ხშირად მისი ნალაპარაკები საზოგადოებას არასერიოზულად მიუღია, მუცლით მეზღაპრეობაც დაუბრალებიათ, მის ინფორმირებულობას კი დაცინვით და ქედმაღლურად აფასებენ, მაგრამ...
მამუკა არეშიძეს ვიცნობ დიდი ხანია. თუ რამე ინფორმაციის გადამოწმება მაინტერესებდა, ყოველთვის მას ვეკითხებოდი...
არ ვიცი, მე რაც წამოვედი მას მერე თუ რამე შეიცვალა, თუმცა არ მგონია, ხოდა მანამდე მამუკას პირადად მე არც თუ იშვიათად გავუოცებივარ ამა თუ იმ, ჩემთვის ასიანი ინფორმაციის ფლობით, უფრო ოსურ თემატიკასთან კავშირში, აქა-იქ რამოდენიმეჯერ ქისტურ-ჩეჩნურ საკითხებშიც ერთგვარი "გამოცდა" მოვუწყვე და მისგან ნათქვამი მაქსიმალურად დაემთხვა სხვა წყაროებით მიღებულ ინფორმაციებს.
აქვე დავამატებ, რომ საერთოდ არ ჰქონდა იმ დროს შეხება კომპიუტერთან, ანუ მისი ინფორმაცია გუგლი არაა, ყოველ შმეთხვევასი 3 წლის წინ ასე იყო.
ფლობს უამრავ ინფორმაციას და ჰყავს უამრავი წყარო ამ ინფორმაციების, ჩემს კითხვაზე კი, ამდენი საიდან ან როგორ იმახსოვრებ, არადა მაგიდაზე კომპიც კი არ გიდევს-თქო, თავზე მიირტყავდა ხელს: ესაა ჩემი კომპიო, ხოდა მართალია
ნუ, ტუ აქა იქ ინფორმაიცებს ოდნავ შეალამაზებს და მეტი ეფექტისთვის ერთგვარ იდუმალების ელფერით შებურავს შარმიანი და ცბიერი რიმილით, ეს მივუტევოთ
FBI-ს აგენტი ზურაბ ჟვანიას მკვლელობაზე ალაპარაკდა
ავტორი ADMINთარიღი AUG - 16 - 20131 კომენტარიგაზიარება
jvania
პოლიტიკურ კულუარებში მიხეილ სააკაშვილის დაკავების ვერსიაზე ალაპარაკდნენ. როგორც ამბობენ, საპრეზიდენტო არჩევნების შემდეგ ყოფილ პრეზიდენტს ხელბორკილებს დაადებენ და მოგვიანებით გირაოს შეფარდებით გამოუშვებენ. მთავარი ბრალდება ჟვანიას გარდაცვალების საკითხი იქნება.
პოლიტიკურ ჭორს კიდევ უფრო ამყარებენ მთავარი პროკურორის განცხადებით, რომ ყოფილი პრემიერის გარდაცვალების გამოძიება დასასრულს უახლოვდება და სულ მალე გაიხსნება. რამდენად დაუშვებს მოქმედი პრემიერი ყოფილი პრეზიდენტის დაკავებას? ამაზე ზოგიერთი ექსპერტი უკვე ხმამაღლა მსჯელობს. მამუკა არეშიძის განცხადებით, ივანიშვილის ერთ-ერთი მთავარი ამოცანა სწორედ სააკაშვილის დასჯაა. თუმცა იგივე ექსპერტის განცხადებით, ივანიშვილს მოუწევს დასავლეთისთვის ანგარიშის გაწევა.
