2012 წლის კლუბთაშორისი პირველობა ფიდერით თევზჭერაში, შეჯიბრი სპორტულ ფიდერში

გამარჯობათ ძვირფასო ფორუმელებო.

მინდა გაცნობოთ რომ ამა წლის სექტემბრის შუარიცხვებში პირველად ტარდება ტურნირი თევზაობის ერთერთ სახეობაში - ფიდერში.

რაც შეეხება უშუალოდ ტურნირის სპეციფიკას, მას მიეცემა შემდეგი სახე:

1. ტურნირის სახელწოდება - "2012 წლის კლუბთაშორისი პირველობა ფიდერით თევზჭერაში".
2. ტურნირს ექნება პირადი პირველობის სახე.
3. ტურნირი ჩატარდება წელიწადში ერთხელ ყოველწლიურად.
4. ტურნირში მონაწილეობა შეუძლია მიიღოს ნებისმიერმა ფიდერით დაინტერესებულმა პირმა.

წელს ტურნირი ჩატარდება სამოყვარულო დონეზე, თუმცა დროთა განმავლობაში მას მიეცემა სპორტული შეჯიბრის სახე და შესაბამისად გამკაცრდება წესებიც.

2012 წლის ტურნირი ჩატარდება შემდეგი წესების დაცვით:

1. შეჯიბრზე თევზჭერის ზონა დაიყოფა სექტორებად მონაწილეთა რაოდენობის შესაბამისად;
2. თითო სექტორისთვის გამოყოფილი იქნება სანაპირო ზოლის 10 მეტრი.
3. შეჯიბრი წარმოადგენს პირად პირველობას და ამიტომ სექტორში დაიშვება მხოლოდ ერთი მეთევზე და ერთი დამხმარე პირი. უცხო პირების შესვლა სექტორში შეჯიბრის პერიოდში კატეგორიულად აკრძალულია (მსაჯების გარდა).
4. თევზაობა ნებადართულია მხოლოდ ერთი ანკესით. მეთევზეს აქვს უფლება ჰქონდეს ერთი სათადარიგო ანკესი აწყობილ მდგომარეობაში, რომელიც უნდა იყოს მოთავსებული სექტორის ფარგლებში.
5. დამატებითი აღჭურვილობის და საკვების შეტანა სექტორში ტურნირის მსვლელობის დროს კატეგორიულად აკრძალულია.
6. თევზჭერა ნებადართულია მხოლოდ ერთი ნემსკავით.
7. თევზჭერის დროს დასაშვებია ნებისმიერი ფიდერული ტიპის მონტაჟი, მათ შორის მეთოდ-ფიდერიც (ეს წესი დროთა განმავლობაში გამკაცრდება).
8. დასაკვებად დასაშვებია ნებისმიერი დამატებითი საკვები შეუზღუდავი რაოდენობით.
9. დასაშვებია ნებისმიერი სატყუარა, რომლის წამოცმაც შეიძლება ნემსკავზე. თმიანი მონტაჟი აკრძალულია.
10. დაჭერილი თევზის მოსათავზებლად ნებადართულია მხოლოდ რბილი ბადისგან დამზადებული შესანახი ბადეები. ლითონის ბადეები კატეგორიულად აკრძალულია.
11. აწონვის შემდეგ დაჭერილი თევზი უნდა დაუბრუნდეს მშობლიურ წყალსაცავს (ნუ მცირე გამონაკლისის გარდა )

ტურნირი ჩატარტდება სავარაუდოდ წალკის წყალსაცავზე, 12-დან 20 სექტემბრამდე რომელიმე შაბათ-კვირას.


ტურნირზე უფრო ზუსტი ინფორმაციისთვის ეწვიეთ ფორუმებს:

http://fisher.ge/index.php?showtopic=1006&st=180
http://club-monadire.ge/index.php?showtopi...t=0&#entry23484

რაც შეეხება თვითონ ფიდერით თევზაობას, ინფორმაცია შეგიძლიათ ნახოთ აქ ქართულ ენაზე:

http://fisher.ge/index.php?showforum=8
http://fisher.ge/index.php?showtopic=285&st=0&start=0

მოგესალმებით ძვირფასო მეგობრებო! საქართველოს მეთევზეთა კლუბი Fisher.ge, club-monadire.ge-ს მხარდაჭერით აწყობს საქართველოში პირველ კლუბთაშორის შეჯიბრებას ფიდერით თევზჭერაში.

ტურნირის სახელწოდება: "2012 წლის კლუბთაშორისი პირველობა ფიდერით თევზჭერაში"

ტურნირის ჩატარების თარიღი: 16 სექტემბერი.

ტურნირის ჩატარების ადგილმდებარეობა: წალკის წყალსაცავი.

ტურნირის სტატუსი: ღია სამოყვარულო შეჯიბრება თევზის სპორტული ფსკრული ანკესით (ფიდერით) ჭერაში

ტურნირის მიზანი:სპორტული თევზჭერის პოპულარიზაცია საქართველოში და მეთევზეთა შორის გამოცდილების გაზიარება


შეჯიბრება სამოყვარულო ხასიათისაა, მაგრამ ჩატარდება სპორტულთან მაქსიმალურად მიახლოვებული წესებით. მონაწილეობა შეუძლია მიიღოს ნებისმიერმა ფიდერით დაინტერესებულმა პირმა.

