"ყველაფერი ერთ ჩვეულებრივ დღეს დაიწყო" და აი უკვე 6 წელია გრძელდება... ☼"მზის ფესტივალი - ჩვენ ვხედავთ მზეს" 
ყოველ წელს, პირველ ივნისს, ბავშვთა ქალაქ "მზიურში" ჩვენ ყველანი ვხედავ მზეს. 
--------->> www.1ivnisi.ge 
ყველაფერი ერთი ჩვეულებრივი დღით დაიწყო: ხომ შეიძლება, რომ ნოდარ დუმბაძის მიერ დაარსებულ მზიურ ქალაქში 1 დღე მაინც იყოს ისეთი, როგორზეც დიდი მწერალი ოცნებობდა? ყველა იღიმებოდეს, ბავშვების ჟრიამული ისმოდეს, ყველა უფროსი ბავშვობაში დაბრუნდეს. ყველა ბედნიერი იყოს… თუნდაც ერთი დღით მაინც!
„ჩვენ ვხედავთ მზეს!” ჩვენ ყველანი ერთად ვხედავთ დუმბაძის მზეს და 1 ივნისს ყველასთვის ვაწყობთ ზეიმს!
„მზიურში” ნოდარ დუმბაძის მიერ დაარსებულ ბავშვთა ქალაქში, სწორედ 1 ივნისს, ბავშვთა დაცცვის საერთაშორისო დღეს ყოველ წელს იმართება საბავშვო ფესტივალი „ჩვენ ვხედავთ მზეს”.
დასწრება თავისუფალია, თუმცა, პროექტის ფარგლებში დაგეგმილი ღონისძიებზე საგანგებოდ მოწვეული არიან მზრუნველობამოკლებული ბავშვები სხვადასხვა ბავშვთა სახლებიდან. მათთვის სპეციალური საჩუქრები მზადდება.
პროექტის მიზანია რამდენიმე საათით მაინც ასრულდეს ნოდარ დუმბაძის ანდერძი და ყველა იქ მომსვლელმა ათასობით ადამიანმა თავი ნამდვილ ზღაპარში იგრძნოს!
ორგანიზატორებისა და პარტნიორების მონდომებით ყოველი წლის 1 ივნისს მზიური მართლაც ოცნების ქალაქია!
ამ დღეს არ არსებობს სხვაობა ბავშვებს შორის. ყველა ბავშვი თანასწორი ხდება შესაძლებლობებით, ყველას აერთიანებს მზის სითბო და ბედნიერს ხდის თუნდაც ერთი დღით. პირველი ივნისი ბავშვთა უფლებების დაცვის საერთაშორისო დღეა. სწორედ ამ დღეს იმართება ფესტივალი. პირველი ივნისის ღონისძიებებს შორის ჩვენს ქალაქში “მზის ფესტივალს” ანალოგი არ აქვს მასშტაბურობის, დატვირთვისა და შინაარსის თვალსაზრისით, ამიტომ პროექტს ყოველთვის დიდ გამოხმაურება ჰქონდა. ეს მართლაც გამორჩეული პროექტია რადგან „მზიურში” ამ დღეს, უხარია დიდსა და პატარას. ხშირად დაწერილა ჩვენს პროექტზე, რომ მართლაც ყველა უდარდელ ბავშვობას დაუბრუნდა…
გელოდებით 1 ივნიის 14:00 საათიდან მზიურში საბავშვო მზის ფესტივალზე „ჩვენ ვხედავთ მზეს!”ფესტივალის სიმღერა ☼2011 წლის პროექტიდან:პროექტის მიზანი: პროექტის მთავარი მიზანია „მზიური“ ნოდარ დუმბაძის ოცნების ქალაქად იქცეს, ადგილად, სადაც ბავშვების ჟრიამული არ წყდება და სადაც ყველა ბავშვი თავს ბედნიერად გრძნობს.
ორგანიზატორებისა და პარტნიორების მონდომებით ყოველი წლის 1 ივნისი ბავშვებისათვის ნამდვილ დღესასწაულად იქცევა. ამ დღეს არ არსებობს სხვაობა ბავშვებს შორის. ყველა ბავშვი თანასწორი ხდება შესაძლებლობებით, ყველას აერთიანებს მზის სითბო და ბედნიერს ხდის თუნდაც ერთი დღით. პირველი ივნისი ბავშვთა უფლებების დაცვის საერთაშორისო დღეა. სწორედ ამ დღეს იმართება ფესტივალი.
