სრული სახელი: Sport Club Corinthians Paulista
მეტსახელი: Timão (დიდი გუნდი)
მოედანი: Estádio Municipal Paulo Machado de Carvalho
ტევადობა: 40 199
კლუბის მფლობელი: ანდრეს სანჩესი
მთ. მწვრთნელი: მანო მენესესი დაარსების ისტორია"კორინტიანსი" დაარსდა 1910 წლის პირველ სექტემბერს. მისი დამაარსებლები იყვნენ: ხოაკინ ამბროსიო, კარლოს და სილვა, რაფაელ პერონე, ანტონიო პერეირა და ანსელმო კორეია. სწორედ მათ გადაწყვიტეს ჩამოეყალიბებინათ საკუთარი საფეხბურთო გუნდი, მას შემდეგ რაც მათ იხილეს ინგლისური კლუბის "კორინტიანის" თამაში. ამ ხუთეულმა გუნდის პრეზიდენტად მიგელ ბატალია დანიშნა. სწორედ მიგელს ეკუთვნის "კორინტიანსის" ქომაგთათვის ცნობილი ფრაზა: "'კორინტიანსი' იქნება ხალხის კლუბი და ხალხი იქქნება 'კორინტიანსის' შემქმნელი."
ამის შემდეგ, ძალიან ცოტა დროში გუნდის წევრებმა შეაგროვეს საკმარისი თანხა, რათა შეეძინათ პირველი ბურთი. დაარსებიდან 1 კვირის გასვლის შემდეგ. მათ იქირავეს ადგილი რუა ზოსე პაულინოში, მალე ეს ადგილი მოაწყეს როგორც მოედანი და 14 სექტემბერს პირველად ივარჯიშეს სწორედ ამ ადგილას.
მოყოლებული ამ დღიდან, გუნდი რეგულარულად ატარებდა ამხანაგურ მატჩებს, ბოლოს კი 1913 წელს მათ თხოვნით მიმართეს ფედერაციას, რათა "კორინტიანსი" დაეშვათ "პაულისტას საფეხბურთო ლიგაში". თხოვნა დააკმაყოფილეს.
ადრეული წლები"კორინტიანსმა" თავის პირველი თამაში ითამაშა 1910 წლის 10 სექტემბერს. მათი მეტოქე "უნიაო და ლაპა" იყო, პირველი მატჩი სრულიად ახალმა, შეუთამაშებელმა გუნდმა 1:0 წააგო. 14 სექტემბერს გაიმართა მათი მეორე შეხვედრა. ამჯერად მათი მეტოქე "ესტრელა პოლარი" იყო. "კორინტიანსის" პირველი გოლიც სწორედ ამ დღით არის ისტორიაში შეტანილი. პირველი გოლის ავტორი ლუის ფაბი გახდა, "კორინტიანსმა" კი ეგ მატჩი 2:0 მოიგო.
"კორინტიანსი" ნელნელა სულ უფრო პოპულარული ხდებოდა. გუნდმა პროფესიონალურ ფეხბურთში მხოლოდ 1913 წელს შეაბიჯა და 1914 წელს კი უკვე პირველი ტიულიც მოიგეს. გუნდმა იმარჯვა საო პაულოს შტატის ჩემპიონატში. ეს იყო გუნდის პირველი წარმატება.
"კორინტიანსის" პირველი გუნდი, რომელმაც პირველი ტიტული მოიგო
ამავე წელს "კორინტიანსმა" პირველი საერთაშორისო თამაში ჩაატარა. გუნდი ამხანაგურ თამაშში საუპირისპირდა იტალიურ "ტორინოს"
კორინტიანსმა მორიგი ტიტული 1916 წელს მოიგო. მან მეორე მოიპოვა საო პაულოს შტატის საუკეთესოს ტიტული. ამის შემდეგ, ცოტა ხნით ბრაზილიური ფეხბურთი დავიწყებას მიეცა. თუმცა "კორინტიანსი" შიდა საქმეების მოგვარებით იყო დაკავებული. 1918 წელს ახალი მოედანი აიშენეს თავად გუნდის წვერებმა, სტადიონი პონტე გრანდეში მდებარეობდა. ამავე წელს გუნდმა რამდენიმე ამხანაგური შეხვედრა გამართა. "კორინტიანსის" პირველი ბრაზილიური კლუბი, რომელიც საო პაულოს შტატიდან არ იყო, გახდა "ფლამენგო". "ტიმაომ" ის მატჩი 2:1 მოიგო.
დიდების ერა1922 წელს იწყება "კორინტიანსის" ჰეგემონია, როგორც საო პაულოს შტატში, ისევე მთელს ბრაზილიაში. ამ დროს გუნდის რიგებში ირიცხებოდნენ: ტაფი, გრეინი, აპარისიო, ნეკო, დე მარია, დელ დებიო, გამბინია, მარიო, მუნიოზი, სოარესი და რატო. ფეხბურთი იმ დროს ბრაზილიაში დიდი პოპულარობით მხოლოდ რიო დე ჟანეიროში და საო პაულოში სარგებლობდა. სწორედ აქ მიდიოდა დაძაბული ბრძოლა ჩემპიონობისთვის. თითოეული შტატის ჩემპიონი კი შემდეგ მეორე შტატის ჩემპიონს ხვდებოდა და მათ შორის უძლირეს არკვევდა.
