Arsenal FC - Vol.67, 7 Years Without Trophy

არსენალი



საფეხბურთო კლუბი არსენალი (ასევე ცნობილია მეტსახელით The Gunners (მეთოფეები) ) ინგილისის პროფესიული კლუბია ჰოლოუეიდან, ჩრდილოეთ ლონდონიდან. არსენალი პრემიერლიგაში ასპარეზობს და ინგლისური ფეხბურთის ერთ-ერთ ყველაზე წარმატებულ კლუბად მიიჩნევა. არსენალს მოგებულა აქვს პირველი დივიზიონისა და პრემიერლიგის 13 ტიტული და 10 ასოციაციის თასი (FA Cup). არსენალს ასევე ეკუთვნის ყველაზე ხანგრძლივი წაუგებელი სერიის რეკორდი ინგლისის უმაღლეს ლიგაში (49 მატჩი) და ერთადერთი კლუბია, რომელმაც პრემიერლიგის სეზონი წაუგებლად ჩაატარა.

არსენალი 1886 წელს დაარსდა Dial Square-ის სახელით და 1893-ში გახდა პირველი სამხრეთ ინგლისური კლუბი, რომელიც შეუერთდა საფეხბურთო ლიგას. 1930-იან წლებში მათ მოიგეს პირველი უმაღლესი ტროფები: 5 ჩემპიონლიგისა და 2 ასოციაციის თასის ტიტული. ომის შემდგომი წლების პერიოდში, არსენალი გახდა XX საუკუნის მეორე კლუბი, რომელმაც მოიგო ლიგისა და ასოციაციის თასი ერთდროულად, 1970-71 წლების სეზონზე. 1990-იან და 2000-იან წლებში არსენალმა წარმატებების სერია ჩაიწერა - ამ პერიოდში მოიგო თასების დუბლი, უმაღლესი ლიგის 2 ტიტული და ასოციაციის თასის წყვილი, ასევე გახდა პირველი ლონდონური კლუბი, რომელმაც მიაღწია უეფას ჩემპიონთა ლიგის ფინალს.



კლუბის ფერები, ტრადიციულად წითელი და თეთრი ფიგურირებს მთელი დროის განმავლობაში. აგრეთვე, კლუბმა შეიცვალა მდებარეობა. ვულვიჩში, სამხრეთ-აღმოსავლეთ ლონდონში დაარსებულული არსენალი 1913 წელს ქალაქის ჩრდილოეთით, არსენალის სტადიონზე (ჰაიბერიზე) (Arsenal Stadium - Highbury) გადაბარგდა. 2006 წელს გადაინაცვლა ემირატების სტადიონზე (The Emirates Stadium) ჰოლოუეის მახლობლად.

არსენალს მსოფლიოს მასშტაბით 27 მილიონი გულშემატკივარი ჰყავს აღრიცხული. ხოლო გულშემატკივარს ხანგრძლივი მეტოქეობა აკავშირებს რამდენიმე კლუბთან. ყველაზე აღსანიშნავი მეტოქეა მეზობელი ტოტენჰემ ჰოთსპური, რომელთანაც მათ რეგულარული კონტესტი, ჩრდილო-ლონდონური დერბი )North-London Derby აკავშირებთ. არსენალი, ასევე, მსოფლიოში მესამე ყველაზე ძვირადღირებული კლუბია, რომელიც 1,2 მილიონ დოლარადაა შეფასებული. არსენალის ქალთა კლუბი, რომელიც არსენალის ფილიალია, ყველაზე წარმატებულია ინგლისურ ქალთა ფეხბურთში.

ისტორია

საფეხბურთო კლუბი არსენალი 1886 წელს მუშებმა დააარსეს Dial Square-ის სახელით როიალ არსენალში, ვულვიჩში, ლონდონის სამხრეთ აღმოსავლეთ ნაწილში და მალე შეუცვალეს სახელი Royal Arsenal-ით. კლუბმა ისევ შეიცვალა სახელი Woolwich Arsenal-ით 1891 წელს, მას შემდეგ რაც გადავიდა პროფესიონალურ დონეზე. კლუბი იქცა საფეხბურთო ლიგის პირველ სამხრელ წევრად 1893 წელს და დაიწყო მეორე დივიზიონიდან, ხოლო 1904 წელს დაწინაურდა პირველ დივიზიონში. კლუბის ბუნებრივმა გეოგრაფიულმა იზოლაციამ განაპირობა მოედანზე ნაკლები დასწრება, სხვა კლუბებთან შედარებით, რამაც კლუბს ფინანსური პრობლემები შეუქმნა და 1890 წელს გაკოტრება გამოიწვია. სწორედ ამ დროს შეისყიდა კლუბი ადგილობრივმა ბიზნესმენმა ჰენრი ნორისმა. ნორისმა კლუბის სხვაგან გადაბარგება მოინდომა და 1913 წელს, მალევე მეორე დივიზიონში ჩამოქვეითების შემდეგ, არსენალი გადავიდა ახალ არსენალ სთეიდიუმზე ჰაიბერიში, ჩრდილოეთ ლონდონში. მომდევნო წელს მათ კლუბის სახელს ჩამოაშორეს "ვულვიჩი". არსენალმა მხოლოდ მე-5 ადგილზე გასვლა მოახერხა 1919 წელს, მაგრამ ამის მიუხედავად, შეირჩა პირველ დივიზიონში კვლავ დასაწინაურებლად ადგილობრივი მეტოქის, ტოტენჰემ ჰოთსპურის ხარჯზე, ცნობილი საეჭვო მიზეზებით.

არსენალმა მენეჯერად დანიშნა ჰერბერტ ჩეპმენი 1925 წელს, რომელსაც ჰადერსფილდ თაუნთან ერთად ორჯერ ჰქონდა მოგებული ლიგა, 1923-24 და 1924-25 წლების სეზონებში. ჩეპმენმა არსენალს მოუტანა უმაღლესი წარმატების პირველი პერიოდი. მისმა რევოლუციონარულმა ტაქტიკებმა და ვარჯიშმა, გუნდში მოყვანილ ვარსკვლავებთან ერთად, როგორებიც იყვნენ ალექს ჯეიმსი და კლიფ ბასტინი, საფუძველი ჩაუყარა კლუბის დომინაციას ინგლისურ ფეხბურთში 1930-იან წლებში. მისი ხელმძღვანელობით არსენალმა მოიგო პირველი უმაღლესი ტროფები - 1930 წელს საფეხბურთო ასოციაციის თასის (FA Cup) ფინალში გამარჯვებას მოჰყვა 2 ჩემპიონლიგის ტიტული, 1930-31 და 1932-32 წლების სეზონებში. გარდა ამისა, ჩეპმენმა მონაწილეობა მიიღო 1932 წელს ლონდონის ადგილობრივი მეტროსადგურის სახელის შეცვლაში, როდესაც "Gillespie Road"-ს დაერქვა "Arsenal". ეს გახდა პირველი მეტროსადგური, რომელსაც სახელი დაერქვა სპეციალურად საფეხბურთო კლუბისთვის.

