ოპოზიციურმა „რვიანმა“ მიმართვა გაავრცელა, May 12, 2011 - 06:04 AM

„რვიანმა“ მიმართვა გაავრცელა (სრული ტექსტი): "ოპოზიციური „რვიანის“ სამართლიანი, პრინციპული პოზიციისა და სწორი ტაქტიკის გამო სააკაშვილის გუნდი ვერ ახერხებს პროცესის მისთვის სასურველი შედეგით დასრულებას და ამიტომ არ უბრუნდება საარჩევნო მოლაპარაკების მაგიდას. ამასთანავე, საერთაშორისო თანამეგობრობა ხელისუფლებისგან ცალსახად და დაბეჯითებით მოითხოვს საარჩევნო საკითხებზე ოპოზიციასთან შეთანხმებას, როგორც ქვეყნის დემოკრატიული განვითარების წინაპირობას.

ამგვარ მძიმე ვითარებაში აღმოჩენილი მმართველი რეჟიმი ოპოზიციური „რვიანის“ სამართლიანი მოთხოვნებისაგან თავის დასახსნელად ხელს უწყობს მოსახლეობაში არჩევნებისადმი ნიჰილიზმის გაღვივებას და პოლიტიკური პროცესების ქუჩაში გადატანას.

ჩვენ, რვა პოლიტიკურმა პარტიამ, არაერთხელ განვაცხადეთ და კვლავ ვიმეორებთ, რომ საქართველოში ხელისუფლება უნდა შეიცვალოს არჩევნების გზით, საარჩევნო მოლაპარაკებებში ჩვენ ვართ ერთიანი პოზიციის მქონე მხარე და ხელისუფლებისაგან მოვითხოვთ საჯარო და გამჭვირვალე მოლაპარაკების გზით შეთანხმების მიღწევას.

მივმართავთ მიხეილ სააკაშვილს, შეწყვიტოს უღირსი მეთოდებით ხელისუფლების შენარჩუნების მცდელობა და ხელი შეუწყოს საარჩევნო საკითხებზე პოლიტიკური შეთანხმების მიღწევას დადგენილი წესით და დადგენილ ვადებში.

ამისათვის საჭიროა, რომ ხელისუფლებამ მაისის ბოლომდე, როგორც ეს პროცესის დასაწყისში პარლამენტის თავმჯდომარესთან ერთად განისაზღვრა, გაგვცეს კონკრეტული წერილობითი პასუხები ჩვენს მიერ შეთავაზებულ წინადადებებზე, პირველ რიგში ამომრჩეველთა აღრიცხვისა და საარჩევნო სისტემის მოდელებზე.

დადგენილ ვადებში ხელისუფლების პასუხის მიუღებლობის შემთხვევაში, მოლაპარაკების მიმდინარე პროცესის ჩაშლაზე და მის შედეგებზე პასუხისმგებლობა დაეკისრება მიხეილ სააკაშვილს. ჩვენ კი ამ გარემოების გათვალისწინებით და ყველა კონსტიტუციური საშუალების გამოყენებით გავაგრძელებთ ბრძოლას საქართველოში სამართლიანი და თავისუფალი არჩევნების ჩასატარებლად.

ახალი მემარჯვენეები
ეროვნული ფორუმი
თავისუფალი დემოკრატები
კონსერვატიული პარტია
რესპუბლიკური პარტია
საქართველოს გზა
ქრისტიან-დემოკრატიული მოძრაობა
ხალხის პარტია

http://republicans.ge/index.php?module=A-n...isplay&sid=2670

მე მგონი ნელ-ნელა ,,რვიანი'' აიძულებს ხელისუფლებას ნიღაბი ჩამოიხსნას.

ვეთანხმები ტექსტის შინაარს და იმედი მაქვს, რომ ხელისუფლება გონივრულ ნაბიჯებს გადადგამს და წავა დათმობაზე.

თუარადა, პასუხისმგებლობა მოლაპარაკებების ჩაშლის შედეგებზე პირადად მიხეილ სააკაშვილს დაეკისრება !

