nika_144
Crazy Member
ჯგუფი: Members
წერილები: 3372
წევრი No.: 13256
რეგისტრ.: 1-October 05
|
#3126005 · 25 May 2006, 03:50 · · პროფილი · პირადი მიმოწერა · ჩატი
თემა რომლის შესახებაც ახლა უნდა ვისაუბროთ არის მნიშვნელოვანი და ვფიქრობ, საზოგადოებას, ამ განმარტების შემდეგ მაინც აეხილება თვალები...
დღეიდან, ვიწყებ დემოკრატიაზე "შეტევას", რომელიც ამ ყოვლად უზნეო და უსუსტესი მექანიზმის დამსხვრევას გამოიწვევს!
მანამ სანამ დავიწყებდე თხრობას, ერთი პატარა ისტორია მინადა გავიხსენოთ... "იერუსალიმში, პილატეს თვალწინ, მთელი მოედანი გადაჭედილია და საზოგადოებამ არჩევნების გზით უმნიშვნელოვანესი გადაწყვეტილება უნდა მიიღოს... მას ასარჩევი აქვს ავაზაკი, მკვლელი ბარაბა ან იესო, განკაცებული ღმერთი... და უმრავლესობა ირჩევს ბარაბას... " ეს ისტორია შეეცადეთ გაითავისოთ კარგად და რა მინდოდა ამ სიტყვებით მეთქვა, თემის ბოლოს მიხვდებით...
მოდით საუბრის დასაწყისშივე გავარკვიოთ, მაინც რა არის დემოკრატია და სახელმწიფოს წყობის რა ფორმასთან გვაქვს საქმე...
ალბათ დამეთანხმებით, რომ დემოკრატიული სახელმწიფოს ხერხემალი არის თავისუფალი "არჩევანი"... ანუ ერთგვარი "თავისუფალი ნება"... ერთი შეხედვით ეს საკმაოდ მომხიბვლელი მდგომარეობა თურმე აღმოჩნდა, რომ საქართველოსთვის, ქართული ცნობიერებისათვის არც თუ ისე სასურველი მდგომარეობაა...
კონკრეტულად კი აი რაშია საქმე...
მოდით გავიხსენოთ ვინ ვართ ჩვენ და შესაბამისად რა საწყისებზე უნდა დაეფუძვნოს ქართული სახელმწიფოებრიობა. აღმოჩნდება, რომ ჩვენ ქართველები ვართ და რაც კიდევ უფრო მნიშვნელოვანია, ჩვენ მართლმადიდებელი ქრისტიანი ქართველები ვართ... მე მხედველობაში მყავს ის ხალხი, რომლებმაც "იდეაში"(ანუ სამომავლოდ) უნდა მართონ ეს სახელმწიფო, თორემ დღეს თუ გინდა მუსულმანი იყავი და ამ დროს ქვეყნის პირველი პირიც, ეს არავის საქმეა...
შემთხვევით ქრისტიანული სარწმუნოება არ გამიხსენებია, თქვენ წარმოიდგინეთ, ის უშუალო კავშირშია, დემოკრატიული ტიპის წყობასთან... რატომ, ამას ძალიან მალე მიხვდებით.
დემოკრატიის დროს ადამიანს აქვს ალბათ ვიცით ყველამ, იმის უფლება რომ აირჩიოს მისთვის სასურველი პირი ამა თუ იმ თანამდებობაზე, ეს იქნება მერი, პარლამენტარი თუ პრეზიდენტი... ცხადია, ყველას ირჩევს ხალხი... ხომ ასეა?! და თუ ასეა, გასაგებია, რომ ხალხი, საზოგადოება, ანუ მასა, იგივე ბრბო, წყვეტს ამ ქვეყნის მომავალ ბედს, ირჩევს რა მისთვის სასურველ რომელიღაც კანდიდატს... ასეთ შემთხვევაში, არსებობს იმის ალბათობა, რომ ქვეყნის პრეზიდენტი დაუშვათ ვინმე პეტროსიანიც კი გახდეს...
ანუ დავაფიქსიროთ ეს დეტალი, რომ ხალხი წყვეტს ყველაფერს.. თუ ხალხმა, უმრავლესობამ გადაწყვიტა რომ ამ ქვეყანას ხვალიდან უნდა ერქვას სიტყვაზე "ნოდარი", ქვეყანს სახელიც უნდა გამოეცვალოს და მას "ნოდარი" უნდა დაერქვას.... ეს ხომ დემოკრატიის ერთ-ერთი წესია, მთავარი უმრავლესობის გადაწყვეტილიბაა და ეს უმრავლესობა კარნახობს ყველას თამაშის წესებს... მოკლედ, დემოკრატია განსაზღვრავს ადამიანთა თავისუფალ ნებას...