1934 წელს ჩეპმენი მოულოდნელად გარდაიცვალა პნევმონიით (ფილტვების ანთება) და მისი წარმატებული სამუშაო დაუტოვა ჯო შოს (Jo Shaw) და ჯორჯ ელისონს (George Alison). მათი ხელმძღვანელობით არსენალმა კიდევ 3 ტიტული მოიგო 1933-34, 1934-35 და 1937-38 წლებში 1936 წლის ასოციაციის თასთან ერთად. საკვანძო ფეხბურთელების კარიერის დასრულებასთან ერთად, არსენალმა ნელ-ნელა გაუფასურება დაიწყო ათწლეულის დასასრულისთვის. შემდეგ კი, მეორე მსოფლიო ომის ინტერვენციამ შეაფერხა კონკურენტუნარიანი ფეხბურთი ინგლისში.

ომის შემდეგ, არსენალს ჰქონდა კიდევ ერთი წარმატებული პერიოდი ელისონის მემკვიდრე ტომ უაითეიქერთან ერთად, რომელმაც მოიგო ლიგა 1947-48 და 1952-53 წლებში, ასოციაციის თასი 1950 წელს. შემდგომში მათი წარმატება შემცირდა. შეუძლებელი გახდა იმ კალიბრის ფეხბურთელების მოხიბვლა, როგორებიც კლუბს ჰყავდა 1930-იან წლებში. 1950-იანი, 1960-იანი წლების დიდი ნაწილი კლუბმა უტიტულოდ, უფერულად ჩაატარა. ვერც ინგლისის ნაკრების ყოფილმა კაპიტანმა ბილი ურაითმა მოუტანა კლუბს რაიმე წარმატება მისი მენეჯერობის პერიოდში 1962-66 წლებში.

არსენალმა კვლავ დაიწყო ტიტულების მოგება, 1966 წელს გუნდის ფიზიოთერაპევტ ბერტი მის მოულოდნელად მწვრთელად გამოჩენის შემდეგ. ინგლისის ლიგის (ქარლინგის) თასის ფინალის ორჯერ წაგების შემდეგ, არსენალმა მოიგო პირველი ევროპული ტიტული 1969-70 წლების სეზონის საქალაქთაშორისო სამართლიანობის თასი. ამას მოჰყვა კიდევ უფრო დიდი ტრიუმფი: არსენალმა პირველად მოიგო ლიგისა და ასოციაციის თასის დუბლი 1970-71 წლებში. ეს იყო დეკადის უმაღლესი მიღწევა. დუბლის მომგები მხარე მალე შესუსტდა და მომდევნო ათწლეული დახასიათდა, როგორც "ტიტულთან სულ ახლოს" პერიოდი. არსენალმა მეორე ადგილზე დაასრულა პირველი დივიზიონი 1972-73 წლების სეზონზე, წააგო ასოციაციის თასის სამი ფინალი 1972, 1978, 1980 წლებში და ასევე დამარცხდა 1980 წლის თასების მფლობელთა თასის ფინალში, პენალტების სერიაში. კლუბის ერთადერთი წარმატება ამ წლებში იყო ბოლო წუთს მოგებული 1979 წლის ასოციაციის თასის ფინალი, 3-2 მანჩესტერ იუნაიტედის წინააღმდეგ. ფართოდაა ცნობილი, როგორც კლასიკა.

ყოფილი ფეხბურთელის, ჯორჯ გრეემის მწვრთნელად დაბრუნებამ 1986 წელს, გუნდს დიდების მესამე პერიოდი მოუტანა. არსენალმა მოიგო ინგლისის ლიგის თასი 1986-87 წლებში, გრეემის პირველ სეზონში. ამას მოჰყვა ლიგის ტიტულის მოგება 1988-89 წლებში ბოლო წუთზე გატანილი გოლით სეზონის უკანასკნელ თამაშში, ტიტულის მეორე პრეტენდენტის, ლივერპულის წინააღმდეგ. გრეემის არსენალმა მოიგო კიდევ ერთი ტიტული 1990-91 წლების სეზონში, რომელშიც წააგო მხოლოდ 1 მატჩი, ინგლისის ლიგის თასისა და საფეხბურთო ასოციაციის თასის დუბლი 1993 წელს და მეორე ევროპული ტროფი, უეფას თასების მფლობელთა თასი 1994 წელს. გრეემის რეპუტაციას ჩირქი მოეცხო, როდესაც აღმოჩნდა, რომ აგენტ რიუნ ჰოჯისგან იღებდა სარგებელს (kickbacks) გუნდში გარკვეული ფეხბურთელების მოყვანით, რისთვისაც გაანთავისუფლეს 1995 წელს. მისმა შემცვლელმა, ბრიუს რიოჩმა მხოლოდ 1 სეზონი ჩაატარა და ხელმძღვანელობასთან კამათის შემდეგ დატოვა კლუბი.

კლუბის წარმატება 1990-იანი წლების ბოლოს და 2000-იან წლებში ეკუთვნის 1996 წელს გუნდში მწვრთნელად დანიშნულ არსენ ვენგერს. ვენგერმა შემოიღო ახალი ტაქტიკები, ვარჯიშის ახალი რეჟიმი და დაიმატა რამდენიმე უცხოელი ფეხბურთელი, რომელთაც გუნდში დახვდათ ინგლისელი ტალანტები. არსენალმა მეორედ მოიგო ინგლისის ლიგისა და ფეხბურთის ასოციაციის თასების დუბლი 1997-98 წლებში და მესამე 2001-02 წლებში. ამასთან ერთად, არსენალმა მიაღწია 1999-2000 წლების სეზონის უეფას თასის ფინალს (რომელიც პენატების სერიაში წააგო გალათასარაისთან). მოიგო 2003 და 2005 წლების საფეხბურთო ასოციაციის თასი და 2003-2004 წლების სეზონის პრემიერლიგა დაუმარცხებლად. მიღწევა, რომელსაც არსენალს მოუტანა მეტსახელი "უძლევლები" ("The Invincibles"). საერთო ჯამში, კლუბმა პრემიერლიგის 49 მატჩი ზედიზედ წაუგებლად ჩაატარა, რაც ეროვნული რეკორდია.



არსენალმა 8-ჯერ დაასრულა 1-2 ადგილებზე ლიგაში ვენგერის პირველ 11 წელიწადში. 2009 წლის მონაცემებით, არსენალი ერთ-ერთია იმ 4 გუნდიდან, რომელსაც მოგებული აქვს პრემიერლიგა 1992 წლის ცვლილებების შემდეგ, დანარჩენები არიან, მანჩესტერ იუნაიტედი, ჩელსი და ბლექბერნი. 2005-06 სეზონამდე არსენალი არასოდეს გაცდენია უეფას ჩემპიონთა ლიგის მეოთხედ ფინალს. ამ სეზონზე კი, არსენალი გახდა პირველი ლონდონური კლუბი ჩემპიონთა ლიგის 50-წლიან ისტორიაში, რომელმაც მიაღწია ფინალს. ფინალში არსენალი დამარცხდა 1-2 ბარსელონას წინააღმდეგ. 2006 წლის ივლისში, ჰაიბერიზე 93-წლიანი მოღვაწეობის შემდეგ, არსენალი გადაბარგდა ემირეითს სთეიდიუმზე.




