ესეიგი, ბაკურ სულაკაურის გამომცემლობამ დაიწყო ახალი, "მილენიუმის" საგის თარგმნა. რომლის პირველი ნაწილიც "გოგონა დრაკონის ტატუთი" (The Girl with the Dragon Tattoo) უკვე გამოიცა. ალბათ წლის ბოლომდე გამოვა სხვა ნაწილებიც - "The Girl Who Played with Fire " და "The Girl Who Kicked the Hornets' Nest". საგის ავტორია სტიგ ლარსონი(Stieg Larsson)



შვედეთის ერთ-ერთ კუნძულზე 40 წლის წინ მოხდა მკვლელობა, რომლის გამოძიებასაც უკვე 82 წლის ჰენრიკ ვანგერმა ნახევარი სიცოცხლე შეალია. მას სიბერეშიც ერთადერთი სურვილი აქვს: გაიგოს, ვინ მოკლა მისი საყვარელი ძმის შვილიშვილი. ჰენრიკ ვანგერი საქმის გამოსაძიებლად ქირაობს ახალგაზრდა ჟურნალისტს, მიქაელ ბლუმკვისტს, რომელიც ფინანსური პრობლემების გამო იძულებულია, კარგი ანაზღაურების სანაცვლოდ ჩაერთოს გამოძიებაში; მასთან ერთად გამოძიებაში მონაწილეობს საზოგადოებისგან გონებაშეზღუდულად გამოცხადებული ახალგაზრდა ჰაკერი გოგონა დრაკონის ტატუთი, ლისბეთ სალანდერი... ერთმანეთისგან რადიკალურად განსხვავებული ამ სამი ადამიანის მიერ წარმოებული გამოძიება, რომელიც ფოტოებით, საარქივო მასალებში ქექვით და ადგილობრივთა მოგონებებზე დაყრდნობით მიმდინარეობს, მკითხველისათვის წარმოუდგენელი შედეგით სრულდება...
ერთი შეხედვით კლასიკურ, თუმცა მაინც უაღრესად ორიგინალურ დეტექტივს რამდენიმე მთავარი სიუჟეტური ხაზი და, შესაბამისად, ამდენივე კვანძის გახსნა აქვს. ეს უაღრესად ჩახლართული ისტორია, მიუხედავად მისი დიდი მოცულობისა, ერთი ამოსუნთქვით იკითხება.
"გოგონა დრაკონის ტატუთი" (შვედური ორიგინალის სახელწოდებაა "ქალთმოძულე კაცები") პირველი წიგნია ე.წ "მილენიუმის ტრილოგიისა", რომელიც გამოცემისთანავე 40 ენაზე ითარგმნა და 21-მილიონიანი ტირაჟით გაიყიდა. ტრილოგიის მსოფლიო ბესტსელერად ქცევას მისი ავტორი სამწუხაროდ ვერ მოესწრო – ის 2004 წელს, ტრილოგიის გამოცემამდე ერთი წლით ადრე, 50 წლის ასაკში ინფარქტით გარდაიცვალა.

წიგნის გვერდები:

http://en.wikipedia.org/wiki/The_Girl_with_the_Dragon_Tattoo

http://en.wikipedia.org/wiki/The_Girl_Who_Played_with_Fire

http://en.wikipedia.org/wiki/The_Girl_Who_...rnets'_Nest

მაინტერესებს თუ უკვე წაიკითხეთ - კარგი წიგნია??


P.ს.

ამ საგის შესახებ ევროპაში უკვე გადაიღეს ფილმების სერია თუმცა წელს ჰოლივუდური ვერსიაც გამოვა.

http://en.wikipedia.org/wiki/The_Girl_with...too_(2011_film)

This post has been edited by ზურატი96 on 15 Jul 2011, 17:40