რაც შეეხება თავად ჟვანიას გარდაცვალების საქმეში სააკაშვილის წვლილს, ერთ-ერთი ვერსიით, ის სწორედ სააკაშვილმა მოკლა. ამაზე დიდი ხანია ჩუმად საუბრობენ, თუმცა ხმამაღლა არასოდეს გაჟღერებულა. არეშიძე კი ირწმუნება, რომ FBI-ს ყოფილმა თანამშრომელმა მას ჟვანიას გარდაცვალების დეტალები მოუყვა, რომელიც, თავის მხრივ, FBI-ს მოქმედი თანამშრომლებისგან გაიგო. კანონით FBI-ს მოქმედ თანამშრომლებსა და სხვათა შორის, ყოფილ თანამშრომლებსაც ეკრძალებათ ნებისმიერი ინფორმაციის გაცემა, მით უფრო ისეთის, რაც კონკრეტული ქვეყნის პრემიერის გარდაცვალებას ეხება. თუმცა ექსპერტი ამ ფაქტსაც მარტივად ხსნის. ამბობს, რომ ინტერესი დიდი იყო და შესაბამისად, დაინტერესებული ადამიანების წრეც ლოგიკურად გაიზარდა…
მამუკა არეშიძე, ექსპერტი:
- ჩემი საქმიანობიდან გამომდინარე, უამრავ ადამიანთან მაქვს კონტაქტი სხვადასხვა ქვეყნებში. მათ შორის, ისეთებთან, რომლებიც არიან პოლიტოლოგები და წარმოადგენენ საერთაშორისო საექსპერტო თანამეგობრობას. გარდა ამისა, არიან სხვადასხვა ქვეყნის ადმინისტრაციის ყოფილი თუ ახლანდელი თანამშრომლები. აქედან გამომდინარე, გარკვეულ ინფორმაციას ვფლობ. ინფორმაცია მაქვს ამერიკული წყაროებიდან. ჩემთვის თავიდანვე ნათელი იყო რომ FBI-ს თანამშრომელმა მაინცდამაინც კეთილსინდისიერად არ შექმნა ის დოკუმენტი. არ არის გამორიცხული, ეს მისი ხელმძღვანელობის გადაწყვეტილებაც კი იყო, რომ დოკუმენტი ყოფილიყო ისეთი, როგორიც არის. ამის შესახებ თბილისში მომუშავე ჯეფრი სირველმანმა სრული ინფორმაცია მიაწოდა ქართულ საზოგადოებას, თუ ვინ გააყალბა. საბოლოო ჯამში, მოხდა ისე, რომ დოკუმენტის ნაწილი FBI-ს მიერ გაყალბდა, ნაწილი კი უკვე აქ ითარგმნა არასწორად. ორიგინალში ეწერა სულ სხვა რამ, ვიდრე რეალობაში იყო. მე მქონდა კონტაქტი ამერიკული ადმინისტრაციის წარმომადგენლობასთან, მათ შორის FBI-ს ყოფილ თანამშრომელთან. სწორედ ამ თანამშრომელმა მითხრა, რომ, მათი ინფორმაციით, მიხეილ სააკაშვილი ჟვანიას სიკვდილის მომენტში, სულ მცირე, იქ იმყოფებოდა. შეიძლება არ ესწრებოდა, მაგრამ იქ იმყოფებოდა.
- იქ, სად?
- შენობაში, სადაც ჟვანია დაიღუპა. ეს ადგილი არ დაუკონკრეტებიათ, მაგრამ, ჩვენი ვერსიით, ეს არის შავნაბადა. ქართულ საზოგადოებაში გავრცელებული ვერსიით, სწორედ იქ მოხდა ჟვანიას მკვლელობა და არის ვერსიაც, რომ სააკაშვილმა საფერფლე ჩაარტყა თავში ჟვანიას. მე არ მაქვს უფლება, ეჭვი შევიტანო ამ ადამიანის სიტყვებში, ის არის FBI-ს ყოფილი თანამშრომელი, ასაკოვანი კაცია და არის ადამიანი, რომელსაც ძალიან ბევრ სიტუაციურ ანალიზში აქვს მონაწილეობა მიღებული. ის არ არის ოპერატიული მუშაკი, ის არის ანალიტიკური სამსახურის თანამშრომელი. აქედან გამომდინარე, საკმაოდ დიდ ინფორმაციას ფლობს. ის უფრთხილდება თავისი სამსახურის მუნდირის ღირსებას და აქედან გამომდინარე, მისთვის მიუღებელი იყო, ის გაყალბება, რაც მაშინ მოხდა. რომ არ ეთანხმებოდე ადამიანი ჟვანიას გარდაცვალებასთან დაკავშირებულ ვერსიას, შეიძლება ეჭვიც შეგპარვოდა ამ ადამიანის სიტყვებში, მაგრამ ეს ვერსია არის ძალიან მყარი და ძალიან გავრცელებული – ჟვანია გაზით არ გაგუდულა. და მეორე, ის ძალადობრივი სიკვდილით დაიღუპა და ამ საქმეში სააკაშვილია გარეული.
- როგორც აღნიშნეთ, ის, ვისზეც თქვენ საუბრობთ, არის ყოფილი თანამშრომელი. FBI-ს მოქმედ თანამშრომლებს ხომ არ აქვთ უფლება, გასცენ ასეთი ინფორმაციები თუნდაც ყოფილ თანამშრომლებზე?
- ამის უფლება, რასაკვირველია, არ აქვთ. მაგრამ უნდა ითქვას, რომ მსოფლიოში, ანტიგლობალიზაციის პირობებში, მათ შორის სპეცსამსახურებსა და ხალხში სიმართლის დამალვა ძალიან რთულია, მით უფრო, თუ ეს ინფორმაცია ტყუილს შეეხება. თუ დაინტერესება ძალიან მაღალია, როგორც წესი, იმ წრის ადამიანების რაოდენობა, რომელიც კონკრეტულ საკითხში ჩახედულია, იზრდება ხოლმე. თანაც ეს თემა პირდაპირ არ არის დაკავშირებული ამერიკის უსაფრთხოებასთან. დაკავშირებული არის, თუმცა ირიბად. ამიტომაც, ალბათ, ამ ადამიანმა თავის თავს უფლება მისცა, ეს ისტორია მოეყოლა.