This post has been edited by levaa on 15 May 2012, 23:38

* * *
კლუბის ლოგოები:

1888 - 1949



1949 - 2002



2002 წლიდან



2011/12 სეზონში
(დაარსებიდან 125 წლის იუბილესთან დაკავშირებით)



სტადიონ(ებ)ი:

(1913 - 2006) ჰაიბერი (Highbury)



( 2006 წლიდან ) ემირეითს სთეიდიუმი (The Emirates Stadium)



ახალი სტადიონის აშენება უმთავრეს და ძალიან საჭირო მოვლენად იქცა ”არსენალის” თანამედროვე ცხოვრებაში. დღეს ”ემირეითსი” უკვე ერთ-ერთი ყველაზე ძვირი, კარგი, თანამედროვე და ტევადი სტადიონია მთელ მსოფლიოში. ინგლისში იგი გულშემატკივართა ტევადობით მხოლოდ ”მანჩესტერ იუნაიტედის” სტადიონს, ”ოლდ ტრაფორდს” ჩამორჩება. ფინანსური, წარმომადგენლობითი, მორალური და ეთნიკური მხრივ ახალი სტადიონის აშენება ურთულესი და ერთი შეხედვით წარმოუდგენელი ამოცანა იყო. თუმცა მასთან გამკლავება არაჩვეულებრივად მოხერხდა.

90-იანი წლების დასაწყისისთვის ”არსენალის” მაშინდელი სტადიონი, ჰაიბერი ფაქტიურად ”მოძველდა”. პირველ რიგში დადგა გულშემატკივართა ტევადობის პრობლემა, ეს პრობლემა გუნდსაც აწუხებდა, ვინაიდან სტადიონზე მხოლოდდამხოლოდ 38 419 კაცი ეტეოდა. ყველა დანარჩენ დიდ ევროპულ გუნდს, ”არსენალთან” შედარებით გაცილებით დიდი სტადიონები ჰქონდათ. ”მეთოფეთა” გულშემატკივრებისთვის, რომელთაც არ ჰქონდათ სასეზონო აბონიმენტი, ფაქტიურად შეუძლებელი იყო მატჩზე მოხვედრა. აბონიმენტის ყიდვაც კი ძნელი იყო. 1998/99 და 1999/00 სეზონის ჩემპიონთა ლიგის ჩატარება ”არსენალს” ”უემბლიზე” მოუწია ზემოთ აღნიშნული პრობლემის გამო. ახალი სტადიონის აშენების აუცილებლობამ სერიოზულად შეაჩერა არსენალის კიდევ უფრო განვითარება. თუმცა სტადიონის მშენებლობა მაინც დაიწყო.

”ჰაიბერის” გარემონტება და მასზე რესტავრაციის ჩატარება წარმოუდგენელი აღმოჩნდა. ჩრდილოეთ ტრიბუნა ლონდონის მთავარ გზაზე გადის, რომელიც ხელშეუხებელია.
ამიტომ საჭირო იყო ახალი ადგილის მოძებნა მშენებლობის დასაწყებად. ლონდონში ხომ ძალიან კარგი მიწებია. ახალი ”უემბლის” არენდით აღების იდეამაც გაიელვა, ისევე როგორც ”ტოტენჰემის” სტადიონის ”არსენალის” საშინაო სტადიონად გადაქცევამაც, ანუ ”მეთოფეები” და ”მამლები” ერთ სტადიონზე გამართავდნენ საშინაო მატჩებს, თუმცა იდეა იდეადვე დარჩა. საბოლოოდ გამოსავალიც იპოვეს და გენიალური გადაწყვეტილებაც მიიღეს.

”ჰაიბერიდან” სულ რაღაც ნახევარი კილომეტრის დაშორებით არის სამრეწველო რაიონი, ისლინგტონი. ლონდონის ამ ნაწილს ჰაიბერი და ისლინგტონი ჰქვია. ამ რაიონში იყო სხვადასხვა პატარ-პატარა საწარმოები. მათთან მოლაპარაკების დაწყება და სხვა ადგილზე გადასვლაზე თანხმობა ერთი შეხედვით შეუძლებელიც კი იყო, რადგან დიდ ფულთან იყო დაკავშირებული, თუმცა ყველაფერი კარგად დასრულდა. ამ ადგილზე, რომელიც ”ეშბერტონ გროუს” სახელს ატარებდა, დაიგეგმა ”არსენალის” ახალი სტადიონის აშენება.
მთელი პროექტი 470 მილიონი ფუნტი დაჯდა. აქედან 260 საბანკო კრედიტის სახით იქნა აღებული. მთავარი კრედიტორი ამ საქმეში ”Royal Bank of Scotland" გახლდათ. დანარჩენი 210 მილიონი კი ობლიგაციების რეალიზაციაში მიიღეს. პროექტის განხორციელებაზე კომპანია НОК Sport მუშაობდა, მშენებლობას კომპანია Buro Happold აწარმოებდა, მთავარი ინჟინერი კი სერ რობერტ მაკალნაინი იყო.

სტადიონი ოფიციალურად 2006 წლის 22 ივლისს გაიხსნა. იგი პრინცმა ფილიპემ გახსნა. ელიზაბეტ მეორის მეუღლემ. თავად დედოფალმა კი გუნდი მოგვიანებით ყველასათვის კარგად ნაცნობ ბუკინგემ პალასში მიიღო.
საბოლოოდ სტადიონმა შესანიშნავი ფორმა მიიღო. მისი გულშემატკივართა ტევადობა გათვლილია 60 335 კაცზე, ”ემირეითსზე” არინს ინგლისში ყველაზე დიდი მოედანი (113 х 76 მ) და მსოფლიოში ერთ-ერთი საუკეთესო გაზონი. იმისთვის რათა საფარმა დიდი რაოდენობით ჰაერი მიიღოს, ტრიბუნები უფრო დაშორებულია მოედანს, ვიდრე ჩვეულებრივ საფეხბურთო სტადიონზეა. სტადიონის კუთხეებში ჩადაბლებები არის გაკეთებული. ჩრდილო-დასავლეთითა და სამხრეთ-აღმოსავლეთით ორი დიდი ეკრანია დამონტაჟებული.
ახლა კი უშუალოდ სახელწოდებაზე გადავიდეთ. თავდაპირველად სტადიონზე სურდათ მისი გეოგრაფიული მდებარეობის სახელი ”ეშბერტონ გროუ” დაერქვათ. თუმცა შემდეგ გამოჩნდა შესანიშნავი ვარიანტი სახელთან დაკავშირებით არცისე ცუდი თანხის სანაცვლოდ, რომელსაც კლუბს მსოფლიოში ერთ-ერთი ყველაზე ცნობილი ავია კომპანია Fly Emirates სთავაზობდა. სტადიონს საბოლოოდ ”ემირეითს სტადიონი” (Emirates Stadium) დაერქვა. ავიაკომპანიის სახელი ფეხბურთელთა მაისურებსაც დაამშვენებს. საბოლოოდ შეთანხმება 100 მილიონი ფუნტი დაჯდა. შეთანხმება არ ეხება ჩემპიონთა ლიგის მატჩებს, როდესაც არსენალის სტადიონს ჩვეულებრივ "Arsenal Stadium" ეწოდება და ასევე გულშემატკივრებსაც, რომლებიც სტადიონს დღესაც ”ეშბერტონ გროუს” ან უბრალოდ ”გროუს” უწოდებენ.