ახლა მოდით ვნახოთ, რა ხდება ამ მხრივ საქრისტიანოში და რა ხდებოდა ამ მხრივ თუნდაც პირველ საუკუნეში იესოს დროს... გაგახსენებთ, რომ მაცხოვარს ჰყავდა 12-ი მოწაფე და მათგან არც ერთი არ იყო არჩეული... თითოეული მოწაფე იყო შერჩეული და არა არჩეული... (ესაა უმნიშვნელოვანესი დეტალი და დაიმახსოვრეთ) იესოს, ალბათ დემოკრატიული პრინციპები, რომ დაეცვა, ერთ მშვენიერ დღეს არჩევნები უნდა ჩაეტარებინა და ვინ იქნებოდა ვთქვათ მის 1000 ადამიანიან "მრევლში" ის 12 რომელიც მოწაფის ფუნქციას შეასრულებდა დაადგენდა... არადა აქ რა არის რთული, წესით ხო უნდა მოეწყოთ არჩევნები იმ დროსაც....
მაგრამ ნახეთ თურმე რა ხდება... და სინამდვილეში რასთან გვაქვს საქმე...
მაცხოვარი არასოდეს თავის გადაწყვეტილებებს არჩევნებს არ უკავშირებს და თუ ვინმე იკადრებს და მეტყვის, მაშინ პირველი საუკუნე იყოო... გავცემ სწრაფადვე პასუხს... მაშინ რატომ იყენებდა იესო შერცევითობისა და ფაქტიურად დანიშვნის სისტემას?! არადა ხომ ფაქტია, ის ფაქტიურად ნიშნავს მოწაფეებს...
რატომ გავიხსენე მაინც და მაინც იესოს დრო...?! იმიტომ რომ ასეთმა სისტემამ, როდესაც ერთი აბარებს თავის ფუნქციებს მეორეს, მეორე მესამეს, ის მეოთხეს და ა.შ. დღევანდელ დღემდე მოიტანა ქრისტიანობა და ვფიქრობ ყველა დამეთანხმება, რომ ასეთმა სისტემამ ფაქტიურად გაამართლა და ის დღესაც ფუნქციონირებს... ანუ, მრევლიდან, არჩევნებში რომელიმე მოგებული კანდიდატი კი არ მართავს ეკლესიას... არა! ეკლესიას მართვას ღირსეული მოძღვარი, რომელიც შერჩევის პრინციპით უდგება საჭიროების შემთხვევაში სათავეში ტაძარს...
ამ შემთხვევის დროს ეკლესია თავშივე გამორიცხავს, ეკლესიის მმართველად შემთხვევითი ადამიანის მისვლას... იქ მოძღვარის ფუნქციის როლის შესრულება მხოლოდ საეკლესიო პირად ჩამოყალიბებულ ადამიანს შეუძლია... თუმცა თუკი დემოკრატიული პრინციპებით ვიხელმძღვანელებდით, ეკლესია ხომ ყველასია და შესაბამისად, მისი მოძღვარიც, ხალხი ვისაც აირჩევს ის იქნებოდა... თითქოს აქაც ცუდი რა არის... ნუთუ არ უნდა ჰქონდეთ ადამიანებს რომლებიც ტაძარში დადიან იმის უფლება, რომ თუ ჩვეულებრივი მრევლიდან არა, რომელიმე მღვდლისგან მაინც შეარჩიონ მათთვის სასურველი მღვდელი ეკლესიის წინამძღოლად... თუმცა ხო ფაქტია, რომ ეკლესია ასეთ პრეცენდენტს არ იღებს ახლოსაც კი და ამიტომაც არის ის ძლიერი (თავად ეკლესია დღეს კია დასუსტებული, თუმცა, ჩვენი სარწმუნოება თვადაა ძლიერი და ის არ ირყევა ზუსტად იმის გამო, რომ მას შემთხვევითი ადამიანები ვერასოდეს მართავენ...)
ალბათ იკითხავს ადამიანი, რა შუასია ეს მაგალითი სახელმწიფოს წყობასთანო... შუაში კი არა თავშია და ზუსტად იმის გამო, რომ სახელმწიფოშიც სამუდამოდ უნდა გამოირიცხოს, რაიმე სერიოზული გადაწყვეტილების, ხალხის მიერ მიღების პრეცენდენტი... ანუ დაუშვებლად ვთვლი, ქვეყანაში პრეზიდენტს ირჩევდეს ბრბო და შემდეგ ჩვენ ქართველები კიდევ რაღაცის იმედით ვითხოვდეთ ამ ბრბოს მიერ არჩეული პრეზიდენტისაგან სიკეთეს და წინსვლას... ეს ხომ ძირსივე არაქრისტიანული და სუსტი სახელმწიფოს შექმნას მოასწავებს...
წარმოიდგინეთ რა სირცხვილია? თურმე საქართველოს მოსახლეობის უმრავლესობამ უნდა გვიკარნახოს ყველა დანარჩენ ადამიანებს ცხოვრების წესი... ეკლესიაში კი ამ დროს პირიქით ხდება?! და ასეც უნდა იყოს! მთელ მრევლს და ეკლესიაში მოსიარულე ადამიანებს იქ არ კითხავს არაფერი... ისინი არასოდეს წყვეტენ ვინ იქნება მოძღვარი და ა.შ.