ტურნირი ჩატარდება შემდეგი წესების დაცვით:

1. თევზაობა დაშვებულია მხოლოდ ფიდერის ანკესით, რომელიც აღჭურვილია კენკვის სიგნალიზატორით - ქვივერტიპით.
2. შეჯიბრზე თევზჭერის ზონა დაიყოფა სექტორებად მონაწილეთა რაოდენობის შესაბამისად.
3. თითო სექტორისთვის გამოყოფილი იქნება სანაპირო ზოლის 10 მეტრი.
4. შეჯიბრი წარმოადგენს პირად პირველობას და ამიტომ სექტორში დაიშვება მხოლოდ ერთი მეთევზე და ერთი დამხმარე პირი. უცხო პირების შესვლა სექტორში შეჯიბრის პერიოდში კატეგორიულად აკრძალულია (მსაჯების გარდა).
5. თევზაობა ნებადართულია მხოლოდ ერთი ანკესით. მეთევზეს აქვს უფლება ჰქონდეს ერთი სათადარიგო ანკესი აწყობილ მდგომარეობაში, რომელიც უნდა იყოს მოთავსებული სექტორის ფარგლებში.
6. დამატებითი აღჭურვილობის და საკვების შეტანა სექტორში ტურნირის მსვლელობის დროს კატეგორიულად აკრძალულია.
7. თევზჭერა ნებადართულია მხოლოდ ერთი ნემსკავით.
8. თევზჭერის დროს დასაშვებია ნებისმიერი ტიპის საკვებურით აღჭურვილი მონტაჟი. ნებადართულია თევზაობა მეთოდ-ფიდერით, რომელიც მიმაგრებულია ინ-ლაინ წესით. მეთოდ-საკვებურას ღრუ მიმაგრება აკრძალულია.
9. დასაკვებად დასაშვებია ნებისმიერი დამატებითი საკვები შეუზღუდავი რაოდენობით. დაკვება უნდა წარმოებდეს მხოლოდ საკვებურით, ხელით და შურდულით დაკვება აკრძალულია.
10. დასაშვებია ნებისმიერი სატყუარა, რომლის წამოცმაც შეიძლება ნემსკავზე. თმიანი მონტაჟი აკრძალულია.
11. დაჭერილი თევზის მოსათავსებლად ნებადართულია მხოლოდ რბილი მასალისგან დამზადებული შესანახი ბადეები. ლითონის ბადეები კატეგორიულად აკრძალულია.
12. აწონვის შემდეგ დაჭერილი თევზი უნდა დაუბრუნდეს მშობლიურ წყალსაცავს.
13. კატეგორიულად აკრძალულია ტურნირში მონაწილეობა არაფხიზელ მდგომარეობაში ან ალკოჰოლური სასმელების მოხმარება ტურნირის მსვლელობის დროს.

ზემოაღნიშნული წესების უხეში დარღვევის შემთხვევაში მსაჯთა კოლეგიას უფლება აქვს მოახდინოს მონაწილეს დისკვალიფიკაცია ტურნირიდან და ბათილად სცნოს მისი მონაწილეობის შედეგი.

ტურნირის განრიგი:

7:00 მონაწილეთა შეკრება შეჯიბრების ადგილზე;
7:30 კენჭისყრა და მონაწილეთა განაწილება სექტორებში;
8:00 ტურნირის სტარტი
15:00 ტურნირის ფინიში (რთული მეტეოროლოგიური პირობების გამო მსაჯთა კოლეგიამ შეიძლება მიიღოს გადაწყვეტილება ტურნირის მსვლელობის ვადაზე ადრე შეწყვეტის ან გაგრძელების შესახებ);
15:30 აწონვა და შედეგების შეჯამება
16:00 დაჯილდოვება

მონაწილეთა რეგისტრაცია მოხდება საქართველოს მეთევზეთა კლუბის ფორუმზე. ამისათვის საჭიროა ამ თემაში დაპოსტოთ თქვენი სახელი, გვარი და (თუ გაქვთ) ნიკნეიმი და ტურნირის ორგანიზატორები მოგათავსებენ ქვეშმდებარე სიაში.

ტურნირის მონაწილეთა სია:

1. შოთა კვარაცხელია (SHO);
2. ლევან ნიაური (leva)
3. ნიკოლოზ მიგინეიშვილი (nikoloza_migina)
4. ზურა მოდებაძე (SALAMANDRA) (club-monadire.ge)
5. არჩილ ქევხიშვილი (qevxo)
6. ზურაბ ჩაკალოვი (zukako5 )
7. ანდრო სიარგი (Andro)
8. მალხაზ მახარაშვილი (მახო06)
9. ოთარ ჩოდრიშვილი (o.cho)
10. ავთანდილ დარახველიძე (ავთო) (club-monadire.ge)