ემირეითსზე ჩატარებულმა პირველივე სეზონმა სარგებელი მოიტანა. ბილეთები პირველ სეზონში 32-დან 94 ფუნტამდე ღირდა მიუხედავად ადგილისა და მატჩისა. აბონიმენტი ღირდა 885-დან 1825 ფუნტამდე ჩვეულებრივ სექტორზე, (26 646 ქვედა ადგილები დ 24 425 ზედა) და 2500-დან 4750 ფუნტამდე ღირდა ეგრეთწოდებული ”კლუბური დონე”, ასევე არის 150 ლოჟა, რომელიც წელიწადში 60 ათასი ჯდება და ასევე არის ”ბრილიანტის კლუბიც”, რომლისთვისაც გულშემატკივარს 25 ათასი ფუნტის გადახდა უწევს, თუმცა იქ ყველაფერი არაჩვეულებრივია.

”ემირეითსის” სტადიონის ადგილზე, ისევე როგორც მის ირგვლივ თავისუფალ ტერიტორიაზე შესაძლებელია 2000-ზე მეტი სახლის აშენება.



(სტადიონზე ინფორმაცია თარგმნა GoGol1-მა)

კლუბის სათამაშო ფორმა 2010/11





სტატისტიკა და რეკორდები

არსენალის შემადგენლობაში ჩატარებული მატჩების რეკორდი დევიდ ო'ლირის ეკუთვნის, რომელმაც 1975-1993 წლებში 722 მატჩი ჩაატარა არსენალის ძირითად შემადგენლობაში. ცენტრალური მცველი და არსენალის ყოფილი კაპიტანი ტონი ადამსი ამ სიაში მეორეა 669 ჩატარებული მატჩით. მეკარეებს შორის რეკორდი კი დევიდ სიმანის ხელთაა 563 ჩატარებული მატჩით.

ტიერი ანრი კლუბის საუკეთესო გოლიადორია 1999-2007 წლების განმავლობაში, ყველა ტურნირში დაგროვებული 226 გატანილი გოლით, რომელმაც 2005 წლის ოქტომბერში გააუმჯობესა იან რაითის 185 ბურთიანი რეკორდი. რაითი რეკორდსმენთა სათავეში იყო 1997 წლის სექტემბრიდან, როდესაც მან გაუსწრო უინგერ კლიფ ბასტინის მიერ 1939 წელს დამყარებულ რეკორდს - ჯამში 178 გოლს. ანრის ასევე ეკუთვნის კლუბის რეკორდი პრემიერ ლიგაში გატანილი გოლებისა, რომელიც ჯამში 174-ა. ეს რეკორდი, რომელიც 2006 წლის თებერვლამდე ეკუთვნოდა ბასტინს.

არსენალის რეკორდი გულშემატკივრისა არის 73,707, რომლებიც მივიდნენ 1998 წლის 25 ნოებერს, უეფას ჩემპიონთა ლიგის მატჩზე RC Lens-ის წინააღმდეგ უემბლის სტადიონზე. ხოლო ჰაიბერი სთეიდიუმზე გულშემატკივართა მისვლის რეკორდი არის 73,295, 1935 წლის 9 მარტს სანდერლენდთან მატჩში, რომელიც დასრულდა ნულოვანი ფრით. ხოლო რეკორდი ემირეითს სთეიდიუმზე არის 60,161 მაყურებელი, რომლებიც 2007 წლის 3 ნოემბერს გამოცხადნენ მანჩესტერ იუნაიტედის წინააღმდეგ მატჩზე, რომელიც დასრულდა ფრედ 2-2.

არსენალმა ასევე დაამყარა რეკორდები ინგლისურ ფეხბურთშიც, ყველაზე მნიშვნელოვანი, ყველაზე მეტი თანმიმდევრული სეზონი უმაღლეს სრბოლაში გატარებული (82 2008-09 სეზონის მონაცემებით) და ყველაზე დიდი წაუგებელი სერია (49 მატჩი 2003 წლის მაისიდან 2004 წლის ოქტომბრამდე). მათ დაუმარცხებლად ჩაატარეს 38-ვე თამაში 2003-2004 წლების სეზონისა, რომელმაც არსენალი აქცია მხოლოდ მეორე კლუბად ინგლისში Preston North End-ის შემდეგ (რომელმაც მხოლოდ 22 თამაში მოიგო 1888-89 წლებში), რომელმაც შეძლო სეზონის წაუგებლად ჩატარება.

არსენალმა ასევე შეძლო რეკორდის დამყარება უეფას ჩემპიონთა ლიგაზე, 2005-06 წლების სეზონში მეთოფეებმა ჩაატარეს 10 თამაში ზედიზედ, რომლებშიც მათ არ მიუღიათ გოლი საკუთარ კარში, ამ შედეგით არსენალმა აჯობა A.C. Milan-ს, რომლის რეკორდიც იყო მხოლოდ 7 მატჩი. ეს იყო ჯამში 995 წუთიანი რეკორდი, რომლის განმავლობაშიც მეტოქემ ვერ მოახერხა მეთოფეთა კარის აღება. ეს აღმაფრენა დასრულდა ფინალურ მატჩში ბარსელონას წინააღმდეგ, როდესაც სამუელ ეტო'ო-მ გაათანაბრა ანგარიში 76-ე წუთზე.


კლუბის მიღწევები:

პრემიერლიგა/პირველი დივიზიონი - 13 ტიტული:
2004, 2002, 1998, 1991, 1989, 1971, 1953, 1948, 1938, 1935, 1934, 1933, 1931.

