volandi
Super Member
ჯგუფი: Registered
წერილები: 527
წევრი No.: 96755
რეგისტრ.: 29-July 09
|
#14894827 · 29 Jul 2009, 20:22 · · პროფილი · პირადი მიმოწერა · ჩატი
ა
ალანცარიე _ უსაქმური, მოხეტიალე მამაკაცი;
ალაჟვერაი _ მოურიდებელი ტანსაცმლის, სისუფთავის და ყოველგვარი ადამიანური მანერებისადმი;
არღნილი _ აყრილი, ატეხილი;
არწაკაი _ ენამწარე, უკმეხი სიტყვა-პასუხის მქონე;
ბ
ბანდიანაი _ ძალაუნებურად ფათერაკის გადამკიდე, ზედმეტად რისკიანი;
ბერიყაყვი _ მეტისმეტად მოხუცებული, ენამყრალი კაცი;
ბლოქინაი _ მოურიდებლად ხმამაღლა მოლაპარაკე;
ბობორჩხიკაი _ მოუხერხებელი კაცი, რომელსაც მიუხედავად მონდომებისა, საქმე ნახელავად არ გამოუდის;
ბორბოცაი _ თავშეუკავებელი, ალკოჰოლის ძნელად ამტანი, მოქარაფშუტო კაცი;
ბორდოხაი _ იგივე ბლოქინაი;
ბონძღი _ დაბალი, ძლიერ მსუქანი, ტლანქი ადამიანი;
ბზღიტი _ წვრილი, ნორჩი, გამხდარი, შიმშილით ან ავადმყოფობით დაუძლურებული ადამიანი ან ცხოველი;
ბროქოიანი _ მეტისმეტად მსუქანი, უკანალდამძიმებული;
ბღიზურაი _ ერთადერთი, გვარში პირმშოდ მიჩნეული ვაჟიშვილი;
ბღინკი _ იგივეა, რაც ბზღიტი;
ბღოტიალაი _ იგივე, ალაჟვერაი;
გ
გაბურვანებული _ ავადმყოფობით შეპყრობილი;
გადარანებული _ მეტისმეტად გასუქებული;
გადაცემული _ უბედური, სანათესაოს უქონელი ოჯახი ან მისი წევრი;
გვარდამეჭაი _ გვარში გამოსული დაბალი, შეუფერებელი შთამომავალი;
გვაბრედაი _ არაპროპორციული სხეულის მქონე;
გაკაიპებული _ იგივე, გაბურვანებული;
გალიგვებული _ სიცივისგან გაყინული, გაცივებული;
განჩიანაი _ ზედმეტად ჯიუტი, მიუკარებელი;
გაიდონაი _ სასიამოვნო, აწყობილხმიანი კაცის სიმღერა;
გამონალიე _ კვერცხის მსგავსი, პატარა, მაგრამ მკვრივი;
გაფიჟინებული _ გაღვივებული;
გასუსულაი _ ჩუმადმყოფი;
გადელაი _ პირგრძელი ადამიანი;
გობერძღუაი _ დაბალი, ძლიერ მსუქანი;
გოტენიე _ პატარა ტანის, მაგრამ გაუმაძღარი კაცი;
გამოფარაკებული _ სურსათსანოვაგისაგან დაცლილი;
დ
დაგვარჯული _ იგივე, გვარდამუჭაი;
დაბღილული _ ბღილისგან დაჩაგრული, დაჩიავებული, დაავადმყოფებული;
დათიგრული _ წვრილი, პატარა ტანის კაცი;
დათილახრული _ უსწორმასწორო, არაპროპორციული;
დაკოღინებული _ იგივე, დაბღილული;
დატყვიპინებული _ ავადმყოფობისაგან დასიებული, ყვითელფერა ადამიანი;
დანზარული _ მეტსიმეტად დასხმული ხილი;
დასკიპარჭული _ ფეხებგადაშლილი, ურცხვენლად მოსიარულე;
დაბიჟინებული _ იგივე, დატყვიპინებული;
დაფილიკებული _ ღობეშენგრეული, უპატრონოდ მიტოვებული;
დალაშტრული _ ძალზე დასველებული;
დაყიყინებული _ მუცელგამობერილი, გასუქებული, რაც ავადმყოფობითაა გამოწვეული;
დაჭანდრული _ იგივე, დანძარული;
დაჭყურტული _ ხალხში გამოუსვლელი, მეტისმეტად პროვინციელი პიროვნება;
