მინსკის ტერაქტში ბრალდებულები დახვრიტეს

მინსკის მეტროში განხორციელებულ ტერაქტში ბრალდებულები სიკვდილით დასაჯეს

მინსკის მეტროში განხორციელებულ ტერაქტში ბრალდებულთა სასიკვდილო განაჩენი სისრულეში მოიყვანეს .
"BBC"-ის ცნობით, დიმიტრი კონოვალოვი და ვლადისლავ კოვალიოვი გუშინ, გვიან ღამით დახვრიტეს. შეტყობინება განაჩენის სისრულეში მოყვანის შესახებ მათი ოჯახის წევრებს ფოსტით გაეგზავნათ.

მოკლულთა ნათესავები მედიასთან გამოჩენას თავს არიდებენ. დიმიტრი კონოვალიოვის დედამ, ლიუბოვ კონოვალოვამ ბელორუსის პრეზიდენტ ალექსანდრე ლუკაშენკოს შვილის შეწყალების თხოვნით მიმართა, თუმცა, ლუკაშენკომ შეწყალებაზე უარი განაცხადა.

დიმიტრი კონოვალოვი და ვლადისლავ კოვალიოვი ბელორუსის უზენაესმა სასამართლომ მინსკის მეტროში 2011 წლის 11 აპრილს, ბელორუსის დამოუკიდებლობის დღეზე 2008 წელს და 2005 წელს ვიტებსკში განხორციელებულ ტერაქტებში დამნაშავეებად ცნო.

2011 წლის 11 აპრილს მეტროს სადგურ "ოქტიაბრსკაიაზე" ძლიერი ხელნაკეთი ასაფეთქებელი მოწყობილობა ამოქმედდა, რის შედეგადაც ადგილზე დაიღუპა 11 ადამიანი, 4 კი საავადმყოფოში მიყვანამდე გარდაიცვალა. მძიმედ დაშავდა 300-მდე მოქალაქე. მინსკში 2008 წელს დამოუკიდებლობის დღეზე მომხდარი აფეთქების შედეგად 100-ზე მეტი ადამიანი დაიჭრა. ვიტებსკში 2005 წელს მომხდარი ტერაქტისას კი 50-მა მოქალაქემ სხვადასხვა სახის დაზიანებები მიიღო.


* * *

ირანში 17 წლის ალირეზა მოლლა-სოლთანი სიკვდილით დასაჯეს. მოზარდს სასიკვდილო განაჩენი „ირანის უძლიერესი ადამიანის“ ტიტულის მფლობელი ათლეტის მკვლელობისთვის ჰქონდა გამოტანილი. ალირეზა მოლლა-სოლთანი დანაშაულის ადგილას, თეირანთან ახლოს, სახალხოდ ჩამოახრჩვეს.

ირანული მედიასაშუალებების ცნობით, სიკვდილით დასჯამდე ის ტიროდა და შეწყალებას ითხოვდა.

საერთაშორისო უფლებადამცველმა ორგანიზაციებმა არაერთგზის მოუწოდეს ისლამური რესპუბლიკის ხელისუფლებას, მოზარდისათვის სასიკვდილო განაჩენი გაეუქმებინა.

ირანს რატიფიცირებული აქვს გაეროს კონვენცია, რომელიც 18 წლამდე ასაკის პირთა სიკვდილით დასჯას კრძალავს. თუმცა, ირანელი მოსამართლეების განმარტებით, მუსულმანური მთვარის კალენდრის მიხედვით, ალირეზა მოლლა-სოლთანი დანაშაულის ჩადენის მომენტში უკვე 18 წლის იყო.

17 წლის ბავშვი თანაც გოგონა სიკვდილით როგორ უნდა დასაჯო რა უგულო ხალხია ეს ირანელები

This post has been edited by SHERIFF911 on 19 Mar 2012, 01:05