ასოციაციის თასი - 10 ტიტული:

2005 დაამარცხა მანჩესტერ იუნაიტედი 5-4 პენალტების სერიაში (ნულოვანი ფრის შემდეგ)
2003 დაამარცხა საუთჰემპტონი 1-0
2002 დაამარცხა ჩელსი 2-0
1998 დაამარცხა ნიუკასლ იუნაიტედი 2-0
1993 დაამარცხა შეფილდ უენსდი 2-1
1979 დაამარცხა მანჩესტერ იუნაიტედი 3-2
1971 დაამარცხა ლივერპული 2-1
1950 დაამარცხა ლივერპული 2-0
1936 დაამარცხა შეფილდ იუნაიტედი 1-0
1930 დაამარცხა ჰადერსფილდ თაუნი 2-0

ინგლისის ლიგის თასი - 2 ტიტული:

1993 დაამარცხა შეფილდ უენსდი 2-1
1987 დაამარცხა ლივერპული 2-1

Charity Shields and Community Shields - 12 ტიტული:

2004 დაამარცხა მანჩესტერ იუნაიტედი 3-1
2002 დაამარცხა ლივერპული 1-0
1999 დაამარცხა მანჩესტერ იუნაიტედი 2-1
1998 დაამარცხა მანჩესტერ იუნაიტედი 3-0
1991 ფრე ტოტენჰემ ჰოთსპურთან 0-0 (საერთო)
1953 დაამარცხა ბლექპული 3-1
1948 დაამარცხა მანჩესტერ იუნაიტედი 4-3
1938 დაამარცხა პრესტონ ნორს ენდი 2-1
1934 დაამარცხა მანჩესტერ სიტი 4-0
1933 დაამარცხა ევერტონი3-0
1931 დაამარცხა ვესთ ბრომვიჩ ალბიონი 1-0
1930 დაამარცხა შეფილდ უენსდი 2-1

საერთაშორისო საქალაქო ფეარ თასი - 1 ტიტული:

1970 დაამარცხა ანდერლეხტი 4-3 ორი მატჩის ჯამში

ევროპის თასების მფლობელთა თასი - 1 ტიტული:

1994 დაამარცხა პარმა 1-0

ასოციაციის ახალგაზრდული თასი 6

2001 დაამარცხა ბლექბერნ როვერსი 6-3 ორი მატჩის ჯამში
2000 დაამარცხა ქოვენთრი სიტი 5-1 ორი მატჩის ჯამში
1994 დაამარცხა მილუოლი 5-3 ორი მატჩის ჯამში
1988 დაამარცხა დონკასტერ როვერსი 6-1 ორი მატჩის ჯამში
1971 დაამარცხა კარდიფ სიტი 2-0 ორი მატჩის ჯამში
1966 დაამარცხა სანდერლენდი 5-3 ორი მატჩის ჯამში

მწვრთნელები:

მიმდინარე შემადგენლობა:



მეკარეები:

1მანუელ ალმუნია



13 ვოიჩეხ შესნი



21 ლუკაშ ფაბიანსკი

მცველები:

3 ბაქარი სანია



4 პერ მერტესაკერი



5 ტომას ვერმალენი



6 ლორენ კოშელნი



11 ანდრე სანტოსი



18 სებასტიენ სკილაჩი



20 იოჰან ჯურუ



25 კარლ ჯენკინსონი



28 კირან გიბსი

ნახევარმცველები:

2 აბუ დიაბი



7 ტომაშ როსიცკი



8 მიკელ არტეტა



16 აარონ რემზი



17 ალექსანდრ სონგი



19 ჯეკ უილშირი



26 ემანუელ ფრიმპონგი



30 იუსი ბენაიუნი (იჯარით Chelsea-იდან სეზონის ბოლომდე

თავდამსხმელები:

9 ჩუ იონგ პარკი



10 რობინ ვან პერსი (კაპიტანი)



14 თიო უოლკოტი



15 ალექს ოქსლეიდ ჩემბერლენი



27 ჟერვინიო



29 მარუან შამახი



This post has been edited by levaa on 15 May 2012, 23:45

11 კარლოს ველა (რეალ სოსიედადში 2011/12 სეზონისთვის)



23 ანდრეი არშავინი (Zenit Saint Petersburg-ში 2011/12 სეზონის ბოლომდე)



24 ვიტო მანონე



31 რიო მიაიჩი



46 ჰენრი ლენსბერი (ვესტ ჰემში 2011/12 სეზონისთვის)



52 ნიკლას ბენტნერი (სანდერლენდში 2011/12 სეზონისთვის)



ჯოელ კემბელი (ლორიენში 2011/12 სეზონისთვის)



დენილსონი (საო პაულოში 2011/12 სეზონისთვის)

მწვრთნელები:

არსენ ვენგერი (მენეჯერი)



პეტ რაისი (ასისტენტ მენეჯერი)



ბორო პრიმორაკი (პირველი გუნდის მწვრთნელი)



ნილ ბენფილდი (სარეზერვო გუნდის მწვრთნელი)



გერი პეიტონი (მეკარის მწვრთნელი)



ტონი კოლბერტი (ფიტნესი)



კოლინ ლიუინი (ფიზიო)



გარი ო'დრისკოლი (კლუბის ექიმი)

დევიდ უელსი (ასისტენტ ფიზიოთერაპევტი)



საიმონ არლენდი (ასისტენტ ფიზიოთერაპევტი)



კირან ჰანტი (მასაჟისტი)



დარენ პეიჯი (მასაჟისტი)



ვიკ ეიკერსი (სათამაშო ფორმის მენეჯერი)



პოლ ეიკერსი (სათამაშო ფორმის ასისტენტ მენეჯერი)



პოლ ჯონსონი (აღჭურვილობის მენეჯერი)



ტონი რობერტსი (მეკარის მწვრთნელი აკადემიაში)


* * *
ჩრდილო-ლონდონური დერბის სრული ისტორია

ჩრდილო-ლონდონური დერბი ეს არის საფეხბურთო ლოკალური დერბი ჩრდილოეთ ლონდონის ორ ძირითად გუნდს – არსენალსა და ტოტენჰემ ჰოთსპურს შორის. პირველი შეხვედრა ორ მხარეს შორის იყო ამხანაგური მატჩი 1887 წლის 19 ნოემბერს. როდესაც არსენალი მდებარეობდა პლამსტედში და ცნობილი იყო, როგორც როიალ არსენალი. მატჩი გადაიდო დასრულებიდან 15 წუთით ადრე ”სიბნელის მიზეზით” და იმ დროისთვის ტოტენჰემი ლიდერობდა 2-1-ს. პირველი ლიგის მატჩი კლუბებს შორის შედგა პირველ დივიზიონში 1909 წლის 4 დეკემბერს, რომელიც არსენალმა მოიგო 1-0.



თუმცა, ჭეშმარიტი მეტოქეობა ორ კლუბს შორის არ დაწყებულა 1913 წლამდე, როდესაც არსენალი მენორ გრაუნდიდან გადავიდა ჰაიბერიზე, რომელიც მხოლოდ 4 მილის დაშორებით მდებარეობდა ტოტენჰემის უაით ჰართ ლეინიდან. ამით ისინი გახდნენ ტოტენჰემის უახლოესი მეზობლები და ამგვარად დაიწყო ლოკალური მეტოქეობა მათ შორის. არსენალი და ტოტენჰემი პირველად შეხვდნენ ერთმანეთს, როგორც ”ჩრდილო ლონდონური” კლუბები War Relief Fund ამხანაგურ მატჩში 1914 წლის 22 აგვისტოს უაით ჰართ ლეინზე. მიუხედავად იმისა, რომ არსენალი მეორე დივიზიონში ასპარეზობდა, ხოლო ტოტენჰემი პირველში, მატჩი არსენალის გამარჯვებით დასრულდა, ანგარიშით 5-1.