დაშტიქინებული _ სწორტანიანი, მაღალ ფეხებზე, სასიამოვნო გარეგნობის ქალი;
დანდალაი _ მსუქანი, კუნთებმოძრავი ქალი;
დედაინაი _ დედის თვისებების მქონე;
დოლუაი _ მელოტი (ურქო თხა);
დომფალაი _ მრგვალი, მსუქანი ქალი;
დრაცუნაი _ სიმსუქნისაგან ნელა მოსიარულე;
დრუნცი _ მაღალი, ტლანქი ქალი;
დაბიჟინებული _ ალკოჰოლისაგან თვალებდაბერილი, ლოყებღაჟღაჟა;
დუჟიანი _ დორბლიანი;
ე
ენაუკარო _ ავი ენის მქონე, ანჩხლი;
ერჯერაი _ ღორმუცელა, უდანაზოგოდ მჭამელი;
ერექე _ ქარაფშუტა, მოდებილო გონების ადამიანი;
ერცახე _ ციცქნა, მცირე, პაწაწა;
ზ
ზაბაკიანი _ ნაკიანი;
ზღიპინაი _ მტირალა, მოწუწუნე;
ზანგიანაი _ ჭუჭყიანი;
თ
თავბუატაი _ თავგასიებული, დიდთავა;
თავგოსრაი _ იგივე თავბუატაი;
თავკავაი _ პატარა თავიანი;
თავჯიკაი _ ჯიქურ თავის გამტანი, გაჭირვების ამტანი;
თავშაქარაი _ თევზის ერთ-ერთი ჯიში, ღელის თევზი;
თავწამახული _ წვერწათლილი;
თიგრი _ პატარა, სუსტი აღნაგობის, მაგრამ სწრაფი;
თონთროქო _ აზელილი, გაუვალი ჭაობი;
თრიხინაი _ ჩქარი მოსიარულე, მოურიდებელი;
თქაშუნაი _ იგივე, თრიხინაი;
თუქსუსი _ ცბიერი, ეშმაკი, მატყუარა;
ი
ილინცური _ გვერდული, უსწორმასწორო;
ინცრად _ გვერდულად, გადახრილად;
იწკი-პიწკი _ ფრთხილად, სუფთად მოსიარულე, კოხტა ქალი;
კ
კაკუტაი _ მორცხვი, ზედმეტად მორიდებული;
კაპუეტი _ მიუკარებელი, გულცივი;
კარკალაი _ მოტიკტიკე, ბავშვივით მოლაპარაკე;
კანკურეხი _ ავი, მიუკარებელი თვისების მოხუცი;
კვანწარახი _ მწარე, ავმოსიტყვე ადამიანი;
კვერენაი _ ავი, გამომწვევი სიტყვის, გამაღიზიანებელი;
კინაწილაი _ მოხერხებული საქმიანი;
კილაოზი _ მიზეზიანი, მეწუნია;
კისერღიატაი _ გრძელკისერა, მაღალყელიანი ქალი;
კოპიტაი _ კოხტა გარეგნობის, მოხდენილი სიარულით;
კორიახელი _ იგივე კინაწილაი;
კერღენიე _ ავი, ანჩხლი, ბრაზიანი;
კუკუნაი _ ტკბილმოუბარი, კეთილი ბუნების ადამიანი;
კაწანდევი _ ვაჟკაცური, გაბედული ქალი, ახტაჯანა;
ლ
ლაკუზაი _ პატარა და კოხტა აღნაგობის ახალგაზრდა;
ლაბაშაი _ ტლანქი, უხეში, უსუფთაო ადამიანი;
ლოშპიანაი _ დორბლიანი, საძაგლად მოლაპარაკე კაცი;
ლუყლუყაი _ ნახევარბლუ, ენაბორძიკა;
მ
მამაინაი _ გარეგნობითა და ხასიათით მამის მსგავსი;
მაქციერაი _ მსახიობური გარდასახვის თვისებების მქონე;
მენამცეცე _ ძუნწი, გაუმეტებელი;
მეწუნწრაქე _ ზედმეტად მიზეზიანი, მეწუნია;
მეშარიე _ იგივე, ალანცარიე;
მოკითხული _ სამშობიაროდ გამზადებული;
მოკოპილაი _ მომრგვალებულთავიანი;
მოსპარტული _ სრულიად მელოტი;
მოსრებული _ საცოლე ვაჟი ან გასათხოვარი ყმაწვილი ქალი;
მიოთმოთაი _ ენატანია, ჭორიკანა;
მოშკუპრული _ მეტისმეტად მოღუშულსახიანი;
მუხმარაი _ უსაქმური, მოუხმარელი;
ნ
ნაგრამი _ ნაშიერი, გვარის გამგრძელებელი;
