"ჩემი რჩეული მსოფლიოს" პროექტის ფარგლებში მკითხველი საუკეთესო ნიმუშების შეძენას შეძლებს
მკითხველი ჟურნალ "გზასთან" ერთად "ჩემი რჩეული მსოფლიოს" პროექტის ფარგლებში მსოფლიო პროზის საუკეთესო ნიმუშების შეძენას შეძლებს.
როგორც "ინტერპრესნიუსს" "პალიტრა მედიის" კრეატიულმა დირექტორმა მარიკა დარჩიამ განუცხადა, უკვე არსებობს დიდი გამოცდილება, როდესაც ქართული გამოცემების ისტორიაში პირველად ჟურნალთან ერთად წიგნების შეძენაც მოსახერხებელია.
პირველად სწორედ ჟურნალ "გზასთან" ერთად განხორციელდა პროექტი "ქართული პროზის საგანძური", რომლის ფარგლებში სხვადასხვა ქართველი მწერლის 67 ტომად გამოცემული წიგნების შეძენა იყო შესაძლებელი.
"ჟურნალი "გზა" პირველი იყო, რომელთან ერთად ქართული პროზის საგანძურის შეძენა მოახერხა მკითხველმა. ამან გაამართლა და მას შემდეგ არაერთი მსგავსი პროექტი განხორციელდა. ახლა ისევ "გზასთან" ერთად მსოფლიო პროზის საუკეთესო ნიმუშების ტომეულების შეძენას მოახერხებს მკითხველი. ეს გამოცემები იქნება ძალიან კრეატიული, ლამაზი და შინაარსიანი. პირველად ჰიუგოს შვიდტომეული გამოვა" , - განაცხადა მარიკა დარჩიამ.
პროექტ "ჩემი რჩეული მსოფლიოს" პრეზენტაცია თბილისის რკინიგზის პირველ ბაქანზე გაიმართება.
"ვინაიდან ჟურნალს "გზა" ეწოდება, რომელთან ერთადაც შეძლებს მსოფლიო პროზის შეძენას მკითხველი, გადავწყვიტეთ სიმბოლურად "თბილისი ცენტრალიდან" დავულოცოთ ამ პროექტს გზა. დარწმუნებული ვარ, მსოფლიო მწერლობის ეს თარგმანები ისეთივე პოპულარული და მოთხოვნადი იქნება, როგორც "მედია პალიტრის" სხვა გამოცემებია", - განაცხადა მარიკა დარჩიამ.
პროექტ "ჩემი რჩეული მსოფლიოს" პრეზენტაცია 1 აგვისტოს, 17.30 საათზე "თბილისი ცენტრალის" პირველ ბაქანზე გაიმართება, სადაც მისულ სტუმრებს სხვადასხვა სურპრიზებიც ელის.
http://www.interpressnews.ge/ge/sazogadoeb...-shedzlebs.html Knowledge Is Power...
You Must Be The Change,You Want To See In The World
"ჩემი რჩეული მსოფლიო", ახალი პროექტი,ჟურნალ "გზასთან" ერთად
