პატანჯალის სწავლების მიხედვით იოგას „უმაღლესი მიზნის“ მიღწევა, ხდება 8 საფეხურიანი სისტემის დაძლევით, ეს საფეხურებია:
1)თავის შეკავება (იამა).
2)კულტურა (ნიამა).
3)სხეულის მდგომარეობა (ასანა).
4)სუნთქვითი ვარჯიშის გაკონტროლება (პრანაიამა).
5)გრძნობებისაგან განთავისუფლება (პრატიაჰარა).
6)ყურადღება (დჰარანა).
7) ჭვრეტა (დჰიანა).
8)გონების კონცენტრაცია „რაიმეზე“- ზეცნობიერება (სამადჰი).
ჰათჰა - იოგაში რვავე საფეხურის ელემენტებს ვხვდებით, მაგრამ სრულად მხოლოდ პირველ ოთხს.


-ადამიანის სხეული დამუხტულია დადებითი და უარყოფითი დენებით (ველებით), რომელთა წონასწორობა ადამიანში ფიზიკურ და სულიერ ჰარმონიას ქმნის. ძველ აღმოსავლეთში დადებით დენს (ველს) „ჰა“-თი აღნიშნავდნენ, რაც მზეს ნიშნავს, ხოლო უარყოფითს „თჰა“-თი, რაც მთვარეს ნიშნავს.

პრანაიამა

სუნთქვითი ვარჯიშების ტექნიკას შემოგთავაზებთ, იოგის ოსტატის ალექსი იაკობაშვილის წიგნიდან „ჰათჰა-იოგა“.

ნორმალურად მოდუნებულ მდგომარეობაში პირდაპირ დგომის დროს ვასრულებთ ერთმანეთთან დაკავშირებულ სამი ფაზისაგან შედგენილ ჩასუნთქვას:
1) დაბლა დავუშვებთ დიაფრაგმას, ნელა გამოვბერავთ მუცელს ისე, რომ კი არ ჩავისუნთქავთ, არამედ ჰაერს მივცეთ საშუალება თავისუფლად შევიდეს ფილტვებში.
2) ვაფართოებთ ქვედა ნეკნებსა და გულმკერდის შუა ნაწილს ისე, რომ ჰაერი ნელა მიემართება ფილტვების შუა ნაწილში. ეს ფაზა შეესაბამება საშუალო სუნთქვას. ძალიან კარგია ხელების დადება მუცელსა და მკერდზე, რათა მათი მოძრაობა ვიგრძნოთ.
3) გულმკერდს მთლიანად ვაფართოებთ და გამოვბერავთ. ამ მოძრაობით ჩავისუნთქავთ იმდენ ჰაერს, რამდენიც ჩაეტევა ჩვენს გაბერილ, გაფართოებულ ფილტვებში. ამ ბოლო ფაზაში ცოტათი მოვჭიმავთ მუცელს და იგი საყრდენი გახდება გულმკერდისა და ფილტვებისათვის, რომლებიც ასეთნაირად მთლიანად ივსებიან ჰაერით ზედა ნაწილში. ამგვარად, ბოლო ფაზა ზედა სუნთქვაა.
-ცხვირიდან ჰაერს ნელა ამოვისუნთქავთ იმავე თანმიმდევრობით როგორც ჩავისუნთქვისას. ჯერ ამოვისუნთქავთ მუცლის მოჭერისა დაქვედა ნეკნების დაწევის ხარჯზე, შემდეგ დავუშვებთ მხრებსა და ლავიწის ძვალს. ამოსუნთქვისას მოვადუნებთ მუცელსა და ნეკნების კუნთებს ისე, რომ ფილტვებში რაც შეიძლება ნაკლები ჰაერი დარჩეს.
ეს ვარჯიში კეთდება ყოველი ჭამის წინ 30 წუთით ადრე, ხანგრძლივობა 1 წუთი, ყოველ 5 დღეში თითო წუთი ემატება, სანამ ახალ სუნთქვით ვარჯიშს დავუმატებთ.

1) პირველი მოსამზადებელი ვარჯიში
დაიკავეთ ჯდომითი პოზა. (ან ალმასის პოზა). დახუჭეთ თვალები, მთელი ყურადღება წარბებს შორის წერტილს მიაპყარით. მარჯვენა ნესტოს მარჯვენა ცერი მიაფარეთ, ჩაისუნთქეთ მარცხენა ნესტოთი მანამ, სანამ გაგიჭირდებათ სუნთქვა. სუნთქვა აბსოლუტურად უხმო უნდა იყოს. ნელა ამოისუნთქეთ. იგივე გაიმეორეთ 12-ჯერ. შემდეგ მარცხენა ნესტოს მარჯვენა საჩვენებელი თითი მიაფარეთ და მარჯვენა ნესტოთი ჩაისუნთქეთ. მერე მარჯვენა ნესტოს ცერი მიაფარეთ და მარცხენა ნესტოთი ამოისუნთქეთ. ესეც 12-ჯერ გაიმეორეთ. (ვარჯიში სუნთქვის შეუჩერებლად სრულდება).