ნამიორედაი _ კრუხისთვის განმეორებით გამოსაჩეკად ჩადებული კვერცხისაგან გამოჩეკილი წიწილა;
ნაქმაროსანი _ ნაქმარები ქალი;
ნაცოლოსნი _ ნაცოლარი კაცი;
ნატუსალაი _ ძლივსგადარჩენილი, გაჭირვებაგარებული;
ო
ოტურაი _ პატარა, ვიწრო სახის მქონე;
ორკაპაი _ ნიკაპგაყოფილი ადამიანი;
პ
პარჭკიე _ მოურიდებელი, ცუდი მანერების მქონე ქალი;
პაღვი _ იგივე ზღიპი;
პირწალდაი _ გრძელი, უშნო პირის მქონე;
პოწოლიკაი _ მაღალი აყლაყუდა, გამხდარი გარეგნობის;
პრინჭილაი _ მტირალა, ანჩხლი, გაუტანელი ბავშვი;
პრონწო _ ძველი, ადვილადხევადი ქსოვილი;
პუსკუნიე _ პატარა, ლამაზი და კოხტა ქალი;
ჟ
ჟამჟამბოროტი _ მიუკარებელი, სასტიკი და ბოროტი;
ჟვარუნაი _ იგივე ლაბაშაი;
ჟვერაჟვერაი _ იგივე ჟვარუნაი, ან ლაბაშაი;
ჟღვართალაი _ ტანრხევადი, მაღალი, სასიამოვნო შესახედაობის მქონე ქალი;
რაკუნაი _ ქუსლებით მოსიარულე;
რახუნაი _ ტრაბახა, ყბედი, მოჩვენებითი მანერების;
რიკვატაი _ პატარა და კოხტა ტანის მქონე;
ს
სანჩხვე _ სათესლე მარცვალი, გასამრავლებლად გაშვებული ცხოველი ან ფრინველი, იტყვიან ერთადერთ ვაჟზეც;
სამშაფატაი _ საქმის უხარისხოდ, ზერელედ შემსრულებელი;
სარამიტელი _ უფროსების მსგავსი ქცევებითა და ხასიათით, მანერებით;
სკუპოვი _ ძუნწი, იგივე მენამცეცე;
სვირიტინაი _ წვრილი, ხმელი ტანის, მაგრამ მოხერხებული;
სიქსიქაი _ იგივე სვირიტინაი;
სოყორტიე _ მაღალი, მეტისმეტად ტლანქი, აყლაყუდა ადამიანი;
ტ
ტკარცალაი _ ხმამაღლამოლაპარაკე, ხშირად სიცილის მოყვარული, გულმხიარული ქალი;
ტინტილაი _ იგივე სვირიტინაი;
ტკიცინაი _ ახალგაუთოვებული ქსოვილი, ტანსაცმელი;
ტომბოყო _ დაძველებული, წვნიანი საჭმელი;
ტყვაპერაი _ მუცელგამობერილი, ავადმყოფური გარეგნობის;
ტყვაპიე _ გაფუჭებული, გულდამპალი კვერცხი;
უ
უჟმურაი _ ბრაზიანი, ბოროტი ხასიათის კაცი;
ურქო _ უსირცხვილო, უტიფარი, შემარცხვენელი;
უყპო _ მოლაყბე, მოლაძღანდარე, ყბედი;
უწანაქო _ უსაკმაზო, უგემური შეჭამანდი; ან საქმის ზერელედ შემსრულებელი ადამიანი;
ფ
ფარცაკიანი _ ავის გადამკიდე, ფათერაკების მქონე;
ფანჩხალაი _ მტირალა ბავშვი;
ფერვანი _ სახეღაჟღაჟა, მწითური შესახედაობის;
ფილენჯი _ მახინჯი, ცუდად მოსიარულე;
ფიცქინიე _ ლამაზი, წითელ-ყვითელ ფერებიანი;
ფრონცქვიე _ მეტისმეტად პრანჭია;
ფოფოდიე _ ახალფეხადგმული ბავშვი;
ფუტურაი _ უჭკუო, მოსულელო;
ფჩქოლაი _ პატარა, ნორჩი მცენარე, იტყვიან ქალზეც;
ფშუკურაი _ ჭკუამჩატე, არასერიოზული;
ფირფიჟაი _ გაუმაძღარი, ღორმუცელა, დიდკუჭა;
ქ
ქანქვიე _ იგივე ფირფიჟაი;
ქარაოცაი _ ზერელე, საქმის მიმფუჩეჩებელი;
ქვანქლიე _ ტანსაცმლისადმი მოურიდებელი, დასვრილ გარეგნობას შეჩვეული;
ქოქლაური _ მომსყიდავი საუბარი და მოპყრობა დაინტერესებული პირისადმი;
ქვინაფაი _ პატარა, კოხტა, მოხერხებული;
ქუზურიე _ დაბალი, ტანმორჩილი, ჭკვიანი ადამიანი;
