”ლაბორატორია - 1918” შრომის კოდექსის შეცვლას მოითხოვს
17 იანვარს ახალგაზრდულმა მოძრაობამ ”ლაბორატორია 1918” საქართველოში მოქმედი შრომის კოდექსის წინააღმდეგ საპროტესტო კამპანია წამოიწყო და გაერთიანებულ პროფკავშირთან ერთად რუსთაველის ძეგლთან თეატრალიზებული აქცია გამართა. შრომის კოდექსის საწინააღმდეგო ტრანსპარანტებით ხელში, ახალგაზრდები კოდექსის შეცვლას მოითხოვდნენ.
საერთაშორისო ორგანიზაციებმა არაერთხელ მოუწოდეს საქართველოს ხელისუფლებას შეეცვალა შრომის კოდექსი, რომელიც არღვევს ადამიანის უფლებებს, არ შეესაბამება ევროპის სოციალურ ქარტიას ...
„გაერთიანებული პროფკავშირები“ შრომის კოდექსს წლებია აკრიტიკებს, ”ლაბორატორია - 1918”-ის მიერ საპროტესტო კამპანიის წამოწყებას კი ბიძგი გორის მეცხრე საჯარო სკოლის პედაგოგის ია ბჟალავას სამსახურიდან გათავისუფლებას მოჰყვა. ახალგაზრდები, რომლებიც ფიქრობენ, რომ საქართველოში მოქმედი შრომის კოდექსი - არც მეტი, არც ნაკლები - მონობის კოდექსია, ამავე შინაარსის ტრანსპარანტებით ქუჩაში გამოვიდნენ.
”დასაქმებული მონა არ არის”, ”ნუ გახდები მარიონეტი”, ”შეცვალე კოდექსი”, ”მე ორსულობის გამო გამათავისუფლეს”, ”ერთად ვებრძოლოთ სოციალურ უსამართლობას”, ”შრომის კოდექსი კლავს” - ამ შინაარსის პლაკატების ფონზე ჩაიკითხა ”ლაბორატორია - 1918”-ის ერთ-ერთმა აქტივისტმა ორგანიზაციის მიმართვა:
”საერთაშორისო ორგანიზაციებმა არაერთხელ მოუწოდეს საქართველოს ხელისუფლებას შეეცვალა შრომის კოდექსი, რომელიც არღვევს ადამიანის უფლებებს, არ შეესაბამება ევროპის სოციალურ ქარტიას და ქვეყნის მიერ ნაკისრ საერთაშორისო ვალდებულებებს. კანონი აკანონებს მონობას და სწორედ ამიტომ ”ლაბორატორია-1918” იწყებს კამპანიას შრომის კოდექსის შესაცვლელად.”
”ია ბჟალავას სამსახურიდან გათავისუფლების შემთხვევა არ უკავშირდება რეორგანიზაციას”, - აცხადებს „გაერთიანებული პროფკავშირების“ ხელმძღვანელი ირაკლი პეტრიაშვილი. – „საინტერესო სწორედ იმის გამოკვლევაა, თუ რა ნიშნით დაითხოვეს პედაგოგი. კანონით, დამსაქმებელი ვალდებული არ არის მიზეზები ახსნას, უბრალოდ, წერს „37 , დ”, რაც ნიშნავს, რომ ათავისუფლებს, რისი გულისთვისაც მას სურს - იქნება ეს პროფკავშირის წევრობა, პოლიტიკური პარტიის აქტივისტობა, ის, რომ დასაქმებული ქალია და ქალი კი მას სამსახურში არ უნდა ჰყავდეს თუ სხვა შინაარსის დისკრიმინაციული საფუძვლები. სასამართლოში ამის დამტკიცება არის პრაქტიკულად შეუძლებელი, რადგან როდესაც ჩვენ ამას ვაპროტესტებთ და დისკრიმინაციას ვახსენებთ, დამსაქმებელი მაშინვე შრომის კოდექსის 37-ე მუხლს იშველიებს, რომლის მიხედვითაც, დამსაქმებელს შეუძლია ერთი ხელის მოსმით შეწყვიტოს კონტრაქტი დასაქმებულთან და მას არაფერი აუხსნას.”
http://www.radiotavisupleba.ge/content/article/24454236.html აი, ახლა, როდესაც ჩვენ ვისწავლეთ ფრენა ჰაერში ჩიტების მსგავსად, ცურვა წყლის ქვეშ, როგორც თევზებმა, გვაკლია მხოლოდ ერთი - შეგვეძლოს ცხოვრება მიწაზე, როგორც ადამიანებს.
ჯორჯ ბერნარდ შოუ
აქცია შრომის კოდექსის შესაცვლელად, "ლაბორატორია = 1918"
