ინტერესთა შეუთავსებლობა

გთხოვთ მითხრათ, შეიძლება თუ არა ადვოკატურაში სტაჟიორად ყოფნა და იმავდროულად საჯარო სამსახურში მუშაობა?? მადლობა წინასწარ

კონსტიტუციით, საჯარო სამსახურის შესახებ კანონით, ინტერესთა შეუთავსებლობისა და კორუფციის შესახებ კანონით თანამდებობის პირს და ზოგადად საჯარო მოხელეს ეკრძალება ნებისმიერი სამეწარმეო საქმიანობა, როგორიც ადვოკატობაა. ისედაც, არ აქვს უფლება ასრულებდეს სხვა ანაზღაურებად სამუშაოს გარდა სამეცნიერო, ან პედაგოგიურისა.

კი მაგრამ სტაჟირება ხომ არ არის ანაზღაურებადი? პირიქით იქით უნდა გადავიხადო. . . ძალიან ბუნდოვნადაა კანონმდებლობაში ეს საკითხი და დავიბენი...

ადვოკატურის სტაჟირებაც პროკურატურის სტაჟირებასავითაა, ეგეც ჩვეულებრივ სტაჟში ითვლება და ჩვეულებრივი ადვოკატის უფლებამოსილებით სარგებლობს სტაჟიორი დავალების შესრულებისას, შესაბამისად იგივე შეზღუდვებიც მოქმედებს. ისე მართალია, არაანაზღაურებად სამსახურზე არაფერი წერია კანონებში; ფიზიკური და იურიდიული პირების წარმომადგენლობა მარტო თანამდებობის პირებზეა აკრძალული და საჯარო მოხელე ნახსენები არაა. ადვოკატთა შესახებ კანონიც კონკრეტულად მარტო თანამდებობის პირებს ასახელებს შეუთავსებლად, სხვებს კიდევ არ აკონკრეტებს. თანაც კანონში ინტერესთა შეუთავსებლობის ტერმინი განმარტებულია როგორც ქონებრივი ან სხვა პირადი ინტერესის დაპირისპირება სამსახურის ინტერესთან. სტაჟიორის შემთხვევაში ეგ ინტერესი ძნელი მოსაძებნი იქნება. მაგრამ ალბათ ანალოგიით გადაწყდება და საჯარო სამსახურიდან გათავისუფლების საკითხი დადგება.
ადვოკატურის წარმომადგენლები თუ შემოვლენ კაი იქნება, უფრო ზუსტად გიპასუხებენ. myadvokat-ს ეცოდინება.
რა საჯარო სამსახურია ასეთი?

This post has been edited by xornabujeli1000 on 30 Apr 2013, 00:25

სტაჟირება ნამდვილად არ ვიცი,მაგრამ საადვოკატო საქმიანობის განხორციელება არ შეიძლება...
სწორედ ამიტომ,უახლოეს ერთ წელიწადში,იმედია მოვახერხებ უფასო იურიდიული კონსულტაციების გაწევას და ამ სტატუსის მიღებას...
მთავარია დავაფიქსირო,რომ ეს არის "უაფსო"
ნეტა რა როგორ უნდა გავაკეთო? :შ
მერე გავარკვევ

სამოქალაქო საპროცესო კოდექსით გათვალისწინებულია მხარეთა შეჯიბრებითობის პრინციპი, შესაბამისად პირი რომელიც საჯარო სამსახურში მუშაობს და აქვს წვდომა რაიმე სახის ინფორმაციასთან ვერ იქნება თანასწორი მხარე პროცესზე. . . ანუ ადვოკატის სტაჟიორიც, თუ ის საჯარო სამსახურში მუშაობს, ადვოკატის უფლებამოსილებების განხორციელებისას ისარგებლებს უპირატესობით, რაც დაუშვებელია.

შეჯიბრობითობის პრინციპი ამ კუთხით არ ირღვევა, თუკი მაგის სფეროში არ შედის სამოქალაქო საქმეზე განსახილველი საკითხი. მაშინაც, საკუთარ სამსახურს ხომ ვერ დაუპირისპირდება, ამიტომ ეგ არგუმენტი არა მგონია გამორიცხავდეს ამას.
ისე თუ მაინც გინდა, შეგიძლია სცადო. საჯარო სამსახურში შეუთავსებლობის გამოვლენისას მოხელეს დრო ეძლევა შეუთავსებლობის გამოსასწორებლად. თუ სტაჟიორობა ასეთად ჩაგითვალეს რამდენიმე დღეში მიატოვებ სტაჟირებას და ეგ იქნება.