გუშინ, ტელევიზია მე-9 არხზე, ეკა ბერიძის გადაცემაში "მთავარი კითხვა," (მე-2 ნაწილი) სტუმრები; ი.წერეთელი, ვ.ხაბურძანია და დავით ზურაბიშვილი, პოლემიკა გაიმართა 2014 წლის სოჭის ზამთრის ოლიმპიადაში საქართველოს მონაწილეობის მიზანშეწონილობის თაობაზე. ოლიმპიადაში მონაწილეობის მომხრეებმა; ზურაბიშვილი და ხაბურძანია, თავისი მოსაზრება "დაასაბუთეს" უკვე გაცვეთილი და უსუსური არგუმენტებით.
1. მათი არგუმენტი, რომ სოჭის ზამთრის ოლიმპიადისადმი საქართველოს ბოიკოტს მხარს არ დაუჭერენ მსოფლიოს სხვა, განსაკუთრებით წამყვანი ოლიმპიური სახელმწიფოები და ამდენად საქართველო აღმოჩნდება უმცირესობაში და იზოლიაციაში არის უსაფუძვლო, ვინაიდან; საქართველოს მიმართ აგრესიის გამო, საქართველოს მხრიდან რუსეთთან დიპლომატიური ურთიერთობის გაწყვეტით, (მაშინ როცა მსოფლიოს თითქმის ყველა სახელმწიფო ინარჩუნებს რუსეთთან დიპლომატიურ ურთიერთობას) ჩვენი ქვეყანა, საქართველო, უმცირესობაში არ აღმოჩენილა და არ მომხდარა მისი საერთაშორისო იზოლაცია!...
2.ისინი გვისაბუთებენ, რომ სპორტი და პოლიტიკა სხვა და სხვა რამეაო, მაშინ როცა 1980 წელს, მოსკოვის ოლიმპიადას, მთელმა ცივილიზებულმა მსოფლიომ გამოუცხადა ბოიკოტი სწორედ რომ პოლიტიკური მოსაზრებებით.
3.მაგალითად მოჰყავთ ქართველი რეგბისტების თამაშები რუსეთში და ავიწყდებათ, რომ სააკაშვილის ხელისუფლების მიერ ჩადენილი ეს ღალატი უნდა დაიგმოს-აღიკვეთოსა და აღარ უნდა განმეორდეს.
4.მოჰყავთ იაპონიის მაგალითი რომლის ტერიტორიის ნაწილი, კერძოდ კურილიის კუნძულები, ოკუპირებულია რუსეთის მიერ და რომ, მიუხედავად ამისა, იაპონია მანც ღებულობს მონაწილეობას ოლიმპიადაში და იმავდროულად ავიწყდებათ, რომ განსხვავებით იაპონიისაგან, საქართველო არის რუსეთის აგრესიის მსხვერპლი, იაპონია ომში იყო ჩართული ანტიჰიტლერული კოალიციის წინააღმდეგ და იაპონიის ტერიტორიის ოკუპაციაც ამ ომის შედეგია...
5.თავიდან ბოლომდე უადგილოა ხაბურძანიას ირონია და მის მიერ მახათმა განდის ბრძოლის მეთოდების მაგალითად მოყვანა, ვინაიდან ყოვლად დაუშვებელია საქართველოს ეკონომიკის ჭიპით მიბმა რუსეთის ეკონომიკაზე და ამით საქართველოში მრეწველობის არგანვითარება, რომელიც არის გზა მონობისაკენ!!!
6.ხაბურძანია-ზურაბიშვილი გვიმტიკცებენ, გვიკიჟინებენ და მოგვიწოდებენ, რომ; "ვინაიდან ოლიმპიადა ორგანიზებულია საერთაშორისო ოლიმპიური კომიტიტეს მიერ, საქართველო ვალდებულია მონაწილეობა მიიღოს მასში თუნდაც იგი გაიმართოს საქართველოს მტერი სახელმწიფოს ტერიტორიაზეო!..." (ამ ბატონებს სულაც არ აინტერესებთ ის, რომ, სასწაულიც რომ მოხდეს და ქართველმა სპორცმენებმა მოიპოვონ ოლიმპიადაზე გათამაშებული ყველა მედალი, ასეთი გამარჯვებით მონიჭებული სიხარულიც კი ვერასოდეს ვერ გადაწონის იმ დიდ ტკივილს, რასაც აფხაზეთი და ცხინვალის რეგიონი ჰქვია) და ეს მაშინ, როცა ხაბურძანია-ზურაბიშვილი წინასწარ არიან დარწმუნებულები, მათივე განცხადებიდან გამომდინარე, რომ ქართველ სპორტსმენებს სოჭის ოლიმპიადაზე გამარჯვების არავითარი შანსი არ აქვთ. "მთავარია მონაწილეობა თორემ გამარჯვება-დამარცხებას ნაკლები მნიშვნელობა აქვსო!..."
აუცილებლად მინდა აღვნიშნო აგრეთვე გადაცემა "მთავარი კითხვის"
რეჟისურა, რომელშიდაც მონაწილეობდნენ სოჭის ზამთრის ოლიმპიადაშო საქართველოს მონაწილეობის ორი მომხრე და ერთი მოწინააღმდეგე, ზურაბიშვილი პირდაპირ სტუდიაში იჯდა ხოლო ხაბურძანია და წერეთელი ქმნიდნენ ფონს მონიტორებიდან და რაც მთავარია, ორი მომხრითა და ერთი მოწინააღმდეგის ჩვენებით, ქალბატონი ეკა ბერიძე გვიხატავს სურათს თითქოს, ოლიმპიადაში საქართველოს მონაწილეობის მომხრე უფრო მეტია ქვეყანაში ვიდრე მოწინააღმდეგე და ეს მაშინ როცა,
თანამედროვე პოლიტიკაში გათვითცნობიერებული საქართველოს პატრიოტი შეგნებული მოქალაქეების უმრავლესობა ბოიკოტს უჭერს მხარს!!!
http://www.youtube.com/watch?v=2jVsCM_8gZ0
უსუსური არგუმენტები!.., გუშინ, ტელევიზია მე-9 არხზე,
