http://www.presa.ge/new/?m=politics&AID=7733ირანი ევროპაში ადამიანის უფლებებისა და დემოკრატიული ღირებულებების დაცვაზე ზრუნვას იწყებს. სახელმწიფო, რომელსაც მთელი მსოფლიო სწორედ ამ ღირებულებების შელახვას ედავება, დიდ ბრიტანეთში სპეციალურ კომისიას აგზავნის, რომელიც ქვეყანაში ადამიანის უფლებების დარღვევის ფაქტებს შეისწავლის.
ისლამური რესპუბლიკის პარლამენტის ეროვნული უსაფრთხოებისა და შიდა პოლიტიკის კომისიის თავმჯდომარემ, ჰოსეინ ებრაჰიმმა განაცხადა, რომ ირანი შეწუხებულია ბრიტანეთში მოქალაქეების დისკრიმინაციით და მსოფლიო საზოგადოებას სასწრაფო ჩარევისა და მსგავსი ფაქტების აღკვეთისაკენ მოუწოდებს.
საინფორმაციო სააგენტო „ფარსის“ ინფორმაციით, ისლამური საბჭო სპეციალური დელეგაციის გაგზავნის მზადყოფნას გამოთქვამს, ბრიტანეთში ადამიანის უფლებათა დარღვევის შემთხვევების შესასწავლად.
ამას გარდა, ირანის უმაღლესი საკანონმდებლო ორგანოს წარმომადგენლებმა მოუწოდეს ლონდონს, რომ ხელი არ შეუშალოს დემოკრატიის ბედით გულდათითქულ ირანულ კომისიას. საამისოდ, ქვეყნის საგარეო საქმეთა სამინისტომ უკვე გააფრთხილა ინგლისის საელჩო თეირანში, რათა კომისიას მათ სამშობლოში შესაბამისი პირობები შეუქმნან და ახლო აღმოსავლეთიდან ჰუმანური მისიით წარგზავნილებს, ევროპაში პრობლემები არ შეექმნათ.
რა ნაგლები არიან
ირანელები დემოკრატიის ბედით შეწუხდნენ
