საქართველოს პარლამენტი, შენობა იყიდება

საქართველოს პარლამენტის შენობას გასაყიდად ამზადებენ
16:48 14-04-2011
საქართველოს პარლამენტის შენობას, სავარაუდოდ, პრივატიზებისთვის ამზადებენ. როგორც "ინტერპრესნიუსისთვის" გახდა ცნობილი, პარლამენტის შენობა უკვე დაათვალიერებინეს არაბ და ბერძენ ინვესტორებს.
აღნიშნული ინფორმაციის გადამოწმება პარლამენტის აპარატის უფროს დავით ჯანიაშვილთან ვერ მოხერდა.
თუმცა, მოსალოდნელი პრივატიზების შესახებ ინფორმაცია არ გაჰკვირვებია მთავრობის საპარლამენტო მდივან გია ხუროშვილს.
მისივე განმარტებით, კონკრეტული ინფორმაციის შესახებ არაფერი იცის, თუმცა არ უნდა იყოს გასაკვირი, თუ თბილისში არსებული შენობის პრივატიზება მართლაც მოხდება.
ხუროშვილის თქმით, ნათელია, რომ როდესაც საქართველოს პარლამენტი ქუთაისში გადავა, პარლამენტს ორი შენობა აღარ დასჭირდება.
"ერთი რამ შემიძლია ცასლახად გითხრათ, თუ პრივატიზება განხორციელდა, ეს პროცესი იქნება მაქსიმალურად გამჭვირვალე", – განაცხადა ხუროშვილმა.
საქართველოს კონსტიტუციაში განხორციელებული ცვლილების თანახმად, ქუთაისში მომავალი მოწვევის პარლამენტი უნდა გადავიდეს.
"საქართველოს პარლამენტის ადგილსამყოფელია თბილისი და ქუთაისი. პარლამენტის პლენარული სხდომები იმართება მხოლოდ ქუთაისში", – ნათქვამია კონსტიტუციაში, თუმცა თბილისის შენობის პრივატიზების შემდეგ, სავარაუდოდ, კონსტიტუციაში კიდევ ერთი ცვლილება შევა და პარლამენტის ადგილსამყოფელად მხოლოდ ქუთაისი დარჩება.

http://www.interpressnews.ge/ge/politika/1...-amzadeben.html


----------------------------------------------------------------------------------

ალბათ ამ შენობასაც იმელივით დაანგრევენ...

წინა ფასადი დაანგრიონ და უკან ძაან ლამაზი შენობა გამოჩნდება... ანუ ადრე როგორც იყო

წინა ფასადშია მაგ შენობაში თუ რამეა ღირებული მათ შორის სხდომათა დარბაზი.
ძალიან კარგი იდეაა მაგის გაყიდვა, ორი პარლამენტი მართლაც არ გვჭირდება, მაგრამ წარმოდგენა არ მაქვს რა დანიშნულებით უნდა გამოიყენოს ვინც იყიდის.

დაანგრევენ და კიდევ ერთ სასტუმროს ააშენებენ, სხვა არაფრის ტვინი არააქვთ მაგათ

This post has been edited by --ScreAm-- on 14 Apr 2011, 23:11

თქვენი აზრით რა უნდა გაკეთდეს შიგ?

სასტუმრო გაკეთდება ალბათ... თავისი კაზინოებით და "რამე რუმეებით"..ისე კი მომიტინგეებს დაერხევათ... და თბილისიც "ამოისუნთქებს".... აი ქუთაისელებს კი დაერხათ))

მე თუ მეკითხებით - მუზეუმი, უნივერსიტეტი, თეატრი... ბევრი რამ. ოღონდ გამჩირვალე HOTEL-ი არა

This post has been edited by --ScreAm-- on 15 Apr 2011, 00:27

თანამედროვე ხელოვნების გალერეა, კაკრაზ არ გვაქვს და კაკრაზ დიდი ფართობიაა, მშვენიერი პავილიონები გამოვა

გალერეა არ გვაქვს, მაგრამ არც თანამედროვე ხელოვნება უნდა გვაქონდეს მაგ შენობის მაშსტაბების
ისე თანამედროვე ხელოვნების გალერელას ოპერის გვერდით აშენებდა მგონი ზურა წერეთელი

დაიცა
მერე მიტინგები სად გაიმართება?



ეს ისე სიმწრის სიცილია

ისიც გაითვალისწინეთ რომ პარლამენტი ეკლესიის ნანგრევებზე და იუნკერების საფლავებზეა აშენებული და მე პირადად მაგ ადგილზე სასტუმროს ან სამორინის გახსნას ვერ შევეგუები. თუ მანდ პარლამენტი არ იქნება მაშინ შენობა საპატრიარქოს უნდა გადასცენ!

ვითომ რატომაო? ვინც ფულს გადაიხდის იმას უნდა გადაეცეს!

ისე,მანდ რაღა სასტუმრო უნდა გაკეტდეს, დავიჯერო, გვჭირდება ამდენი სატუმრო?