ღ
ღამუტიანი _ ზედმეტად ანჩხლი, ბრაზიანი;
ღაპიწაი _ სუსტი, ავადმყოფური შესახედაობის მქონე;
ღენჭოპაი _ გამხდარი, სუსტი;
ღვაჭიე _ სიცილის, მეტისმეტი ოხუნჯობის მოყვარული ადამიანი;
ღიაწაი - იგივე ღაპიწაი;
ღინტილაი _ იგივე ბღინკი, ბღიზურაი;
ღლავიწაი _ იგივე ალაჟვერაი;
ღოტოშიე _ გამოსული ბიჭი, ყმაწვილებში პირველი;
ღოღიალაი _ იგივე მეშარიე, მოხეტიალე, უსაქმური;
ღუნწი _ იგივე ძუნწი, მენამცეცე;
ყ
ყაისარაი _ მეტისმეტად მაღალი, ხმელ-ხმელი ადამიანი;
ყარყუმი _ მაღალი, ავსიტყვიანი მოხუცი მამაკაცი;
ყლინჩი _ კისერგრძელა, მაღალი, უშნო მამაკაცი;
ყრანტალაი _ ავყია, მოლაყბე, წვრილხმიანი მამაკაცი;
ყპიანი _ ენატანია, ჭორიკანა ადამიანი;
ყრალი _ ბრაზიანი, უხალისო, მიუკარებელი ხასიათის;
ყოპო _ დაბალი, დიდმუცელა ადამიანი;
ყოჩი _ ტრაბახა, ყბედი, მეტიჩარა;
ყურაფაი _ დიდყურება ადამიანი, ცხოველი;
შ
შაირიანი _ უსაბუთოდ ანჩხლი, უკარება;
შვანტალაი _ მაღალფეხება, აშოლტილი ტანის ქალი;
შიშტიბუქაი _ ზერელე მოსაქმე, საქმის მიმფუჩეჩებელი;
ჩ
ჩაბჟინებული _ სიცივისაგან ჩალურჯებული, იგივე გალიგვებული;
ჩამნურაი _ დაბალი, მსხვილფეხება, უკანალგასუქებული ადამიანი;
ჩაჩუტი _ უპრინციპო, ენატანია, საკუთარი მეობის უქონელი მამაკაცი;
ჩხიბარკალაი _ იგივე ბობორჩხიკაი;
ც
ცალტვინაი _ გონებასუსტი, ჩლუნგი;
ცანცარუკაი _ პატარა, ცქრიალა გოგონა;
ცეტი _ ფათერაკიანი, აანცებული, ავი ბედის გადამკიდე;
ცინცხალი _ სრულიად ახალი, მაღალხარისხოვანი;
ცუტურაი _ უგულო თხილი ან ნიგოზი, უგულისყურო ადამიანი;
ძ
ძონძროხო _ დაბალი, ზედმეტად გასუქებული, ტლანქი;
ძორძღო _ იგივე ძონძროხო;
წ
წამახული _ წვერწათლილი ან ხოტორა;
წამკრავი _ ქურდობის მიდრეკილების მქონე;
წვინატაი _ გრძელცხვირა, სხვისი საქმით დაინტერესებული, არამკითხე მოამბე;
წიონკალაი _ მაღალი, ხმელ-ხმელი ადამიანი;
წორწკლიანაი _ იგივე დორბლიანაი;
წრიპაი _ წელწვრილი, სუსტი ქალი;
წრიპინაი _ წვრილი ხმის მქონე ქალი;
წუნწრუქაი _ მეწუნია, მიზეზიანი ქალი;
ჭ
ჭეფხორიე _ უნაყოფო, მწირი, მცირემოსავლიანი ნიადაგი, ან უშვილო დედაკაცი;
ჭიმახაი _ ხიმატურა, ტექნიკის მოყვარული;
ჭიჭყინაი _ აყალ-მაყალის, დავის მოყვარული;
ჭყანიანი _ შნოიანი, შეძლების მქონე;
ხ
ხელფეხმუნგრეველი _ მოუხერხებელი, ჩოფანო;
ხელცხებაი _ ბოდიალა, ხელგაუჩერებელი, მოუსვენარი;
ხიაპაი _ იგივე გრიპი, სურდო, სუსტი, ავადმყოფი;
ხრონგი _ მეტისმეტად ძალმსხვილი, დიდი და ტლანქი ადამიანი;
ჯ
ჯაური _ ველური, მიუკარება, მარტოობას შეჩვეული;
ჯგიმიე _ ყოყოჩი, ტრაბახა, ყბედი;
ჯილეხაი _ ჯიუტი;
ჯოჯო _ სატანა, ეშმაკი, ყორანივით მჩხავანა;
ჯღამაი _ თეთრი, ჭრელთვალება.
|
ვისწავლოთ გურული :D, გურულ-ქართული ლექსიკონი... შეგიძლიათ შეავსოთ :) 