და მივედით მთავართან... რატომ, მაინც რატომ არ უნდა ირჩევდეს ეკლესიაში ხალხი ტაძრის წინამძღვარს... იმიტომ, რომ ქრისტიანულმა ხედვამ შესანიშნავად უწყის, რომ მასებს არ შეიძლება რაიმე სრიოზული საქმეების გადაწყვეტა მიანდოთ... ისინი არ არიან იმ დონეზე, არც აზროვნებით და არც არაფრით, რომ სწორი გადაწყვეტილება გამოიტანონ და აირჩიონ ღირსეული... ამიტომაც არ კითხავს არაფერი ეკლესიაში მოსიარულე ხალხს... ყველაფერს წყვეტს თავად ეკლესია...
იდენტური სიტუაციაა სახელმწიფოს შემთხვევაშიც! ნუთუ უმრავლესობამ უნდა გადაწყვიტოს ამ ქვეყნის ბედი? ეს ხომ სირცხვილია და ხო ყველა შეასნიშნავად ვხვდებით, რომ დაბეჩავებულ ადამიანს არა აქვს სწორი დასკვნის გაკეთების შეასძლებლობა.... დემოკრატია ხომ ამ ზნედაცემული ადამიანების ხელისუფლებაში ყოფნის უსასრულო პარპაშს ნიშნავს... და რა გგონიათ თქვენ მარტო ჩვენ ვართ ამ სიტუაციაში?! არა?! თითოეულ ამ დემოკრატიულ ქვეყანაშიც კი შეწუხებულია გონიერი ხალხი და ყველა უკვე შესანიშნავად მიხვდა, რომ დემოკრატია არის მხოლოდ ნამდვილ სიმართლეზე გამარჯვების ერთ-ერთი იარაღი... (ბარაბას და იესოს მაგალითი) არადა ესეთი დემოკრატიული პრინციპები, ხომ ქრისტიანობისათვის უცხოა... და რატომ გვცხვენია, რომ ჩვენ ერთხელ და სამუდამოდ ზუსტად ქრისტიანულ მორალზე და სიძლიერეზე ქვეყნის აშენება დავიწყოთ... ნუთუ ქრისტიანობა იმიტომაც არ იყო ძლიერი, რომ მხოლოდ რჩეულებს შეეძლოთ ექადაგათ და შემთხვევით ადამიანს ამის უფლებას თავად ქრისტიანები არ მისცემდნენ არასდროს... და ჩვენ რატომ უნდა დაუშვათ იმის თეორიული შანსი, რომ მასამ ვიღაც უღირსი აირჩიოს... რატომ დავიმციროთ ესე თავი და არაკაცს რომელიც მოქრთამავს გასაცოდავებლ ხალხს, რატომ დაუთმოთ ჩვენივე ქვეყნის მართვა...
მე ახლა მხოლოდ დემოკრატიული წყობის, ხალხის უმრავლესობაზე დაფუძნებული გადაწყვეტილებების უსუსურობას და სისაზიზღრეს განახებთ და ჯერ სიტყვაც არ დამიძრავს იმის შესახებ, რეალურად როგორ უნდა იყოს ყველაფერი... და პრეზიდენტიც, საერთოდ რა პრინციპით უნდა ხდებოდეს ადამიანი... ამ ყველაფერს მე ცალკე თემაა და ცალკე ახალ თემას დაუთმობ და თქვენ კი მანამდე, ის გაითავისეთ რა უსუსტესი და უსაზიზღრესი წყობაა დემოკრატიული წყობა...
"იერუსალიმში, პილატეს თვალწინ, მთელი მოედანი გადაჭედილია და საზოგადოებამ არჩევნების გზით უმნიშვნელოვანესი გადაწყვეტილება უნდა მიიღოს... მას ასარჩევი აქვს ავაზაკი, მკვლელი ბარაბა ან იესო, განკაცებული ღმერთი... და უმრავლესობა ირჩევს ბარაბას... "
ფაქტია, დემოკრატიამ, ანუ ადამიანთა უმრავლესობის თავისუფალმა ნებამ, იესოც კი იმსხვრპლა... და ხვდებით საქართველოს რა შეიძლება მოუვიდეს?!
მოკლედ...
ჩვენ ახალი... ქართულ ცნობიერებაზე დაფუძნებული, ჩვენგან "გამოსული" ახალი იდეა, ახალი სახელმწიფოებრივი წყობა გვჭირდება და ამის შესახებ ხვალ გავხსნი მე ახალ თემას...
This post has been edited by nika_144 on 25 May 2006, 03:58
|
დემოკრატიის დასასრულის დასაწყისი!, დაივიწყეთ რომ დემოკრატიული წყობა იდეალურია!
