ავარია უჯარმის ციხესთან - რამდენიმე ადამიანი, დაიღუპა, მათ შორის მცირეწლოვანი ბავშვი

ავარია უჯარმის ციხესთან - რამდენიმე ადამიანი დაიღუპა, მათ შორის მცირეწლოვანი ბავშვი
დღეს, 20:51

უჯარმის ციხესთან მომხდარი ავარიის შედეგად რამდენიმე ადამიანი გარდაიცვალა, მათ შორის მცირეწლოვანი ბავშვია.

ავარია დღეს საღამოს მოხდა. უჯარმის ციხესთან ერთმანეთს საწინააღმდეგო მიმართულებით მოძრავი ორი მიკროავტობუსი შეეჯახა, რის შედეგადაც არიან გარდაცვლილები და დაშავებულები.

როგორც კურიერის ჟურნალისტს საგარეჯოს რაიონული საავადმყოფოს მენეჯერმა, ლექსო სართანიამ, განუცხადა, ამ დროისთვის საავადმყოფოში ავარიის შედეგად დაშავებული ორი მოქალაქეა მიყვანილი.

სართანიას თქმით, მათი მდგომარეობა უკიდურესად მძიმეა. ერთ-ერთს კი ამ წუთებში გადაუდებელი ქირურგიული ოპერაცია უტარდება. დაშავებულებს კიდურებისა და შინაგანი ორგანოების დაზიანებები აღენიშნებათ.

საგარეჯოს რაიონული საავადმყოფოს მენეჯერის განცხადებით, ავარიაში მოყოლილი ბავშვი საავადმყოფოში უკვე გარდაცვლილი მიიყვანეს.

თბილისიდან და თელავიდან მომავალი სამარშუტო ტაქსების შეჯახების მიზეზი გადაჭარბებული სიჩქარე გახდა.

ადგილზე სამაშველო და სასწრაფო დახმარების ბრიგადები მუშაობენ.
http://rustavi2.com/ka/news/39734

http://www.interpressnews.ge/photo/2015_02...ka-ujarma-3.jpg




სოფელ უჯარმასთან ავარიის შედეგად 5 ადამიანი გარდაიცვალა


20:37 20-02-2016



სოფელ უჯარმასთან ავარიის შედეგად 5 ადამიანი გარდაიცვალა სოფელ უჯარმასთან ავარიის შედეგად გარდაცვლილია 5 ადამიანი, ორი კი მძიმედ დაშავდა, - ამის შესახებ "ინტერპრესნიუსს" საგარეჯოს რაიონის გამგებელმა გიორგი გზირიშვილმა განუცხადა.

მისივე თქმით, დაშავებულები მძიმე მდგომარეობაში საგარეჯოს საავადმყოფოში გადაიყვანეს.

ერთმანეთს "ფორდის" მარკის მიკროავტობუსები შეეჯახნენ.

"ინტერპრესნიუსი" დაუკავშირდა სასწრაფო-სამედიცინო დახმარების ცენტრს, სადაც განუცხადეს, რომ გარდაცვლილია 4 ადამიანი, ერთი კი კრიტიკულ მდგომარეობაში საგარეჯოს საავადმყოფოში გადაიყვანეს. მათივე ინფორმაციით, გარდაცვლილთა ასაკი 13-17-30-37 წელია.




უჯარმასთან მომხდარი ავარიის შედეგად გარდაცვლილთა შორის 7 წლის ბავშვია


21:26 20-02-2016



უჯარმასთან მომხდარი ავარიის შედეგად გარდაცვლილთა შორის 7 წლის ბავშვია უჯარმასთან მომხდარი ავარიის შედეგად გარდაცვლილთა შორის ერთი 7 წლის ბავშვია, - ამის შესახებ "ინტერპრესნიუსს" საგარეჯოს რაიონის ჯეო-ჰოსპიტალის ანესთეზიოლოგ-რეანიმატოლოგმა ალექსანდრე სართანიამ განუცხადა.

მისივე თქმით, შემთხვევის ადგილიდან საავადმყოფოში სამი დაშავებული გადაიყვანეს, მათგან ერთ-ერთი - 7 წლის ბავშვი საავადმყოფოში შეყვანამდე გარდაიცვალა.

სართანიას თქმით, ერთ-ერთ დაშავებულს ოპერაცია უტარდება. ერთი პაციენტის ოპერაცია კი უკვე დასრულდა და იგი თბილისში გადაყვანას საჭიროებს.

დაშავებულებს კიდურების მოტეხილობები და მუცლის ღრუში დაზიანებები აღენიშნებათ.
უჯარმასთან მომხდარ ავარიას 5 ადამიანი ემსხვერპლა. ერთმანეთს "ფორდის" მარკის მიკროავტობუსები შეეჯახნენ.

ეს ახლა ვნახე.რა უბედურებაა ეს?!
როდემდე უნდა გაგრძელდეს სამარშრუტო ტაქსების მძღოლების უპასუხისმგებლობა?

ტაქსისტები და მარშუტკის მძღოლები არ გავანაწყენოთ, არჩევენბი მოდის

საშინელი ადგილია...ხშირად ხდება მანდ ავარიები...პატარა ეკლესიაა აჩერებენ გადადიან სასმელს სვავენ გზა და ასახვევი კი ვიწროა ....