მიხეილ სააკაშვილი: თუ კრიზისი რომელიც, რუსეთშია გაგრძელდა, იგი აუცილებლად ჩამოიშლება თბილისი 17:01 - 16.09.11 "ჯი-ეიჩ-ენი" ამობეჭდვა95 ზომა: რუსეთის იმპერია რეალურად ძალიან მძიმე მდგომარეობაშია. განაცხადა დღეს გორში საქართველოს პრეზიდენტმა მიხეილ სააკაშვილმა თავდაცვის ეროვნული განახლებული აკადემიის გახსნაზე სიტყვით გამოსვლისას.
"რუსეთის იმპერია რეალურად ძალიან მძიმე მდგომარეობაშია და თუ ასე გაგრძელდა, თუ ეს კრიზისი, რომელიც მათ აქვთ გაგრძელდა, გაგრძელდა მცდელობა, რომ XIX საუკუნის დამპყრობლური პოლიტიკა გააგრძელონ - მისი დასუსტება და შემდგომი ჩამოშლა, როგორც თავის დროზე ეს მოუვიდა თურქ-სელჩუკების იმპერიას, მონღოლთა ურდოს, ოტომანების იმპერიას, სპარსეთის ძლევამოსილ იმპერიას და მანამდე არაბებს, - გარდაუვალია", _ განაცხადა მიხეილ სააკაშვილმა და აღნიშნა, რომ ყველას კარგად უნდა ესმოდეს, რომ ეს თავისთავად საქართველოს ყველა პრობლემას არ გადაწყვიტავს.
"ყოველთვის ერთი დამპყრობლის ადგილზე ჩნდებოდა მეორე დამპყრობელი, ერთ პრობლემას მოყვებოდა მეორე პრობლემა და ერთ უბედურებას მოყვებოდა მეორე უბედურება. ამიტომ ჩვენ ყველაფერს ამას უნდა ვუყუროთ ისტორიული გადმოსახედიდან. ხოლო ისტორიული გადმოსახედი არის ისეთი - როცა ჩამოიშლება ეს იმპერია, ჩვენ უნდა ვიყოთ ფრთხილად, ვინაიდან ამას შეიძლება ქაოტური მოვლენები მოყვეს", - აცხადებს საქართველოს პრეზიდენტი და ხაზგასმით აღნიშნავს, რომ: " სწორედ აქ ქართული სახელმწიფოს სიძლიერე, მისი შეიარაღებული ძალების კონსოლიდირებულობა და ბრძოლისუნარიანობა იქნება აბსოლუტურად გადამწყვეტი იმისათვის ,რომ საქართველო შევინარჩუნოთ და საქართველოს ყველა ის მიღწევა რაც გვაქვს განვამტკიცოთ და მომავალშიც გვქონდეს".
..............................................................................................მიხეილ სააკაშვილი: მე ჩემი სკამი და სიცოცხლე არაფრად მიღირს, როცა საქმე საქართველოს ეხება--------------------------------------------------------------------------------
„მე ჩემი სკამი, ჩემი სიცოცხლე არაფრად მიღირს საერთოდ, როცა საქმე ეხება საქართველოს და მის უზენაეს ინტერესებს", _ განაცხადა საქართველოს პრეზიდენტმა გორში თავდაცვის ეროვნული განახლებული აკადემიის გახსნაზე სიტყვით გამოსვლისას და აღნიშნა - დღეს ძალიან ბევრი ადამიანი სვამს კითხვას რა უნდა საქართველოს ჯარისკაცებს ავღანეთში? ხშირად გამიგონია, რომ ეს იმიტომ ხდება, რომ საქართველოს მთავრობას პოლიტიკური ქულების დაწერა სურს, ხოლო სააკაშვილს უნდა რომ სკამი შეინარჩუნოს და ამისათვის სწირავს ჩვენი ჯარისკაცების სიცოცხლეს.
"საქართველოს ჯარისკაცები არიან ავღანეთში იმის გამო, რომ ეს აძლიერებს ქართულ შეიარაღებულ ძალებს. იმიტომ, რომ ეს არის ფასდაუდებელი საბრძოლო გამოცდილება მსოფლიოს საუკეთესო ჯარებთან ურთიერთქმედების და მე თვითონ მაქვს მოსმენილი გენერალი პეტრეუსისგან, რომ საქართველოს კონტიგენტი იყო საუკეთესო კონტიგენტი ამერიკელების გარდა, რომელთანაც მას როდესმე ჰქონია ურთიერთობა ერაყსა და ავღანეთში და ეს არა მხოლოდ მისი აზრია.
გენერალი პეტრეუსი მეუბნებოდა, რომ რაღაცა კიდევ აქვთ ქართველ ჯარისკაცებს რასაც ბოლომდე ვერ ვხსნი, მაგრამ ეს არის ის განსაკუთრებულობა რაც მათ აძლევთ უპირატესობას ბევრი სხვა ქვეუნის ჯართან მიმართებაში", _ აცხადებს მიხეილ სააკაშვილი და აღნიშნავს, რომ ჯარს მუდმივი მომზადება სჭირდება, ჯარს მუდმივი გამოცდა სჭირდება, მათ შორის ბრძოლითა და საბრძოლო ვითარებით.
"ეს არის ყველაზე საუკეთესო რამ რაც შეიძლება მივიღოთ. პირველი რეაქცია ხალხის კითხვაზე უნდა იყვნენ თუ არა ჩვენი ძალები ავღანეთში, ესე იგი უნდ არსებობდეს, თუ არა რისკი, რომ ისინი იქ საკუთარ სიცოცხლეს დადებენ და ბევრი მათგანი უკვე დაიღუპა და ჩვენ ეს კარგად ვიცით და იქნება რომ - არ უნდა იყვნენ.
მაგრამ მოდით უფრო ღრმად დავფიქრდეთ - აქვს თუ არა საქართველოს საფრთხე და უაზრმაზარი გამოწვევა - აქვს, სჭირდება თუ არა საქართველოს ჯარი - რა თქმა უნდა სჭირდება სხვანაირად ვერ იცოხცლებს ქვეყანა, უნდა ჰქონდეს თუ არა ამ ჯარს გამოცდილება - რა თქმა უნდა უნდა ჰქონდეს, გვჭირდება თუ არა ჩვენ ბევრად უფრო ძლიერი ქვეყნების მოკავშირეების დახმარება - რა თქმა უნდა გვჭირდება", _ აცხადებს საქართველოს პრეზიდენტი და ხაზგასმით აღნიშნავს, რომ საქართველოს ჯარისკაცები ქართული საზოგადოების საუკეთესო ნაწილი არიან.
"იმიტომ, რომ საქართველოს ჯარისკაცები არიან ის ნაწილი ქართული საზოგადოების, რომლებმაც თავი გასწირეს საქართველოსთვის და კიდევ მზად არიან ყოველდღიურად სწირავენ თავს ქვეყანას", _ განაცხადა მიხეილ სააკაშვილმა.
http://ghn.ge/news-50583.html This post has been edited by ანუნაკი on 16 Sep 2011, 20:15
- Будут спрашивать - скажи, что я вышел. Или просто - бога нет!
თუ კრიზისი რომელიც, რუსეთშია გაგრძელდა, იგი აუცილებლად ჩამოიშლება 