წლევანდელი ზეიმი 2 ძირითად მიზანს ემსახურება: 1. მზრუნველობას მოკლებული და შეზღუდული შესაძლებლობების მქონე ბავშვების საზოგადოებასთან ინტეგრაცია.
2. ზრუნვა ბავშვთა ქალაქ “მზიურზე” – იმისათვის რომ ეს ადგილი იქცეს ნოდარ დუმბაძის ოცნების ადგილად, ანუ ზღაპრულ ქალაქად, საჭიროა "მზიურის" პოპულარიზაცია.კერძოდ: მზიურში რაც შეიძლება მეტი საბავშვო ღონისძიება უნდა ჩატარდეს, მზის ფესტივალი სწორედ ამ მიზანს ემსახურება.
2010 წლის მზის ფესტივალი, 1 ივნისს 14:00 სთ–ზე დაიწყება და 18:00 სთ–ზე დასრულდება. პროექტის ფარგლებში დაგეგმილია შემდეგი ღონისძიებები: •ნებისმიერ ბავშვს შეეძლება ფერადი ცარცებით ხატვა პარკის ტერიტორიაზე.
•მთელი დღის განმავლობაში მზიურის ტერიტორიაზე ბავშვებს გაართობენ უზარმაზარი თოჯინა მზე და სტუდია „მულტი-პულტი“-ს ჯამბაზები და სხვადასხვა მულტფილმის გმირები
•SOS ბავშვთა სოფლის "მხიარული ავტობუსი"
•მოეწყობა სხვადასხვა შეჯიბრებები ბავშვებს შორის. გამარჯვებულები კი დაჯილდოვდებიან სიმბოლური პრიზებით.
•სამხატვრო სტუდია "აკადემუსი" მოაწყობს ნამუშევრების გამოფენას
•16:30 სთ–ზე გაიმართება საბავშვო სტუდია "1.2.3"-ის კონცერტი.
•ტრადიციულად ფესტივალის დასრულების შემდეგ ჰაერში გავუშვებთ ბუშტეეებს. წლევანდელი თემა იხსნება უკვე დაფინანსებული პროექტით!!! ☼ წელს პირველად, "მზის ფესტივალი" ჯეოსელთან ერთად!!!! და ბოლოს: „როგორც ჩანს, ერთი მძიმე ავადმყოფობა ყველა ადამიანმა უნდა გადაიტანოს ცხოვრებაში, რომ მთელს თავის განვლილ ცხოვრებას ანალიზი გაუკეთოს და მის მიერ განვლილი გზა ხელმეორედ გაიაროს. უკვე დადინჯებული გონებით…
(მარადისობის) კანონის არსი იმაში მდგომარეობს, რომ… ადამიანის სული, გაცილებით უფრო მძიმეა, ვიდრე სხეული, იმდენად მძიმე, რომ ერთ ადამიანს მისი ტარება არ შეუძლია, ამიტომ, ვიდრე ცოცხლები ვართ, ერთმანეთს ხელი უნდა შევაშველოთ და ვეცადოთ, როგორმე უკვდავყოთ ერთმანეთის სული; თქვენ ჩემი, მე სხვისი, სხვამ სხვისი და ასე დაუსაბამოდ, რამეთუ იმ სხვისი გარდაცვალების შემდეგ არ დავობლდეთ და მარტონი არ დავრჩეთ ამ ქვეყანაზე…”
ნ. დუმბაძე „მარადისობის კანონი” * * *
ბავშვებო ძალიან მომენატრეთ, აი ძალიან! ტრადიციისამებრ ყველა ვინც იქნება წლევანდელი "მზიურელი" დავიყენოთ ჩვენი ავატარები
http://b.pix.ge/h/24pcf.gifმარჯვენა ხელი
Chill_Out
This post has been edited by Ania on 18 Apr 2011, 01:33
დედამიწა ტრიალებს, მზე ანათებს არ მოგერიდოს სახე შეუშვირე...
მთავარია დაინახო..
მზის ფესტივალი ☼ www.1ivnisi.ge
www.ania.ge
· 
"მზის ფესტივალი - ჩვენ ვხედავთ მზეს" (6 წელი), 1 ივნისს, ბავშვთა დაცვის დღეს. მზიურში! ☼