შედეგები კი დარწმუნებული ვარ მძიმე იქნება (

რაღა დროს სააკაშვილი ნინიკოს მიმართონ

როგორც მიშამ რუსეთს თუ უკეტესი რამეა ჩაფიქრებული

მერე უსუფაშვილს უცებ გაახსენდება რომ ოქრუაშვილი მეგობრების სიიდან არ ამოუშლია და ...............

"ოპოზიციური რვიანი", ხელისუფლების არაადეკვატური ნაბიჯების შემთხვევაში, პოლიტიკური კამპანიის დაწყებას აპირებს
11:53 13-05-2011
"ოპოზიციური რვიანი", ხელისუფლების მხრიდან არაადეკვატური ნაბიჯების შემთხვევაში, მაისის ბოლოსთვის პოლიტიკური კამპანიის დაწყებას აპირებს.
ამის შესახებ ჟურნალისტებს დღეს "რვიანის" წარმომადგენელმა, "ეროვნული საბჭოს" ერთ-ერთმა ლიდერმა, ზვიად ძიძიგურმა განუცხადა.
ძიძიგურის ცნობით, პოლიტიკური კამპანია, მთელი თავისი ატრიბუტიკით, დაიწყება, რათა აქტიურად გაგრძელდეს ბრძოლა საარჩევნო გარემოს გაუმჯობესებისთვის. კამპანიის შესახებ სხვა დეტალებზე ამ დროისთვის ძიძიგური არ საუბრობს.
მისი თქმით, მაისის თვეში ქვეყანაში მიმდინარე პროცესებზე ხელისუფლების პასუხისმგებლობა განუზომლად მაღალია და ვინაიდან ის არ აპირებს საარჩევნო გარემოს დათმობას, რადიკალურ ძალებს უჩნდებათ დამატებითი არგუმენტები, რომ ხელისუფლების შეცვლის ერთადერთ შესაძლებლობად, მხოლოდ რევოლუცია განიხილონ.
"ჩვენი კამპანიის შედეგი კი იქნება ის, რომ დღევანდელი "რევოლუციური" პარტიებიც მიიღებენ იმ არჩევნებში მონაწილეობას, რომელსაც "ოპოზიციური რვიანი" მიაღწევს", – აღნიშნა ძიძიგურმა.
პოლიტიკური კამპანიის შესახებ "რვიანი" დღეს საქართველოში აკრედიტებული დიპლომატიური კორპუსისა და არასამთავრობო ორგანიზაციების წარმომადგენლებთან ისაურებენ. შეხვედრა ამ წუთებში "ახალი მემარჯვენეების" ოფისში დახურულ კარს მიღმა მიმდინარეობს.

http://www.interpressnews.ge/ge/politika/1...as-apirebs.html

ვერაფერი ვერ გავიგე, იმდენნი არიან, ერთმანეთში ამერია.
ესეიგი, რვიანი არჩევნების მომხრეა და თუ ვერ შეთანხმდებიან ხელისუფლებასთან, ეგენიც რევოლუციის მომხრეები გახდებიან?

ziriro

ეგრე გამოდის

ასე გამოდის

ულტიმატუმები ულტიმატუმები!!!!!!!!!!!!!!!!!!!!

მაგარი ბარდაგია რა ოპოებში .კლინუს.....
არ შეუძლიათ შეათანხმონ ერთმანეთთან ეს "აქციები" . მოკლედ რა

7-november
როგორც ყოველთვის + 1

კარგი საქმიანი მიმართვაა, მომეწონა. ყველანაირი მუშტების მოღერების გარეშე.
ხელისუფლება იძულებული გახდება, ასეთი სახის მიმართვებს უპასუხოს მაინც.

lasha_alo

12 საათზე რომ ერთმა გამოაცხადოს, მეორე ნახევარი საათით დაასწრებს რომ "მისი" მიტინგი ერქვას

რა დაემართათ მაგათ კიდე