- თქვენ თქვით, რომ დოკუმენტი არ შედგა სწორად, ანუ FBI-მ დასკვნა გააყალბა?
- იცით, როგორ არის? ეს მთლად გაყალბება არ ყოფილა, ეს უფრო თვალთმაქცობა იყო. ალბათ, ვიღაცის ნებას დაჰყვნენ. იქ ეწერა, რომ ჟვანია არაძალადობრივი სიკვდილით არის დაღუპული და იქვე ეწერა, რომ გაზის ის რაოდენობა, რაც იმ ბინაში იყო, ვერ გახდებოდა სასიკვდილო. ანუ თვითონ დასკვნაშივე იყო ჩადებული წინააღმდეგობები. ვფიქრობ, ეს შეგნებულად გაკეთდა.
- თქვენ ასევე თქვით, რომ ორიგინალი დოკუმენტი არასწორად ითარგმნა, ამის გადამოწმებაც ხომ მარტივია?
- სწორედ ამ ორიგინალში ეწერა, რომ ჟვანია გაზის იმ რაოდენობით ვერ გაიგუდებოდა.
- ქართული მხრიდან ვინც არ უნდა ყოფილიყო დაინტერესებული, ფიქრობთ, რომ FBI-ზე ზეგავლენის მოხდენა ასე მარტივია? და დასკვნას ასე მარტივად შეაცვლევინებდნენ?
- საქმე ისაა, რომ ქართულ ადმინისტრაციას ზეგავლენა კი არ ჰქონდა FBI-ზე, არამედ ეს იყო პროექტი, რომლის ავტორები იყვნენ თავად ამერიკელები.
- პროექტში სააკაშვილს გულისხმობთ?
- კი, სააკაშვილს. ამერიკელებისთვის ძალიან მნიშვნელოვანია იყო, რომ მათი პროექტი – სააკაშვილი გადარჩენილიყო.
- და მზად იყვნენ, ასეთი დანაშაული დაეფარათ?
- დეტალებზე არ მინდა საუბარი. ბევრად მეტი მოვისმინე იმ ადამიანისგან და ამიტომაც ვამბობ, რომ, სულ მცირე, სააკაშვილი შემთხვევის ადგილას იმყოფებოდა. არსებობს სხვა ვერსიაც, თუმცა ამაზე შევჩერდეთ. სულ მცირე, იქ ყოფნა ნიშნავს, რომ სააკაშვილს პირადად მკვლელობაში მონაწილეობა არ მიუღია. ყოველ შემთხვევაში, მე ასე ვიცი. იმისთვის, რომ პროექტი გადაერჩინათ, უარესისთვისაც დაუფარებიათ ხელი და თან არაერთხელ. ეს დიდი ქვეყნების დამახასიათებელი თვისებაა. ხშირად სახელმწიფო ინტერესებისთვის ხდება ნაკლებ მნიშვნელოვანი სიმართლის შეწირვა.
- შეგიძლიათ გვითხრათ, FBI-ს ყოფილ თანამშრომელს, რომელმაც ასეთი დეტალური და სკანდალური ინფორმაცია მოგაწოდათ, რა ვითარებაში შეხვდით?
- აბსოლუტურად შემთხვევით მოხდა ეს შეხვედრა. მე ვესწრებოდი ერთ-ერთ კონფერენციას და ეს ადამიანიც ესწრებოდა, როგორც პოლიტოლოგი.
- ერთი ვერსია არის ის, სააკაშვილმა ჟვანიას საფერფლე ესროლა. მეორე ვერსია რომელია? როცა ამბობთ, რომ სააკაშვილს პირადად არ მოუკლავს ჟვანია?
- სხვამ ესროლა საფერფლე, ან სხვა რაიმე მძიმე საგანი. მოკლედ, ჟვანიას თავში აქვს ჩარტყმული რაღაც. ასეთი ინფორმაცია მაქვს მისი ახლობლებისგან.
- თქვენი ინფორმაციით, ოთახში სადაც ჟვანიას გარდაცვალება მოხდა, ვინ იმყოფებოდა?
- ჩემთვის არ არის ეს ცნობილი. ჩემი ინფორმაციით, იქ არ ყოფილა მერაბიშვილი, დანარჩენები ვინ იყვნენ, არ ვიცი.
http://primetimenews.ge/?page=3&news_id=19398
ჩემთან კამათისას ნუ ეცდებით იმ იდიოტის როლში აღმოჩნდეთ, გამწარებული რომ ეძებს შავ კატას ბნელ ოთახში, და რომ ვერ პოულობს, რადგან ის იქ არ არის, ისევ მე ნუ დამაბრალებთ, შენ თავად რატომ არ ხედავო?
...
არასდროს დახარჯოთ დრო ახსნა-განმარტებებში, რადგან ადამიანებს მხოლოდ ის ესმით, რისი გაგებაც უნდათ
FBI-ს აგენტი ზურაბ ჟვანიას მკვლელობაზე ალაპარაკდა
