაცხოვრებო კულტურა და კანონმორჩილება. კანონის პატივისცემა ჩემი აზრით ძალიან დიდი კულტურაა. კანონის პატივისცემით შენც უცნობ თანამოქალაქეს, თანამემამულეს სცემ პატივს და მის უფლებას იცავ. სამწუხაროდ, ყოველდღიურობა მარწმუნებს, რომ ჩვენ ცალკეული, გენიალური ადამიანებისგან შექმნილი მსოფლიო ღირებულების კლუტურის მქონე ერი ვართ, მაგრამ ჯერ-ჯერობით ვერ ჩამოვყალიბდით, კულტურულ, კანონის პატივისმცემელ ერად.

იმედი მაქვს, რომ ამას ახალგაზრდა თაობასთან ერთად შევძლებთ.

გაიხარეთ,
ეხლა ვფიქრობდი კულტურული "დარგი"-ს რამოდენიმე განშტოებაზე, კერძოდ ეთიკა, ზნეობა, ესთეტიკა და კცევის კულტურა

ამ საკითხებზე მესაუბრა ცალკე თემაში.. და რაღაც მსგავსი აღმოვაჩინე მგონი.. თემის ავტორის პირველივე პოსტი ბოლომდე არც წამიკითხავს მაგრამ აშკარად გასაგებია თემის იდეოლოგია..

ჩემი დღევანდელი ყოფის ერთ ერთი უდიდესი პრობლემა ისაა, რომ (დიახ სწორედ ჩემი, იმიტომ რომ ხალხი და მასიურად ერი ქმნის კულტურულ საყოფაცხოვრებო სტრუქტურას საზოგადოებრივ ნაწილში, ანუ 100 უკულტუროში 1 კულტურული ვერ "იბლატავებს" და პირიქით კი - იცოცხლე !) დღეს თბილისში არის სამწუხაროდ ძააააააააააააალიან ბევრი.. აი ძალიან ბევრი ჩამოსული სოფლელი (არ მინდა ბანალურად გამიგოთ ეს წინადადება და ვინმემ იფიქროს რომ სოფლელებს შეურაცხყოფას ვაყენებ) .. ეს თავისმხრივ ძალიან ბევრი საკითხის მომცველი სალაპარაკო თემაა.. მაგრამ მოკლედ შევეხები..
ეს ტენდენცია აუცილებლად იწვევს ე.წ. მასების აჯაფსანდალს და აღრევას.. და არ დამიწყოთ ეხლა რომ "ყველა ადამიანია და მასაც აქვს თბილისი ცხოვრების უფლება" და ა.შ... ეგ ევრიკა არ არის !.. უბრალოდ მასიურად ხალხზე და ყოფით შეხედულებაზე ეს აისახება ძალიან მკვეთრად და აშკარად ! და ეს ჰაერიდან მოსული არ არის.. სოფლელიც კარგია და თბილისელიც , ოღონდ ყველა თავის ამპლუაში ! .. სოფლელი არ ვარგა მაღალ კულტურულ ეშელენში, ისევე როგორც ოპოზიტურად -> მაღალი ეშელონის ადამიანი ვერ მოიყვანს კომბოსტოს და კარტოფილს.. ასე რომ ჩემი აზრით ყველას თავისი ადგილი უნდა ეჭიროს ქვეყანაში.. ყველა ნორმალური და ჯანსაღი ცნობიერების ერში ეს ასეა !.. და ამის დარღვევა იწვევს უბედურებებს.. მასობრივი აღრევა.. უკაცრავად და , როდესაც ერს ნახირივით მიარეკებენ ერთი მიზნისკენ და აღარ არჩევენ მეეზოვესა და ვაგნერს ! დამლაგებელს და მოცარტს ! .. და ა.შ... ეს ცოტა უხეში პარალელები მოვიყვანე მაგრამ გამეგბი სწორად გამიგებს და ამ ჩემს სიტყვებს პროვოკაციულ და სპეკულაციურ გამომეტყველებას არ მისცემს !..
...... მიუხედავად იმისა რომ თითქმის 90 % ქართული საერო ტრადიციების არ მომწონს , მაინც არის რაღაცეები რაც ძალიან მომწონს.. მაგ: ძველად ქართული ნათქვამი იყო: ყველა ალხანას თავის ჩალხანა ჰყავდესო !!!!
.... ეს იმიტომ მაწუხებს ასე მძაფრად რომ როდესაც გადავხედავ ნამდვილ თბილისელ ადამიანებს და კულტურული ზნეობის მქონდე ხალხს (ეს არ ნიშნავს რომ სოფელში ასეთები არ არიან.. მე მასიურ და გლობალურ იერსახეზე მაქვს საუბარი, თორემ ერთეულებით თუ ვიმსჯელებთ არც გალაკტიონი იყო თბილისელი და არც წერეთელი! ) .. და ამის შემდეგ რომ გარეთ ქუჩაში გავდივარ........... რბილად რომ ვთქვა ქუჩაში გასეირნების სურვილიც აღარ მაქვს......
საშინელ და კატასტროფულ დღეშია დღეს ჩვენი ერის, ეთიკა !, სისუფთავის შეგრძნება და განცდა, ესთეთიკა ანუ ! ზნეობაზე და ქცევის ე,წ, ადამიანურ კოდექსზე აღარ მაქვს საუბარი...


