მეგობრებო,

აგერ უკვე წელიწადია, თუ მეტი არა, რაც ქართული ჭიდაობის ჩოხის ფორმატი შეიცვალა: მიკერებულ იქნა მოკლე მკლავები. დროა გამოვიტანოთ დასკვნები და შევაფასოთ ეს ცვლილება.

სამწუხაროდ, მე შორეთიდან ვერ ვახერხებს ქართული ჭიდაობის შეჯიბრების ცქერას. მაინტერესებს თქვენი აზრი - დაეტყო თუ არა ეს ცვლილება მოჭიდავეთა ტაქტიკას?: ჩავლებას, ილეთების შემდგომ განვითარებას (ჩავლებიდან ილეთზე გადასვლას), აქტიურობა/პასიურობას, სანახაობრივ მხარეს, ტექნიკურ არსენალს.

აქვე გეტყვით ჩემს აზრს: მე უფრო უარყოფითად ვარ განწყობილი ამ ცვლილებისადმი. ერთად-ერთი არგუმენტი, რაც მოვისმინეთ მის სასარგებლოდ, იყო ვითომ "ტრადიციონალისტური" არგუმენტი:
1 - ალავერდის ფრესკაზე გრძელსახელოებიანი ჩოხები აცვიათ
2 - ნიკო კეცხოველმა დაწერა, რომ მოკლესახელოებიანი ჩოხა და შორტი არ იყო ქართული ტრადიციის

ჩემთვის, ამ ორი არგუმენტიდან ვერცერთი ვერ იწონის რაიმე სერიოზულს, რადგან, მეორე მხარეს დგას ტექნიკური არგუმენტი: უსახელო ჩოხა ჰანდიკაპს წარმოადგენს ათლეტისთვის. ის იძულებულია რთული გამოსავალი ეძიოს და ზურგზე გადავლებით განავითაროს შეტევა. ეს უპირატესობას აძლევს ჩვენს ბიჭებს და ჭიდაობასაც განსხვავებულს ხდის სხვა ქურთუკიან ჭიდაობებთან შედარებით (კურაში, მაგალითად, უზბეკეთის პრეზიდენტმა ევროპაშიც გაატანინა და ფედერაციებია შექმნილი).

რას ფიქრობთ? დააფიქსირეთ თქვენი აზრი.

გულითადად თქვენი

ამოსმულ შუაკაური

This post has been edited by Uchimata on 30 Jan 2011, 17:02