დაპირისპირება გამწვავდა 1919 წელს, როდესაც პირველი მსოფლიო ომის შემდეგ, პირველ დივიზიონის მოცულობა უნდა გაზრდილიყო კიდევ 2 გუნდით. ლიგამ გამართა კლუბების შეხვედრა კენჭისყრის საშუალებით 2 კლუბის ასარჩევად. მე-19 ადგილზე მყოფი ჩელსი, რომელიც სხვა შემთხვევაში დაბალ დივიზიონში დაქვეითდებოდა, საშუალება მიეცა დარჩენილიყო პირველ დივიზიონში და სწორედ მათ დაიკავეს ამ ორიდან ერთი ადგილი. მეორე ადგილი შეეძლო დაეკავებინა მე-20 ადგილზე მყოფ ტოტენჰემს, ან ბარნსლის (რომელმაც მე-3 ადგილზე დაასრულა მეორე დივიზიონი). მაგრამ არსენალს (ოთხ სხვა კლუბთან ერთად) ასევე მიეცა დაწინაურების შანსი, მიუხედავად იმისა, რომ მათ მე-6 ადგილზე დაასრულეს მეორე დივიზიონი - თუმცა ბურთების შეფარდების დათვლისას დაშვებული შეცდომის გამო არსენალმა დაასრულა მე-5-ზე. ეს შეცდომა საფეხბურთო ლიგამ 1975 წელს შეასწორა.

არსენალმა მოიგო არჩევნები 18 ხმით ტოტენჰემის 8 ხმის წინააღმდეგ ( ბარნსლიმ მიიღო 5, ვულვზმა 4, ნოტინგემ ფორესტმა 3, ბირმინგემმა 2 და ჰალ სიტიმ 1) და დაწინაურდა პირველ დივიზიონში. ხშირად გაჟღერდა, რომ არსენალის თავმჯდომარემ სერ ჰენრი ნორისმა მოაწყო ფარული გარიგება, თუმცა არაფერი დადასტურებულა. გადაწყვეტილებამ გაააფთრა ტოტენჰემი და მისი გულშემატკივარი, თუმცა 11 წლით ადრე, ტოტენჰემი თავად იყო დაწინაურებული საფეხბურთო ლიგის მეორე დივიზიონში, მიუხედავად იმისა რომ მხოლოდ მე-7-ზე დაასრულეს 1907/08 წლების სეზონის საუთერნ ლიგა ამავე ლიგის ჩემპიონის, ქუინს პარკ რეინჯერსის ხარჯზე, რომელმაც დატოვა საუთერნ ლიგა დაწინაურების მოლოდინში.

დაბრკოლების მიუხედავად, ტოტენჰემი მალე დაუბრუნდა უმაღლეს ლიგას 1919/20 წლების სეზონის მეორე დივიზიონის ტიტულის მოპოვების შემდეგ და დერბი კიდევ ერთხელ შედგა. პირველი სრულიად კონკურენტუნარიანი დერბი მატჩი 1913 წელს არსენალის ჩრდილოეთ ლონდონში გადასვლის შემდეგ იყო 1921 წლის 15 იანვარს გამართული პირველი დივიზიონის მატჩი უაით ჰართ ლეინზე, რომელიც 2-1 დასრულდა ტოტენჰემის სასარგებლოდ. ამ ორ გუნდს შორის ჩატარებული ადრეული მატჩები მიიჩნევა განსაკუთრებულად სასტიკ და დაუნდობელ მატჩებად - 1922 წლის სექტემბრის მატჩს საფეხბურთო ასოციაციამ დაუწესა ცენზურა და აიძულა გუნდები ეთამაშათ დახურულ კარს მიღმა.

ტოტენჰემი ასპარეზობდა მეორე დივიზიონში 1928-1933 და 1935-1950 წლებში, რამაც ბუნებრივია ორ გუნდს ერთმანეთთან თამაშის საშუალება მისცა, რამაც თავის მხრივ ოდნავ გაანელა და ჩააცხრო ვნებათა ღელვა. კლუბებს შორის ურთიერთობა ნაწილობრივ გაუმჯობესდა მეორე მსოფლიო ომის შემდეგ, ტოტენჰემმა არსენალს უაით ჰართ ლეინზე საშინაო მატჩების ჩატარების ნება დართო, სანამ ჰაიბერი რეკვიზირებული იყო ARP სადგურის მიერ, მოგვიანებით კი დაბომბილი. ორი მხარე FA თასზე (ინგლისის საფეხბურთო ასოციაციის თასი) პირველად 1948/89 წლების სეზონში შეხვდა, როდესაც არსენალმა მოიგო მესამე რაუნდის შეხვედრა ანგარიშით 3-0.

1950 წლის შემდეგ მხოლოდ 1 სეზონი (1977/78) იყო, როდესაც არსენალი და ტოტენჰემი არ იმყოფებოდნენ ერთ დივიზიონში, რაც იმას გულისხმობს, რომ გუნდებს შორის შეხვედრას რეგულარული ხასიათი ჰქონდა და სწორედ ამიტომაა მათ შორის მეტოქეობა დღემდე აქტუალური. ბევრი დასამახსოვრებელი დერბი მატჩი ჩატარდა, რომელმაც ტიტულისა და თასის მოპოვებაზე იქონია გავლენა. ყველაზე დიდ საფეხბურთო მეტოქეობის პირობაზე, ორი გუნდის ფანებს შორის გაღიზიანებაც დიდია. ფეხბურთელი, რომელიც ერთი გუნდიდან მეორის შემადგენლობაში გადადის, ძალიან ცუდ შეფასებას იღებს ყოფილი გულშემატკივრისგან. ერთ-ერთი ბოლო მაგალითია სოლ კემბელი, რომელსაც 2001 წელს ტოტენჰემიდან არსენალში გადასვლის შემდეგ სპურსის გულშემატკივრებმა "იუდა" შეარქვეს.

არსენალის გულშემატკივარს მეტოქესთან დაკავშირებული საზეიომო დღეც აქვს. ისინი აღნიშნავენ წმინდა ტოტერინჰემის დღეს მაშინ, როდესაც ტოტენჰემს დივიზიონის ცხრილის არსენალზე მაღალ პოზიციაზე დასრულების თეორიული შანსიც აღარ აქვს.

სათასო ნახევარფინალები და ტიტულისთვის გადამწყვეტი მატჩები:

მიუხედავად იმისა, რომ არსენალი და ტოტენჰემი არასოდეს შეხვედრიან ერთმანეთს მნიშვნელოვანი თასის ფინალში, ისტორიას ახსოვს ჩრდილო-ლონდონური დერბი მატჩები, რომლებმაც მნიშვნელოვნად შეუწყო ხელი ერთ-ერთ კლუბს ტროფის მოგებაში:

• ტოტენჰემი 0-1 არსენალი ( 3 მაისი, 1971) 1970/71 სეზონის ბოლო მატჩში არსენალს ჭირდებოდა მოგება ან ნულოვანი ფრე იმისთვის, რომ გამხდარიყო პირველი დივიზიონის ჩემპიონი (გოლებიანი ფრე ნიშნავდა, რომ ლიდს იუნაიტედი აჯობებდა არსენალს ბურთების შეფარდებით). დაძაბული მატჩი იყო არც ისე ბევრი რეალური საგოლე მომენტით ბოლო წუთებამდე. თამაშის დასრულებიდან 3 წუთით ადრე ჯონ რედფორდის დარტყმული პეტ ჯენინგსის კარგად გარდაიქმნა; ჯორჯ არმსთრონგის რიკოშეტის შემდეგ ბურთი აღმოჩნდა კარის გასწვრივ და რეი კენედიმ თავით მოაპოვებინა გამარჯვება თავის გუნდს. არსენალმა მოახერხა ტიტულის მოგება (იმ სეზონზე შესრულებული დუბლის პირველი ნაწილისა).
  