თბილისი ბოსელს და საღორეს არის დამსგავსებული..

და დღეს ჩვეულებრივი მომენტია ის, რომ:
.. ადამიანი ქუჩაში ყოველ 10 მეტრში იფურთხება..
.. რომ შეიძლება ცხვირწინ ჩაგიქროლოს მანქანით ისე რომ სულ არ აინტერესებს დაგარტყამს თუ არა..
.. რომ შეიძლება ქუჩაში ყველა "ჩემი დედას..." იგინებოდეს ყოველგვარი სირცხვილი გარეშე.. მათ შორის რათქმა უნდა საკუთარი თავის პატივისცემის გარეშე !
.. რომ შეიძლება აივნებიდან ნაგავი ყარო.. თავზე დააფერთხო ვიღაცას შენი სიბინძურე და "ფეხებზე გეკიდოს ეს"..
..რომ შენს შვილს რომ ქუჩაში 10 თეთრიანი კამფეტი დაუვარდება იმას აიღებ და გაწმინდავ და ისევ პირში ჩაუდებ !..
..რომ გამყიდველი ჯერ ცოცხით გვის და მერე იმ ხელებს შიშვლად სოსისებში ჩაყოფს და სახლში გატანს იმ საკვებს !
..რომ პატარა შვილის გინება, თუ "რა კარგად იგინება ის დედას" არ უნდა უხაროდეს ბებია-ბაბუას და ამით არ უნდაამაყობდეს..
..რომ .. რომ.. რომ.......
მილიონი ასეთი რამ... ამით საუბარში მეც დავიღლები და თქვენც დაგღლით..


აღარ მაქვს ლაპარაკი ურთიერთპატივისცემის უქონლობაზე და ქუჩაში ნაგვის ყრაზე............

სხვათაშორის ფანატიკოსებიც შეიძლება გამომეხმაურონ ეხლა ეკლესიის "წიაღიდან" და დამიწყონ ქართველებს აი ეს გვააქ, აი ის გვქონდა.. აი ეს გვყავს .. აი ის გვყავდა და ა.შ.............

კულტურა სამუზეომო ექსპონანტი არ არის, და იგი (კულტურა) მიმდინარე ყოფიერებაში ჩანს..
სხვათაშორის ამის ერთი კარგი გამოვლინებაა ის , თუ რა მუჯლუგუნებუთ და წიხლების ერთმანეთზე რტყმით ხდება ეკლესიაში ზეთეის ცხების რიგში გაწევ-გამოწევა.. ან ჯვარზე მთხვევისას .. ან ა.შ. და ა.შ.... მოკლედ ძალიან ბევრის წერა შეიძლება ამაზე............


რა ქნას იმ ადამიანმა ვისაც ეს აწუხებს ?....
ერთს დავამატებ..
ძალიან დიდი ბოდიში ასეთი ცოტა გულისამრევი სიტყვებისთვის მაგრამ ეს რეალობაა და ყველამ შევხედოთ ამას რეალურად>!

