მართლმადიდებელი ეკლესიის მოწამეები, მოწამეები

ამ თემაში მინდა ვისაუბრო მართლმადიდებელი ეკლესიის მოწამეებზე, რომლებმაც საკუთარი სიცოცხლე შესწირეს ჭეშმარიტ სარწმუნოების დაცვას, ქადაგებას და ა.შ

არ შეიძლება ეს თემა არ დავიწყოთ სტეფანე პირველმოწამისგან

წმიდა მოციქული, პირველმოწამე და მთავარდიაკონი სტეფანე (+34)
27 (9.01) დეკემბერი

წმიდა მოციქული, პირველმოწამე და მთავარდიაკონი სტეფანე. იესო ქრისტეს ზეცად ამაღლებისა და მოციქულებზე სულიწმიდის გარდამოსვლის შემდეგ უფლის სიტყვა სწრაფად ვრცელდებოდა და მორწმუნეთა რიცხვიც ყოველდღიურად იზრდებოდა. ქრისტიანული თემის ყოფითი მოთხოვნილებები უზრუნველყოფილი იყო, რადგან ვისაც სახლები, ან დაბები გააჩნდა, ყიდდა მათ, სასყიდელს „დასდებდეს ფერჴთა თანა მოციქულთასა“, ეს უკანასკნელნი კი უნაწილებდნენ „კაცად-კაცადსა, რაჲცა ვის უჴმდა“ (საქმე IV, 33-35).

სხვადასხვა ტომის ადამიანებს შორის, თანდათან უთანხმოებანი წარმოიქმნა, ბერძენი ებრაელები ჩიოდნენ, რომ მათ ქვრივებს შესაწევარი მცირე რაოდენობით ეძლეოდათ. ამან მოციქულთა ყურამდეც მიაღწია. მათ არ ისურვეს ქადაგების დატევების ფასად ეტვირთათ ზრუნვა ქრისტიანული თემის სამეურნეო საქმეებზე, ამიტომ მოწაფეთაგან შვიდი კაცი გამოარჩიეს „საჴმარსა ამას ზედა“ დასადგენად და დიაკვნებად დაასხეს ხელი. წმიდა სტეფანე, „კაცი სავსე სარწმუნოებითა და სულითა წმიდითა“ - მთავარდიაკვნად აკურთხეს.

იერუსალიმში „სიტყუაჲ იგი ღმრთისაჲ აღორძნდებოდა“ და მოწაფეთა რიცხვი სულ უფრო და უფრო იზრდებოდა, მრავალი ებრაელი მღვდელმსახურიც მოექცა ქრისტეს სარწმუნოებაზე. ამას სტეფანეც უწყობდა ხელს თავისი მადლმოსილი ქადაგებითა და სასწაულებით. გაღიზიანებული იუდეველები შეეცადნენ, სიტყვიერ პაექრობაში დაემარცხებინათ უფლის რჩეული, მაგრამ როცა ვერაფერს გახდნენ, დაასმინეს იგი - ღმერთსა და მოსეს ჰგმობსო. ამ ბრალდებით წარდგა ნეტარი სინედრიონისა და მღვდელმთავრის წინაშე. პირი მისი იხილვებოდა, „ვითარცა პირი ანგელოზისაჲ“.

წმიდა სტეფანემ შემოკრებილებს ებრაელი ერის ისტორია მოუთხრო და ამხილა იუდეველები წინასწარმეტყველთა დევნასა და განკაცებული მესიის - იესო ქრისტეს მკვლელობაში. ქადაგების დროს წმიდანმა „ახედნა ცად და იხილა დიდებაჲ ღმრთისაჲ და იესუ, მდგომარე მარჯუენით ღმრთისა“. როცა მან გააცხადა ეს ხილვა, ბრბომ, ყურებდაცობილმა, ღრიალით მიმართა ნეტარს, ქალაქგარეთ გაიყვანა და ქვებით ჩაქოლა. მოშორებით, ბორცვზე ღვთისმშობელი იდგა იოანე ღვთისმეტყველთან ერთად და ღმერთს ავედრებდა მოწამეს, სტეფანე კი მხურვალედ ლოცულობდა თავისი მტრებისთვის. მისი უკანასკნელი სიტყვები იყო: „უფალო, ნუ შეურაცხ ამათ ცოდვასა ამას“; „და ესე ვითარცა თქუა, დაიძინა“ (საქმე, 6-7).

წმიდა სტეფანე მოწამეობრივად აღსრულებული პირველი ქრისტიანი იყო. იგი ოცდაათი წლისა მიიცვალა.

მხეცთა საჯიჯგნად დაგდებული ნეტარის ცხედარი ცნობილმა სჯულისმოძღვარმა გამალიელმა და მისმა ძემ, აბიბოსმა ფარულად წაასვენეს და მიწას მიაბარეს. მოგვიანებით ორივე მათგანმა ირწმუნა ქრისტე და მოინათლა.

415 წელს საღვთო ჩვენების შემდეგ აღმოყვანებულ იქნა სტეფანე პირველმოწამის უხრწნელი ნაწილები, რომლებიც იერუსალიმში, სიონის ტაძარში გადააბრძანეს.