• ტოტენჰემი 1-2 არსენალი (4 მარტი, 1987) – არსენალმა და სპურსმა ითამაშეს 2-2 ორი მატჩის ჯამში ქარლინგის თასის ნახევარფინალში. სტუმრად გატანილი გოლების წესის არარსებულობის გამო მატჩი გადათამაშდა სპურსის სტადიონზე. ტოტენჰემი დაწინაურდა კლივ ალენის გოლით, მაგრამ შეცვლაზე შემოსულმა იან ალინსონმა გაათანაბრა, ხოლო დევიდ როკასლმა გაიტანა გამრჯვების გოლი და არსენალს მოაპოვებინა ფინალის საგზური, სადაც მათ მოიგეს პირველი ტროფი 1979 წლის შემდეგ.
  
• ტოტენჰემი 3-1 არსენალი ( 14 აპრილი, 1991, უემბლი) პირველი FA Cup-ის (ასოციაციის თასი) ნახევარფინალი ორ კლუბს შორის. არსენალი ცდილობდა მეორე სათასო დუბლის შესრულებას, მაგრამ ტოტენჰემის პულ გასკოინმა გაიტანა მეხუთე წუთზე 30 იარდიდან საჯარიმო დარტყმით. გერი ლაინკერმა გაზარდა ანგარიში ტოტენჰემის სასარგებლოდ. თუმცა ალან სმიტმა ერთი გოლი გაქვითა პირველი ტაიმის დასრულებამდე, ლაინკერმა მეორე ტაიმშიც გაიტანა და საბოლოო ანგარიში დააფიქსირა. არსენალის ვერ შეძლო დუბლის შესრულება, თუმცა მათ მოიგეს ლიგა ამ სეზონზე, სპურსმა კი აწია თასი ერთი თვის შემდეგ.
  
• არსენალი 1-0 ტოტენჰემი (4 აპრილი, 1993, უემბლი) – მეორე FA Cup-ის ნახევარფინალი მეტოქეებს შორის, რომელშიც არსენალმა მოახერხა რევანშის აღება ტონი ადამსის თავური გოლის წყალობით, რომელიც მოჰყვა პოლ მერსონის სტანდარტს 79-ე წუთზე. არსენალმა მოახერხა თასის მოგება მაისში, რომელიც მათ შემატეს ლიგის თასს.
  
• ტოტენჰემი 2-2 არსენალი (25 აპრილი, 2004) – არსენალი იყო დაუმარცხებელი პრემიერლიგაში და მხოლოდ 1 ქულა სჭირდებოდა ტიტულის მოსაგებად. 35 წუთისთვის მეთოფეები 2-0-ს იგებდნენ პატრიკ ვიეირასა და რობერტ პირესის გოლების წყალობით. მაგრამ სპურსმა არ დაუშვა არსენალის გამარჯვება, მეორე ტაიმში ჯემი რედკნაპმა შორი მანძილიდან გაიტანა გოლი, შემდეგ კი რობი კინმა შეასრულა პენალტი 90-ე წუთზე. არსენალმა მეორედ მოიგო ტიტული მეტოქის მოედანზე, გაიმეორა რა 1971 წლის ტრიუმფი.
  
• ტოტენჰემი 5-1 არსენალი ( 22 იანვარი, 2008) – ტოტენჰემის პირველი გამარჯვება არსენალზე 1999 წლის ნოემბრის შემდეგ, ლიგის თასის განმეორებით მატჩში. გუნდებმა ითამაშეს 1-1 ემირეითს სთეიდიუმზე. ჟერმეინ ჟენასისა და ნიკლას ბენტნერის ავტოგოლის წყალობით ტოტენჰემმა პირველი ტაიმი 2-0 ანგარიშით მოიგო. მეორე ნახევარში ტოტენჰემმა კიდევ ორი გოლის გატანა მოახერხა რობი კინისა და აარონ ლენონის შესრულებით მანამდე, სანამ შეცვალზე შემოსული ემანუელ ადებაიორი გაქვითავდა 1 ბურთს, თუმცა ტოტენჰემმა სტიდ მალბრანკის საშუალებით კიდევ ერთი გოლის გატანა მოასწრო დამატებულ დროში, რომელმაც ტოტენჰემის 2008 წლის ლიგის თასის ფინალის საგზური მოაპოვებინა, რომელიც მათ მოგვიანებით მოიგეს.

სტატისტიკა და რეკორდები:

2009 წლის პირველი ოქტომბრის მონაცემებით 1909 წლის პირველი შეხვედრის შემდეგ არსენალსა და ტოტენჰემს შორის 163 პირველი კლასის შეხვედრაა ჩატარებული, რომლებიდანაც არსენალმა მოიგო 67, ხოლო ტოტენჰემმა 50. ყველაზე მეტი გოლი ერთ თამაშში გავიდა 2004 წლის 13 ნოემბერს უაით ჰართ ლეინზე პრემიერლიგის მატჩში, რომელიც არსენალის გამარჯვებით დასრულდა 5-4. ყველაზე დიდი უპირატესობით მოგება დაფიქსირდა 6-0, რომელიც სტუმრად მოიგო არსენალმა 1935 წლის 6 მარტს. ტოტენჰემს ორჯერ აქვს მოგებული 5-0 (25 დეკემბერი, 1911 და 4 აპრილი 1983) და არსენალს ერთხელ; სამივე მატჩი უაით ჰართ ლეინზე გაიმართა.

ტოტენჰემის გატანილი გოლების რეკორდი არსენალის წინააღმდეგ ბილი მინტერსა და ბობი სმიტს ეკუთვნის, 9-9 ბურთი. არსენალის რეკორდი ტოტენჰემის წინააღმდეგ კი ემანუელ ადებაიორის, ალან სანდერლენდისა და რობერტ პირესის ანგარიშზეა, 8 ბურთი თითოზე. არსენალის მხრიდან ყველაზე მეტჯერ ჩრდილო-ლონდონურ დერბიში მონაწილეობა მიღებული აქვს დევიდ ო’ლირის -35 მატჩი. ხოლო სპურსის რეკორდი ეკუთვნით გარი მებატსა და სტივ პერიმენს – 31 მატჩი.

ტერი დაისონი ერთადერთი ფეხბურთელია სპურსიდან რომელსაც არსენალის წინააღმდეგ შესრულებული აქვს ჰეთ თრიქი. ეს მოხდა 1961 წლის 26 აგვისტოს, როცა სპურსმა მოიგო 4-3. არსენალის მხრიდან კი იგივე გააკეთეს ტედ დრეიკმა (20 ოქტომბერი, 1934) და ალან სანდერლენდმა (23 დეკემბერი, 1978).