იმდღეს ვაშლის ყიდვა მინდოდა და გამყიდველი შორიახლოს იდგა.. და რომ მოვიდა და რა გნებავს შვილოო "სათნო ტონით" მკითხა ამ დროს ხელები ლამის ტრუსიკში ცაიყო და ისე გაისწორა შარვალი ...

გული ამერია კინაღამ და აღარაფერი მნებავს თქვენი მეთქი ვუთხარი და გამოვტრიალდი......

იცით რატომ იქცევა ის ადამიანი ასე ?..

1) უეჭველია რომ იგი ზნეობასთან და კულთურასთან საერთოდ არანაირ კავშირში არ არის..
და 2) ესე ფაქტია.. იმას სულ ცალ ფეხზე კიდია ყოველივე.. რადგანაც თვითონ ასეთია და შენ რას შეჭამ სულ არ აინტერესებს...
.ეჰ......................


ძალიან დიდი ტკივილია ეს თბილისში დღეს..
ამიტომაა უბედურება ისიც რომ სოფელი აქ ჩამოიხიზნა და აღარც სოფელში დარჩა საქმის კარგად გამკეთებელი ხალხი..
..დღეს ერთგვარი "ჰუმანური" და "შემწყნარებელი " დამოკიდებულება აქვს ხალხს ამაზე... "უფ რა მოხდა კაცო.. არაუშავს"..

ჩემი აზრით ასეთი ამაზრზენობის შემწყნარებელი თვითონაც ასეთია..
აიი დააკვირდით თქვენს გარშემომყოფ ხალხსაც....

......


პატივისცემით
* * *
ჰო.. სასხვათაშორისოდ ერთს დავამატებ..
არ ვიცი შეიძლება თქვენც დააკვირდით ამას
ამას წინათ საფლავზე გავდიოდით და მივდიოდით მანქანაით 4 ადამიანი..
და ერთერთმა ნახევრად ხუმრობით თქვა (მაგრამ ეს 99% რეალურად ჩანდა! ) "უფ.. ძლივს არ დავრჩით თბილისში თბილისელებიო" იმწუთში ყურადაც არ ვიღე და გამეცინა..
მაგრამ რომ დავაკვირდი გადავირიე....... ქალაქი იყო 90 % ცარიელიიიიიიიიი !!!!!!!!!!!!!!!

და მერე გამახსენდა რომ ამ დღეს ხალხი თავის წინაპრებთან (მშობლები, ბებია ბაბუა) საფლავზე გადიან და ამიტომ მიდიან თბილისიდან..
მერე ჩემს თავს ვკითხე.. (აი თქვენც ჰკითხეთ თქვენს თავს) :

რაღაც ოდენობა კი ბატონო! მაგრამ მასიურად ხალხი თავიანთი დიდი ბებიების და კიდევ უფრო დიდი წინაპრების საფლავებზე არ გადიან.. მარტივი მიზეზით.. არც აინტერესებთ ან კიდევ ალალი ბებია-ბაბუის საფლავზე და მშობლების საფლავზე გადიან.. მითუმეტეს ქალაქიდან არავინ წავა 10 თაობის ზემოთ მდგომი წინაპარის საფლავზე რომლის შესახებაც არაფერი იცის..

აქედან დასკვნა : ვინები გადიან ამ დროს თბილისიდან ?..
აი გეუბნებით ... ისეთი ცარიელი იყო თბილისი გადავირიე...........
................


არავის საწყენად ამას არ ვამბობ გულწრფელად გეუბნებით ! და ავანგარდულ მარაზმში ნუ ჩამომართმევთ ასეთ საუბარს. !

ყველაზე პასიურია ეს თემა.. აი რამდენი დღის წინ დავპოსტე და არავის არაფერი უპასუხია

ესეჩ ჩვენს ინტერესზე ხომ არ მეტყველებს კულტურისადმი ? ..
უფ....

fracture
თითქმის ყველაფერში გეთანხმები, მაგრამ ასე მარტივად არ არის. მეც ძალიან გული მტკივა თბილისის ამ ცვლილებაზე(მიუხედავად იმისა, რომ უკეთესს არ მოვსწრებივარ). პროვინციებიდან ხალხი იმიტომ არ ჩამოსულა, რომ ვაშლის გაყიდვა უნდოდათ ქუჩაში...სხვა მიზეზი იყო, რომელიც ჩვენ ვიცით.

