ანტენატალური მეთვალყურეობის ვაუჩერი

სალამი, ახალი ვარ ამ განყოფილებაში.

თუ შეგიძლიათ დამაკვალიანოთ:
სად და როგორ ავიღო ანტენატალური მეთვალყურეობის ვაუჩერი
და რაში შემიძლია გამოვიყენო.
დიდი მადლობა წინასწარ

dzirkoka
ანტენატალური მეთვალყურეობის ვაუჩერის მისაღებად ორსულმა მე-13 კვირამდე განცხადებით უნდა მიმართოს სოციალური მომსახურების სააგენტოს და განცხადებას  დაურთოს შემდეგი დოკუმენტები:

პირადობის (ბინადრობის) დამადასტურებელი მოწმობის ან საქართველოს მოქალაქის პასპორტის ასლი;
ფორმა NIV-100/ა (პაციენტის დიაგნოზი, ჩარევები და გამოკვლევები მითითებული უნდა იყოს ქვეყანაში დადგენილი კლასიფიკატორების შესაბამისად);
დადგენილი ფორმის განცხადება.

ანტენატალური მეთვალყურეობის ვაუჩერით გათვალისწინებული სამედიცინო მომსახურების მოცულობა განისაზღვრება 4 ვიზიტით:

პირველი ვიზიტი-13 კვირის ორსულობის ვადამდე, რაც მოიცავს: მეან-გინეკოლოგის კონსულტაციას, თერაპევტის კონსულტაციას, სისხლის საერთო ანალიზს,შარდის საერთო ანალიზს, სიფილისის დიაგნოსტიკას სწრაფი/მარტივიმეთოდით,B ჰეპატიტის დიაგნოსტიკას (სისხლის შრატ./პლაზმ.) სწრაფი/მარტივი მეთოდით, აივ ანტისხეულების განსაზღვრას (სისხლის შრატ./პლაზმ.) სწრაფი/მარტივი მეთოდით,სისხლის ჯგუფისა და რეზუსის განსაზღვრას საშოს ნაცხის ბაქტერიოსკოპული გამოკვლევას.
მეორე ვიზიტი-ორსულობის 18-20 კვირაზე, რაც მოიცავს: მეან-გინეკოლოგის კონსულტაციას, მცირე მენჯის ღრუს ორგანოების ექოსკოპიას (ნაყოფის სტრუქტურული ანომალიების გამოსავლენად).
 მესამე ვიზიტი-ორსულობის 30-32 კვირაზე, რაც მოიცავს: მეან-გინეკოლოგის კონსულტაციას, ცილის რაოდენობის განსაზღვრას შარდში, ჰემოგლობინის განსაზღვრას სისხლში.
მეოთხე ვიზიტი - ორსულობის 34–36-38 კვირაზე, რაც მოიცავს: მეან-გინეკოლოგის კონსულტაციას, კონსულტაციას, ცილის რაოდენობის განსაზღვრას შარდში, ჰემოგლობინის განსაზღვრას სისხლში.
მომწოდებელი სამედიცინო დაწესებულებათა ჩამონათვალი იხილეთ: ehealth.moh.gov.ge