#34512474 · 28 Dec 2012, 01:06 · · პროფილი · პირადი მიმოწერა · ჩატი
რაღა დაგიმალოთ და ამ ბოლო დროს უძილობა დამჩემდა რაც ნამდვილად არ მომწონს მაგრამ თავს ზევით ძალა არ არის. როცა ვიძინებ ჩემდაუნებურად ფიქრებში ვვარდები და ასე გრძელდება დილამდე სანამ ოჯახის წევრების, მეზობლის მანქანის მოტორის ან მაღვიძარას ხმაური არ წამომაგდებს.
დიდი თუ პატარა პრობლემა ყველას გვაქვს ასე რომ პირველ რიგში ამაზე ვიწყებ ფიქრს ხოლო შემდგომ ფილოსოფიურ თემებზე გადავდივარ და აზრებში გართული ვერც კი ვატყობ დრო ისე გადის. არც კი ვიცი ამ დროს ძილბურანში ვარ თუ სულაც მღვიძავს მაგრამ ფაქტია რომ გონება მუშაობს და სულ გამუდმებით რაღაცაზე ვფიქრობ. კარგია თუ ცუდია არ ვიცი მაგრამ ღამე ნაფიქრი დღისითაც არ მასვენებს და საქმის პარალელურად ვფიქრობ, ხელი არ მეშლება მაგრამ ვგრძნობ თუ როგორ იღლება ჩემი გონება.
იმდენ რამეზე მიფიქრია რომ ჩამოთვლაც კი გამიჭირდება. საერთოდ არ ვაპირებდი ამ თემის გახსნას რომ არა წინა ღამის თემა რომელმაც იმდენად ჩამითრია რომ ვფიქრობ ამ ღამესაც არ მომასვენებს.
ადამიანის ფანტაზია ისევე ეწინააღმდეგება და უარყოფს მეცნიერების დოგმებსა და კანონებს როგორც მეცნიერება ღმერთის არსებობას.
ვფიქრობ რომ ფანტაზია ადამიანის წარმოსახვის განსაკუთრებული და იშვიათი უნარია. განსაკუთრებული იმიტომ რომ მას არ აქვს ზღვარი, ხოლო იშვიათი კი იმიტომ რომ ყველა ადამიანს არ აქვს ფანტაზიის უნარი.
ადამიანის ფანტაზიის ნაყოფი იმდენად მრავალფეროვანია რომ იგი ცდება მეცნიერების სფეროს საზღვრებს, არღვევს ობიექტური რეალობის აღქმის შესაძლებლობას და უარყოფს თავად მეცნიერებას.
ანალოგიურად მეცნიერებაც ეწინააღმდეგება ღმერთის არსებობას რისი ნათელი დადასტურებაცაა არაერთი საბუნებისმეტყველო მეცნიერების მოძღვრება. მეცნიერება ამბობს რომ სამყაროს წარმოშობა დაკავშირებულია არა ღმერთის არსებობასთან არამედ ისტორიულ წარსულში ბუნებრივი პროცესების მიმდინარეობასთან.
თქვენ ალბათ ფიქრობთ კი მაგრამ განა შეიძლება მეცნიერს ღმერთის არ სწამდესო?! შეიძლება ნაწილობრივ ვცდები კიდეც მაგრამ უმეტეს შემთხვევაში მართალი ვარ ვინაიდან ბევრია ისეთი მეცნიერი ვისაც შემოქმედის არსებობის ინტუიციურად სწამს ხოლო საქმე საქმეზე რომ მიდგება მტკიცებას იწყებს იმის შესახებ რომ სამყარო უზენაესის შექმნილი არაა და ამაში ღვთიური ხელი ნამდვილად არ ურევია. მე ასეთ ადამიანს მეცნიერს ვერ ვუწოდებ ვინაიდან შეუძლებელია ერთდროულად გწამდეს და თან არ გწამდეს. თუ ღმერთის გწამს მაშინ გამოდის რომ მეცნიერული მოძღვრება აცილებულია ობიექტური რეალობის აღქმას რაც ავტომატურად უგულებელყოფს მეცნიერების განმარტებას.
პ.ს. იმედია პარანოიკად არ შემრაცხავთ და დისკუსიაში შემოხვალთ.
This post has been edited by millionpixel on 28 Dec 2012, 01:08
--------------------
ადამიანის ფანტაზია ისევე ეწინააღმდეგება და უარყოფს მეცნიერების დოგმებსა და კანონებს როგორც მეცნიერება ღმერთის არსებობას.
|
· 
უძილო ღამეების დღიურიდან
