სანოტარო სამართალი, სტაჟირება/ტრენინგები

გამარჯობა იურისტებს
ხომ ვერ მეტყვით, სად შეიძლება გავიარო სტაჟირება ან ტრენინგები სანოტარო საქმიანობისთვის? საერთოდ, რა საფეხურების გავლა დამჭირდება ნოტარიუსის საქმიანობის დასაწყებად?








ადმინ, თუ არასწორ ადგილას გავხსენი თემა, ჯერ დამილინკე შესაბამისი თემა და მერე დახურე.

ნოტარიუსის თანამდებობა შეიძლება დაიკავოს საქართველოს ქმედუნარიანმა მოქალაქემ, რომელსაც აქვს უმაღლესი იურიდიული განათლება, გავლილი აქვს სტაჟირება ან აქვს ნოტარიუსად მუშაობის არანაკლებ 1 წლის სტაჟი ან საჯარო სამსახურში სპეციალობით მუშაობის არანაკლებ 5 წლის სტაჟი და ჩაბარებული აქვს ნოტარიუსთა საკვალიფიკაციო გამოცდა და გაივლის კონკურსს საქართველოს იუსტიციის მინისტრის 2012 წლის 10 იანვრის №3 ბრძანებით დამტკიცებული „ნოტარიუსობის კანდიდატის შესარჩევად კონკურსის ჩატარების წესის“ შესაბამისად.

სტაჟირება უნდა გაიაროთ საქართველოს ნოტარიუსთა პალატასთან არსებულ სასწავლო ცენტრში. სტაჟიორთა შერჩევა და მიღება სასწავლო ცენტრში ხდება კონკურსის წესით.

ნოტარიუსის საკვალიფიკაციო გამოცდის ჩაბარების უფლებამოსილება აქვს ნებისმიერ მოქალაქეს, რომელსაც აქვს უმაღლესი იურიდიული განათლება. ასე რომ, შეგიძლიათ სტაჟირების პარალელურად ჩააბაროთ ნოტარიუსის საკვალფიკაციო გამოცდა.

butia
დიდი მადლობა ინფოსთვის

სამოქალაქო კოდექსი საუკუნეა რაც ხელში არ მჭერია. ასე რომ, მომიწევს ავიღო და გავიხსენო რაც ვიცოდი და რაც არა - ის ვისწავლო.