აააამ...არა.
* * *
UG-UG-UG
"კულტურული" ბევრჯერ გაქვს ნახსენები, მაგრამ მაგ ხალხს კულტურულს არავინ ეძახის კულტურული ხალხი არის მაგრამ_ცოტა(და, როგორც წესი, ღარიბი).

This post has been edited by mari_c on 10 Apr 2010, 05:20

mari_c


მე სადმე ვთქვი, რომ ვაშლის გაყიდვისთვის ჩამოვიდა ხალხითქო ?..
არასწორედ წაგიკითხავს ჩემი დაწერილი მარი , . .

......

ადამიანი რომელიც იწყნარებს უზნეობას, უსუფთაობას, უკულტურობას, არაესთეთიკურ ცხოვრებას, თვითონ არ არის ასეთი ? ადამიანს რომელსაც გართულება არ აქვს ზნეობრივ დეგრადაციაზე, თვითონ ზნეობრივია ?
....

მდა...
არ ვიცი, რაში არ მეთანხმები ვერ ვიგებ მარი..

fracture

ლოგიკურია, რომ მე ვიფიქრე არა უზნეობის შემწყნარებლებზე, არამედ პროვინციებიდან ჩამოსული ხალხის შემწყნარებლებზე.
* * *

არა, ამ ფორმულირებით არა, მაგრამ მასეთი შთაბეჭდილება დამრჩა.

ჯერ ადრეა კრიტიკა, ცოტაც უნდა დავაცადოთ. ძნელია, როცა გიჭირს, კულტურაზე ფიქრი. ადამიანების ფსიქიკური მდგომარეობა ძალიან მძიმეა.



This post has been edited by mari_c on 14 Apr 2010, 02:21

ლოგიკურია, რომ მე ვიფიქრე არა უზნეობის შემწყნარებლებზე, არამედ პროვინციებიდან ჩამოსული ხალხის შემწყნარებლებზე.
* * *

არა, ამ ფორმულირებით არა, მაგრამ მასეთი შთაბეჭდილება დამრჩა.

ჯერ ადრეა კრიტიკა, ცოტაც უნდა დავაცადოთ. ძნელია, როცა გიჭირს, კულტურაზე ფიქრი. ადამიანების ფსიქიკური მდგომარეობა ძალიან მძიმეა.

პროვინციის ინტეგრაციის ბრალია სწორედაც თბილისში უზნეობა ! და უკულტურობა !! .. ვიცი ეხლა შემეწინააღმდეგები.. მაგრამ კარგად ღრმად ჩაუკვირდი ამას და მიხვდები შენთვითონაც რომ ასეა !.. ნუ მე ეხლა 1000-ში ერთ შემთხვევაზე არ მაქვს საუბარი... ჩვეულებრივად და ზოგადად როგორც არის ამას ვამბობ..
რაიყო შენც ჩამოსული ხომ არ ხარ ?



LOOOOOOOL
რომელი ფორმულირებით დავტოვე ისეთი შთაბეჭდილება, რომ ხალხი ვაშლის გაყიდვისთვის ჩამოვიდათქო ?..ეჰ... ან არ კითხულობ ჩემს დაწერილს ყრადღებით.. .ან.......



კრიტიკა ადრეა ?.. ცოტაც ვაცალოთ ? .. მაინც რამდენი ?/ ასე 3, 4 საუკუნე ?..

გასაჭირი უბედურებაა გასაგებია..
მაგრამ დამიჯერე ეს არ არის უკულტურობის მაპროვოცირებელი..
უფროსთან მორიდებულობას სიმდიდრე მოგიტანს ?..
თუ მეტროში რომ არ გადაიფურთხო მაინცდამაინც 2 სართულიანი სახლი უნდა გქონდეს ?..
გვეყოო რა მართლა და მართლა.. ! ! ! ! ........


აი ამან შემაზიზღა დღევანდელობა..

და სწორედაც..

ის ვისაც ეს არ აღიზიანებს , ის ამის შემწყნარებელია მეტ-ნაკლებად მაინც.. !

......


კომპომისები კარგია, მაგრამ არა დეგრადაციის ხარჯზე !