2) მეორე მოსამზადებელი ვარჯიში
დაიკავეთ პოზა. მარჯვენა ცერი მარჯვენა ნესტოს მიაფარეთ და ნელა შეისუნთქეთ მარცხენა ნესტოთი. შემდეგ მარცხენა ნესტოს მარჯვენა საჩვენებელი თითი მიაფარეთ, გახსენით მარჯვენა ნესტო და ნელა ამოისუნთქეთ. ამის შემდეგ ჩაისუნთქეთ მარჯვენა ნესტოთი რაც შეიძლება ნელა და ხანგრძლივად. მიიფარეთ ცერი მარჯვენა ნესტოზე და ამოისუნთქეთ მარცხენა ნესტოდან.

მე-3 სავარჯიშო: სუნთქვის თავისუფალი შეკავება
დაიკავეთ პოზა და ჩაისუნთქეთ. რაც შეიძლება დიდხანს შეიკავეთ სუნთქვა. შემდეგ თავისუფლად ამოისუნთქეთ.

მე-4 სავარჯიშო: ცალმხრივი სუნთქვა (სურიაბედხა)
დაიკავეთ პოზა და დახუჭეთ თვალები. მარჯვენა ხელის საჩვენებელი თითი მარცხენა ნესტოს მიაფარეთ. მარჯვენა ნესტოდან უხმაუროდ ამოისუნთქეთ რაც შეიძლება ღრმად. სანამ შეძლებთ შეაკავეთ სუნთქვა ძალდაუტანებლად,. სუნთქვის შეჩერების ხანგრძლივობა თანდათან უნდა გაადიდოთ (ისევ ჩასუნთქვა). შემდეგ მარჯვენა ნესტოს თითი მიაფარეთ და მარცხენა ნესტოთი ამოისუნთქეთ ნელა და უხმაუროდ.

მე-5 სავარჯიშო: ორმხრივი სუნთქვა (უჯაი)
დაიკავეთ პოზა, პირი მოკუმეთ, შეისუნთქეთ მსუბუქად და ერთნაირდ ორივე ნესტოთი. რაც შეიძლება დიდხანს შეაჩერეთ სუნთქვა ძალდაუტანებლად, შემდეგ მარჯვენა ნესტოს თითი მიაფარეთ და მარცხენა ნესტოთი ამოისუნთქეთ. ჩასუნთქვის დროს გულმკერდი გაშალეთ. ამ ვარჯიშის შესრულება ფეხზე დგომის ან სიარულის დროსაც შეიძლება. მარცხენა ნესტოდან ამოსუნთქვის ნაცვლად შეგიძლიათ ორივე ნესტოთი ამოისუნთქოთ.

მე-6 სავარჯიშო: კბილებით სუნთქვა (სიტკარი)
გადახარეთ ენა უკან, ენის წვერი სასის ზემოთა ნაწილს შეახეთ, სტვენით შეისუნთქეთ ჰაერი. შეიკავეთ სუნთქვა და ამოისუნთქეთ ორივე ნესტოდან. ჰაერი შეიძლება მოკუმული პირიდან ჩაისუნთქოთ. ეს მეორეხარისხოვანი ვარიანტია. ვარჯიში რამდენჯერმე გაიმეორეთ. ეს ვარჯიში წამსვე აფხიზლებს ადამიანს, სპობს ძილისადმი მიდრეკილებას.

მე-6 სავარჯიშო: კბილებით სუნთქვა (სიტკარი)
გადახარეთ ენა უკან, ენის წვერი სასის ზემოთა ნაწილს შეახეთ, სტვენით შეისუნთქეთ ჰაერი. შეიკავეთ სუნთქვა და ამოისუნთქეთ ორივე ნესტოდან. ჰაერი შეიძლება მოკუმული პირიდან ჩაისუნთქოთ. ეს მეორეხარისხოვანი ვარიანტია. ვარჯიში რამდენჯერმე გაიმეორეთ. ეს ვარჯიში წამსვე აფხიზლებს ადამიანს, სპობს ძილისადმი მიდრეკილებას.

მადლობას ვუხდი Rafael ს !
წარმატებები...