1940 წლამდე, "კორინტიანსმა" 9 ჯერ მოიგო საო პაულოს შტატის უძლიერესი გუნდის წოდება. ასევე უნდა ავღნიშნოთ, რომ "ტიმაო" ჩემპიონობას რამოდენიმეჯერ უცვლელი ჩემპიონი იყო 3 წლის მანძილზე. "კორინტიანსი" უძლიერესი იყო საო პაულოში: 1922, 1923, 1924, 1928, 1929, 1930, 1937, 1938, 1939 წლებში.
"კორინტიანსის" დიდების ერის შემქმნელები
არეულობა"კორინტიანსის" არსებობის ისტორიაში თითქოს და საუკეთესო მომენტი დადგა. თავიდან ყველაფერი მართლაც ასე იყო, მაგრამ 1940 წლის შემდეგ სიტუაცია აირია. "ტიმაომ" კიდევ ერთხელ, 1941 წელს მოიპოვა ჩემპიონის სტატუსი, თუმცა ამის შემდეგ 1951 წლამდე არაფერი სახეირო არ გაუკეთებია. გარდა ამისა, კლუბმა სახელი გაიტეხა. "მე ეს მაცინებს" (faz-me rir პორტუგალიურად) გახდა "ტიმაოს" მეგზური ფრაზა. თუმცა "კორინტიანსმა" 1950 წლის დასაწყისიდან ყველას დაუმტკიცა, რომ ეს პერიოდი მხოლოდ ჩავარდნა იყო და სხვა არაფერი. 1951 წელს, გარდა იმისა, რომ გუნდი კვლავ გახდა საო პაულოს შტატის ჩემპიონი, მათ 30 თამაშში 103 გოლის გატანა მოახერხეს. გუნდის საუკეთესო ბომბარდირი გახდა - კარბონი, 30 გატანილი გოლით. მის გარდა იმ დროს "კორინტიანსში" ირიცხებოდნენ კლაუდიო, ლუზინიო, ბალტაზარი და მარიო. "ტიმაომ" ეს კარგი ფორმა შეინარჩუნა და ისინი კვლავ გახდნენ შტატის ჩემპიონები 1952 და 1954 წლებში. ამავე ათწლეულში "კორინტიანსი" 3 ჯერ ზედიზედ გახდა საუკეთესო გუნდი საო პაულოსა და რიო დე ჟანეიროს შტატების გუნდებს შორის.
კარბონი
1953 წელს გუნდმა ტურნე მოაწყო და მონაწილეობა მიიღო ამხანაგურ ტურნირში, ვენესუელაში. "კორინტიანსი" იქ საკმაოდ ძლიერი გუნდის სახელით ჩავიდა და მასზე დამყარებული იმედები გაამართლა კიდეც. მათ 6 გამარჯვება ზედზიედ მოიპოვეს. ორჯერ დაამარცხეს "რომა" (1:0 და 3:1), ორჯერ "ბარსელონა" (3:2 და 1:0) და "კარაკასის საუკეთესო XI (2:1 და 2:0).
ამის შემდეგ იწყება ხანა, რომელიც დიდი შავის ლაქის სახით აქვს "ტიმაოს" ისტორიას თანდართული. "კორინტიანსმა" 1954 წლის შტატის ჩემპიონობის შემდეგ, 1977 წლამდე ვერცერთი ტიტული ვერ მოიგო. ეს იყო გუნდის არსებობის ისტორიაში ყველაზე ცუდი, ყველაზე წარუმატებელი და ყველაზე მტკივნეული ხანა. გუნდი რეგულარულად მარცხდებოდა უშუალო კონკურენტებთან, "საო პაულოსთან" და "სანტოსთან", რომლის რიგებშიც იმ დროს, არც მეტი არც ნაკლები პელე თამაშობდა. სწორედ პელე იყო მიზეზი იმისა, რომ "კორინტიანსი" აღარ იყო ისეთი პოპულარული როგორიც ადრე. ბრაზილიაში "ტიმაომ" ყველაფერი დაუთმო "სანტოსს". სწორედ პელეს "სანტოსიდან" წასვლის შემდეგ იწყებს "კორინტიანსი" კვლავ დაკარგული სახელის აღგენას. "ტიმაომ" კვლავ გაიბრწყინა და კვლავ საუკეთესო ხდებოდა შტატში 1977, 1979, 1982, 1983 და 1988 წლებში.