სტეფანე პირველმოწამე



მიმაგრებული სურათი

წმიდა მოწამენი დავითი და კონსტანტინე

წმ. მღვდელმოწამე გრიგოლ ფერაძე

გრიგოლი დაიბადა 1899 წლის 31 აგვისტოს სოფ. ბაკურციხეში. მღვდლის რომანოზ ფერაძის ოჯახში.
დედა – მარიამ სამადალაშვილი აგრეთვე მოძღვრის ქალიშვილი იყო. მათ სამი ვაჟი ჰყავდათ: უფროსი არჩილი, შუათანა გრიგოლი და უმცროსი იყო ვასილი.
გრიგოლი სასულიერო სასწავლებელში მიაბარეს, შემდეგ კი სწავლა თბილისის სასულიერო სემინარიაში გააგრძელა(1913წ.).
ამასობაში გრიგოლს „სამხედრო ბეგარის“ დრომაც მოუწია და იძულებული გახდა დროებით შეეწყვიტა სწავლა. სამივე ძმა იბრძოდა მე-11 არმიის წინააღმდეგ. საქართველოს ანექსიის შემდეგ, ჯარიდან დაბრუნებულს დაპატიმრება ემუქრებოდა, ამიტომ კორნელი კეკელიძემ სოფელ მანავში გააგზავნა მასწავლებლად.

კორნელი კეკელიძის მცდელობითა და მიტროპოლიტ ნაზარის წინადადებით, საქ. საპატრიარქოს საბჭომ გადაწყვიტა გრიგოლი თეოლოგიური ცოდნის გასაღრმავებლად ბერლინის უნივერსიტეტში გაეგზავნა.
(ილია ჭავჭავაძის მეგობრის არტურ ლაისტის დახმარებით გაემგზავრა ბერლინში. 1921წელს)

1925 წელს გრიგოლმა ბერლინის უნივერსტეტი წარმატებით დაამთავრა. შემდეგ კი ბონის უნივერსიტეტში ფილოსოფიის ფაკულტეტზე გადავიდა, მოკლე დროში მოამზადა სადოქტორო დისერტაცია _''ქართველ ბერმონაზვნობის ისტორიაზე' და ფილოსოფიის დოქტორის ხარისხიც კი მიიღო. მოკლე ხანში მან 12–ზე მეტი ენა ისწავლა.

შემდეგ გრიგოლი ინგლისში გაემგზავრა და იქ სამეცნიერო მუშაობას შეუდგა. ეცნობოდა ბრიტანეთის მუზეუმსა და ოქსფორდის უნივერსტეტის ბიბლიოთეკაში დაცულ უძველეს ხელნაწერებსა.

1929 წელს გრიგოლ ფერაძემ , ქართველ ემიგრანტებთან ერთად პარიზში წმ.ნინოს სახელობის ეკლესია დაარსა.
იგი უდუდესი არჩევნის წინაშე დადგა ან სამეცნიერო მოღვაწეობა ან სასულიერო. ამ სულიერი ჭიდილისას მძიმედ დაავადდა სიკვდილის პირას მისულს ხილვა ჰქონდა, რომ უფლისთვის ბოლომდე უნდა მიეძღვნა თავი და გადაწყვეტილებაც მიიღო.
1931 წლის 18 აპრილს ლონდონის წმიდა სოფიას ბერძნულ ტაძარში 32 წლის გრიგოლი ბერად აღიკვეცა. მეორე დღეს დიაკვანი გახდა ხოლო შემდეგ მის მიერვე დაარსებულ წმიდა ნინოს სახელობის ქართულ ეკლესიაში ამწესებენ წინამძღვრად.

მამა გრიგოლმა შეადგინა ქართული ეკლესიის წესი, რომლის თანახმადაც ამ ტაძარში მხოლოდ ქართველ მღვდელმსახურებს უნდა ემსახურათ და აუცილებლად ქართულ ენაზე. მისი ხელმძღვანელობით შეიქმნა და გამოიცა ჟურნალი „ჯვარი ვაზისა''
1934 წლის 5 იანვარს კონსტანტინოპოლის მთავარეპისკოპოსმა, გრიგოლ ფერაძე არქიმანდრიტის ხარისხში აიყვანა.

ამასობაში დაიწყო მეორე მსოფლიო ომი. ფაშისტები ხალხს სასტიკად ექცეოდნენ, აწამებდნენ, ხოცავდნენ, დევნიდნენ. მამა გრიგოლი ხშირად იფარებდა და ეხმარებოდა ასეთ ადამიანებს, რისთვისაც (1942 წლის 15 მაის) შეიპყრეს და ციხეში ჩასვეს შემდეგ კი ოსვენციმის ბანაკში გადაიყვანეს, სადაც აღესრულა.
როგორც მასთან ერთად მყოფი პატიმრები იგონებენ, მამა გრიგოლთან ერთად ბანაკში ერთი მრავალშვილიანი ებრაელი ყოფილა, რომელსაც ფაშისტებმა გაზის კამერაში გაგუდვა დაუპირეს, მამა გრიგოლს შებრალებია ეს კაცი,და მისი სასჯელი თვითონ აუღია თავის თავზე და მის მაგივრად შესულა გაზის კამერაში.
1942 წლის 6 დეკემბერს გრიგოლ ფერაძე ოსვენციაში გარდაიცვალა .

რამდენიმე წლის წინ საქართველოს ეკლესიის წმინდა სინოდმა განიხილა მამა გრიგოლის მოღვაწეობა და არქიმანდრიტი წმინდანათ შერაცხა. გრიგოლ ფერაძეს ეწოდა მღვდელმოწამე გრიგოლი.

http://www.ambioni.ge/grigol-feraze

http://orthodoxy.wanex.net/skhva/peradze.htm
-----------------------------------------------------

სამწუხაროდ, საქ. სამოციქულო ეკლესიაში არსებობს ფანატიკოსი, ექსტრემისტი და ფაშისტი დაჯგუფება/ბრბო, რომელიც არ აღიარებს გრიგოლ ფერაძის წმინდანობას

This post has been edited by მამა-ჯეMალი on 21 Oct 2012, 19:19

მიმაგრებული სურათი

მოუსმინეთ რა სასიამოვნოდ მღერიან............. სევდიანია მაგრამ ...

100 000 მოწამის ხსენება