პატივი ეცით ერთმანეთს და თემას, ნუ გააოFFებთ, ნუ გამოიყენებთ ყოველ წინადადებაში უცენზურო სიტყვას, ძალიან ცუდი წასაკითხია ძველი თემები, იმის მაგივრად რომ რამე ინფორმაცია მიიღო, ჩეთი და გინება გხვდება ადამიანს და გაითვალისწინეთ, ისევ თქვენ გაგისწორდებათ სუფთა და ინფორმატიულ თემას რომ გადახედავთ!!!

წინა თემების ლინკები:

» სპოილერის ნახვისთვის დააწკაპუნეთ აქ «

ნაწილი პირველი
ნაწილი მეორე
ნაწილი მესამე
ნაწილი მეოთხე
ნაწილი მეხუთე
ნაწილი მეექვსე
ნაწილი მეშვიდე
ნაწილი მერვე
ნაწილი მეცხრე
ნაწილი მეათე
ნაწილი მეთერთმეტე
ნაწილი მეთორმეტე
ნაწილი მეცამეტე
ნაწილი მეთოთხმეტე
ნაწილი მეთხუტმეტე
ნაწილი მეთექვსმეტე
ნაწილი მეჩვიდმეტე
ნაწილი მეთვრამეტე
ნაწილი მეცხრამეტე
ნაწილი მეოცე
ნაწილი ოცდამეერთე
ნაწილი ოცდამეორე
ნაწილი ოცდამესამე
ნაწილი ოცდამეოთხე
ნაწილი ოცდამეხუთე
ნაწილი ოცდამეექვსე
ნაწილი ოცდამეშვიდე
ნაწილი ოცდამერვე
ნაწილი ოცდამეცხრე
ნაწილი ოცდამეათე
ნაწილი ოცდამეთერთმეტე
ნაწილი ოცდამეთორმეტე
ნაწილი ოცდამეცამეტე
ნაწილი ოცდამეთთოთხმეტე
ნაწილი ოცდამეთხუთმეტე
ნაწილი ოცდამეთექვსმეტე
ნაწილი ოცდამეჩვიდმეტე
ნაწილი ოცდამეთვრამეტე
ნაწილი ოცდამეცხრამეტე
ნაწილი მეორმოცე
ნაწილი ორმოცდამეერთე
ნაწილი ორმოცდამეორე
ნაწილი ორმოცდამესამე
ნაწილი ორმოცდამეოთხე
ნაწილი ორმოცდამეხუთე
ნაწილი ორმოცდამეექვსე
ნაწილი ორმოცდამეშვიდე
ნაწილი ორმოცდამერვე
ნაწილი ორმოცდამეცხრე
ნაწილი ორმოცდამეათე
ნაწილი ორმოცდამეთერთმეტე
ნაწილი ორმოცდამეთორმეტე
ნაწილი ორმოცდამეცამეტე
ნაწილი ორმოცდამეთოთხმეტე
ნაწილი ორმოცდამეთხუთმეტე
ნაწილი ორმოცდამეთექვსმეტე
ნაწილი ორმოცდამეთეჩვიდმეტე
ნაწილი ორმოცდამეთვრამეტე
ნაწილი ორმოცდამეცხრამეტე
ნაწილი მესამოცე
ნაწილი სამოცდამეერთე
ნაწილი სამოცდამეორე
ნაწილი სამოცდამესამე
ნაწილი სამოცდამეოთხე
ნაწილი სამოცდამეხუთე
ნაწილი სამოცდამეექვსე

2011/12 სეზონის მატჩების მიმოხილვები

Season 2011/2012

» სპოილერის ნახვისთვის დააწკაპუნეთ აქ «

Malaysia Xl 0 - 4 Arsenal
Hangzhou Greentown 1 - 1 Arsenal
FC Cologne 1 - 2 Arsenal
Arsenal 2 - 2 Boca Juniors
Arsenal 1 - 1 New York Red Bulls
Newcastle 0 - 0 Arsenal
Arsenal 1 - 0 Udinese
Arsenal 0 - 2 Liverpool
Udinese 1 - 2 Arsenal
Arsenal 1 - 0 Swansea City
Borussia Dortmund 1 - 1 Arsenal
Blackburn 4 - 3 Arsenal
Arsenal 3 - 1 Shrewsbury
Arsenal 3 - 0 Bolton
Arsenal 2 - 1 Olympiakos
Tottenham 2 - 1 Arsenal
Arsenal 2 - 1 Sunderland
Marseille 0 - 1 Arsenal
Arsenal 3 - 1 Stoke City
Arsenal 2 - 1 Bolton
Chelsea 3 - 5 Arsenal
Arsenal 0 - 0 Marseille
Arsenal 3-0 WBA
Norwich 1-2 Arsenal
Arsenal 2-1 Dortmund
Arsenal 1-1 Fulham
Arsenal 0-1 Man.Pcity
Olympiakos 3-1 Arsenal
Arsenal 1-0 Everton
Man.Pcity 1-0 Arsenal
Aston Villa 1-2 Arsenal
Arsenal 1-1 Wolves
Arsenal 1-0 QPR
Fulham 2-1 Arsenal
Arsenal 1-0 Leeds
Swansea 3-2 Arsenal
Arsenal 1-2 Manchester
Arsenal 3-2 Aston Villa
Arsenal 7-1 Blackburn
Arsenal 5-2 Totenham
Liverpool 1-2 Arsenal
Arsenal 3-0 Milan
Arsenal 2-1 Newcastle
Everton 0-1 Arsenal
Arsenal 3-0 Aston Villa
QPR 2-1 Arsenal
Arsenal 1-0 M.Shity
Wolves 0-3 Arsenal
Arsenal 0-0 Chelsea
Stoke 1-1 Arsenal
Arsenal 3-3 Norwich
WBA 2-3 Arsenal

წინა თემის ტოპ 11 მპოსტავი:

levaa 150
Sniki 121
აბულა 79
r-evolution: 77
gun_barnaba 74
giorek 71
gio0989 68
Price 65
Wade 65
Jio Wanderer 60

© დავითა



This post has been edited by levaa on 16 May 2012, 00:05

წინა თემაში დავემშვიდობეთ პატ რაისს
ძააან მაგარი კაცი,მთელი ცხოვრება არსენალს მიუძღვნა
ჩვენი თილისმა და ლეგენდა!

მოგილოცავთ ახალ თემას და ტოტერინჰემს

ისე, ყველა გუნდმა შეამოკლა პირველი პოსტი და თქვენ ისევ ძველ სტილზე ხართ?

GreenWestHam


დავამზადებინებ სურათშ და შემდეგი თEმიდან ჩვენც 1 პოსტიანი გახსნით შემოვიფარგლებით

გილოცავთ ახალ თემას... ვან პერსი დაგვეტოვებინოს და მვილა გვეყიდოს ამ თემაში

არტეტა და ჯეკი იყვნენ კარგად და მვილას დედაც #####ან