#50613775 · 22 May 2017, 14:41 · · პროფილი · პირადი მიმოწერა · ჩატი
THH 1.მეორე მსოფლიო ომი იყო სამხედრო კონფლიქტი რომელშიც ყველაზე მეტმა ქართველმა მიიღო მონაწილეობა, ყველაზე მეტიც დაიღუპა. ამაზე მეტ ქართველს არცერთ ომში არ უომია, ამაზე მეტი არცერთ ომში არ დაღუპულა.
ამის მიუხედავად....
2.ეს ომი ქართველი ხალხის მახსოვრობაში არ დარჩება, მხოლოდ წიგნებში წაიკითხავენ მის შესახებ, ისე რომ არავითარ ემოციას არ გმაოიწვევს, ასე 40-50 წლის შემდეგ, როცა უკანასკნელი ვეტერანები და ადამიანები რომლებიც მაშინც ცხოვრობდნენ ცოცხლები აღარ იქნებიან, ისე როგორც მათი შვილები.
3.ვინმეს ახსოვს ისტორიკოსების გარდა პირველი მსოფლიო ომი? მასში 150 000-მდე ქართველი მონაწილეობდა. ვინმეს ახსოვს რუსეთ-ოსმალეთის და რუსეთ-ირანის ომები XIX საუკუნეში? ყოველ მათგანში ათასობით, ზოგიერთ შემთხვევაში კი ათობით ათასი ქართველი მონაწილეობდა, 99%-ს ამაზე წარმოდგენაც არ აქვს...... დარჩა ხალხის მეხსიერებაში ილხანების არმიაში ათასობით ქართველის ომი?
სამაგიეროდ დარჩა ფეოდალური საქართველოს ომები, დარჩა 1918-1921,დარჩება მუდმივად 1991-1993 აფხაზეთი და ცხინვალი, 2008 წელი, იმის მიუხედავად რომ მაგ ომებში შეუდარებლად ცოტა ხალხი მონაწილეობდა და დაიღუპა ვიდრე II მსოფიო ომში.
იმიტომ რომ ეგ სხვისი ომი იყო, მაშინ თავისად აღიქვამდნენ, ისე როგორც 1853-1856 წლებში ყირიმის ომს, მაგრამ დრო ყველაფერს თავისებურად ალაგებს. ამასაც იგივე ბედი მოელის. ეს არც კარგია, არც ცუდი, ეს ისაა რაც ბუნებრივია.
წარსულის გახსნებისას საშუალო სტატისტიკური ქართველი არ გეტყვის რომ XIII საუკუნის მსოფლიოს უდიდესი ქალაქის, ბაღდადის აღებაში ქართველებს დიდი წვლილი აქვთ შეტანილი, სამაგიეროდ მსოფლიო ისტორიისთვის ნაკლებად საინტერესო შამქორისა და ბასიანის ბრძოლებზე კი მოგახსენებს. ბერლინის და ბუდაპეშტის აღებაზე, მოსკოვისა და სტალინგრადის დაცვაზე არ მოყვება რიგითი ქართველი ასე 1-2 საუკუნის მერე, არადა მანდ ათასობით ქართველი იბრძოდა, მაგრამ 2008 წელს და სოხუმს კი გაიხსენებს.
ეს არ ნიშნავს რომ უნდა დავივიწყოთ, პირიქით უფრო მეტად უნდა შევისწავლოთ, მაგრამ 99,9% დარწმუნებული ვარ რომ ამ ომის ისტორია გრძელვადიან პერსპექტივაში მხოლოდ ისოტრიკოსებისთვისაა საინტერესო და არა ხალხის მასებისთვის. იმ თაობის ტრაგედიაა, რას იზამ, ჩემებიც მონაწილეობდნენ ამაში.
|