1977 და 1979 წლის ჩემპიონი გუნდი
ნაციონალური წარმატება და მსოფლიო ჩემპიონები1990 წელს "კორინტიანსმა" პირველად მოიგო ბრაზილიის ჩემპიონატი. ფინალურ მატჩში მათ დაამარცხეს გუნდის პრინციპული მეტოქე, "საო პაულო". შემდეგ წელს, "ტიმაომ" "ფლამენგო" დაამარცხა და ბრაზილიის სუპერ თასიც მოიგო. 1995 წელს "კორინტიანსმა" პირველად მოიგო ბრაზილიის თასი, ფინალში "გრემიო" იქნა მიწასთან გასწორებული. ამავე ათწლეულში გუნდმა კიდევ ორჯერ მოიპოვა ქვეყანაში საუკეთესოს წოდება - 1998 და 1999 წლებში და სამჯერ გახდა შტატის უძლიერესი გუნდი - 1995, 1997 და 1999 წლებში.
2000 წელს "ტიმაომ" მოიგო პირველი მსოფლიო ჩემპიონატი კლუბებს შორის. ფინალში მათ "ვასკო" დაამარცხეს. მანამ კი აჯობეს "მადრიდის რეალს", "ალ ნასრს" და "რახა კასაბლანკას". ამავე ათწლეულის დასაწყისში "კორინტიანსი" ორჯერ გახდა შტატის ჩემპიონი - 2001 და 2003 წლებში და მოიგო ბრაზილიის თასი 2002 წელს.
1990-დან 2005 წლამდე ამ დიდ ტიტულებს შორის "ტიმაო" ნაკლებად მნიშვნელოვან ტურნირებსაც იგებდა. 1996 წელს მოიგეს "რამონ დე კარანსიას თასი" 2002 წელს "რიო-საო პაულოს თასი" და 4-ჯერ მოიგეს "საო პაულოს ახალგაზრდული თასი" - 1995, 1999, 2004 და 2005 წლებში.
MSI-სთან დადებული ხელშეკრულება2005 წლის მიწურულს გუნდი საშინელ ფინანსურ კრიზისს განიცდიდა, რომ არა რამოდენიმე ახალგაზრდა ფეხბურთელი, რომლებიც უმალვე გაყიდეს გუნდი ალაბთ დაიშლებოდა. ამის გამო გუნდმა გადაწყვიტა ხელშეკრულების გაფორმება MSI (
Media Sports Investment)-სთან. კონტრაქტის პირობებით გუნდი 10 წლით იქნება დაფინანსებული და ასევე მათ მიეცემათ შანსი იყიდონ ფირმის მიერ შეთავაზებული ფეხბურთელები ნებისმიერ ფასად. სწორედ ამის წყალობით გუნდში უთამაშიათ ისეთ ფეხბურთელებს, როგორებიც არიან:
კარლოს ტევესი
ხავიერ მასკერანო
კარლოს ალბერტო
და სხვები..
2007 წელს "კორინტიანსი" მთლიანად აირ-დაირია და გუნდი "სერია ბ"-ში გავარდა. თუმცა იქ პირველივე სეზონზე საუკეთესო გახდა და პირველი ადგილით დაუბრუნდა "სერია ა"-ს.
დიდი სახელები2009 წელს, მას შემდეგ რაც გუნდი "სერია ა"-ში დაბრუნდა, საოცრად კარგ და სანახაობრივ ფეხბურთს აჩვენებდა. ამავე წელს გუნდს შეუერთდა არც მეტი, არც ნაკლები, მსოფლიოს ყველა დროის საუკეთესო ფეხბურთელი, მსოფლიო ჩემპიონატები ბომბარდირი, ოქროს ბურთის მფლობელი - რონალდო ლუის ნასარიო დე ლიმა. "კორინტიანსს" რონალდო თავისუფალი აგენტის სახით შეუერთდა. მისი გვარი ბევრს უკვე დავიწყებული ქონდა, მან კი თავი ყველას კვლავ შეახსენა. "ტიმაომ" რონალდოსთან ერთად დუბლი შეასრულა, მოიგო ბრაზილიის თასი და შტატის ჩემპიონიც გახდა. რონალდო ყველაზე მნიშვნელოვან ფეხბურთელად აღიარეს, "კორინტიანსი" კვლავ ჩემპიონია. გუნდი 2009 წლის სეზონზე მხოლოდ 10 ადგილზე გავიდა, თუმცა არაფერია გასაკვირი. "ტიმაო" მთლიანად თასზე და შტატის ჩემპიონატზე იყო გადართული.
2010 წლის დასაწყისში, რონალდოს არანაკლები სახელის მქონე, კიდევ ერთი ლეგენდარული ფეხბურთელი რობერტო კარლოსი შეუერთდა. "კორინტიანსმა" წელს სულ რომ ვერაფერი მოიგოს ისეთი გვარები ჩაიწერა გუნდის ისტორიაში, რომ უკვე მიღწევაა ეს წლევანდელი წლისთვის.
მიმაგრებული სურათი
Sport Club Corinthians Paulista, Timão
